باريس ، قصة عشق لاتنتهي ج5


عودة مع الجزء الخامس من رحلتي الى باريس
يومنا الرابع هناك كنا مخططين له كـ التالي :
زيارة متحف اللوفر + المسلة المصرية وساحة الكونكورد + حضور مباراة
فرنسا ونجوم العالم للاحتفال بـ مرور عشر سنوات على فوزهم بـ كاس العالم
تفاصيل وصور الاحتفال في الجزء القادم ان شاءالله

صحينا صباح يوم السبت وانطلقنا بـ المترو لـ محطة Palais Royal Musee de Louver
والموجوده على الخط 1 ،، اتجهنا لـ متحف اللوفر وكان الشعور غريييييب و كأنه حلم
خصوصاً للي قاري رواية شيفرة دافنشي لـ دان براون راح يحس بـ احساس غيييير

من جد كنا نمشي في المتحف ونتذكر كل التفاصيل المذكورة في الرواية
وأحلى شي في المدخل يوم شفت الهرمين المتقابله فزززز قلبي




هذا بهو المتحف وسقفه عبارة عن هرم زجاجي ضخم بعد شوي راح تشوفونه اوضح
وفي النص موجود الاستعلامات وعندهم خرايط توضيحية للـ متحف بـ جميع اللغات

وعلى اليمين مكاهنا من وسط البهو وتحت الهرم مباشرة

طلعنا درج صغير تشوف منه ساحات المتحف والنوافير اللي براللي وراها الخريطة التوضيحية وفيه مساحه صغيره للي يبي يتصور

هذا البهو من فوق

يتكون المتحف من ثلاث أجنحة رئيسية :

والممر عبارة عن مجموعه من التماثيل

تشوفون اللي هناااااك فوق وعنده الزحمهية :
هذا تمثال انتصار ساموثراس winged victory of samothrace الشهير

كملنا مشي وتفرج على اللوحات والرسومات والتماثيل

هذي لوحة Madonna of the Rocks المعروفه للـ فنان ليوناردو دافنشي تشوفون اللي هناااااك فوق وعنده الزحمه
هذا تمثال انتصار ساموثراس
Winged Victory of Samothrace الشهير

كملنا مشي وتفرج على اللوحات والرسومات والتماثيل

كملنا مشي وتفرج على اللوحات والرسومات والتماثيل

هذي لوحة Madonna of the Rocks المعروفه للـ فنان ليوناردو دافنشي
وبرضو مذكوره هـ اللوحه وتفاصيل عنها في دافنشي كود

والحين وصلنا لـ أهم شي في اللوفر

ترارارا <<

معشوقة الجماهير الموناليزا

وفي روايه ( الجوكوند )

طبعاً عندها زحمه وعالم تصور وتتصور معه
وتلاحظون حاطين عليها عازل زجاجي لان حسب ماسمعت
ان كثرة فلاش الكاميرات مع مرور الوقت صارت تأثر على اللوحه و ألوانها !
هنا الموناليزا عن قرب

و اقرب

بعد اقرب

وفي كل مره اقرب دقات قلبي تدق بسرعه
من جد شعور واحساس ثآآآآآني

الموناليزا أعظم لوحة فنية بـ العالم بيني وبينها كم متر بس !

شوفوا وش كثر اللي يصورونه

وهنا لقطة وداعيه وخنفشاريه للموناليزا على جنب 

كملنا طريقنا وكنا ناوين نروح للـ قسم الاسلامي في جناح ريشليو
سألنا واحد من اللي يشتغلون في المتحف وكان عربي قالنا ان القسم الاسلامي للأسف مغلق 

هنا أحد قاعات المتحف .. يعجبني كثير اهتمامهم بـ أدق التفاصيل في النحت او الرسومات
يعني تشوف السقف والجدران كلها متعوب عليه
هنا خقيييييت مع الصقور الذهيبه اللي فوق

هذي وحده من اللوحات الضخمه جد
أعجبتني وحسيتها تصور لحظه تاريخية مهمه
لان الحرمه راكعه ويلبسونها تاج 
بس بصراحه ماعندي أي خلفيه عن اللوحه او الحرمه من تكون

وهنا اطلالة من الشباك على الساحات اللي برا وعلى الآهرام الزجاجية الثلاثة
هناااااااك داخل الهرم الضخم كنت اصور الصور الموجوده بداية هـ الجزء

هذي الأهرامات الزجاجية بنيت حسب تعليمات الرئيس الفرنسي الراحل فرانسو ميتران
اللي كان يحب الآثار المصرية وحب يسوي زي اهرامات مصر لكن زجاجية
الهرم الرئيسي ضخم جداً .. مبني بـ استخدام 666 لوح زجاجي !

مجموعة من التماثيل المنحوتة بـ دقة عالية
تماثيل الخيول أنواع الخققآآآآآآآن

هنا غرف نابليون الثالث

اعجبتني الحركه

وهذي صورة نابليون الثالث

طاولة الطعام

اتحداكم تعدون كم كرسي موجود

يمديكم ع التسريحه

اطلاله مع الشباك والجو كان غيوم ومطر خفيف يعني شويه عليه يخقققققق
اشوا اننا خلصنا من المتحف قلنا لايفوتنا هـ الجو الرآآآآآيق بر

على طول طلعنا

هذي ساحات المتحف والاهرام والنوافير

والعالم اللي تصور وتستهبل << ترى موب حنا اللي بدينا خخخ

آخر لقطه وداعيه للوفر

وهنا قوس كاروسيل المقابل للـ متحف

وهذي حدايق التويلري والملاهي اللي ورا متحف اللوفر

في هـ اللحظه والمكان تذكرت وصف روبرت لانغدون بطل رواية دافنشي كود
يوم قال انه في مجال يشوف أربعة من أشهر متاحف العالم !

على اليمين متحف أورساي وعلى اليسار متحف الفن الحديث في مركز بومبيدو
وبالخلف جهة اليسار المسلة المصرية المشيرة لـ متحف جو دو بوم
أما بالأمام فـ أشهر متحف بـ العالم متحف اللوفر !!

لقطه انسداحيه ع الطاير

مشينا متجهين لـ المسلة المصرية وساحة الكونكورد


وصلنا


وهذا برج ايفل من بعييييييد

احد الأنفاق وتشوفون طرف اللوفر في آخر الشارع

قصر الكونكورد

وهنا متجهين لـ احد المحلات الخطيييييييره
ثم حضرنا زواج بـ الصدفه في الكنيسه هذيك اللي هنااااك

باقي التفاصيل والصور اذكرها في الجزء السادس ان شاءالله

استودعكم الله و أتمنى يكون الجزء الخامس نال اعجابكم واستحسانكم

أشوفكم الاسبوع القادم يوم الاربعاء بـ إذن الله ،،
كونوا بـ القرب دائماً


تعليقات 8

  1. ما انصح حد يروحة لانه مليان تماثيل خليعة بس جزاك الله خيييير على المجهود… وانا اضم صوتي معك بأن باريس جدا روعة

  2. شكرا علي المجهود الحلو امنية حياتي اروح باريس وبصراحة شوقتني اكثر لها وعقبال ما اشوفها علي الطبيعة

  3. وااااو شكل المتحف خياال من جد تذكرت الرواية الجو عندهم فتنة:( يالله الجنة ونعيمها تصويرك جميل ماشاء الله عليك 8)

  4. ماشاء الله الرحله روعه ونااااسهوفله .. يا بختك شفت باريس صور روعه خقوووووووووووووووق فاتي

  5. هلا وغلا اخوي واشكر لك شرحك المفصل وتصويرك الواضح جدا وبقولك شي على فكره انا زرت باريس وزرت كل هالاماكن بس انت وضحت لي اشياء كثيره زرتها ماكنت اعرفها ونا حديثة عهد بباريس توني راجعه من اسبوعين بس من جد صحة يمينك عالتصوير متابعه على طول تقبل مروري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

باريس ، قصة عشق لاتنتهي ج5

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول