iGoogle باب الإنترنت


السلام عليكم ورحمة الله وبركاته..
شو حالكم يا ربع… عساكم عالقوة يا رب…

اليوم راح أتكلم عن خدمة جوجل وأتوقع الكل راح يعرفها أو الأغلب يتغافل عنها أو ما يدري وين الله حاطه.
الخدمة معروفه بإسم iGoogle … طبعاً صار لها فترة من الزمن وتطورت تطور كبير وكانت إسمها قبل Personalized Home Page .
الخدمة هذي بدأت في بداية الـ 2005.

رابط الخدمة

بإختصار شديد عن هالخدمة الطيبة… هي تخصصيص صفحة بداية تصفحك للإنترنت لتناسب إحتياجاتك وتخفف عليك أو توفر عليك الوقت الكثير.
داري عنكم ما تفهمون إلا بالأمثلة… أبشروا بسعدكم…

مثال – أنا – خصصت لي صفحة من جوجل وحطيت فيها جميع الخدمات إللي أنا أحتاجها كالبريد أو قراءة عناوين الأخبار والترجمة والتقويم ووو…
والجميل في هالخدمة إن الصفحة راح تظهر في أي جهاز مستخدم آخر بعد تسجيلك في Google .

والتسجيل في جوجل سهل وسريع وما يحتاج منك أي وقت يذكر… وهذا رابط للتسجيل:

=========== ملاحظة مهمة جداً ===========

بعد تسجيلك في Google ، بإمكانك إضافة الخدمات إللي بالأسفل إذا عجبتك.. بالضغط على زر

وتقدر بعدين تشيلها إذا حبيت…


نبتدي وبإسم الله…

إلقوا نظرة على هالصورة..

تلاحظون إن هالصفحة مليانه خرابيط… ماعليه راح أشرح لكم نقطة نقطة…

أول شي أنا في هالصفحة حطيت بريد جوجل…

طبعاً من هالصفحة أقدر أشوف أول خمس رسايل جديدة وبضغطة على عنوان الرسالة أقدر أقرأ الرسالة مباشرة من غير ما يفتح الإيميل بكبره!!
هذي ميزة حلوة بدال ما أفتح الإيميل!
وحاطين لنا رابط لفتح الإيميل وبعد حاطين لنا رابط ثاني لكتابة رسالة جديدة من غير ما أفتح الإيميل!!

لاحظو الصورة..

بريد

طبعاً هم بعد أقدر أحدد كم رسالة يعرض يعني رسالتين أو أكثر.

نجي للميزة الثانية وهي حالة الطقس..

بما إننا نعيش في فصل بارد الواحد دايم يسأل عن الحرارة!! أو بعضهم ما يدرون وش صاير بره غيم مطر رعد…
هالخاصية حلوة جداً راح يعرض لي حالة الطقس حقت اليوم ويومين في المستقبل!
يعني بدل ما تطالع تلفزيون السعودية وتناظر اللستة الكاملة للمناطق…
أنا حاط لي في الصفحة عن الأحساء – أحسائي أب عن جد!

حالة

الميزة الثالثة.. الـ Bookmark … أو المفضلة!

هذي من أحلى الخدمات إللي وفرت علي تخزين المواقع المهمة.. بدال ما ألحقها بالأول، صارت تلحقني!

Bookmark

الميزة الرابعة.. الترجمة..

ومين ما يستغني عن الترجمة سواء طلاب أو غيرهم..
الحلو فيه إنه يترجم لك الكلمة أو الجملة أو القطعة مباشرة من الصفحة… يعني ممتازة للي عندهم دايل أب!

الترجمة

خامس خدمة… التقويم… Calendar .

هذا التقويم شي عجيب… وإللي ما يدري عن تقويم Google ، تراه مسكين…
صنف الأول من بد كل التقاويم إللي بالإنترنت أمثال MSN و Yahoo .
والجميل ذكره هنا، إذا أضفت موعد أو مذكرة ما في يوم معين، راح يرسل لك رسالة بجوالك يذكرك بالموعد مع سرد إللي أضفته..
طبعاً الخدمة مجانية مائة بالمائة وأنا مشترك فيها من فترة طويلة.

Calendar

أووف الخدمة السادسة… الأخبار!!

إضافة الخدمة الأخبار والـ RSS راح أشرحها في رسالة مستقلة

تقدر تضيف جميع عناوين الأخبار أول بأول، العربية والأجنبية، المدونات وغيرهم..
أهم شي تتأكد إن الموقع إللي بتاخذ منه الأخبار عنده ميزة جلب العناوين تسمى RSS ..
أمثال العربية وجريدة الوطن والبي بي سي وغيرهم إلي في بالك…

الأخبار

كثير صح….؟؟

وبعد أبو نواف أضاف لنا هالخدمة الجميلة بإسم الخلاصات RSS ..
تصلك أخر الرسائل من مجموعة ابو نواف حتى لو ماتحب توصلك على بريدك
وحتى اخر المقاطع والصور والفلاش والالعاب تضيها في جوجل
عن طريق الرابط التاليالخلاصات RSS

وهذي صورة له

الخلاصات

الخدمة السابعة لأخوانا الفلكر… Flickr … حبايبي والله…

هالخدمة من جد حلوة على الأقل تعطي مظهر جميل للصفحة، ويعطيني أخر مستجدات الموقع!

Flickr

والخدمة الثامنة… Youtube … تلفزيونك في صفحتك!

تقدر تشوف آخر المقاطع والبحث عن المقاطع ومشاهدتها مباشرة من صفحتك…!!

Youtube

وفي كمان خدمات زحمة تحتار وش تختار منهم…
من معاجم إلى ألعاب وساعات وخدمات هبلة كسرد آخر أفضل عشر أفلام…
والله تتعب…

راح أشرحها إن شاء الله في رسالة مستقلة…

وآخر ميزة أضافوها في iGoogle .. تغيير شكل الصفحة…
ومو بس كذا… تتغير الصفحة على حسب الوقت إللي عندك…
يعني الصفحة تصير مشمسة بالصباح ومظلمة بالليل…

يا ليت تكتشفونها بنفسكم… أخليكم ألحين مع خدمات ثانية!


Comments 4

  1. تستاهلون كل خير بصراحة الموضوع كتبته بعجل بعدما تأكدت إنه لم يسبق ذكره من قبل. أما عن إستفساركم: – ملكـ النت : أخوي إذا أردت إنشاء مستخدم جديد، فقط عليك تحديد إسم المستخدم من غير إضافة @. -sarah: لكل نافذة فيها علامة × موجودة بالركن اليمين فوق، هذي تقوم بإزالة الخدمة.

  2. مشكور أخوي على المعلومات القيمه والثرية مشترك في الخدمة من زمان بس مع عرفة أحط المفضلة حقتي ولا أحط مواقع دايم أدخله (حطية المواقع إلي هم يقولون عنها بس )

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

iGoogle باب الإنترنت

تسجيل الدخول

كن جزءا من مجتمعنا!
ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول