الجزء الثاني : تصفح دلع مع فايرفوكس وبس


السلام عليكم ورحمة الله وبركاته

صباح \مساء الخير لكل أعضاء شبكة أبو نواف
كيفكم وكيف كانت إجازتكم ؟

أشكر كل من أبدى تعليق أو انتقاد في موضوعي السابق
تصفح دلع مع فايرفوكس وبس ..!!
وأشكر شبكة أبو نواف الي جمعتنا وأتاحت لي الفرصه أني اشارك معكم


اعلان






وهذا هو الجزء الثاني أقدمه لكم وأتمنى أن ينال على إعجابكم
وهو استكمالا للاضافات في المتصفح الأكثر من رائع الفايرفوكس
بالإضافة إلى بعض الثيمات التي وجدت انها رائعة ومميزة وترقى لذوقكم الراقي

واليوم راح أشرح ستة إضافات :
1- Save Image in Folder
2- FlagFox
3- Feed Sidebar
4- Colorful Tabs
5- IE Tab
6- FotoFox


1- Save Image in Folder:
فائدتها :

في كثير أوقات تدخل موقع به صور كثيرة وكلها عجبتك وودك تحفظها كلها بطريقة سهلة
عادة الطريقة التقليدية أنك تحفظ الصورة ويطلع لك مربع حوار تختار منه وين بتحفظها وايش بتسمي الصورة
هالأداة بتريحك من هالغثى كله

التحميل :
افتح الرابط من هنا
اضغط على الزر المكتوب عليه مايلي
Add to firefox
عندها راح تنضاف على طول اذا كان متصفحك هو فايرفوكس

كيفية الاستخدام :
بعد ماتضيفها روح لأدوات ومنها لإضافات
غير إعدادتها زي ماتبي انت .. وأنا راح أشرحها خطوة خطوة
هذه طبعا أول نافذة تفتح لك
أولا تغير الإعدادت الي تحت وهي تطلب منك في حالة أنك حفظت صورة جديدة وكان عندك صورة قديمة بنفس الاسم موجود
ايش تبيه يسوي؟
أنا اخترت هنا أنه يحفظ الصورة الجديدة ويغير اسمها ويخلي الصورة القديمة زي ماهي

,وبعدها تضغط على نيو بالانجليزي
عشان تختار تنشأ المجلد الي تبغى تحفظ فيه الصور
ولك الخيار انك تنشا اكثر من مجلد
بعد ماتضغط عليها راح تطلع هالنافذة
وتختار منها المجلد ومكان انشاءه وتسميه


بعدها تطلع لك النافذه هذه

تضغط اوكي وبكذا تكون خلصت وانشات الملف

بعدها لو شفت أي صورة تعجبك كل ماعليك انك تضغط بزر الفأرة الايمن وتختار منها حفظ الصورة في
ومنها تختار اسم المجلد الي انت انشاته من قبل- او ممكن عدة مجلدات تكون موجودة وانت تختار منها-
وتنحفظ الصورة بكل سهولة


2- FlagFox :
فائدتها :
يطلع لك علم الدولة للموقع اللي أنت قاعد تتصفح فيه… زي كذا

شفتوه جنب شريط عنوان الموقع في اليمين
اجل طلع موقع أبو نواف بأمريكا–> نبي تفسير من أبو نواف ليش مو علم السعوديةبلوتوث

رابط التحميل .. من هنا
اضغط على الزر المكتوب عليه مايلي
Add to firefox
عندها راح تنضاف على طول اذا كان متصفحك هو فايرفوكس


3- Feed Sidebar :
فائدتها :

فيه خدمة الاشتراك بالار اس اس موجوده بالفايرفوكس
لكن هالأداة تنظم لك اياه وتعرضها لك بشكل منظم ومرتب
زي ما هو موضح بالصورة انا مشتركة بالار اس اس لرسائل أبو نواف

وفيه مميزات كثيرة تقدر تعدلها من الاعدادت
منها انك تحدد مدة التحديث وهل يخفي المواضيع الي قريتها والا لا؟
ويطلع لك مربع صغير من تحت على اليمين في كل مرة تتحدث وينضاف موضوع جديد
والعديد من الخيارات المتاحة اترك لكم حرية اكتشافها

رابط التحميل من هنا


4- Colorful Tabs :
فائدتها :
تخليلك التابات ملونة زي كذا

فلله صح ؟!!!
وفيها مميزات كثيرة تقدر تغيرها اذا تبي
يعني مثلا اذا تبغى الموقع الواحد يكون له نفس اللون او الالوان تطلع بشكل عشوائي
رابط التحميل من هنا


فاصل :
كان الشيخ ابن عثيمين في مكة ذات يوم راكبا تاكسي .. والظاهر أن المشوار كان طويلا , فأراد سائق التاكسي أن يتعرف -ولم يكن يعرف الشيخ- فقال : ما تعرفنا على الاسم الكريم يا شيخ ؟ فرد الشيخ : محمد بن صالح بن عثيمين …فرد السائق :تشرفنا , معك عبدالعزيز بن باز <– السواق يحسبه يمزح
.. هنا ضحك الشيخ , وقال له : ابن باز أعمى كيف يسوق تاكسي ؟…فرد السائق: ابن عثيمين في نجد وش اللي يجيبه هنا , تمزح معي أنت ؟ هنا ضحك الشيخ , و أفهمه أنه بالفعل ابن عثيمين


5- IE Tab :
فائدتها :

بسالكم سوال قبل لا أشرحها ما اشتقتوا للانترنت اكسبلورر..
لابلوتوث +<—- طيب لاتعصبون علي
هذه الاداة تتيح لك انك تفتح رابط في تاب جديد باستخدام الاكسبلورر
زي مو موضح بالصورة تختار الرابط

وبعدين ينفتح لك في تاب جديد وجنبه علامة الاكسبلورر

لاتفوتكم الخمس نجوم الي جنب الموضوع<— هالموضوع هدية بداية الترم لكل شخص متازمه معه مسألة الدوام
انواع الكركره

رابط التحميل من هنا


6- FotoFox :
فائدتها :

هذه الاداة حاجه تانيه خالص
هذه تسمح لك بانك تسوي البوم صور انو لاين عن طريق رفع صورك بكل سهولة
والطريقة كالتالي
تحمل الاداة وتطلع لك أيقونته على شكل كاميرا , بعد ماتضغط عليها تطلع لك زي كذا

تضغط على المربع الصغير الموجود عشان تسوي تسجيل دخول
واذا ماعندك حساب تسوي حساب جديد ووتختار من هالمواقع المتاحة

بعد ماتسوي الحساب الجديد .. تضغط مره ثانيه على المربع عشان تسوي تسجيل دخول مثل ماهو موضح بالصورة

رابط التحميل من هنا


الثيمات :

جيبتلكم ثيم روعه جونان ان شاء الله تعجبكم


 Vista – Aero :

رابط التحميل من هنا


للتزود بالعديد من الاضافات والثيمات
يمكنكم زيارة موقع
الفايرفوكس الرسمي


وبكذا خلص موضوعي
أشكر لكم وقتكم الثمين وأتمنى أنه حاز على رضاكم
لاإله الا أنت سبحانك إني كنت من الظالمين
أختكم
فديتك يا غلاتي


تعليقات 16

  1. متصفح الرائد Avant Browser هو افضل متصفح يوجد به خدمات لا توجد في الفير فوكس و الاكسبلورر لكن متصفح الرائد مظلوم اعلاميا فديتك يا غلاتي اشكرك على الموضوع وعلى مجهودك

  2. فديتك يا غلاي الله يوفقك على هالكلمات بس من أول ما شفت اول أداة ويضيق صدري عيت تشتغل معي من قبل جربتها ولا ظبطت معي ابد كنت مسوي ملفات صور وملفات صور منوعة وأطفال وخرابيط المهم ما تنحفظ عندي الصور الا بمكانين بس يا المستندات يا سطح المكتب مع اني غيرت اعداداتها بس ما نفعت أما الثاني ههههههههههههههههههههههه حق العلم هذا يعطيك موقع السيرفر والشركة المستضيفية ما يعطيك دولة الموقع يعطيك دولة السيرفر المستضيف 🙂 🙂 🙂 الرابعة حلوووة لأنها تريح العين وتحسين انك ملخبطة علشان كثرة الألوان وكثر الصفحات والتابات أما الخامسة ذي تجننننننن للحين انا متهول منها أفتح الاكسبلورر بداخل الفايرفوكس يعني اقدر ادخل بإسمين لأي منتدى وأقدر ادخل بحسابين لأي أيميل واحد على المحفوظات حقت الفايرفوكس والثاني محفوظات الاكسبلورر ((يا زين البرامج اذا صارت مفتوحة المصدر)) ~~~ سؤال لسلطان الحربي تقدر تشرح عن متصفح الرائد اللي تقول وتوضح لنا وشو ؟؟

  3. والله ماقصرت اخوي والله يعطيك العافيه على الجهد الرائع تقبل خالص تحياتي

  4. كل الشكر الصراحه موضوعك روعه بس الفايرفوكس فيه عيب شريط الاهداء يطلعه على صفحتك هذا عيبه اقصد بالمنتديات:( والا الفايرفوكس مرة يجنن احسن من الاكسبلور الشين

  5. بسراحه لايعلى عليه من الخدمات المتوفره فيه ممكن الجزء الاول لانه في هضافه جميله وانافرنت الجهاز وسيت رستارت بس مرجع شي

  6. يعطيك العافية اضافات رائعة, ياحبي لفايرفوكس بس 8) نستنى جديدك و الله لا يهينك نبي ثيمات زيااادة 😉

  7. Avant Browser هذا المتصفح مريح جدا ً جدا ً وفيه مميزات روعة وتتصفح الأنترنت بسهولة تاملة وبطريقة تريحك وأنا شخصيا ً استخدمه استخدام دائم . لكن العيب الوحيد اللي فيه انه يعلق بعض الاحيان على عكس متصفح الفايرفوكس<مايعلق ((لكن لكل متصفح مميزات مختلفه تميزه)) وكل متصفح احسن من الثاني الا الاكسبلورر فهو متصفح غبي جدا ً وشكرا ً على المجهود الروعة ياروعة .

  8. سلطان الحربي اهلا اخوي .. بس هالمتصفح اول مره اسمع عنه .. ان شاء الله أسوي عليه بحث وأشوفه .. انا عني عندي كل انواع المتصفحات من قوقل كروم الى اوبيرا و سفاري .. وفايرفوكس وكلها كلها :$ يركدون دائما منور مواضيعي بتعليقاتك ..:D بالنسبة للاداة الأولى … راح اتاكد منها واجرب اسوي اكثرمن فولدر وان شاء الله القى حل .. اما الاداه الثانيه .. فكلامك صحيح عنها .. انا بس خانني التعبير 😀 الرابعه .. كيف اعجبتك ؟ !! 😀 الخامسه .. جنان طبعا وانا اكتشفتها قريب .. انا ما استخدمها .. لكن أشجع التراث :$ كوب شاي الاجمل منه مرورك .. امير الروح شكرا لمرورك انا بنت مو ولد 😀 رجه العيب الي تكلمتي عنه .. ماعندي فكره عنه ياليت توضحين لي أكثر . Kmam الاضافات الي شرحتها كلها موجوده بجزئي الموضوع الاول والثاني .. بصييص أمل شكرا لمرورك .. وانا حطيت رابط الفايرفوكس الرسمي عشان الكل يقدر يحمل منه ثيمات واضافات 😀 بخشيش اهلا فيك أخوي .. انا هالمتصفح اول مره اسمع فيه .. راح اسوي بحث واشوف شو فيه .. 😀 يبيلنا نسوي مقارنه بين انواع المتصفحات الموجوده حاليا راح يكون موضوع رائع ..:D ssaa روح من ادوات على الاضافات تدخل على الامتدادت تلقى الفلاج فوكس موجوده بس اعمل جنبها تعطيل وخلاص تتعطل عملها .. لو مافهمت قلي وانا اشرحلك اكثر .. 😀

  9. الله يسامحك ياخوي بعد هالشرح هذا كله … تقولي مافهمت شي .. :~ ارجع للجزء الأول .. فيه تفصيل أكثرللموضوع .. وبعد اذا كنت من مستخدمي الفايرفوكس راح تفهم ان شاء الله ..

  10. يابعــدي يافديتكـ والله إضااافات جنان كلكـ ذوووق…:D والله عااارف إن الشرح أخذ من وقتكـ الكثير 🙂 لكنـ التعـب مارااح على الفاضي …أشكركـ بعنف على الإضافات وياليتـ ما تنقطع عنا 8) وانا أحبــ أوضح لكـم شيء وهو لا تحملوا المتصفح فايرفوكس العربي مو تقليل من شأن اللغة الأمـ عندنا لكنـ والله ترجمته شيء أهبل يالله ياكافي …!! خلووووكمـ على الإنقلش أرحمـ بمليون مرررة..!! وترى الإنسان مع الوقت يتعلمـ له كلمتين على بعضمهمـ يفيدونه مع المشاكل اللي تواجهه أثناء التصفح…<< انا عاارف جبت العيــد وطلعت عن طووري..:$ بس كلكـ نظر ..:D وأخيــراً شــكر موصول لكمـ ..!! على فكـرة من ظهر متصفح الفايرفوكس وانا شغال عليهـ والله ما أعرف غيرهـ…هههههههه لانه روووعة وربي..!!:D باقي شيء بسيط وهو بعطيكـ إضافاتي اللي أعتقد إنها تساعدكمـ كثيييير…إن شاء الله…!! – Greasemonkey القرد طبعاً مهمـ لعشاق ترفيان. – FlashGot يوووه ذا مع Internet Download Manager روووعة (للتحميل بدون إنقطاع) – Stop Auto play هذي للي طفشن من اليوتوب يوقف لك المقطع ما يشتغل لما توافق إنت ههههه !! – Video DownloadHelper تحمل من اليوتوب بكيفكـ وبدون مشاكل بلاااش – Adblock Plus قفل أي أعلان مزعجكـ وناكب عفشكــ….8) – AutoFormer طفشكـ المنتديت بالتسجيل مع ذا ريح عمركـ أحفظ بيناتكـ و سجل – InfoRss يعني شريط الأخبار المتحركـ زي اللي بالقناة العربية والجزيرة وغيرها..!! قروووشتكـ والله …..معليش والله…!! إن شاء الله أمووون…!! أخوووووكمـ فيــصل..!!

  11. :Dونااااااااااااااااااااااصه سبحان الله توي طايحه فيه هاالفاير وداجه فيه فديتك يافديتك اكثر شي عجبني الثيمات والتابات تسسسسسسسسسسلم هاالانامل لاعدمتك جزاك الله خير من جد استفدت في الجزء الاول والثاني لاعدمتك

  12. وحشتنيـ سواليفكـ ^_^ اهلا اخوي فيصل.. أسعدني مرورك الاكثر من رائع وتعليقاتك المشجعه 😀 وانا بعد أييدك في استخدام الفايرفوكس الانجليزي8) ..لان ترجمتهم عدم .. 😀 بالنسبه لاضافاتك كلها رائعه .. Video DownloadHelper من زمان وانا ادور على واحد زيه .. Adblock Plus هذا بعد استخدمه وشرحته بالجزء الأول .. ِAutoFormer هذا بعد ممتاز جدا جدا … InfoRss عندي واحد شبيه به بس هذا احلى مافيه انه زي شريط الاعلانات .. _______________________________ بيدي راح يتغير الله يسلمك ياقلبي .. وتقدرين تضيفين الثيمات الي تعجبك من رابط الموقع حق الفايرفوكس .. حطيته باخر الموضوع .. 😀 _______________________________ تقبلوا تحياتي جميعا , :>

  13. شكرا ……………… وانافي قمة الاعجاب واحتاج مساعدتك في الكمبيوتر ارجو الرسال ع الايميل بألمساعده وشكرا سلفا………………. ahmad

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الجزء الثاني : تصفح دلع مع فايرفوكس وبس

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول