أيام القراوه تزداد الدلاخه ,,, -خطبه في الداخل-


~*~ موضوووعن كوميدي وماصل درجة أولى ~*~

بسم الله الرحمن الرحيم .. وبه نستعين
حيا الله هالخشش الفاضلة .. cool.gif
هذي من أولى مشاركاتي معكم بالمجالس wub.gif

.. والله يقدرني على توسيع صدوركم lol.gif .. وزرع الإبتسامة في خششكم Swaffff.gif .. وعساه يجوز لكم وتستمتعون بقراءته .. ما أطول عليكم …. rolleyes.gif




بقولكم سالوفتي .. يوم كنت قرويه .. بس الحين تحضرت أبشركم .. blink.gif

يوم من أيام الصيف الحاره .. دخل علي أبوي وعليه بادية إمارات القلق المستفحل unsure.gif .. قلت يمكن الرجال يبي سلف ومستحي wacko.gif << ياشين هالتفكير ..

المهم ان ابوي قال تعالي يابنيتي أبيتس بكلمتين لهن من الأهمية مالهن sleep.gif .. قلت طيب بس أبكد شعري وأجيك << يقالك شغل tongue.gif ..

المهم وأكد شوشتي ثم اتجهت لم الصالة حيث كان يقبع ابوي .. جلست بجمبه .. قالي أمشي مكانن ثاني أنسب unsure.gif .. قلت يلا شورك وهداية الله مع اني ترى لو دروا منب مغبيه عليهم شي .. قال امشي بس وانتي ساكته (( تلقونه يهوجس يقول وش هالبزر ))

المهم قالي: يابنيتي كل بنت مآلها للزواج عاجلا والا آجلا ..

قلت: ايه أدري blink.gif << الله من زين الرد ..

قال: اليوم جاني واحد خاطبتس لولده والولد مشاء الله طموح وده يكمل الثانوية بس ما قدر << وش هالطموح Swaffff.gif ؟؟!

.. قال: ولا فيه عيوب غير انه مابعد كمل الثانويه ..

انا نزلت راسي اهوجس .. وابوي على باله طاقني الحيا ..

قال: ارفعي راستس تستحين من أبييتس huh.gif ..

قلت: لاااااااااا ما استحيت بس افكر لو تزوجته يبي يخليني أذاكرله والا لا sad.gif ؟؟!.. ابوي طقته البوهه ohmy.gif .. وش هالتفكير العجيب ..

قلت: طيب ميخالف اعزمة بكرى وخل نشوف شكله وأسلوبه .. كانه اعجبني قله البنت موافقه بس تراها مهيب مذاكرة لك twisted.gif .. يعني قله من الحين يشيلها من باله .. ماصدقت أخلص الثانوية علشان اجلس أذاكر لخلق الله << تحسون مهيب لم الزواج ابد tongue.gif ..

بعدها قال ابوي : ابشري .. dry.gif

قلتله: شف ترى منب مخليته يشوفني أخاف يتروع الرجال ويروح من ايديني huh.gif .. وقبل ما انسى قل له ترى البنت مهناااااااش بالدراسة .. أخاف يوهقني أجلس ادرسه .. وإن قدرت تاخذ عليه تعهد خذ ..

قال : ابوي والله يابينتي ما ظنتي انه يبيتس تدرسينه .. بس .. قلت كمل بس إيش .. قال هاه لا ولا شي .. همن قام ..
وانا من بعدها طاقتني الوناسه وكل ما قال احد شي قلت هسسس بس تراني حرمة wub.gif ..
اخواني يقولون العبي معنا وراتس تغيرتي mad.gif .. قلت لهم خير ان شاء الله هذا كبري والعب معك يالمبزره rolleyes.gif .. عيب والله ..

وقتها سمعت امي تبرطم وهي تقهوا وتوها مطلعة عبست التمر من فمها .. قالت والله مشاء الله بيومين صرتي مره w00t.gif ..

ويكرون إخواني ضحك .. خصوصا أخوي عبود كل ماشافني جلس يتطنز cry.gif .. يقول هالحين ذي اللي تبي تزوجونها .. اجل ابشروا بها راجعة لكم ثاني يوم ومعها قشها unsure.gif .. لا منظر يسر ولا سناعة .. مدري من هاللي لاعبن على عايلة ابو شداد (( << هذا حماي الله يعزه .. يروى انه من قبائل سورية ok.gif والله أعلم ))

وقايلهم يجون يخطبونها .. أصلا انا باصم لكم بالعشرة ان هالبنت مهيب متزوجة ابد .. يمكن تزوج امي وهي ماتزوجت (( << الله من الدلاخه اللي فيه wacko.gif ))

عاد انا طول هالوقت اسمع حوارهم والبي يتأطع rolleyes.gif .. وش ذنبي اني دلخه blink.gif .. كذا الله خالقني Swaffff.gif .. جلست افكر هالتفكير وانا اسمعهم من دون ما يدرون .. وقتها دخلت عليهم .. وانا ضايق صدري من كلامهم وحشهم ..

اول ما دخلت دخل ابوي وراي .. وممداني المح لهم اني سمعتهم وسمعت وش قالوا ..

قال ابوي: تجهزي ترى الرجال جاي عقب العصر ..

قلت: طيب .. ولاحظ اني متكدر مزاجي (( على اني منب حساسه قبل الخطبه ومرجوجه وماعمري زعلت على احد لو يقول الواحد منهم ياشينتس شيناااااااااه ما زعلت .. كلن مستوطي حيطي وأنا ساكته sad.gif ))

المهم ان ابوي قال: وراتس لا تكونين هونتي ترانا عطينا الرجال كلمة ..

قلت : لا وش أهووووووون << قلتها وانا متحمسه حتى اني وقفت من زود الحماس happy.gif ..

قال ابوي: طيب طيب .. بس لا تزودينها معه تراه رجال أجودي huh.gif أنا سألت عنه ..

قلت : الا صحيح ماقلتلي كم عمره ..

قال : هه هه بالعشرينات .. unsure.gif

قلت: زين أكبر مني هو .. عشان اتشبب عنده لا كبرنا وأعايره بكبره laugh.gif ..

قال: ابوي طيب (( بلهجة اللي يقول يااااااااااااااصبر الأرض والله )) >> unsure.gif

انا مدري وشفيهم علي ..
جاء طويل العمر ..

وقال ابوي : تجهزي علشان تدخلين …

قلت : لا الله يخليك منب داخله cry.gif .. شوفوا لكم صرفة انا دخله عليه منب داخله ..

قال : يابنت الحلال وش هالحيا اللي نزل فجأه mat.gif ..

قلت: لا مهوب حياااااااااا ohmy.gif

قال: اجل وشو mad.gif

… قلت: ما ابيه يشوفني ..

قال :طيب بس تراه بيشوفتس بعد الزواج .. يعني منتي باتلة تغطين عنه …

قلت : يكون خير << يحسون اني مهنااااااااااش ابد ولا حولك احد blink.gif .. مع انهم هذولا هم العباقرة ..

باب المجلس كان مطرف .. قعدت اوايدز عليهم unsure.gif من على جنب .. شفت الرجال .. وانهببببببلت حلو حلو حلو wub.gif ..

لدرجة اني شكت انه هو اللي جاي يخطبني والا مهوب هو .. بس ابوي ماعنده غيره بالمجلس هو ابوه وتوه يقول جا .. يعني اكيد هو .. الله ياهو شياكة وشكلة غني غني أحس انه لا عطس طلعت فلوس مع مناخره tongue.gif ..

دخلت البيت وانا منب حاسة بروحي .. معقول يقوم حظي بعد ما أيست منه huh.gif ..

معقول؟؟؟؟؟ظ انا اللي اتمنى اتزوج اي واحد أخذ ذا cool.gif .. معقوله .. كنت مررررررره مبسوطة wub.gif .. لدرجة اني اول مادخلت شفت امي رحت لمها وجلست امطخها تمطيخ مهوب صاحي من زود الوناسة ..

يا الله معقولة ohmy.gif .. مو مصدقة mellow.gif .. يوم هديت واستكنت عقب مايقارب الربع ساعة من الروعه .. جلست أفكر هالحين واحدن مثل ذا صدق وش يبي بي ؟؟ huh.gif

يعني ما لقاله شي ازين مني .. بهاللحظة من التفكير دخل ابوي

قلتله لاشعوري : قله تراها مستعده تدرسك وتخليك من الأوائل Swaffff.gif << من زود الفرحة ..

قال :ابوي خلينا من الدراسه الرجال ملزم يشوفتس .. وهذي الشوفة الشرعية وانا يوم اني اخطب امتس ماشفتها والا لو اني شايفها كان ما اخذتها shutup.gif بس بلشت بها تعرفين منول العادات والتـــ .. قطع كلامه يوم انه شاف امي معها المقلاة وعيونها يطقن شرر mad.gif ..

قلت لأمي :الله يخليتس علشان اتزوج لا تهاوشون الحين أجلوا هواشكم بعد ما يمشي الرجال ..

قال: ابوي يلا يلا قومي البسي وتشيكي وادخلي << يقاله يصرف wink.gif ..

قلت: يلا أمر الله شق الدزربه ..

قلتله: اجلس سولف معه لين اتروش smile.gif .. قال لالالالالالالا امشي يلا .. وش تروشين بعد انتي .. انتي لا تدخلتي تروشين تسكنين بالحمام .. ترى هه يمل ويروح .. قلت طيب ماشي … والبس لكم فستان أحمر مخطط ببردقاني وفيه مخابي (( جيوب )) خضر << والله الذوق wacko.gif .. وحطيت الروج والظل والدنيا وخبصت بعمري ودخلت ..

وقبل ما ادخل قلت :اسم الله على حمودي (( << خطيبي )) خفت يتروع cry.gif .. ودخلت وانا مدنقه blushing.gif وجلست على طررررررف الكنب .. كنت منزله راسي ومطيره عيوني فوق rolleyes.gif .. ماودي يفوتني شي huh.gif ..

الرجال انهبل طـــير عيونه ohmy.gif .. قلت بنفسي بااااااس خلاص طارت القوازه علينا cry.gif .. يلا وش نسوي كان هو الأمر المتوقع حدوثه .. أكيد شاف وحده هيكل لا خصر(*********) يعني بالعامي مسطله .. كنها مسطرة .. (( الله علي وعلى شعري laugh.gif )) لا والشوشه منفوشه أصلن أصلن قراعيط .. وشو شوشة ..

لا والإيدين أنواااااع المشق blink.gif

ماعمري تدهنت والا حطيت كريم .. ولون بشرتي أسود أسود .. كل من شافني

قال أنتي أسيرة التكروني وش تقربلتس فلانة التكروني Swaffff.gif .. << طيب تأكدوا موب على طول …

هذا من زود اليقين اني تكرونيه .. منب أفرق عنهم بواجد .. حتى أمي يقالها تمزح wink.gif تقول لأبوي الحين ورا ماتغير اسم العايلة للتكروني أنسب tongue.gif .. كل من شاف عيالك يقولون لي أماتس تقولين ماخذتلي قصيمي وعائلتة ((( تسذا وتسذا ))) rolleyes.gif صرت انحرج من الناس sad.gif ..

المهم ماقطع علي تفكيري الا مناخم ابوه كل شوي blink.gif ..

بعدها رحت وتفصخت وولبست وجلست أفكر shutup.gif .. وش بيسوي أكيد بيقول لأبوي أعذرنا والله هونا نبي الولد يكمل دراسته .. والا وش يبي يسوي .. ؟؟؟؟!

والا يمكن يوم انه مطير عيونه من زود الإعجاب يمكن ليش لأ << ياشين ثقة العبند بأنفسهم smile.gif .. راحت علي حول الـ 3 ساعات وانا اهوجس .. المهم .. جا ابوي بعدها بكم يوم

قال: ان الرجال يقول تم .. أهم شي الأخلاق مناسبينكم لأنكم نسب يفتخر به (( << إي والله تكرن يفتخر به wink.gif ))

قلت : يعني وااااااااااااافق w00t.gif لولولولولولييييييييييش .. << من زود الفرحة ..

بعدها بفترة خلاص بنكتب كتب الكتاب .. (( وشلون جايه ذي blink.gif ميخالف مشوها ))

وجابوا لي الدفتر الطويل حق المأزون .. يبوني أوقع . blink.gif . قلت يابنت خل أكشخ وأوقع انجليزي lol.gif .. عشان يدرون اني مثلهم كشخه rolleyes.gif .. بس اللي لفت انتباهي ان اسم المعرس مهوب محمد لا .. اسمه علي wacko.gif ..

قلت يا بنت الحلال علي والا محمد اهم شي ابتزوج .. وعقب ماعقدنا وخلصنا ..

قال ابوه: والله اننا مستعجلين نبي الدخله بعد بكرى وخلوها عايلي وشوله المصاريف .. (( بقلبه يعني تحمد ربها تزوجت cry.gif ))

قال أبوي : حتى حنا محنب نحب نصرف واجد ولا نبذر cool.gif .. قال أجل زين اتفقنا الأربعاء الجاي بإستراحة ابو فهد (( << حتى الإستراحة مستلفينها huh.gif ))

المهم كان يومها الأثنين يعني مابقى الا يومين .. واروح لامي

وأقول : يمه ودي اطلب طلب وبما اني عروس لازم تنفذينه لي blushing.gif ..

قالت : هاه اخلصي قامت تأمر .. قلت ودي أفرد شعري happy.gif مهوب معقولة اتزوج وهو قراعيط مقرعط .. لا شافنا احد وش تبينه يقول هذي العروس والا المعرس tongue.gif

أمي :ههههههههههههههههههههههههههههههههههههههههه .. بس ترى لو فردنا الشعر هذا قادرين عليه بس المشكلة بالعيوب الثانية wink.gif اللي مابيدنا حيلة نغير فيهن شي .. (( << تذب من بعيد ))

قلت : وش تقصدين يعني mat.gif ؟؟

قالت: أبد امزح اعوذو بالله ما ينمزح معها ابد sleep.gif ..

المهم جا الأربعاء وانا انتظر شوفة حبيب البي wub.gif عليان على نار happy.gif ..

المهم جلست احتري الرجال وراه ابطا علي عسى ماهون عسى ما عسى ((<< جلست اوسوس))

ياربيه عسى ما يروح الفرد خسارة laugh.gif .. هههههههههههه ..

جلست ساعتين احتريه يجي ودي تخلص هالليله على خير اخاف يهون والا يجيه طاري ثاني unsure.gif ..

قلت لابوي : اتصل شف ورا المعرس ابطى huh.gif .. يوم اتصل ويقولون له انه تعب ودخل المستشفى sad.gif .. يوم دريت جلست اصيح cry.gif .. لا حبيبي عليان .. مالقيت تتعب الا بهالليلة كان صبرت يوم علشان آرثك shutup.gif .. المهم قالوا يبيله ساعة ويطلع ويصير زي الحصان .. هو دايم تجيه هالنوبات << هذا الكلام اللي سمعته من الناس .. ما هتميت المهم ابتزوج وأركب قدام وبس اخخخخخخخخخخخخخخخخخخخخخخخخخ .. Swaffff.gif

وانا جالسه مع وساوسي ويدخل شايب شكله مضيع blink.gif مع وين باب الرجال يمشي خطوة ويهد ثانية ..

جيت انا قلتله :خير إن شاء الله وش تبي mad.gif .

. قال: امشي البيت هناك ازين من الجلسه فيذا huh.gif (( قلت بس هذا حماي ويبيني اروح البيت شكل عريسي مستحي لا يدخل wink.gif )) واروح البيت .. اول ما دخلت لقيت عليان w00t.gif ..

هو ساكت جيت قلتله هلا والله وش أخبارك وش علومك بشرنا عنك (( << استغربت انه منقلب الوضع المفروض انا اللي انطم يقالي مستحيه blushing.gif ))

قال هو: هلا فيك عندنا (( انا جلست افكر وشو عندكم وش بزعمه ذا يعني ابروح اسكن عند الجيران huh.gif .. بس اني انبسطت يوم قالها حسيت اني أذكى منه ولأول مره يراودني هالإحساس tongue.gif ))

قلت : يلا وين الغرفه ودلني عليها ابروح أغير ملابسي .. دخلت قلت وشذا الحين مدخلني غرفة ابوك انت ويا وجهك mad.gif ..

أو من زود الوناسه ضيعت الغرف mellow.gif << يازيني ساكته ..

قال: يعني وش رايتس تبي تنامين بغرفتي blink.gif ؟؟ أنا طيرت عيوني ohmy.gif ذي ثاني مره احس انه سبهه ودلخ .. سكت أنا shutup.gif .. تركني وراح ينادي الخدامة ليتا ..

قال :

تعال شوف زوجة بابا .. آآآآآآآآآآآآآخ أنا قالها وحسيت اني كني مصفوقتن 100 كف ولا حسيت فيهن ohmy.gif ..

وقلتله: خير ان شاء الله تستهبل علي .. ترى منب احب المزح الثقيل twisted.gif ..

قال : حاشا لله أمزح معتس انتي في مقام امي cool.gif ..

قلت: وش امك يامال الماحي mad.gif ..

قال: امي ميته ودورنا أحد يراعي أبوي ويقبل فيه وهو بهالسن حيث انه مخرف بعد ..

قلت له: وبعد huh.gif ..

قال : ولا لقينا غيرتس .. ليه اهلتس ماعلموتس wacko.gif ..

قلت : وش يعلموني ؟؟ ..

قال : انتس تبي تزوجين ابوي ..

قلت :هاللي نايم هنا ويشاخر Swaffff.gif ..

قال: ايه ذا unsure.gif

.. قلت: الله ياخذك انت وابوك قل آمين .. اهلي مادروا … سكت شوي وجلس يفكر sleep.gif ويحك ذقنه (( يعني انه يفكر ))

ثم قال: اييييييييه بس عرفت ..!!!!!!!!

قلت : وش عرفت ..

قال : انتم التبس عليكم اني انا االخاطب لأني جاي مع ابوي ذاك اليوم wink.gif ..

قلت: انت محمد قال شلون عرفتي اسمي ohmy.gif

قلت : شفت انه ملتبس على اهلي .. هم قالوا لي اسمه محمد ولما قريت اسم الزوج بدفتر المأذون الشرعي لقيته علي blink.gif ..

الا صدق وش جابك معه دامنه هو الخاطب ((<< أعجبها الوضع جلست تسولف )) ..

قال: تعرفين ابوي كبير ويبيله واحد يراعيه ..

قلت: دامنك داري انه كبير وراكم تزوجونه mat.gif ..

وتستاثمون بالعالم .. لو اني داريه كان ما قبلت آخذه ولا كان فردت شعري عشانه dry.gif (( << متحسفه بقراعيطها ))

قال: من زينتس احمدي ربتس اللي لقيتي احد ياخذتس مهوب تطيحين بتسبد اهلتس sad.gif ..

قلت: قله يطلقني الحين mad.gif .. وعساكم بعد تبوني انام جمبه ..

قال: ان ماجاز لتس الوضع نامي بأي مكان ترى الوضع عادي عنده Swaffff.gif ..

قلت: أبد ولا أجلس بهالبيت طلقوني ورجعوني لبيت أهلي mat.gif .. يازين اهلي بس wub.gif ..

قال : ماظنتي نقدر unsure.gif ..

قلت: ماعلي شوفوا لكم صرفة ..

وفعلا طلقني بعد كثير من الإجراءات بحكم انه مخرف dry.gif … ورجعت بيت أهلي منكسة الرأس جارة أذيال الخيبة والفشيلة ومعهن الشنطة ام كفرات cry.gif .. داخلة على اصوات ضحكات أخي laugh.gif وهو يمارس هواية التطنز علي sad.gif ..

قال: قايلكم تبي ترجع لكم ماصدقتوني rolleyes.gif ..

الفائدة من السالفة sleep.gif :

أي عبده تشيل فكرة الزواج من بالها نهائيا .. والا ترى بيصير لها ما صار لي cry.gif

ملاحظة مهمة mat.gif :
يمنع منعاً باتاً (( نسخ .. لصق …! mad.gif )) ومن سيفعل ذلك سيتعرض لما لا يحمد عقباه twisted.gif ,,, ولذلك

جرى التنوية والمنع …!!
 


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أيام القراوه تزداد الدلاخه ,,, -خطبه في الداخل-

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول