باريس .. عشقتك قبل ما شوفك .. وشفتك صرت كلي حلم (ج2)



اعلان





مساااااااااااااء الخير لكل الأحباب ..
مسااااااااااااء الورد لكل الأصحاب …
مساااااااااااء ما يليق إلا بأحبابي … انت .. وأنتي …
يا هلا والله ومليون غلا …
يا هلا والله باللي يبردون القلب ….

اليوم نكمل مع بعض … الحلقه الثانيه … من حلقات رحلتي لباغي ….
قبل ما نبدا .. ما راح اوصيكم … انا عني كل طقوسي معي … هالاطخم الازرق جنبي …
وهالفيليك يقول بس اقرب انت ….
نبداااااااااااا ..!! ….
هيااااااااا بنا ….

بعد نومه ألييييييمه يوم امس … لأنها كانت على سرير مدري وش انهم حاطين لي فيه عيال شيراك .<<<< أي واحد فرنسي يعني ولد شيراك ….
المهم كانت نومه أليمه … صحيت على الساعه 8 الا 7 دقايق … اول شي موعد نفسي في السفر اصحى بدرررررررري … احب البدري .. لو ما نمت الا الساعه 2 او 3 بالليل .. ما عندي مشكله …
ثاني شي … انا ناوي اصلا اصحى الساعه 8 … فليش حطيتها على 8 الا سبع …. عشان اذا رن منبه جوالي … اقول له شوي ابي انام .. واطفي المنبه .. وانام شوي .. بعدين يرن مره ثانيه .. اقول له اصبر شوي يرحم والديك
بعدين انام شوي … ليييييييين امل منه والا يمل مني .. واصحى … تكون الساعه كم !! .. تكون الساعه 8 … وهي اللي ودي اصلا اصحى فيها ….
المهم ما عليكم من اللي فوق …
صحيت .. وتحممت .. وضبطت اموري … طبعا … فنادق هالباريس … مو مثل فنادق بريطانيا
) … ابي اصلح لي كوفي … ما لقيت الكوفي ميكر …. قلت لابوهم لابو ببوهم … حلوه التعصيبه على الصبح …. المهم وانزل ووجنتاي محمرتين من التعصيب … واروح لستار بكس اللي جنبي … واتقهوى .. وخلاص … ستار بكس هذا .. صار مكاااااااااني
كل يوم الساعه 8 ونص
بعد ما روقت على الكوفي .. وعلى التوفي … قلت الحين بروح لمكان .. حلو كثيرررررر … وفيه متعه حلوه … وهو ما يسمى … حي الرسااااااامين …( كانك تحب الرسم .. والا رسام .. راح تفلها اليوم ) …
طيب وين هالحي فيه …!! … بوص معايا يابني …

( وانا اضبط في الصوره … كنت مشغل روتانا خليجيه .. فجت اغنيه سواها قلبي … فجلست الغرفه تهتز .. واهتزت الصوره معها)
<<<< برااااااااااا
المهم … مسكت الاندرقراوند … ورحت للمكان هذا …
المكان هذا وشو .. هذا مثل الحي صغير … ومثل ما تقوى بطحاء باريس … بس مافيه ابوهنود …لالالالا …. فيه ابوفرنوس ههههههههههههههـــ …
المهم هالمكان فيه ثلاث اشياء حلوه …
الشي الاول مكان فيه 34593459 رسام ) …. ومو أي رسام رسام … لالالالالالالالا .. رسام رسااااام …<<<< ترى في هالجمله صوت عشان يعني وشسمه
وغير الرسامين .. فيه المطل .. اللي تشوف من خلاله بااااااااااااااااااريس .. من فووووووووووووأأأ … اوي اوي … … منظر عمبيجنن كتير كتير … …
وغير هالمطل … فيه كنيسه كبيرررررره … نبي نشوفها مع بعض …
المهم اول ما وصلت قابلتني هاللوحه …

وهذا مع العالم وحنا نمشي …

والجو كان رااااااااايق كثيررررر .. والعالم بس تمشي .. وتمشي .. ناااااااس تحب المشي

المطل هذا او الحي … على ارتفاع كبير … فيا انك تصعد الدرج الله لا يهينك .. والا فيه مثل التلفريك كبير شوي .. تركبه … خلونا نشوف مع بعض …

هذا التلفريك … يصعد بك فوووووووق .. وكان لياقتك حلو … يالله شغل وارقى .. شغل نفسك طبعا …

اول ما توصل فيك … تشوف باااااااااايس من فووووووق .. منظر خياااااااااالي .. والهواااااااا البارد يضرب في وجهك … تاخذ نفس عميــــــــــــق

وهذه صوره ثانيه من فوق …

صراحه تحس بجو خياااااااااااالي بينهم … هالرسامين يرسمونك لو تبي … او يبيعون بعض المناظر اللي عندهم …

طبعا الرسمه حسب اللي تبي يرسمونك .. ملونه … والا اسود وابيض … والا اللي تبي … وكلن بحسابه طال عمرك) … بس فيه نقطه بنبه عليها … بخصوص الاسعار .. اسعار الرسم ايه … الاسعار يلعبون فيها لعــــــــب … من جد والله .. اذا قال لك سعر كيذا .. اخسف به النص … شرط يوافق ….

خلونا نشوف مع بعض كم صوره من رسم هالمبدعين …
( استخدمت العزل بالفوتشوب … عشان تكون احلى )

وشوفو هنا ….

يا عيني … يا عيني … فن … ف ن …. تخلي الواحد يجلس بس يتفرج على هالحركاااااااااات …
وشوفو بعد …

هالشاااااااااايب رسام .. واعجبتني لوحاته .. لكن نفسه في خشمه … جالس اسولف معه شوي .. يعني كيف جاك ايحااااااء رسم هالصوره …( ترى كلمه ايحاء .. ادري انها قويه .. بس جتني هناك سبحان الله ) …..
المهم بسأله كيف جاك ايحاااااء رسم هالصوره … مدري رد علي من طرف خشمه …. اصلا معظم الفرنسيين كيذ ..
قلت ااهااااااااااا بس… ادري انك دايم تحب ترسم .. وترسم على اللوحات … بس الظاهر ما قد احد رسم على خشتك ..!! ….
طبعا قلتها في نفسي .. لوني قايلها قدامه .. كان الحين تشوفني معلق جنب لوحاته … اشتر أي لوحه .. تاخذ المايسترو مجان …

خلصنا من هالشايب … نشوف رسمات ثانيه …

ابدااااااااااع .. منقطع النظير …. <<<< لا هين الولد بادي يذب كلمات

وهذه ….


اول ما شفتها … حسيت كأن واحد يرجم بيض من ور
بس حلوه الصوره

وهذا بعد خقيت عند رسمه …

وهذه مرررررره عمبتجنن …

بعد ما شفت جزء من الرسامين … قلت بروح اكل لي شي … بعدين اجي اشوف رسامين الوجييه … يعني اللي تجلس عنده ويرسمك …

رحت وتغديت في هالمطعم …

طبعا المطاعم هناك … اذا المنيو مافيه صور … فراااااح تغامر صراحه … لأن ما تدري وش تطلب … لكن الحمد لله ان مفرحاتي كانت معي … فهي صارت غداي .. احسن من غداهم …

بعد ما تغديت .. ايه ايه .. تذكرت شي … أي والله تذكرته . … اول ما تغديت وكيذا .. لقيت وحده تشحذ … لكن بطريقته … شوفها معي
..

بالله شوفو كيف جااااااااي … انا الى يومكم مدري هالمويه اللي تطلع من وين تطلع … وهالمويه وين تروح اييييييه اوكي تروح لهالطاسه … بس ليش ما صارت مليانه
يعني فتره جلست تصب فيها المويه ولا تحرك مستوى المويه ابدددددددد … غير كيذا . البنت نفسها ما تحركت .. والناس تطاااااااالعها
قلت انا خلاااااااااص .. مسكت معي … خلاص مسكت وخر عني … اقول لك وخر خلاص مسكت لا تدفني <<<< يكلم نفسه بسم الله الرحمن الرحيم
المهم اقول لكم مسكت خلااااااااص .. الا شايفها تتحرك يعني شايفها تتحرك … يااااااااااا شيخ ولا اتحرك من مكاني قبله … لو انام في الكنيسه
واجلس .. واجلس .. واجلس .. احتريها تتحرك .. ماااااااااش .. ما تحركت بنت شيراكه … واجلس واجلس … ليييييييييين تحركت … واصورها …

طبعا راحت تدخن .. هالتتانه … تحب التتن… وانا اطلعها من بعيييييييد .. اقول لها .. لا تدخلين مزاجي مرتن ثانيه لأوريك شغلك .. سااااااااامعه !!
احبني وانا اهاوش ….
المهم بعد ما خلصت من هالتتانه الذهبيه … قلت برجع اشوف اللي يرسمون الناس … اللي هم الرسامين … وارجع .. واصور كم صوره … بوص معايا حضرتكــ ….

هذه لحقت عليه في البدايه … بس شغله نظيف …
وهذه …

يا حوبي لهاااااااااا … كيوت وهااااااااااااديه …
وهذه …

… كله تفااااااااااااؤل وثقه في نفسه
بعدها مشيت شوي .. لقيت واحد يكتب اسمه بطريقه فنيه حلوه … شوف معايا …

يعني يرسمه على شكل عصافير ووورد .. وحركات يعني … بس تطلع مره حلوه
بعدها حسيت اني تعبت شوي …. قلت بجلس هنا ..

جبت لي ببسي باااارد …. واجلس .. واشغل الامبيثري … واجلس اسمع .. واعيش جوي … لييييييين غابت الشمس … وبعدها رجعت للفندق …

الى هنا يا حلوين … نكون وصلنا نهايه حلقتنا الثاااااااااااانيه … ان شاااااااااء يارب .. يارب … تكون انبسطت .. وغيرت جو …
واتمنى من كل قلبي … ان تكون متاااااااابع معنا … لأن متابعتك .. تعطيني دافع انت ما تتخيله

خلاص ودك تمشي …. ما ودك بشي يعني كيذا والا كيذا … ايه ايه .. شي يبرد على قليبك بعد هالمشوار اللي فوق ….
عاد اليوم جايب شي .. مرررره احبه … وخاصه اذا كان بااااااارد … هات ملعقتك … وقرب .. بس بشويش …

يا عليها طعم ….
هني وعااااااافيه على قليبك

اشوفكم على خير …
دمتم في أمان الله وحفظه
لكـــ …. انت بس … مو لغيركـ….
المايسترو

متنفســــ

عليه ما اوصيك لا صار جنبك
صبح عليه بحب و بحب مسيه
نبضه وفا و تضحيه كانه يعجبك
صافي و لكن ما لقى من يصفيه
خلى دروب الكل و اختار دربك
داريه تكفى قد ما فيك داريه
و ابشر بقلب ٍ ما يبي غير قربك
يموت و غير محبتك ما سكن فيه

WwW.Al-Maistro.CoM


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

باريس .. عشقتك قبل ما شوفك .. وشفتك صرت كلي حلم (ج2)

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول