مساااااااااااااء الخير لكل الأحبابــ
يا هلا …
ومليون غلا …
يا هلا والله بأحبابي
كيفكم … ان شاء الله في اتم صحه وعافيه ياااااااارب …
اليوم يا حلوين … راح نكمل معاكم … سلسلة رحلتي لباريس …
ومثلك عاااااااارف … وش الوضع الحين المفروض تكون عليه انت
هالمره جوالك لا تحطه على السايلنت … لالالالالا … هالمره جوالك شل بطاريته
الاناره خافته
الببسي يمينك
المفرحات يسارك
هات بالك … عقلك … فكرك … وقبلها قلبك …. وخلينا مع بعض
اليوم راح نزور
ديزني لاند
نبدا ..!! … ما اسمع
هيا بنا …
من ضمن المخطط اللي كنت راسمه للرحله .. ان يكون اليوم زياره لديزني لاند …
اول شي خلونا نحشش شوي
تعرف ديزني .. اقصد اسم ديزني من وين ماخذينه ؟ … طبعا ما تعرف ..
تخبر انت ديزني عباره عن ملاهي .. ولعب .. واشياء توسع الصدر … وعشان فيها حركه وكيذا … لازم اللي يحضر ديزني …. يصير بعض الاحتكاكات
طيب … امممممممممم … نشوف الاسم من وين اكتشفوه …
( ديزني )
ديز = يعني دف … ( وهو وضع اليدين على خشة احدهم ودفعه )
ديزن = برضو دف
ديزني = وهو برضو الدف
من هنا … اخترعو هالاسم
>>> اقول كمل بلا تحشيش
<<< طيب
بعد ما صحيت الصباح … وخلصت كل الطقوس الصباحيه المعروفه …. قلت بطلع لديزني لاند … نغير جو هناك …
خلونا نتكلم شوي عن ديزني لاند …
اول شي … اعتبر اللي يروح لفرنسا … ولا يروح ديزني لاند .. كأنه ما راح …
ثاني شي … اللي يبي يروح لها يروح وهو مررررروق … عشان ما يتعب حاله ويتعبنا معه
ثالثا … اللي من طقه انا والله كبير … وهذه العاب بزران
رابعا … خطط … خطط .. خطط … لكل شي قبل ما تروح لديزني … كيف تخطط … يعني قبلها بليله .. ادخل الموقع .. او اطبع أي تقرير .. المهم عشان تكون مخطط كيف تستغل ديزني صح … صدقوني فيه من يروح لها .. واول ما يدخل يفك خشته
خامسا … اذا نويت تروح ان شاء الله .. رح بدري …. لا تسوي نفسك فاهم
سادسا … بخصص اللبس .. حركات التكشخ .. والحزام فوق البطن
هنا لالالالا .. البس اخف شي عندك .. او بالاصح … اللبس اللي تحس انك مرتااااااااح فيه .. وتقدر تروح وتجي …
سابعا … اذا كنتم قروب .. تقريبا 7 او 8 … افضل شي التوزيع … يعني كل 3 .. او 4 مع بعض .. عشان يكون اكثر حريه .. ومتعه .. وبينكم الجوال
ثامنا … فيه كتاب عن ديزني .. باللغه العربيه .. مررره حلو .. انصح أي واحد قبل ما يروح ينزله ويطبعه … وحملته لكم على الموقع … وهذا هو الكتاب …
وهذا برضو موقع ديزني … ادخله وتلاقي اشياء حلوه ..هونا …
هذه بعض الملاحظات اللي حبيت اذكرها في بدايه الموضوع ..
موضوع ديزني راح ينقسم الى قسمين …
لأن والله الصور كثيررررره
هذا شي …
الشي الاخر .. ديزني .. صراحه انا رحت لها مرتيــــــــن
خلونا الحين … نرقى فوق شوي .. عشان نشوف ديزني من فوق كيف جاي تقسيمها
ابد .. ما هنا فرق عن ملاهي الربوه … الا هالخضار
مثل ما انت شايف في الخريطه … ديزني مو بس ألعاب … لالالالا … ديزني تضم قسم الالعاب .. وجنبه استديو ديزني … وجنبهم .. مركز التسوق … وبرضو حولهم فنادق .. اللي يبي يسكن هناك كم يوم … حتى الي يشيل شناطك من عائله آآآآل ديزني
قسم الالعاب والخبال .. هذا اهم شي … وتشوفه في الخريطه مكتوب عليه منتزه ديزني لاند …
استديو ديزني …
هذا امممممم .. هذا يصلح للاطفال اللي اعمارهم 8 سنوات واقل … تقريبا يعني … لأن فيه سينما تعرض افلام ديزني المعروفه …
وفيه بعض الاماكن … اللي تشوف فيها كيف يصورون افلامهم …
المكان حلو .. بس لا تخليه من اولوياتك … الا اذا كان مع دقرش … ( أي اطفال صغار )
انا هالمكان ما دخلته صراحه … فكنسلته من جدولي …
اول روحه لي لديزني .. قلت ما راح ادخل المنتزه
اول ما وصلت هناك .. لقيت سوق كبيررررر … مثل القريه صغيره .. تبيع منتجات ديزني … شي خيااااال صراحه … تعيش جو … خلونا نشوفها حبه حبه .. مع الصور .. بص معايا يا باشا …
هنا اول ما دخلت الفيليج … كان الجو خياااااااااالي
اول ما تدخل .. يقابلك مجمع السينما على يمينك … ابد حط حجاجك الايسر هنااااااااك
تعرض فيها برضو .. اهم الافلام اللي انتجتها شركة ديزني ….
تمشي شوي … تلاقي جنب السينما .. مطعم بلانيت هوليود
ع طاري هوليود
المهم وانت تمشي في هالقريه … تحس بمتعه … اول شي كان المطر ينزل على خفيف
وش نوع هالمحلات اللي تشوفها …! … المحلات جزء كبير منها يخص ديزني .. منتجات عليها شعار ديزني … والجزء الاخر فيه كوفيات … ومطاعم .. فيه سينما … وبرضو فيه اشياء حلوه كتير كتير ابن عمي
شوف مثلا هذا…
وتلاقي كل مطعم له ستاااايل روووووووعه
هذا المدخل … حاطين بعض الاشياء يبيعونها في المدخل … بعد ما تدخل شوي … تحصل كل طاولات المطعم .. بالخشب … وعلى شكل غااااااابه .. والاصوات حولك … قوقوقوقو
شوف الجلسات
وانت طالع … تشوف تمسااااااااااااح
طبعا كأنه صدقي
المهم خلونا نمشي شوي بعد …
ايه ايه … فيه محل راااااااااايق .. محل كاوبوي … تخبرون اول حقين فلم كرتون
هذولي لهم محل برضو … يبيع كل منتجاتهم .. خلنا ندخله سوا ..
ولما تدخل تشوف …
اول ما تلبس هالكاب … كيذا يجيك احساس داخلي
وهذه بعض منتجاتهم عارضينها برى …
تقدر تكتب اسمك .. او يعني حركات هدايا …
وانت طالع من هالمحل .. جنبه على طووووول … جدارن بجدار .. تلاقي كوفي تابع لهم .. برضو عندهم حركات الطع طع
وبرضو هناك .. محل تصوير … لو نقصك بعض الاشياء لكاميرتك … شوف معايا المحل …
شوفو الركبه ورديه
<<< بينجلد
اممممممممممم .. ايه .. فيه هذا الكوفي .. برضو حلو ..
وانت تمشي تمشي … تشوف قدامك مثل البالون .. كبيررر .. تقدر تركبه … ويطير بك فووووووق .. وتشوف ديزني من فوق … من جد شي رووووووعه … بوص …
شعور راااااااائع
لا تفوت شي … كل شي اركبه .. وكل شي جربه … واستمتع …
المهم وانا امشي .. .. التفت يمين .. الا حسيت قلبي يقول .. طربق طربق
اكوس مطعم في الكره الارضيه …
دخلته .. وطلبت وجبتي المعتاده .. ماك رويال
ورد .. جلس عند ورد ..
<<< براااااااا
بعدها طلعت وكملت المشي … وصلت لمحل … هو زبده المحلات كلها
هذا اذا رحتو له .. لا تطلع الا معك 3453562 كيس
ونادر ما تلاقي مكان واحد فيه كل هالاشياء .. اول ما تدخله .. يقابلك هالاطخم
بالحضن يا باشا .. بالحضن بالحضن
كنه كنه كنه ههههههههههههههههههـ …
خلونا نلف في المحل و نشوف بعض المعروضات …
هذه شنط للبنوتات
وهذه برضو حلوه …
وهذه منظره وملمسه يجننننننننن
وهذه ملابس للبيبي …
وامشي شوي .. والاقي منظررررررر .. كيذا جا في نفسي .. اني انــــــــط فوقهم
عمبيتجننننن
وهذه شباشب بنوتيه .. كيوت كثير … تصلح داخل البيت .. بوص .. لالالالا وشو بوص
ناااااااااااعمه .. ومريحـــــــــــه
طبعا المحل كبير .. وفيه اشياء كثيره … مثلا فيه اقلام .. دفاتر .. شناط .. جزم .. تي شيرتات .. هدايا .. اكواب … ميداليات .. نظارات … كتب .. سيديات … كبده .. شكشكوه .. جبن
كل كل كل كل شي مطبوعه عليه شعار ديزني … وبشخصيات ديزني …
شوف معاي المحل من فوق … طبعا كبير هو تعلقت فوق
وانت طالع من المحل .. فيه شي لالالالالازم تشتريه
.. تشتريه … وتربطه في يدك … عشان اذا ضعت والا شي … ناقز اكثر من مره
ايوه وين وصلنا …
المهم بعد ما تقضيت من هالمحل .. طلعت .. والاقي واحد يسوي هدايا .. بس بشكل ثاني … شوف معاي ..
هذا ابو صلعه الله يخليه لأميمته
رااااااااااااايقهــ
الله الله .. مرررررره حلوه …. وسعرها مثل ما انت شايف .. تقريبا 100 يورو .. يعني حول 550 ريال … مو مشكله الدراهم .. انبسط اهم شي
وهذه صوره ثانيه لنفس المحل … وفيه بعض الحركات اللي ممكن تختار اللي تبيه ..
بعدها كملت جولتي … بعدين قررت انه يكفي الوقت اللي قضيته في شوبينق ديزني .. وقلت بكره اجي بدري برضو .. عشان ادخل قسم الالعاااااااب .. وتبدا المغامرات
طلعت من هناك .. وهذه صوره ختاميه للمكان …
اللي ما يعرف يقرا انجليزي … مكتوب شكرا يالمايسترو على الزياره .. ولا تنسانا باتسر
المهم .. طلعت من هناك .. ورحت محطه القطار … عشان يرجعني لوسط باريس …
اييييييه .. اصبر اصبر
يوم جيت برجع لوسط باريس بالقطار … رحت بقص تذكره الرجعه … المهم قبل ما اقصها … تذكرت ان القطار يتحرك 5 ونص … واللي بعده يتحرك 6 … جلست اطالع في ساعتي .. لقيتها 5:28 دقيقه
اممممممممممممم .. وش اسوي .. وش اسوي … ما ابي اجس نص ساعه انتظار …
طبعا حكيت راسي شوي ..
واطالع البوابات اللي تطلعك للقطار … شوفها تشبه لهذه …
شوي .. وتجي عجوز .. تمشي صفر
واروح وراها بسرررررعه .. وتدخل البطاقه وينفتح الباب … وتدخل هي .. وانا وراها على طول .. يوم سكر .. طبعا يالله لحقت
وطبعا وقتها انا مبسوووووط
يوم وصلت لي .. وطبعا كشرتي ما زالت
قلت والله يا اوخيتي ما عندي الا هذه .. تبينها والا نزلوني
قالت مالك الا تختار حل من ثلاثه … يا انك تعطيني التذكره الصحيحه الان .. والا تدفع الغرامه .. والا اول ما نوصل المحطه الجايه .. مضطره اسلمك للامن اللي هناك وهم يتفاهمون معك ….
قلت ايوووووه .. الدعوه فيها الناصريه
وقتها طبعا الكشره رااااااحت
بعدها وصلت للفندق .. ودخلت … وتحممت … وريحت جسمي شوي .. واخر الليل طلعت اسهر سهره خفيفه برى
اليوم يا حلوين .. وصلنا لنهايه الجزء الاول .. من حلقه ديزني …
واتمنى من كل قلبي …. انك غيرت جو .. وانبسطت
وقبل ما تروح .. فيه شي حلو
هالمره كل بيدك صراحه .. مافيني حيل كل مره اجيب لك ملعقه
ايه ايه … اليوم نبي نغير المشروب … فيه كابتشينو .. يحبه قلبك
ا س ت م ت ع
في الحلقه القااااااااادمه … راح ندخل للالعاااااب
وبرضو راح نشوف شخصيات ديزيني .. و أولهم …
كووووولو … كووولو … كوووولو … في الحلقه الجايه
كونو معناااااااا …
اشوفكم على خير …
دمتم في أمان الله وحفظه
لكــ
المايسترو
Al-Maistro.Com
::
متنفسـ
ابعتذر..
عن كل شئ ..
الا الهوى ..
ماللهوى عندي عذر ..
أبعتذر .. عن كل شئ ..
الا الجراح .. ما للجراح الا الصبر ..
ان ضايقك اني على بابك أمر ..
في ليلة ألم ..
و اني على دربك مشيت عمري و أنا ..
قلبي القدم ..
أبعتذر .. أبعتذر .. كلي ندم ..
أبعتذر ..
عن كل شئ ..
الا الهوى ..
ما للهوى عندي عذر .
