Nintendo 3DS مراجعة شاملة


السلام عليكم ورحمة الله وبركاته

تاريخ الإصدآر: 27 مارس
السعر: 250 دولار

زي ماتشوفون.. هذي اللونين الي يجي بهآ الجهآز.. اعجبني الأسود أكثر من الأزرق.. لأنه يكمل انآقة الجهآز.. وجهآز زي هذآ.. يا أنك تآخذه بآناقة.. لا لاتآخذه.. بس النآس اذواق..>>.. وفيه نآس يحبون اللون الأزرق والأسود.. يمكن انا ذوقي منحرف.. مايحب هاللونين.. عالعموم.. هذآ الشكل العام للجهآز.. وراح نفصلة بالتفصيل الممل .. انا دآري اسلوبي مايصلح رسمي.. بس مايهم.. بقدر مااهتم اخلي القآرء يقرء وينبسط .. ويبتسم كل شوي ..

سعر الجهآز.. 940 ريآل تقريبآ.. بالنسبة لي السعر حلو

الحين بنبدء تفصيل الجهآز.. كل حتى فيه.. هذآ هو جهآز النينتدو الجديد..

مميزات الجهآز الخآرجية

3D Screen

شآشة تدعم الـ3D بدون نظآرات ولا شئ!!.. هذا هو الأسآس الي صمم عليه جهاز نينتدو الجديد.. الثري دي.. شآشة اعرض من السفلية.. واكبر.. لكي تعطي مجآل اكبر لرؤية التقنية بشكل أصح.

3D Depth Slider

زر جانبي لتفعيل خاصية ال3D .. لأنك احيآنا ماتحتاجها.. واظن لتوفير البطآرية احيآنا.. واعتقد بعد.. مو كل الألعاب تستغل الخاصية ذي.. يمكن البعض ماتستغلها صح..
هذي هي أسآسيآت الجهآز بشكل عآم.. والفكرة الأسآسية في ابتكآر الجهآز الي هي الثري دي.. الحين بنشرح التفآصيل البآقية.. :-

motion sensor and gyro sensor

خاصية استشعار الحركة.. نفس الخآصية الي موجودة في كنترول الPS3.. مع ميلان الجهآز يميل معك الوضع.. لكل الاتجآهات الأمام.. والزوايا كلها.. تستغلها الألعاب حسب ماتبغى.. وعلى مايقولون .. " كلآ وفنه!".. حلوة خاصية الاستشعار تفيد كثير.

Two Screens

شآشتين للعب, التغيير الي حصل.. اللعب صآر في الشآشة العلوية.. يكفي ان الجهآز هو الأفضل في الجرآفيكس بآجهزة نينتدو المحمولة حتى الآن!
الشآشة العلوية.. هي الأعرض والأكبر.. ابعآدها 800×240 بكسل.. الجرآفكس يظهر بشكل افضل.. 400 بكسل لكل عين.. لتصوير الثري دي امام العين المجردة..
الشآشة السفلية.. ابعآدها 320×240 بكسل.. LCD.. وغالبآ تستخدم للخيآرات وكذآ.. زي ماكنا نشوف في الدي اس القديم.

Analog Control

الأنلوج هذآ مخصص للثري دي.. للتحكم فيه.. والتحكم بالزوآيا.. هذي فكرة نينتدو منه.. استخدآمه.. برضوا يعتمد على شركات الألعاب كيف تبي.. لكن لو نلاحظ.. الcontrol pad.. والأنلوج.. وخاصية الاستشعآر!.. كلها تستخدم للحركة.. وتعدد الخيآرات.. نينتدو اهتمت بشركات الألعاب بشكل كبير..

3D Camera

نظآم الثري دي في 3ds.. يستخدم كاميرتان لرؤية العالم ثلاثي ابعآد.. قريب من العين البشرية.. مع الامكان لتصوير صور وتصميمها بشكل ثلاثي ابعآد!.. واعتقد فيديو بعد مع الوقت!

Adjustable Stylus

القلم زي ماعتدنا.. موجود.. لخاصية اللمس.. بس الحين تقدر تتحكم بطوله.. لأريحية اليد.

2GB SD

ميموري سعتها 2 جيجا.. لتخزين الصور والفيديوات.. والمقاطع.. والاغاني.. مع العلم انك تقدر تحمل العاب من ستور الجهآز.. اي فيه العاب تنزل على الستور.. الجهآز يدعم الـmp3> احلى شئ!

Street Pass

اذا كنت في احد الشوارع في المنطقة الوسطى او الغربية او الشرقية.. والشمآلية ولا يزعلون وبرضوا اهل الجنوب.. تمشي وحيدا.. وترآ في اخر الشآرع شخص.. او شخصة.. قآدمة بنفس طريقة.. وتطيح عينك بعين الشخص هذآ .. ويخزك وتخزه.. وتقول في نفسك والله ماسويت شئ.. ولما تمرون من جنب بعض.. وتسمع "طيط طيط طيط".. لاتخآف.. ماحد يدق عليك.. ولا جآك برودكاست ولا شئ.. اعرف ان جهازك ال3ds إذا كان في وضع الsleep mod.. وجهاز الشخص الثاني نفس الكلام.. ان جهازك تعرف على جهآزة.. يعني اعرف ان عنده جهاز زيك.. وتقدرون تتبادلون ألعاب.. وتقدرون تلعبون ضد بعض..

مميزآت الجهآز الدآخلية

نبدء بالـ

هالشي اعجبني كثير صرآحة.. لأنه ينقلك على طول للهوم بيج.. بس بنفس الوقت مايطلعك من اللعبة.. يعمل Pause للقيم.. متى ماودك ترجع للعب تكمل.. عآدي تقدر.. اعجبتني حيل هالخاصية.. واول مره اشوفها بجهآز.. بالعادة.. اغلب الأجهزة اذا تبي تروح للهوم بيج لازم خروج كامل من اللعبة.

تأزمت في لعبة؟.. ماعرفت وش تسوي.. Pause للعبة.. اختار Internet Browser.. وابحث عن الحل للعبة.. ولاتتأزم أبد.


 ماقدر اقول شئ.. الا هل معقول اني اصور الصور.. واحولها ثلآثية أبعآد.. يعني أشوف ابعاد الصورة كاملة.. هالشئ رآح يبهرني من جد!
 

تعودنا مع أجهزة الجيل الجديد.. انه يكون لشخصيتك الخآصة والي تظهر للجميع شكل معين.. وهنا تقدر تصمم شكل شخصيتك المعين في الأونلاين.. والي يظهر لكل اصدقآءك في اللستة.. بس الحلو انك تقدر تصور خشتك.. وتصمم على نفس شكلك.. قريب منك يعني.
 

هذآ المكآن الي يلتقون في اللآعبين اونلاين.. او لما يتحدون بعض.. زي الهوم حق البلاي3.. نفس السآلفة تقريبآ.. نينتدو حاولت ماتهمل هالنقطة.. عشآن هي احد النقآط الأسآسية في اجهزة الجيل الجديد, وبالأصح هذآ مكان تبآدل المعلومات.. تشوف انجازات اللاعبين.. وش سوا وش ماسوا.

تلوموني يوم رجعت اكتب عشآن خاطر هالجهآز.. نينتدو لك احلى تحية مني.. فيه قطعة تجي مع الجهآز AR.. تخيل انك تلعب في العالم الحقيقي.. اوك جالس على مكتب غرفتك.. وتبغى تتخيل البيئة حقت مكتبك خلفية لعبة.. اوك مو مشكلة.. ثبت القطعة بأي مكان.. وخل الكآميرا حقت 3DS تتعرف عليه.. وراح تصور لك عالم من الألعاب هناك.. اكيد في خيارات محددة.. بس والله عجب!

 

صور وجه أي احد.. ويفضل انه مايكون وجهك.. تقدر تلعب العاب مع الوجه نفسه.. مثل انك تصيده.. او تصيبه.. او تضربه.. وتسوي فيه الي تبي.. شئ ممتع بشكل خفيف.
 

خلونا نقول.. المذكرآت حقتك.. تكتب فيها أي شئ.. كم لعبت في الجهاز كم ساعة.. وكل لعبة كم ساعة.. وكم خطوة مشيت في اليوم.. وحالتك الجسديه.. والمزيد

 

هنا تقدر تحمل الألعاب الكلاسيك القديم.. العاب الجيم بوي.. والآدفآنس.. خآصية حلوة.
 

متصفح الأنترنت.. آخيرآ يانينتدو.. هذآ شئ من أهم الأشيآء.
– معلومة.. الأبديت والتحديثات للجهآز.. تتم من هنا.

مكان استماع الموسيقى.. وتتحكم فيها.. واكيد تنزل برآمج مع الوقت.. للتعديل على المقآطع على رآحتك.

ألعآب الجهآز

هنا بنستعرض بعض العآب الجهآز.. طبعا الجهآز لقى دعم قوي من شركات الطرف الثآلث.. لأنه التقنية الجديدة الي قدمها الثري دي.. بتشكل تحدي كبير للمطورين.. وزي ماشفنا اول ماعلنوا على الجهآز .. مين الي اعلن العآبه عليه . كبآر المطورين .. كابكوم.. سكوير.. والعديد من الشركآت.. أكيد.. لأنها تقنية جديدة.. والأحلى من كذآ.. انهم اول مره يستخدمونها.. لذلك بنشوف الإبدآع وبنشوف مين يستغل هالمجال بشكل مميز.. احب هايدو كوجيما في هالوقت.. لأنه دايم الأدهى بأفكآره.. ويخلينا نتعجب من كل شئ بألعآبه..

بعض الألعآب..

Pilotwings Resort

Super Street Fighter® IV 3D Edition

nintendogs™ + cats

Steel Diver™

Asphalt™3D

LEGO® Star Wars® III: The Clone Wars

Kid Icarus™: Uprising

The Legend of Zelda™: Ocarina of Time™ 3D

Dead or Alive® Dimensions

Pro Evolution Soccer 2011 3D

RIDGE RACER® 3D

RESIDENT EVIL®: THE MERCENARIES 3D

BUST-A-MOVE™ UNIVERSE

Super Monkey Ball™ 3D


  
شكرا


تابعوا جديد شبكة أبونواف على فيس بوك وتويتر

   


تعليقات 7

  1. السلام عليكم و رحمة الله و بركاته.. مع الأسف هذه الخرابيط اللي ضيعت شباب الأمة عن المعالي و التقدم..إلخ نسأل الله أن يهدي شبابنا لما يحبه و يرضاه

  2. الشركة هذي عملاقة و دائما صاحبة السبق في كثير من أمور التكلنوجيا لكن عيبها الوحيد ضعف التسويق يعطيك العافية

  3. صـراحه إبدعـت الشـركه في طرحهـآ للجهـآز الج ـديد وإهـم شيء حركـت القطـعه اللي تثبـتها على المكتب بج ـد شيء خرآفي ومواصفـآت متعددهـ بالجهـآإز مشكور على هالموضوع الجميل 😀

  4. بلفعل جهاز غاية في الروعة….واشكرك على المجهود الرائع والتفصيل الشامل….واعجبتني كلمة طيط طيط :$بالعامية ههه وانا معك ياخ عبدالله انه ضياع للشباب ولكن ماذا نفعل وكل انسان ميزانه بيده

  5. موضوع جبار والجهاز إن شاءلله في القائمة لكن بعد تهكيره أكيد مشكور على الموضوع مع العلم أن موضوعك نقلوه بكل برودة في منتدى عربي أخر

  6. يااااربي انا جدا مغرومه بدا الجهاااااز كل دي التعديلات 😀 من جد مستنياه بفااااارغ الصبر كوماوا ع التقرير ^_^

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Nintendo 3DS مراجعة شاملة

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول