الركبة السودا .. ليست مجرد عيارة


بسم الله الرحمن الرحيم
أسعد الله أقاتكم بكل خير

أقول وراه ماتنضبط أنت وياو ؟؟
وجهك مهب وجه عرس !! حدك دكة الاستراحة وتخب عليك يا متخلف ..!!
هذا علي ,, راح لم امه الاسبوع ماقبل الماضي ,, وعيونه تزغلل يعنني كلي رومنسية .. لا وفارد شعره هالاشهب
مالكم بالطويلة .. طبعا هو متجاوز حاجز الخمس وثلاثين ربيع ,, ولابعد فكر وهو وشعيراته انه يعرس .. طبعا ً وش حجته ؟؟ يقول العرس ارتباط خخخخخخخخخخ
وفسّر الماء بعد الجهد بالماء ,, اجل العرس انفصال يعني ؟؟ اكيد ارتباط ..اجل تبي تعرس وتنام بالدكة ؟ والا تبي تعرس وتسحب ام امها استجمام اسبوعبالاستراحة ؟؟ حدد موقفك ؟؟ جاوب بسرعه بدون اي تردد !!
نرجع لأمه ,, قالت له هذا احسن واحلى خبر سمعته ,, منى عيني لو اشوفك معرس .. واشوف عيّيلك ياضناي
وش تبي مواصفات ؟؟ وش ببالك ياوليدي ؟؟
والله يايمه .. اي شي ,, خلاص ابي استقر .. اهم شي الاخلاق ومايمنع انها تصير حلوه ..
ابشر ياوليدي .. ان شاء الله ان ربي بيرزقك على قد نيتك
لحظة لحظة يمه .. لاتنسين ,, تكفين مابي وحدة ركبتها سودا
الام : هوْ وعساك تبين اشيّك على ركب بنات خلق الله ؟؟؟
لا يمه لا تشيكين .. اصلن بنات الحين يلبسن قصير << تخصص ذبات في الاوقات الحرجة خخخخخخخخخخ
مرت الايام .. وأم علي المسيكينة كل ماتلقى بنت الحلال ,, يطلع فيها عليترليون عذروب ,, معها جوال .. تدخل النت .. تشوف مهند .. متخرجة منالثانوي أدبي .. وعذااااريب لاتعد ولا تحصى
الأم كنها بدت تقنط من ابنها << كبيييير
الحاصل ان ام علي .. قالت لعلي ,, ما ابيك ترفض او توافق على اي وحدة اخطبها لك .. الا اذا شفتها !! هماه ؟؟
قال هماه
جاء موعد الشوفة الأول .. طبعا صاير شكله كنه اخواننا العرب لا لبسواالشماغ والعقال .. بحكم انه فارد شعره فالأسيام لها دور في تثبيت الطاقيةوالشماغ والعقال ..
يوم دخلت البنت .. وهو عينه بالارض ,, طبعا مهب حياء .. لالالا .. بس يبي يقز الركبة .. بيشوف سودا والا لا
اول ماشافها واثرها سودااااااااااااا .. بس الوجه ابيض !! وهو اللي تتطايرعييناته .. البنت استانست تحسبه خق خخخخخخ ,, بس اكتشف انها لابسة هيلاهوباسود .. المهم ماجازت له ,, يقول الجمال الله بالخير
دخل بيوت واااجد .. وكل مرة يقول ماش .. ماتصلح لي .. شينه .. فيها هكا وهكا وهكا << لايق علي التونسي برشا .. باهي برشاااا ( موتوا قهر ياللي في بالي )
الين حجرته امه مرة في زاويه .. قالت باللفظ هذا : عليك من الله ماتستحق !!
شايفن ركبتك انت يومك تتشرط ؟؟ شايفن خشتك ؟؟ شايفن جسمك ؟؟ تراي يوم امدحك .. لأني أمك واشوفك بعيوني غزال .. والا انت ………..
المهم هالحوار الاكشن مع امه .. خلاو يحس انه ما بالطاسه احد ,, ولازم يحطحد لأعذاره وتبريراته .. يعني معقولة كل مرة يقول البلا من التحكيم !!معقولة كل مرة لهم ثلاث بلنتيات ما انحسبت ؟؟ ( باب ماجاء في المحااارش )خخخخخخخخ
اسمع ياعلي وانا امك .. تراي خلاص خطبت لك ,, وباتسر تراك بتروح تشوفه
شافها واتفقوا وقبل لا يطلع عطاها غمزة ومشى
يوم العرس ..طقطقه وهيصة .. وهو راح معها للبيت
اول ليلة .. والجو لا يوصف ,, شمعات واضاءات خافتة .. ورود .. وحلقوم ..
يناظرها وهي ماتقوى تحط عينها بعينه ..
قرب عندها مرة …… قال بصراحة ودي اقولك شي
البنت قلبها يررررجف .. قالت من اولها غزل ,, الله يعدي هالليلة على خير ..
بصراحة : ركبتك سودا ؟؟؟؟


اعلان





ما يستفاد :
* الكوع الاشهب والركبة السودا .. كذبة اخترعها أنصار الدكة
* فرد الشعر .. حركات قديمه
* وضع الحلقوم في ليلة الدخله .. ماله اي اساس من الرومنسية
* نسبة العنوسة تخوّف .. 
* مبطي جدا ً عن الكتابة .. لياقتي دمار شامل
* لاتلبسن قصير يابنات
* دعواتي لجميع من سيتزوج في الايام القادمة .. بالتوفيق
.
.
.

صلوحكا


تعليقات 35

  1. كنك داري يا استاذي العزيز صلحوكا …. وبعدين ما تقول ليش ماجيت لم الاستراحة من ثلاثة ايام ما غبت الا يوم جاء وقت القطة ؟؟؟؟ تحياتي لأعيال الدكة ولقروبنا الحبيب

  2. :$:$:$ نفسي أعرف وش تسوي الركبه السودا ..؟؟ يعني راح تخرب الحياة الزوجيه B أما عن عيوب شبابنا فحدث ولا حرج مو بس ركب سودا خخخخخخخ 😀 تحياتي لطرحك للموضوع جنان

  3. هههههههههههههههههههههههههههههه اجل توووبه نلبس قصيرررررر هههههههههههههههههههههههههههه ههههههههههههههههههههههههه تحياتي

  4. اهم شي الهيلا هوب هههههههههههههههههههههههههههههههههههههههههههههههههههههههههه اذا بالشتاء هالهرج صح عليك هيلاهوب بس ما يلبسونه الا البزارين 🙂 واذا بالصيف اوب هيلاهوب وانما كيلون 🙂 الله يوفق علي ويوفقك معه .. و يعطيك العافية

  5. هههههههههههههههههههه قسم بالله تسطحت من الضحك من جد حلو طرحك للموضوع ولا تخاف لياقتك بوم احلى شيء عجبني ( تشوف مهند ) ههههههههه يسلمووو صلوحكا دمت

  6. الله يرجك اما اللي لابسه هيلا هوب خخخخخخخخخخخخخخخخخحخخخ بعدي حاول تترجم لنا بعض الكلامات كثير اللي يقرون الموضوع من برا ولاية القصيم ولا تخاف لياقتك في الكتابه تخليك تاخذ لفتين على الملعب شد حيلك سيولتر:)

  7. خخخخخ الله يغربل ابليسك ايه فديت الركب السود .. على الاقل منا وفينا اقول اللحين هذا وانت لياقتك ماش !! وشلون اجل .. إذا كنت في الفورمة ارشحك لتحطيم الرقم القياسي في اولمبياد بكين ,,,

  8. ههههههههههههه .. عليك من الله ماتستحق 😀 يااخي لياقتك عال العال .. يالبى قلبك والله .. 8) هههههههههههه .. بانتظار جديدك .. B

  9. هههههههههههههههههههههههههههه الله يرجك رجا مبرحا يالدووبـ بصرااحه يازين الركب السود>>عشان ماينطق 😀

  10. والله قصتك حلوه وتعبيرك واضح وصريح وتشبيهاتك حلوه خخخخ واللبيب بالاشار يفهم

  11. ابغى جواب من الشباب ايش تستفيدون من الركب السواداء الركب البيضاء مافيها اي جمال بالعكس يمدحون الركب السوداء ومو كل اسود يعني شين العيون مامدحوها الا لانها سوداء صح والا لاء

  12. طيب فيه ميزه للركب السودا بس انتم ماتعرفونها الركبه البيضا ماتدري وين المفصل ولا شلون تنسفط بس السودا واضحه وباينه وماتخليك تفككر خخخ:$

  13. والله مو بس أنت أكثر عيال أسرة أبو نواف تمام والقصة ترآآها حلــــوة – أدعولي بالتوفيق الأسبوع الجآآي….

  14. هههههههههههههههههههههههههههههههههههههههههههههههه والله الحين من بعد مهند ماعاد يقدرون الشباب يتشرطون فيس مطلع لسانه المهم أنا عندي سؤال الحين ليش الشباب راعين الاستراحات هم أكثر من يعزف عن الزواج ؟؟

  15. عاد احلى من الركب السوداء مافي …وخاصه مع التنوره القصيره تطلع تووحف….وتبين المعالم ..اجل تخيل لون الركب بيضا اشلون نعرف انو في ركبه .,…

  16. هههههه ياصلحوووووووكا بس ماقول غير عااااشت الركبة السودا ((الركبة السودا تدوخني تدويخ ))B

  17. ههههههههههههههههههههههههه مخرع البنت ومطيّر قلبهااااا وبالاخير ركبتك سوودا !!!!B يعطيك العااافية اخوووووي عساااك ع القووووة

  18. زواااااااجي بعد اسبوع ياااارب توفدزن يااارب وجميع منهو بيعرس واللي موب معرررررس تسلم صلحوكااا ..:)

  19. بصراحه ضحكتني ههههههههه الحمد لله اليوم البنات يعتنون في جسومهم ومعد في ركبه سودا على قولتك وبعدين لا تغلط ماعندكم إلا إحنا تحمد ربك عاد من زينكم يالسعوديين ولا من جمال ركبكم ههههههههه

  20. أجل موتوا قهر ياللي في بالك .. إلا على طاري الركب و ش السالفه كل كتاباتك حول و حوالييييين بس واحد من اللي كتبوا قبلي بصراحه رووووووعه يقول الركبه السودا هي اللي تبين المفصل بين الفخذ و الساق رائع يا بو عبدالله تركي

  21. مافية احد الان ركبتها سوداء فية مركز تجميل وتقشير وليزر زمان الركبة السوداء راح من غير رجعة والنساء تطورن كثيرا يااخي وبلاش موضيع زي كذا

  22. ههههههههههههههه والله ياهو مستقعد لركبتها بعد :-d الله يرضى عليك صلوحكا

  23. بسم الله .. حيااااكم الله اخواني جميع .. واشكر لكم تواصلكم واطلالتكم وتشريفكم ودي ارد على كل يوزر برد خاص ,, بس اغديكم تعفونن اليوم .. اني اسلم عليكم سلام مقابر خخخخخخخ سلام جماعي .. ماقصرتوا والله لا يحرمن منكم يارب . . . صلوحكا

  24. صلوحكا انت خطييييييييييير بس سالفه الركب السودا انا اشهد ان كل بنات السعوديه ركبهم مب بيضاء بس عاد مب سودا B

  25. فيه دراسه تقول ان الركب السوداء من كثر الصلاة ونا أقوول إذا على الصلاة الله يزيد ركبتي سواد ويثبتني على دينه يعطيك العافيه 😀

  26. يشوفون امهاتهم وخواتهم ويحسبون البنات كلهم كذا ياشينكم ومواضيعكم يالسعوديين

  27. حرام عليكم والله مانستاهل كل ذا التهزي وشكرررا…. ودمتتتتتتتتتتتم

  28. بس بقول معلومه ترى الركبه السودا من كثره السجود ولا يكثر الهرج لو اني ولد وبشوف وحده ركبها بيضا بقول هالبنت ماتعرف ربها وين خخخخخ تشكرات…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الركبة السودا .. ليست مجرد عيارة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول