بثر وابو لمبه وحمود السبهه


السلااام عليكم اعضاء ابو نواف

انا بثر  وحبيت اشارك معكم بقصه عباره عن مزيج بين الفقش والمصاله<والله من زين الدعايه بعد


اعلان






^
هذي المقدمه وتراه تخب عليكم بعد

إقرار : أقُر انا القارئ وانا بكامل قواي العقليه وبإختياري على تضيع وقتي وقراءة هذا الموضوع السامج للعضو السامج بثر واتحمل كافه المسؤليه .

قراءة هذا الموضوع يسبب الامراض التاليه :
– هستريا ضحك ( والله من الثقه يا بثر )
– الام بالمفاصل .
– يخليك تقول هههههههههههههه مدري ليه
– التقلب المستمر من الضحك

الكلام اللي باللون الأزرق وبين اقواس مهب لازم تقراه هذي سواليف بيني وبين نفسي ولا له دخل بالموضوع

مده قراءه الموضوع المقترحه : 10 دقائق اذا كنتمنسجم

وجهة نضري ان الموضوع مهب بطوله بل بفكرته و اسلوب طرحه << ( اقول على شحم واكتب بلا تصريف يالزلابه )

شخصيات القصه :
انا في دور انا < تكفى احلف ؟ نوع الشخصيه طعس )
ابو لمبه في دور المخترع نوع الشخصيه ( حضري – الحضري طري والبدوي قوي )

حمود في دور السبهه نوع الشخصيه (طعس للنعله )


في قديم منول من زمااان يعني بالعصر الجاهلي( مهب المغرب الجاهلي ؟ < براااا ) يعني تشووفون الجبل اللي على يمينكم .. ؟ ابد حنا بالقريه اللي على يسار الغابه ( عزيزي القارئ اقر وانت ساكت )
ادري انكم صعب تستوعبون السالفه بس ابيكم تركزون على اننا عايشين بزمن قديم تقريباً عام 1390 << ( تسمع بالقديم يا ولد النيدو )

ابدأوووو قبع الزقاير

في يومن من الايام وانا ادرس حمود السبهه ابيه ينجح عند شيخ الوغدان .. كاسرن خاطري وهو يدرس مع عيالوه الاثول وكنت معصب وقتها من جد … اقوله زرع قل ز ر ع .. يقول ر ز ع يا حمود ركز يرحم ابووك حصد تهجها ياخي قل ح ص د .. قال حمود : ص ح د ت ج ه ج ه ا حموووووووووووووود
وانا وياه على هالحاله .. الا شفت واحد يمشي معوه صندوق اسود يمشي وينشد خلق الله يقول من يشري اختراعي الجديد وشيبان الديره كرشوه كلهم اللي يعطيه نظره تخليه يتراجف من الروعه واللي يهشوه تقل عنمه .
قلت انا : حمود .. قال ز ر ع . قلت : توه تطلع يا سبهه اخلص يالله امش بسرعه خلنا نشوف وش عنده الرجال ذا .. يوم ابعد عن الشيبان والناس اللي بالديره استفردنا بوه .. قلت : وش عندك يا حضري بديرتنا ؟

قال تشترون اختراعي الجديد ؟ قال حمود : ح ص د . قلت : حمود والله مهب وقتك ياشيخ .. وش تقول انت يا حضري ؟ قال تشترون اختراعي الجديد ؟ قلت اوكي بس وش تقول انت (عزيزي القارئ عمرك شفت واحد بالعصر الجاهلي يقول اوكي ؟ اذا قد شفت كمل قراية موضوع المريض ذا ) قال الحضري : والله شكلكم طيبين انتم تعالوا معي ونتفاهم بعدين .. قال حمود : ع ت ا و ل ع م … لا تخاف عزيزي القارئ في هذه اللحضه صطرته كف وتعدل لسانه
اخذنا ابو لمبه معه ورى طعس المجوكر .. اللي اسمه الحين طعس التحدي وفرش فرشه حمرا فيها ورده كبييره( كل تبن ) على التراب وحط عليه الصندوق الاسود وحمود ملزق خشتوه بالصندوق .. والحضري يقوله وخر يا ولد ترى مهب ازين لك .. وحمود معيي يوخر .. شوي الا مد حبل ورربطه على صندوق صغير يقول الحضري اسمه بطاريه ( يامصلي ) هو شبكه بس !! الا وتطلع ذيك اليد من الصندوق اللي تخلي راس حمود دورين وطلع صوت طنننننننننننن
وانقز واقطع الحبل وتنقطع اليد وتطيح على الارض .. الحضري جلس يصايح .. وحمود يتونن .. رحت للحضري قلت سلامات تحضر جن يا مفتري ؟ قال خربت اختراعي يا حقير خربت اختراعي يا حقير .. قلت ايه انثبر مهب اختراع ذا تدريب ملاكمه ..
رحت لحمود صديق طفولتي حمود وش توجس بوه يا عردزي ؟
قال حمود : ط ن ن ن ن .
قلت انا : هههههههههههههههههههههههههههههههههههههههههههههههههه حمووود الله يرجك انتها الدرس من زمان يا لوووووووووووح .

راح الحضري يحبرش بصندوقه الاسود شوي الا ويشتغل الصندوق مره ثانيه ويطلع ذاك اللي انقطعت يده ويرجع ياخذها ويتفل علينا وقال الله ياخذكم رخوم منتم كفو من يمثل لكم فلم اكشن .
انا وحمود جلسنا نناظر حسينا الرجال ذا وراوه سنع حسينا انه قوووي ( الله ابو من جمعكم زلايب )

لحقنا الحضري وتوسلنا اليه وترجيناه تكفى علمنا وش ذا الصندوق حس الحضري اننا زلايب واننا رخوم زيه ههههههههههههههههه وعاملنا المشترك( المشترك العزيز ولا عزيزي المشترك هاهاها << ) اننا كلنا مزلبين من قبل الناس

اخذنا ابو لمبه لبيته وحمود طول الطريق يقولي : بثر شفتني وانا اسطر ذاك اللي طلع علينا وش رايك فيني وانا انقذك يا صديقي حااااااااااامت تسبدي منوه حسيت اني ودي اشبك سلك الصندوق ذاك واخلي ابو يد يطحنوه طحن هالمره
دخلنا البيت والرجال راح يصلح شاهي وحمود يهش الذبان اللي عند باب البيت وانا رحت ازغل بالحمام ( يعني يقالك تقول سالفه صدق وبذمه يا وصخ ؟ هههههههههههههههه ) علمنا ابو لمبه سالفت الصندوق من طقطق لسلام عليكم ودرينا ان هالصندوق اسمه تلفزيون بس هالملعون ابو لمبه مسوي حركات تخلي اللي بالتلفزيون يطلع من التلفزيون ويصير صدق عندك واثره هذاك اللي طلعت يده من فلم اكشن طلعت يده علينا ولا صفى المباقس الا يوم حمود يلزق وجهه
المهم ابو لمبه قال وش تتمنون انتم بس ؟ اطلبوا اي شي وانا احط على القنات اللي تجيبه قلت انا : خيييييير يا ابو لمبه شايفني كونان تقردني بساعه ترش مويه وجزمه تطلع لمبات اذا نطيت قال ابو لمبه : اقول اطلب اللي تبي بس( عزيزي القارئ لا تشره على الامنيه ترى بثر وسبهه وش تبي امنياتهم تصير خخخخخخخخخخخ ) جا حمود بيهرج واسد اثموه واقول : تكفى يابو لمبه ابي ليلى علوي ( يسمعبها من ابو يمن البنشري ) قال ابو لمبه لا يا جدي غشوك فقالوا ليلى علوي ( يلعن امه داشر ذا المخترع ) قلت وش الزين اجل ؟ شوي الا يفتح التلفزيون وتطلع علينا هيفا وهبي وتقولي : بوس الواوا وحنا نرجف بعض انا وحمود برجولنا من يلحق على هيفا الا ويضغط حمود الوصخ برجله على الريموت ويحط على قناة حيوانات شوي الا وتطيح بيضت ديناصور ! جا ابو لمبه دااااااااااعس وغير القناة قال الله يلعن من يمسككم ريموت يا كلاب .
بيني وبينكم اصلن طول الوقت وحنا نبحلق بعطيت الله اللي طلعت علينا ههههههههههههههههههههههه شوي الا ويطلع بوش عندنا ويقلب بسرعه ابو لمبه القنوات الا ويطيح علينا نبيل شعيل يغني الاماكن ! الله يرجه كان سكران ومسكت معه يسوي نفسه محمد عبده ههههههههههههههه
صلحت الموقف انا بسرعه وقطعت الحبل مره ثانيه شوي الا وابو لمبه ينتف حواجبي تبقيس يقول انت من دازك تخرب اختراعاتي؟
مادرينا الا وحمود فالها سواليف مع بوش قلت حمود من ذا اللي تكلمه ؟ قال ذا رئيس امريكا صديقي شوي الا رن جوال ابو لمبه : طلعت ام بوش تقول لو بوش يتتن عندكم بلعن والديكم هههههههههههههههههههههههه طلعت ام بوش قصمنجيه
مالكم بالطويله حنا توهقنا بهالي طلعوا لنا وانحشنا انا وحمود وبلش بهم ابو لمبه

ليل نهار ليل نهار << ( يعني راح يومين بس انا حمار ماعرف اوصل المعلومه )

بثر : حمود قم الله ياخذك على هالسعابيل والله الخوف خوفي ان الابار الجوفيه من انتاجك يا وصخ
حمود : ب و ش الله ياخذك يا حمود وش تحس بوه تكفى ؟ قم قم نروح لخوينا ابو لمبه نشوف وش سوى بالبليه اللي بليتنا به يا ثور

رجعنا لقينا ابو لمبه يلعب بلوت مع بوش وهيفا وهبي وبيضة الديناصور اول مادخلنا سوينا انفسنا ما انحشنا بثر : هاه يابو لمبه كم النشره ابو لمبه : 20 برى لنا والخوي يقولها فرحان الحمار مخاوي بيضه ؟ بثر : ابو لمبه انت تبي الحمام صح ابو لمبه : وخر ياشيخ باقي شوي ونفوز عليهم . بثر : ابو لمبه تعال ابيك صدق . طلعنا برى الملحق . قلت له هاه يابو لمبه وش السوات هالحين وش بتسوي بهالي طلعوا لنا ؟ قال ياخي والله مدري وش السواة انا متوهق العن منك .. وحنا ندير هالنقاش شوي الا فقست بيضه الديناصور وطلع ديناصور صغيييييييييير وديناصوره( ترى عرفنا انها بنت لانها لابسه بكله لا تسيئون الضن ) وعلى طول كانت الديناصوره حامل وكان هذا اول ضب ينولد بالسعوديه وتكاثرت الضبان الان والفضل يعود بعد الله للتلفاز وحنا نسوي احتفاليه بنجاح العمليه الا دخلواعلينا مليون شرطي والرشاشات من كل محل
جا الضابط وتل حمود السبهه مع براطمه( براطمه تقل عروت شاهي تهيضك تمسكهن ) قال الضابط ليه مختطفين هيفا وهبي ؟ قال حمود : يلعن بليسكم يا شيخ بوش بكبره هنا وتسألون وين هيفا وهبي ؟ سوا اجتماع الضابط وجمعنا مع بوش وهيفا والديناصورات
سأل الضابط بوش وش طلباتك ؟ قال بوش ابي اخذ معي حمود ولا منب راجع لامريكا ! ( اثر بوش ورع ؟ ) قال الضابط وانتي يا هيوفه وش طلباتك ؟ هيفا غارت من بوش ليه ياخذ حمود قالت هيفا انا باخذ بثر معايا ع لبنان انا سعبببببببببلت قلت موافق موافق وحمود يناظرني بطرف عين ويقول تخوني تنشبني مع ذا الشويب اخاف اقولكم سأل الضابط الديناصورات وتذبحوني لا تخافون ما سألهم سرحهم بالبر قال الضابط : خلاص حنا بندرس طلباتكم ونشوف حنا نقدر نلبيها ولا لا . انا قلت معصي من طالع من ديرتي ( لان اول شي جا بمخيلتي ابوي وهو يلعن جدفي تشويت شلوطي من لبنان لين طعس التحدي ) قالت هيفا : هتتركني يا بتررر ؟ قلت لا الله ياخذني والله ماتركتس بس وراه ماتجلسين معنا ونعيش انا وياتس وابوي وامي وبساست حارتنا قالت اوكي حبيبي بوش وحمود اتفقوا انهم يروحون لامريكا سوا بشرط ان حمود ياخذ اهلوه معوه

شهر شهر شهر شهر شهر شهر شهر شهر شهر شهر شهر شهر ( يعني مرت سنه بس للحين وانا حمار ماعرف اوصل المعلومه )

حمود صار نائب الرئيس الامريكي جورج بوش وكل جمعه عقب الصلاة يطلعون يتقهوون بملعب الجولف ويجدعون العبس بالجخره حقت الكوره هيفا وهبي لعنت والدينه امي لين صارت تلبس 4 بلايز وبنطلون وثلاث تنانير والبرقع ما ينفك من وجهه وجبنا ولد سميناه سمير ابنو ل بتر والديناصورات صارت تفرفر بالثمامه بعد ما سحبت وزاره المطافي الولاعات اللي باثاميهن ( جمع فم ) وابو لمبه تأدب وصار يخترع اشياء تفيد الدين والديره .

. ما يستفاد من الموضوع . :

.الفائده رقم 98( تسولف على غشمان؟؟؟ ) : طلع المثل الي يقول الباب اللي يجي منه ريح سده واستريح مثل خاطئ لانه لا يحل المشكله فالريح ستستمر تروح وتروح الى ماله نهايه << منين جبت ذا الفايده الله ياخذك

.الفائده رقم 99( لا ماشالله ما ناقزت بالارقام ابد ) : لا تحقر الناس وتناضرهم اقل منك ابد . لانك ماراح تطور نفسك اذا بقيت على هالحال ولا بتتعلم من الدنيا ( كلام كبييييييير ).

.الفائده رقم 100( انحش يالامييين ) : تتعلم يعني مره ثانيه ما تضيع وقتك وتقرى موضوع لبثر

فنش خخخخخ


تعليقات 26

  1. من جد صرت اقول هههههههه وانا مدري ليه الله يوسع صدرك بالعافيه بس اهم شي الفوائد اكيد سارقها من كتاب والا عقب هذا كله تقول هالكلام قووويه:D

  2. اووووف وش ذا الموضوع عجزت اكمله من البثارهـ الي فيه.. بس ما أقول الا لولا اختلاف الآراء لبارت السلع..

  3. سرىى ليلك يالقصة والله انا ابصم بالعشرة إنها قوية من يوم جبت طريى الغضي ولاتعبت

  4. اوقس بالله ان بطل جد القصآ نالت على استحواذن< تسمع بالحكي القصمنجي 🙂 وارد اشكرك على رسمه الابتسامآ بخشتي المتواضعآ 😀

  5. هههههههههههههههههههههههههه والله من المصاله بس خخخخخخخخخخخخخ انا ع ـجزتًٍ آقرآٍهٍ كلهًٍ من جماله

  6. يعطيك العافيهـ والله هسترنا بروح برى بعد 10 دقايق اتعالج برى هههههه ايميل مهستر كالعاده..!!

  7. والله العظيم ان لي سنين بقروب ابو نواف بس والله ان هذا اطلق موضوع قريته مدري ليش مايمديني اكمل سطر الا وضحك الله يعطيك العافيه وطلب لاتحرمنا من جديدك يابثر

  8. الله يلوع كبدك يابثر ،، لوعت كبدي بهالموضوع:D الموضوع به أفكار مجنونة يامجنون إنته B سلمت يمينك يابطل ، وبانتظار جديدك

  9. موضوع للأسف ماصل ولا يليق بهالقروب دور لك منتدى على قدك تكتب فيه خثرقتـك 🙁

  10. ووووووووه بس امطخك اناااا قصمن انوووووه شي يا وووووليه بس على هالموضوووووع :D:D بس تكفى يا خلفهم انت سلملي على هيفااء و حموود

  11. الله من الحوضة اللي جتني من قراية هالايميل:~ اقول ترى مهوب كل من كتب صار كوميدي ووسيع صدر. مافي ايميلك زين الا اسمك ( اسم على مسمى )8)

  12. هذي مشكلة الشباب إذا صار فاضي 8) رح دورلك وضيفه غديك تخف عن البثاره شوي :>

  13. ياخي بقول لك نصيحه لوجه الله دور اي شي ثاني تشغل وقتك فيه غير الاستظراف :~

  14. والله من الخبال الي فيك .. وانا من يووم قريت عنوان الموضوع وانا غاسل يدي بمرق ..

  15. .الفائده رقم 100( انحش يالامييين ) : تتعلم يعني مره ثانيه ما تضيع وقتك وتقرى موضوع لبثر ^ ^ كويس اني قريت اخر شي قبل ما اقرا الموضوع :~

  16. ياخي انت مانت صاحي مره اقول انك مثقف ومره اقول انك راعي علم ومره اقول انك خبل بس تبي الجد انت رايح فيها بالتوفيق ولاتحرمنا من ابداعاتك

  17. انا قلت ههههههههههههههه من قريت اسمك(بثر):$ بس بصراااااحه خلنا من البثاره الا انه يوسع الصدر:D ننتظر جديدك يابثر>>تحسها سبه:$

  18. مع الاحترام لمحاولتك الكتابة بأسلوب طريف .. إلا أن لهذا الأسلوب حدودا يجب عدم انتهاكها .. هناك كلمات غير لائقة تم استخدامها .. .. كما أن القصة بمجملها ليست مضحكة فعلا ..

  19. تفقع بطني من الضحك , على كثر مصالة هالموضوع إلا إنا طلعنا بـ 100 فائدة سبحان الله

  20. في حديث عن النبي صلى الله عليه وسلم في ما معناه ان اللي يكذب ليضحك القوم له وعيد شديد بس ماني عارف تكملة الحديث ردي هذا موجه لكل من بثر و مدمن شاهي وجنط السفينة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

بثر وابو لمبه وحمود السبهه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول