آلـــة الـــزمـــن


السلام عليكم

_^&)*(*##$%#@%% <==== لأصحاب الثقافة الصينية

في احد الأيــام استيقظت من النوم بعد ما اغرقت المخده من السعابيل غسلت وجهي وقعدت على النت ادور المواقع اللي وافقت على طلبي للبعثات الخارجية اذا ما توفرت الوظيفة في البلد وبعد مرور الدقائق والساعات ملّت النفس و ما لقيت اسمي وقرب تسليم الشهادات خذت عمري ورحت استلم الشهادة رحت ادور اسمي بين الراسبين لأن مكاني محجوز بينهم بعد ما قريت الاسماء نقزت من الفرحة لأني ما لقيت اسمي بينهم ورحت استلم الشهادة وانا راجع للبيت مبسوط وفرحان .. قال لي واحد من اخوياي : جريحوووه <==== طايحة الميانة
يقولون فيه جامعة تدوّر الطايحين والداجين مثلنا خلنا نروح ولعل وعسى نلقى لنا كرسي نقعد فيه .. قلت له يعني ينقال لي بلطف الجو : معليك اذا ما لقينا اشتري لك كرسي بلاستيك اريح لك من كراسيهم اللي ما تخليك تنام من خشونتها .. صطرني خويي وقال يالله مشينا وصلنا الجامعة و قدمنا الأوراق قالوا تعالوا بعد اسبوع بنقدم اختبار و ان نجحتوا فيه ان شاء الله راح نوفّر كراسي لكم رجعت للبيت وانا مبسوط وفرحان ان فيه مكان قبلني وقعدت أتأمل في مستقبلي وكيف بيكون و كيف بسوي زواجي هل ممكن اخذ مثل القصر اللي عرّست فيه بنت الوليد بن طلال أو انه مو من مستواي واني لازم اسوي العرس في القصر اللي تزوج فيه توم كروز وبدت الأفكار تتصقع في مخي الى ان رن جرس الهاتف رفعت السماعة : الو
المتصل : الجريح موجود الجريح : وصلت خير , المتصل : اخوي احنا اللي ارسلت لنا طلب الابتعاث لـــ لوس انجلوس تقدر تجي بكرة و توثق الطلب , فكّرت وقلت يا ولد خلنا هنا وين نروح امريكا ويمكن يمسكوني ويقولون اني ارهابي ويسوون فيني زي ما سووا في القرموطي <===== طبعاً كل هالكلام كنت اقوله في نفسي

رديت عليه : لا اسمح لي يا خوك أنا وطني وأحب الوطنية حتى لو ما كان في البلد وظايف ما راح أرسل و أفيد الغرب من ذكائي و اختراعاتي واسكّر السماعة وانا اللي انسدح من الضحك على اللي صار حاولت اجمّع واتذكر الدروس اللي درسناها و مرت الايام الى ان اتى اليوم المرتقب ورحت وانا بهيّ الخشّة و راز الصدر و مفتح المناخر من الحماس دخلنا قاعة الاختبارات وطبعاً وكما هو معروف عندنا
في الامتحان يهان المرء أو يهان وقعدت اشخبط والخبط و عرفت من المدرس اللي يمر يمي اني لازم اجيب على الاقل 50% و الأسئلة كانوا 100 سؤال بعد ما عجز كا تعجز مخوخنا عادةً عندما نرى ورقة الاسئلة تفطن المخ للسؤال الأخير الا وهو :-
عرف قانون الجاذبية الذي اكتشفه العالم نيوتن ؟؟!! حاولت اجيب الاجابة .. هنا وهناك ما لقيت الاجابة مع اني اعرفها بس اللعبة و السحب على مدرس الفيزياء هو اللي وصلني لهادرجو من الانحطاط انتهى الاختبار وبعد 3 ساعات رحنا نشوف النتائج وكانت المفاجأة ان نسبتي كانت 49% يعني السؤال الأخير هو اللي عرقل مسيرة النجاح رجعت البيت وانا اسحب و اجر اذيال الهزيمة شفت جارنا الطيب وهو يصلح في سيارة , قلت له بنبرة حزينة : تبي مساعدة قال لي : وش فيك مكتم ومحزن على غير عادتك قلت له : قدمنا على اختبار الجامعة و رسبنا فيه و الابتعاث راح علينا من كثر الوطنية قال لي : وش رايك نروح في رحلة عبر الزمن بهالاختراع قلت له : اقول يا جار الظاهر ان مخك طار قال : لا يغرك شكل السيارة هذا اختراعي الجديد و اذا جربناه ونجح توعدني انك تقول للصحافة عن كل شيء قلت له و انا اضحك في نفسي : لك اللي طلبت قال : وين حاب تروح قلت له : الى العام اللي اكتشف فيه نيوتن قانون الجاذبية ونحاول نمنع ان التفاحة تطيح على راسه وبكذا يتغير السؤال في الامتحان قال : اخاف انه في خطر و يكوّن وراءه تغير في التاريخ قلت له : معليك لا صار شيء رجعنا وعدلنا اللي نبيه شغّل السيارة و قامت تدخن علينا و هو يقول : معليه هذي رائحة النجاح وبعد 27 ثانية انطلقت في دوامة عبر الزمن شوي الا و احنا في عام ؟؟؟؟ اللي اكتشف فيه نيوتن قانون الجاذبية وكانت الساعة تشير الى 5:28 فجراً , قال لي الجار : رح لحّق بقى دقيقتين وتطيح التفاحة على راسه رحنا نركض بسرعة الريح الين وصلنا له تحت الشجرة قلت لخويي : اوقل ذا شكله ما وراه اكتشافات , قال : مو وقته الحين رح امسك التفاحة و اروح طيران مسرع كأني ميسي يوم هدفه على خيتافي والقط التفاحة قال لي نيوتن مستغرب : من أنت ؟؟ قلت له : انا عابر سبيل كنت مار و شفت هالتفاحة تتحرك يمين ويسار فـ خفت انها تطيح عليك قال لي : مشكور يا الحبيب وان شاء الله اردها لك في مناسبات احلى قام يصارخ خويي : جريحووووه <==== مطيح الميانة بعد يالله قبل لا تكربن السيارة وتتعطل علينا ركبنا السيارة وتوكلنا على الله و وصلت ولله الحمد بالسلامة الى ارض الوطن وفي يوم الاختبار و تقريباً قبل الاختبار بربع ساعة قال لي : رح لحق على الاختبار ولا تنسى اللي اتفقنا عليه قلت : ابشر يا خوك و ما قصّرت وان شاء الله اردّها لك في الافراح يالله اشوفك بعدين ورحت وعلى وجهي الفرحة والثقة بأني سأنجح في الاختبار وبعد وصولي للقاعة حليت كل الاسئلة اللي حليتهم قبل وطبعاً الخمسين الباقي كانوا كلهم رياضيات فما حبيت اضيع وقتي و جاوبت و تواصلت في الاجابات الناجحة الى ان وصلت للسؤال الأخير ومرتقب ….. ولكن هنا انصدمت وكانت المفاجأة
.
.
.
.
.
.
.
.
.
.
.
.
.
.
.
.
.
.
.
.
.

عرّف قانون الجاذبية الذي اكتشفه العالم
كريستيانو رونالدو ؟؟!!

الـــنـــهــايـــــة


اعلان






تعليقات 12

  1. تدري لو مكانك رجعت وذبحت كريستيانو رونالدو وكل من تسول له نفسه يقرب من شجر التفاح 🙂 قصه ولا اروع احتراماتي خيوو

  2. ما شاء الله تبارك الله….. والله عندك موهبة جميلة جدا لكن المقطع هذا هو الجنان : قلت له : انا عابر سبيل كنت مار و شفت هالتفاحة تتحرك يمين ويسار فـ خفت انها تطيح عليك أهنيك على أسلوبك وننتظر رحلتك إلى كرستيانو رونالدو

  3. ليه كريستيانو خله بالكوووووووورة ويفيد مانشستر كان قلت سامي الجابر او فهد المفرج يعني لاعبينهم خلهم بالكووورة بس حقينا ما وراهم الا الدجة يعني خلنا نستانس ونحس ان فيه احد مننا سوا شي كان نحفظه على طول لانه الشي الوحيد الي انجزه سعودي ومشكوووووووور على الموضوع التحف زيك

  4. اشكر الجميع على مرورهم الكريم و احمد الله انها نالت اعجابكم و ان شاء الله لنا لقاء قريب

  5. حي الجريح .. ياخي ما شاء الله مبدع بس مدري ويني قاري هالقصه ههههههههه .. قلم قوي وقادم للساحه بقووه ..

  6. ههههههههههههههههههههههههه الله يرج بليسك وقسما فاطس من الضحك يعني التعريف فيك فيك , طيب ياذكي المفروض رجعت بآلة الزمن وبرشمت قانون الجاذبية بورقة صغيره ودخلت الامتحان <<_______ مايعرف يحفظ لازم برشام هههههههههههههههه

  7. حبيبي ثاني مره اذا بتزرف قصه ياليت تاخذها من مكان زين لان القصه ذي قريتها انا في مجله اطفال اسمها باسم قاربتها لي بنتي واتحداك تنكر <<<<باااااااي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

آلـــة الـــزمـــن

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول