باريس، قصة عشق لاتنتهي ج2


عودة مع الجزء الثاني في باريس وبـ التحديد ديزني لاند
في الجزء الاول كنا في ديزني لاند ستوديوز
بعدها طلعنا لـ ديزني لاند بارك ،، هذي بوابتها من بعيد


اعلان





تشوفون البلاط الاحمر هناك
يوم وصلناه لقينا كل بلاطه مكتوب عليها اسم شخص و دولته !!
عاد لقيت واحد سعودي

مدري وش قصتهم هـ اللي كاتبين اساميهم
يعني متبرعين والا مشاركين في شي لـ ديزني ؟!
والا يمكن اكثر ناس لعبوا في ديزني << لاعاد تفكر

وصلنا البوابة

اول ماتخش

بعدها تشوف قلعة ديزني من بعيييييييييييييد والعالم زحممممه
هذا وحنا جايين يوم خميس اجل لو كان يوم احد وش بيصير !!

على امتداد هذا الطريق فيه مطاعم ومحلات يمين و يسار

قربنا من القلعه
الرقم 15 لان ديزني احتفلوا بـ عيدهم الـ 15في عام 2007

متجهين للـ مدخل

هذي القلعة من جوا

جيت بـ اطلع فوق لقيت البنوته هذي جالسه يعني كنها تقول صورني
قلت والله ماردك << تراها صوره

نظرة على البارك من أعلى


نزلنا وتمشينا
جلسنا شوي عند هـ النافورة

وصلنا لـ قراصنة الكاريبي


أحلى شي الجمجمة شكلها خطيييير

دخلنا الكهوف
مدري ليه كان برررد جوا

طلعنا مع الجهه الثانيه فيها جسور خشبيه و حبال و غابات
بصراحه فلللله المشي على الجسور هنا
تحس لو واحد يتحمس والا يغلط على طووول بـ يجي على وجهه





هذي لعبة Space Mountain
كنت متحمممس لها كثيييير مدحوها لي
بس القهر كانوا يسوون لها صيانه ذاك اليوم

مشينا شوي الين وصلنا لـ بحيرة فيها قوارب و بط

شوفوا البطه ذي ساعه تحاول تمسك التفاحه ماقدرت

قدام البحيرة لعبة Big Thunder

دخلنا اللعبة ومسكنا سرا كـ العاده
بس من جد طولنا فيه كانت زحممممه مررره

أخييييراً جا دورنا


اللعبه حلوه بس قهر ماتستاهل كل هـ الانتظار

بعدها جلسنا في مكان حلووو و هآآدي
نريّح وناكل من الخفايف اللي معنا

بعدين رحنا لعبة Indiana Jones
كنا بـ ندخلها بس شفنا زحمه وطوابير وشكلها زي اللعبة اللي دخلناها آخر شي
قلنا بـ نتمشى ونشوف المحلات اللي عندها احسن


شفنا مطعم هاكونا ماتاتا تذكرت تيمون وبومبا على طوول
عاد وش بـ يصير الاكل كله خنافس و حشرات

بعدين وصلنا لـ منطقة تحسسك بـ الانتماء
من جد يوم شفت المباني فزززز قلبي
كل شي مسوينه على الطراز العربي

حتى الحمامه لابسه نقاب << لايكثر






الكرسي مسوينه على شكل بعير
عاد شفت هذي ضااااااربتها نومه لهالدرجه مريح يعني خخخخ

الحين جاء وقت الاستعراض الكبير ومسيرة لـ شخصيات ديزني
شفنا العالم كلها متجممممعه و زحمممممه

تستطيع
* اضغط على الصورة لـ رؤيتها بـ الحجم الأصلي

بدا الاستعراض
شخصيات ديزني تجي بـ الدور



  لقيت بنوته صغيره لابسه فستان سنووايت
جاااااازت لي

سيمبا و شلته وصلوا يا قدعااان


سنووايت و اللي قدام الجميلة والوحش

بعدها خلص الاستعراض
طبعاً هو طوّل و جابوا شخصيات كثيييييرة بس عشان ماطول عليكم حطيت أشهر شي

شوفوا زحمة العالم يوم خلص


الحين بـ نطلع من البارك

دخلنا محل فيه قسم خاص لـ ملابس و اكسسوارات قراصنة الكاريبي
شرينا منهم حركات حلوة تصلح هدايا خصوصاً لـ عشاق الفيلم

طلعنا من البارك وهذي الـ Village فيها مطاعم وسينما
لكن مادخلنا جوا كنا تعبااااانين و نبي نريّح قلنا مالنا الا الفندق

ودّعنا ديزني إلى لقاء آخر بإذن الله
ركبنا المترو و رجعنا الشانز
بـ طريقنا للـ فندق معرض لوي فيتون

رحنا الفندق و تسدحنا شوي و بدّلنا ثم طلعنا نتمشى ع الشانز
و تعشينا في المطعم المشهور Pizza Pino
أكلهم روعه و أسعاره جداً مناسبة واللي يشتغلون فيه أغلبهم عرب
أصلاً باريس كلها عرب مو بس سيّاح حتى اللي يشتغلون في المحلات
يعني اللي يروح مايعرف انقلش ولا فرنسي راح يمشي بالعربي بالرااحه

والله يا ضحكنا ضحك في هـ المطعم تشوفون كيف الجلسات الخارجية قريييييييبه من بعض
خطر بس لاتاكل من عشاء اللي جنبك وانت ماتدري
المهم كنا جالسين وننتظر عشانا يجي التفتت علينا وحده كانت جالسه بالطاولة اللي جنبنا
وقالت انتو عرب ؟! << طبعاً بعد ماسمعت نص سواليفنا
قلنا ايه ! قالت من فين ؟! قلنا من السعودية
هي صار وجهها كذا وجلست تفكر وتتذكر !
حسيت كنها اول مره تسمع في السعودية
شوي ابتسمت وقالت اهااااااااا قصدكم دبي
حنا فقعنا ضحححححححك ويييين دبي الله يصلحك
الشرهه على اللي درسك جغرافيا بسسس
عاد طلعت الاخت جزائرية وعايشه في باريس
اصلا يالله يالله تصف كلمتين على بعض بالعربي يعني ماعليها شرهه

كذا نكون وصلنا لـ نهاية الجزء الثاني من رحلتي إلى باريس
و أتمنى يكون نال إعجابكم واستحسانكم

أشوفكم يوم الاربعاء القادم ان شاءالله مع الجزء الثالث
واللي قابلنا فيه مجموعة من مشاهير العالم !

كونوا بـ القرب دائماً

www.Rthaath.net/vb
D    e    s    i    g    n
دعوة للـ مبدعين في شتى المجالات


تعليقات 29

  1. والله خياااااااااااااااااااااال اقول مشينا لباريس خخخخخخخخخخخخخخخ يعطيك العافيه مررررررررررره روعه لاهنت اخوي

  2. والله روعه خشيت معاكم الجوا كني برفقتكم بس حاولو تطولها شوي لما حلوت السالفه انهيتوها مشكووووووووووووووووووووووووووورييييييييييييييييييين ويعطيكم العافيه

  3. :(:(:(انا ليش ماحد ياخذني معه بهالسفرات انا حدي القريات رحت لها ولا فرحان بعد اني رحت:$:$

  4. روووووووعه وياليت تكون الاجزاء الجايه اطول من كذا لأنه بصراحه ماينمل من مثل هالمواضيع 8) لاعدمناك وبأنتظار جديدك 8)

  5. مع الأسف أن الكثير من أبناء المسلمين باتو مهووسين هذه البلاد اللتي يتسافدون فيها كما تتسافد القطط على الجدران وخاصة فرنسا حيث أنها عاصمة البغاء والجنس في العالم

  6. بكل صراحة شي جميل جدا الصور والتعليقات اروع و افضل …:D بس ياريت تكثر الصور وتعطينا فكرة مبسطة عن الالعاب خصوصا …. مجرد فكرة لا اكثر ولا اقل … واقول بيض الله وجهك على هالصور الاكثر من رائعة …… وانا ابصم بالعشرة ان الاجزاء القادمة افضل بكثير …. 😀

  7. اااااااااههههههه يا ليت يشوفون مدراء ورئسا بلدياتنا يشوفون هذى الشغل الرهيب .

  8. من جد رحلتكم مررررررررررررة روعة ,, يالله ننتظر الباااقي ,, وإن شاء الله تسافرون كل سنة:D ……………,,

  9. وي وي وش هالزييييييين .. وربي تعذيب ابي ارووح دزني لاند:(:(:( من جد شي خياااااااااالي .. يعطيك الف عافيه .. عساك ع القوهـ .. 🙂 ::

  10. وناااسه صووور مره رائعه ومنآظر إأروع يعطيك العافيه بس الجزء الثالث لا تنسى تاخذني معاك :>

  11. تدري فييه شيء ناقصكم بالرحله 8)8) أنــا ههههههههههههههههههههههههه عقبااال كل سنه بس مو باريس السامجه

  12. انا احب ديزني مرررررررة وعجبتني الصور بس انا ابي اعرف ليه ما يطلعون الباقيات ويا ليت اذا سمحتم تردون علي بسرعة لانو ما فيني صبر مررررررة عجبوني وشكرا ؟

  13. خخخخخخخخخخخ الله يقلع بليسك بس صراحه تمنيت لو كنت معك أجل صارت دبي عندنا

  14. يسلموو على الصور،، بس فيه غلطه سويتيهآ!!! غلطتي على الجزائريه :(،، وأنا جزائري يعني المره الجايه بدون تقديح في العرب :$

  15. ماشاء الله00 بصراحه؟؟؟؟ أتفرج وكأن اللي قاعده أشوفه حلم؟؟؟ رحلة روعه؟؟؟ قرأت الجزءالأول وكنت أنتظر الجزء الثاني000 والحمدلله000تصوير دقيق لدرجه ان الواحد يقرأ ويتفرج كأنه مسافر معاكم؟؟؟ ههههههههههه000:D:D مشكووووووووووووووور أخوي؟؟؟ في انتظار الجزء الثالث؟؟؟؟ تحياتي0000

  16. والله ما اعرف ايش اقول لك صراحة كل اللي اقدر اقوله —————–( إبداع بمعنى الكلمة)—————— والله ولا مرة كتبت مشاركة في الموقع كله لكن صراحة شي يستحق, ما شاء الله جايب التفاصيل كلها ما شاء الله عليك خاصة في الجزء 1, وصراحة اهنيك على موقع الفندق 100%. بس ملاحظة بسيطة 8) الفرنسيين معروفة عندهم السعودية بإسم arabie saoudite فما يفهموا يوم تقلهم saudi arabia :~ عقدوني في الشغلة دي إلين ما وحدة فهمتني 🙂 انتا ما عليك المرة الجاية قلهم بترول :$ حيفهموا على طول. يلا سلمت يداك, في انتظار جديدك 😀

  17. بجد رهييششششششششششه ابحطها في المنيو حق سفرياتي>>>>نعـــم؟؟؟ ابوك يالفن يابختكم مره روعه

  18. واااااااااااااااااااو عن جد رحلة حلوه وخيااااااااااااال وإلتقاطك للصور وتعليقك عليها أحلى واحلى بإنتظار الجزء الثالث .. لاتطول علينا

  19. اشكرك اخوي واييييييييييد ع هذة السفرة حلوة وايييييييييد عن طبعا كنت معاكم انا في الخيال وربي ابداع نتظر المزيد منك ايعطيك العافية يارب

  20. كووول …هالمدينة رمانسية بشكل!!! كل ما رحت لها يزداد عشقي لها…! يا ريتك رحت لقصر فيرساي رووووعة الحدائق الخارجية تبعه….ولا شارع السانت اونوري….خيااال بصراحة…يلا اروح اشوف التكمله…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

باريس، قصة عشق لاتنتهي ج2

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول