10 نصائح يقدمها كل سعودي !


بسم الله الرحمن الرحيم

في السعودية فقط هناك أكبر مجموعة من الخبراء فهي تتحدث عن كل شيء وفي كل شيء , مساكين تلك الدول التي لازالت تعيش على الخبراء الأجانب , بالمناسبة السعودية تطلب رأي الخبير الأجنبي لكي تسخر منه فقط .. لأن لديها جيوش من الخبراء تعالو لنتعرف على بعض منهم .

1- إقتراح أفضل الأدوية .
كل الشعب هنا درس ' الصيدله ' ويفهم في العقاقير الطبية جيداً .. نعم نعم , عليك فقط أن تطرح مشكلتك في أي مجلس كان وستجد الإقتراحات تنهمر عليك كالسيل.وأي كان مرضك , أنفلونزا ,ألم في الظهر , قولون ,سكري,ضغط ..ستجد من يقترح عليك عدد لانهائي من الأدوية , بل أن بعض ''العلماء السعوديين'' أصبح يقدم ''خلطة علاج'' لعدد من الأمراض .. مثلاً أحد أصدقائي العظماء قدم لي 6 أنواع من الأدوية جميعها حبوب – بالطبع هو ليس تاجر مخدرات – لكنه يجزم أنها مجتمعة قادرة على سحق الزكام .!!

2-إقتراح أي الأسهم أفضل .
كل الشعب هنا مقسومين لنصفين , نصفهم محلل فني , والآخر محلل مالي … ليس لديهم وقت لقراءة قوائم الشركات أو مكررات الأرباح أو القيمة العادلة للسهم ,لديهم نظرة أكبر وأوسع من ذالك .. قد تكون مع أحدهم منهمكين في إفتراس '' تيس مضبي '' وفي أثناء الأكل والكلام تأتي سيرة الأسهم وبكل ثقة ينصحك هذا المحلل المالي العظيم أن تستثمر مبلغ 100 ألف في تلك الشركة , وعندما تسأله عن السبب ؟ , تجدة يخبرك وهو ' يعترش عظام التيس ' .. ( مالك شغل أنا قلت لك وخلاص ) .. هم هكذا العظماء يمتلكون معلومات سرية للغاية .!!

3- إقتراح خطة لعب المنتخب .
كل السعوديين برازيليين بالفطرة , كل العقول هنا خلقت '' للكره '' ..أعني الكرة التي تلعب وليس '' صفة الكره'' , من خلال بحث وتحليل سريع قمت به أتضح لي أنة بالإمكان '' ترشيد النفقات في الكرة السعودية '' .. بمعنى أندية بلا مدربين ومنتخب بلا مدرب .!! , أعلم أنها فكرة جديدة لكن في السعودية كل شيء يحدث .. ويمكن إستبدال المدربيين بجمهور الأندية بحيث يتم التعاقد مع 100 إستراحة لكل نادي ,من خلال الإستراحة يقدم شباب الإستراحة الخطة لكل مباراة , أما المنتخب سيتم وضع ' إستراحة الوطن ' وهي أشبه بمجلس الشورى لكنه أكثر عدلاً وفهماً وديمقراطيةً بحيث يتم فيه إستقبال خطة المنتخب من كل الشعب ثم يطرح تصويب لإختيار الخطة الأفضل , علمت البارحة أن حبيب الشعب ''الفريان'' تم ضمه للمجلس .

4- إقتراح تقديم الفتاوى .
كل السعوديين علماء شرعيين وفقهاء ويفهمون الدين بشكل صحيح , لدرجة أن سؤال مثل : ياشيخ هل معجون الأسنان يفطر الصائم ؟ .. أسمعه كل عام مع بداية شهر رمضان المبارك .!! , في أي مجلس سعودي لابد أن تثار قضية تتطلب الفتوى ولابد أن يفتي الجميع ولابد أن يكون الجميع غير متأكدين من فتواهم ولابد أن يتفق الجميع في اﻵخير على طلب الفتوى من شخص عالم أو فقيه … السؤال هنا ليه مسوين زحمة من البداية ؟ .

5- إقتراح حل أي أزمة سياسية في العالم .
الشعب هنا سياسي محنك ,نعم محنك محنك .. لايحتاج التحليل السياسي لفهم وقراءة في التاريخ أو طباع البشر أو قراءة موسعة في الأحداث ,لا لا كل هذه طرق غير جيدة في نظرهم ,قد يكون أحدهم توه صاحي من النوم ووجد الناس مشغوله بخبر سياسي , كتنحي رئيس أو قضية فساد في حزب سياسي أو حتى ثورة كما في هذه الأيام .. فيصب أخينا في الله جام غضبه وجوعه على هذه القضية ويسترسل ويكون كريم جداً , وجداً جداً في إلقاء الشتائم والتوسع في التحليل .. تويتر هذا الأيام يسكنه كثير من هؤلاء المحللين .!

6- إقتراح حل أزمة البطالة في البلد .
الشعب يمارس ' التحليل الإقتصادي ' بجدارة ويقدم روىء وتحليلات عن أنجع الوسائل للقضاء على البطالة ,بعض العظماء منهم يربط بين البطالة ونوعية الأكل السعودي حيث يقدم تحليلة الموجز بقولة : أن نظام الأكل المعتمد على الكبسة ثم بعدها كأس لبن هو سبب رئيس في إنتشار الكسل بين الشباب , يأتي آخر لكي يكسر كلام ونظرية العبقري الأول ليقدم نظريتة العظمىء بقولة : السيارات السيارات السيارات – كررها ثلاثاً – نعم هي السبب في البطالة الشعب مرفه جداً أعيدو لنا زمن الجمال والخيل والحمير .! , نعم نظرية الكبسة ونظرية الأخ الحمار هي آخر ماتوصل إلية العلماء هنا .!

7- إقتراح إصلاح وضع التعليم .
في السعودية إصلاح التعليم لايحتاج لخبرات أو شهادات أو حتى فهم للقضية التعليمية , أنت تحتاج إلى '' خيزرانة '' ومعلم ذو وجة عابس , ومدير يجلد ويجلد ويجلد فقط ولا يؤدي عمل غير الجلد , بعض العظماء هنا مازال يتباكىء على أيام كان '' يجلد فيها '' ويريد من شباب هذا الجيل أن يجلد مثلة حتى يصلح حاله وحال تعليمه , ثقافة الجلد قد تنفع مع '' حمار متنح لايريد المشي '' لكن البعض هنا مازال يطالب بها .

8- إقتراح التعايش مع فصول السنة .
في السعودية قد لانعرف من فصول السنة إلا شتاء قارس وصيف ملتهب ,لكن هذا لم يمنع أفراد الشعب من إقتراح وسائل وأفكار وتقديم نصائح ونصائح ونصائح عن أفضل الطرق للتعايش مع حر الصيف أو برد الشتاء , قد يقترح عليك أحدهم أن تأكل وتشرب وتنام وتلبس حسب مزاجه هو فقط ,لأنه طيلة الشتاء لم يصاب بالمرض وكانت كل الإحتياطات التي عملها ناجحه جداً , وربما يستوقفك أحدهم وأنت تمارس رياضة المشي في الصيف ليخبرك بأنك ستموت ,نعم ستموت أعلم هول الصدمة عليك ..لكن أتبع نصائحه ولن تموت .!!

9- إقتراح تصميم منزلك .
حتى لو كان المنزل يخصك أنت وستسكنه أنت وستدفع مال بنائه أنت ,هذا لايلغي دور الشعب العظيم في مشاركتك بأفكار ونصائح للتصميم ,هؤلاء سينقضون عليك بكل شراسة بعدة أستفسارات مثلاً ليه وضعت لون الدهان الخارجي هكذا ,أو يقترح عليك أحدهم لماذا لاتضع نافورة في حوش البيت .!! , وقد يصادف بنائك للمنزل مع رحلة سفر لأحد العوائل السعودية ويلفت منزلك أنتباه ' رب الأسرة ' الذي يتوقف ليسألك : لماذا لاتغير مقاس مجلس الرجال من '' 7 * 4 متر '' إلى '' 8 * 4 متر '' , عليك فقط أن تكون مستعد لـ'' صداع من الإقتراحات '' .

10- إقتراح المشروع التجاري .
جميع أفراد الشعب لديهم القابلية لأن يصبحو رجال أعمال ,الشعب هنا لايحتاج إلى دراسات جدوىء , ومكاتب تقدم تحليلات , ولا إلى قراءة كتب في مجال المال والأعمال , هل تريد التأكد من صحة هذه المعلومة .. في أي مكان ما أطرح هذا السؤال الجريء , أريد مشروع جديد ؟ .. ستنهال عليك العروض والطلبات والإقتراحات , من بقالة إلى مطعم مندي إلى حلاق إلى محطة بترول ,إلى مصنع مياة إلى
بوفية فول وتميس .. الشعب هنا خلق لهذه المشاريع العظيمة فقط .!

تابعني على تويتر .


تابعوا جديد شبكة أبونواف على فيس بوك وتويتر

   


تعليقات 60

  1. لا يروقني هذا النوع من الطرح كل الاشياء اللي انت ذكرتها هي فعلا تفرس وتخلي الواحد مهستر من كثر ما يسمع .. لكن ما عندك اسلوب بناء في النقد الاسلوب الساخر في النقط يزيد المشكلة تعقيد

  2. أعتقد إنك فاهم التخصص غلط !! ترى عادي من التجارب الشخصية نقدر ننصح وهذا انت قلتها هي مجرد نصيحة .. لازم يكون عندي شهادة دكتوراه تجارة عشان أنصح جاري او صديقي عن نوع النشاط التجاري اللي بإعتقادي يكون أفضل له ؟

  3. مع احترامي للأخ الكاتب , هذه الأشياء تحدث في كل المجتمعات وكل الشعوب لديها هذه النزعة وليس الشعب السعودي فقط ! ارجو ان تهدي اعصابك قليلا.. لدينا مشاكل في ثقافتنا انا لا انكر ذلك لكن ليس بالطريقة التعميمية السالفة الذكر ! تحياتي

  4. لم اجد اسخف من المقال سوى عقلك واحزم انك لست سعودي هل تعلم لماذا؟ وياليتك كتبت شئ ينفعك بدل السخريه لكي تفيد وتستفيد واذا كان الشعب السعودي يفتون في اقتراح واحد فماذا فعلت ايه العالم الفذ الذي افتيت ب 10 نصائح جمعت بها كل الشعب ياعبقري زمانك ونصيحه لك ولا امثالك اكتب المفيد حتى تستفيد

  5. 😀 السعوديييين أحسسن ناااس يقدمووون نصائح للغير لكن اذا كان الموضوع يخصهم تلقاهم ضايعين في الطوشه و يدورون غيرهم يحل لهم مشاكلهم .. اذكر حادثة حصلت لي شخصياً : في يوم الأيام خرج طفلي إلى الشارع ( كان عمره ثلاث سنوات تقريباً آنذاك ) وكادت أن تصدمه سيارة لولا ستر الله وفضله توقفت السيارة تداركته ولحقت به قبل أن تصدمه .. فمن شدة خوفي وارتباكي لم أعي إلا وأنا اضربه واصرخ فيييه فرآني أحد الجيران و قال لي : شوي شوي على الولد هذا توّه بزر لازم تحكم أعصابكم و تتعامل معه التربية الحديثة وتفهمه ان هذا الشي غلط انه ما يطلع الشارع بهدوء و انسجام بينك وبين ولدك و عوّده على احترام ذاته والثقه بالنفس …… الخ من الكلام العلمي و المنمق في التربية الحديثة .. وبعدها بفتره بسييطه رأيت نفس الجار أستاذ التربية الحديثة وصاحب نظرية الإنسجام مع الأبن والهدوء يضرب إبنه المراهق B ( لاحظت اني اشطح ما بين العامي والفصحى 😀 ) عموماً .. مووضوع اكثر من رااائع و حطيت يدك على الجرررح .. شكراً لك

  6. لا تكابرون حتى هنا بالتعليق فاهمين كل شيء ههههههههههههههههههههه الموضوع رائع وخاصه الي يسال المعجون يفطر برمضان المشكله تلقاه ما يفرش اسنانه بغير رمضان عشان ريحه فهمه الخايسه وبرمضان يفرش ههههههههههههههههههههه

  7. هذه العشر نصايح على قولتك ما تنطبق على السعوديين بس تعبت نفسك باستخراج هالموضوع..!

  8. عفوا على الرد .. ولكن موضوع تاااافه.. واكره شي عندي اللي يكتب شي وينسبه للسعوديين .. هذي اشياء تحدث بكل مكان بالعالم وليست حكرا على المجتمع السعودي – عااامة- كما ععممت حضرتك.. متعب نفسك وكاتب موضوع غير مفيد ومرسله لكل القروب الاف الاشخاص.. هذي اراء شخصية اكتبها بمدونتك او صفحتك الشخصية.. احترم كافة افراد الشعوب ولاتعمم شئ مره ثانيه .. اتمنى ان تكون عندك حرية تقبل الرأي الاخر .. وجهة نظر..

  9. بصراحة .. الموضوع ما حبكته زين .. تحتاج تطور اسلوبك الساخر شوي والاشياء الي قلتها مب بس فالسعوديين ..! ما أعجبني (:

  10. اولا عتبي على مجموعة ابونواف: ما توقعتك يا ابونواف تنشرون هذا الشكل من المقالات نحن لم نشترك بالمجموعة ليأتي شخص مبتدء في النقد لينثر علينا هلوساته. مع احترامي للجميع لكن احترموا عقولنا ثانيا :مع احترامي للأخ الكاتب , هذه الأشياء تحدث في كل المجتمعات وكل الشعوب لديها هذه النزعة وليس الشعب السعودي فقط ! ارجو ان تهدي اعصابك قليلا.. لدينا مشاكل في ثقافتنا لا ننكر ذلك لكن ليس بالطريقة التعميمية السالفة الذكر ! ارجوا انك تخرج من قوقعتك وترا الصورة كاملة تحياتي

  11. هو نوع ما صحيح ما تقوله ! ولاكن وين الخطأ في الموضوع ,, اي بني ادم في الحياة له الاحقيه عن التعبير عن الرأي والنصح والارشاد ! تخيل ان هالنصائح صدرت من غير سعودي ! انظر الى جماليتها في نظرك !!! تعرف لمذا اجمل ؟ حسنناً ,, إنه التفكير السلبي ,, او النظره السوداويه !

  12. بصراحة أعتب وأشره لكن العتب والشرهة ليست عليك وإنما على من أفسح المجال لأمثالك بإرسال مواضيع تافهة مثل مواضيعك .. ما رأيك بدري هل تتقبله ؟؟ موضوعك مثل ردي فيه استخفاف وكأنك تعرف كل سعودي عن ظهر قلب وإنما الطيور على أشكالها تقع فأنت تتكلم عن نفسك والمجتمع المحيط بك فقط رجاءا لاتتمادى ولاتعطي لنفسك الحق مرة أخرى بكتابة أي موضوع أعط لغيرك الفرصة فلقد سنحت لك فرصة لاتستحقها بشهادة كل من قرأ مقالتك السخيفة ..

  13. أشكرك على هذا المقالة , الي يتكلموا عن هذا لامواضيع مـجرد ناس فاضين , إذا يبغوا يصلحوا المجتمع أول خطوة تأتي من أصلاح النفس ( كل واحد يصلح نفسه ) , بس أحلا شئ بكل شئ فاهمين :$:D

  14. طيب أيها الكاتب الفذ ! يعني بتقنع الناس أنك ما عمرك سويت شي من هذي الأشياء.. كثيرون هم من يسلكون هذه الطريقة لجذب الانتباه لكتاباتهم.. مع أنه يمكن يكون أول شخص يسوي هذي الأشياء.. لكن يكتب عشان الناس يقولون عنه: واااو شخص متفتح وتفكيره حضاري.. عزيزي فيه ألف طريقة للنقد غير هذه.. وطريقة الاستهزاء بالناس لن تحل المشكلة بل ستؤدي إلى العناد ! أنت بس شوف الردود وشوف ردة الفعل اللي تسبب فيها طريقة السخرية بدلاً من النقد الحقيقي.. للقلوب مفاتيح، وللنصيحة طرق أفضل ! تحياتي للعقلاء .

  15. حياكم الله أحبتي وأخواني . أشكر كل من علق وعطانا رأية هنا .. المقال يبقى ساخر وللسخرية فقط لاتحملوه أكثر مما يحتمل . شكراً لكم بحجم السماء . 🙂

  16. فعلا انتم عار السعوديه….وامثالكم من شوه صورة البلد…وحتى لو كان وجهة نظرك صحيحه .. فيجب ان يكون لديك اسلوب نقد ارقى من هذا..في النهايه انت سعودي … مع اني اشك في ذلك…فان كنت سعودي فما كتبته ينطبق عليك ايضا… وان كنت غير سعودي… فنظرتك مازالت قاصره ..الذباب هو دائما من يقف على سفاسف الامور .. اتمنى ان تكون ارقى في المرات القادمه

  17. اسلوووب سخيييييييف سخاااافة وكيفيك رد وجهة نظر زائر 16362 نفس الكلام اللي ابقولة لك…

  18. اتحدى انك سعودي الغيره من السعودي وما تفعل ولاني سعودي ماراح ارد عليك

  19. من أسوأ المشاركات في قروب أبو نواف ،، مع احترامي لكـ ! عاد المشكلة انتوا يالايطاليين فاهمينا غلط .. المشكلة انك سعودي ! درج

  20. بصراحة يعني بعض الاشياء او بالصح اغلب الاشياء اللي مكتوبة شي من طبيعة البشر وبين الاشخاص الطبيعين لكن اذا انت مريخي هذا شي ثاني .. قبل لايتكلم الواحد على الناس يطالع بنفسه شوية بس شوية بعدين يبدا يتكلم وراح يشوف الفرق 8)

  21. يا بعد قلبي انت ما صرت محلل اجتماعي ابدد هههههه اقول يا ابو الحبيب وش بقيت لنا نتكلم فيه تبي نحش فيك ؟ هذا الرد ساخر ولا تحمله أكثر مما يحتمل 8)

  22. والله انك كلماتك تبرد الكبد فعلا ً هالاشياء محسوسة ولكن ياعزيزي اللي يقولك مثل هالكلام يعبر عن محبته لك

  23. ياشين الي يهايط ومسوي كاتب وناقد بعدين حسن اسلوبك في النقد ولا يا مسخرة:~

  24. من السهل ان تنتقد احدا بعينه وتوصل الى ادنى الانحطاط ولا تذكر له اية ايجابيه كانت شخصيه او عاميه لاكن تنتقد شعب فهذا دليل على نظرتك القاصره وكيف بشعب المملكه والله الموفق

  25. مقال رائع جدًا و هذه الحقيقة بالفعل…..:( اتمنى لك المزيد من التوفيق ……..:$ و يبقى الشعب السعودي شعب مميز بصراحه ……..:)

  26. طيب ابسألك جربت ثقافات الشعوب..؟ انا اجزم 98% ما جربت الشعوب كلها تتناقش في مصالحها والكلام الي قلته موجود بالامارات والكويت والبحرين ومصر وأمريكآ ألخ مثل ما قالو فوق كل واحد يفيد غيره بتجربته مثل هالمقالات الي تنرفز مفروض ما تنشرونها

  27. نسيت نقطة 11 ان أي شخص ممكن يكون محلل نفسي و ناقد اجتماعي بنفس الوقت و يقدر يقيم كل السلوكيات لشعب ما و يطلعهم غلطانين و لو حبينا ننتقد التعليم مثلاً (شوف المخرجات) و بتعرف انه فاشل و كان قبل أفضل مع ان المفروض نتطور مش نتراجع و نتأخر و للأسف حتى الخبراء في السعودية ما عندهم ما عند جدتي مثلك .

  28. بارك الله فيك يا أخي سفر على الموضوع الدي تطرقت له مفيد جدا…الله يعطيك الصحة و العافية على هده المعلوملت.

  29. والله عاجبني الموضوع جداً ، وانا أقراه أضحك:$ وتعرفون ليش أضحك لأني أتذكر كل المواقف اللي بتحدث لي ،أو أمارسها من باب تقديم النصيحة أرجو أن لا تزودوا في الموضوع فالموضوع للسخرية فقط يا جماعة النصح والإرشادات

  30. ، ودي أفهم يعني انت تهزا ، على الشعب السعودي ؟ بسألك أمانه .. أنت سعودي ولا لا ؟ وسعودي اصل .. ولا متجنس ؟ قلت لك بأمانه وعلى فكرره ، ترى اسلوووووبك بااااااايخ وسسسسسامج ومشاركه سيئه جدا جدا جدا .. غريبه يا قروب أبو نوااف ! ولا عاد تسوي انك بتكتب مقالات مرره ثانيه لو سمحت كان هنا .. ابو عتب دت كوووم كح كح ،

  31. ياأخي .. بكل مصداقيه كلامك تفوح منه رائحة العنصريه النتنه ,,,, صفات موجوده في كل المجتمعات البشريه …تأتي وتحصرها في شعب ….أسلوب تهكمي استفزازي رديء جداً مع احترامي ..بغض النظر عن مغزاك من كتابة الموضوع اسمح لي ان أرشحه كأسوء موضوع قرأته هذا الأسبوع … وأبشرك ان المسلمين هذه الأيام يعيشون في حالة تآخي وتآزر والحمد لله,ومن حقي على إخواني الدفاع عنهم .كما وأتمنى من الشبكه النظر في مثل هذه المواضيع .

  32. لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا عااااااااااااااااااااااااااااااااااااااااااااااااااااااااااااااااد تكتب واذا في كلامك في شي صح ترى اي شخص في الكون لازم يسوي شي من اللي قلتوا يعني واحد يسئلني ايش في مشروع ناجح اقلوا دقيقة اسئل بيل جيتس واردلك اكيد انا في راسي شي ما خطر على بال اللي سألني فهمت لا تعودها تراك صدمتني الله يصلحك بسB

  33. ممكن عندك فكره براسك بس ابشرك انك رسبت في توصيلها واذا هذي فكرتك وشفت انك وصولته ان اقولك انها تفاهات واظغاث تفكير للأسف

  34. مع احترامي للأخ الكاتب , هذه الأشياء تحدث في كل المجتمعات وكل الشعوب لديها هذه النزعة وليس الشعب السعودي فقط ! ارجو ان تهدي اعصابك قليلا.. لدينا مشاكل في ثقافتنا انا لا انكر ذلك لكن ليس بالطريقة التعميمية السالفة الذكر ! تحياتي ــــــــــــــــــــ نفس الكلام ..

  35. يبدوا أن طارح الموضوع لم يحتك ويتعايش في مجتمعات خارجية. أنا بحكم وجودي في بلد أجنبي ل

  36. كل كلامك صح لكن اسلوبك يحسس الواحد بالسوء تحسسنا انك تفهم في كل شي قلته وتحسسنا اننا مقيدين الناس بآارئنا كل كلامك صح .. لكن فيه شي مهم اذا اعجبك رأي والناس ولاّ خله الامر بهذي البساطه لو عندك هذا المبدأ من البدايه ماكنت بتكتب كل هذا متّعب نفسك على ايش الله يهديك

  37. وانت من وين جاي من المريخ هذا مو اسلوب يبو الشباب جالس تكتب كلمات مالها داعي مثل كلمة (حمار) اتمنى حذف هاذا الشخص من مجموعة ابو نواف

  38. لما هذا الهجوم المستأسد على الاخ هنا حملتم الامر فوق مايحتمل نعم تخصيص سلوك عام وغالب في جنس البشر اجمل لشعب دون غيره ليس بالامر المستصاغ وانما احسب الاخ هنا كتب الموضوع للدعابه ليس اكثر فغاية املي منكم اخواني واخواتي الكرام تقبل اراء الناس بصدر رحب ومحاولة تجنب كل مايثير البغضاء ودمتم احبة على الخير مجتمعين

  39. من اجد انا رحمت الي كتب الموضوع ياهو جاه تهزيء (صح الاسبلنق حق الكلمة :D) بدل مايلاقي تفاعل لقاله تحطيم وتنتيف هع هع هع هع الخ

  40. وش فيكم كليتو الرجل بقشووره ! والله كل كلمة قالها تقريبا أشوفها يوميا !! وأولها موضوع الافتاء والصيدلانيين !! هو صحيح شعبنا يتفلسف بس وه فديته وحلاتنا بعباطتنا وقلب الامور وإلخ ! يعطيك العافية وصرااحة موب غريبة تلاقي مثل هالردود !! الشعب أغلبيته كذا ما يحب يسمع أحد يقوله إنت غلط

  41. أخي الكريم كاتب الموضوع …. أولا: ليس من حقك وصف مجتمع تعداده فوق 20 مليون … ثانيا: لو كنت حقا تريد أن تقارن بين مجتمعنا السعودي وغيره فيجب أن تعايش مجتمعا آخر نفس مقدار السنين التي أمضيتها عندنا، وتحتك بكل الفئات … أما أن تبقى في السعودية ثم تلاحظ ملاحظات وتدونها فهذا قمة الغباء … معليش … لكن هذا ليس أسلوبا علميا ، فليست هناك أدوات قست على اعتبارها مثل هذه الأمور… ثالثا: كل ما ذكرته موجود في الفطرة البشرية، وكلها تتلخص تحت إما اللقافة أو الفزعة، وكلها طريقة في تمضية الوقت، ومشاركة الآخر… والسواليف.. رابعا: أتريد أن نحرم حتى من التعبير عن الرأي ؟؟؟؟؟!!! وأختم بالعتب على أبي نواف… لم نشترك لمثل هذه المواضيع … شكرا؛؛

  42. لووووول كل المعصبين يسوون هالحركات كل يوم، ياناس الموضوع للدعابه بس 😀 بعدين اللي يقول هذا في كل مكان اقوله لا ممكن في الخليج بس لكن أنا عشت في امريكا وبريطانيا كم سنه ماعمري مرضت ووصفولي ادويه من مخهم الأغلبيه تنصحني أزور طبيب أو صيدلي. حتى ان أغلب الأدويه ممنوع تشتريها من الصدليه الا بوصفه من طبيب، مو زي عندنا تطلب أقوى مضاد حيوي وتآخذه بكل بساطه. عموما انا هنا مو هدفي اتشعب في الموضوعه لكن حاب أوضح فكره الموضوع بس

  43. يآالله يعني آلوآحد اذا حكى الصدق تزعلون!!!!! وربي آنكم تووووووحفه :$ يعطيك آلعآفيه خيو بجد بجد عجبني موضوعك:) وآتمنى تستمر بطرح موآضيع مثل كذآ يـــــــــســــــــــــلـــــــــــــمـــــــــــــــــو

  44. الموضوع ممتاز وكلامك صحيح ولكن لا تقل الشعب السعودي بل قل الشعب العربي ولكن أسلوبك جميل في الطرح ومع الأسف الشعب السعودي يستمر في الفلسفة حتى في التعليقات أشكرك من كل قلبي

  45. الله يعطيك العافية على هالمقال الحلو أنا أوافقك الراي ببعض النقاط وخصوصا تصميم المنزل وأخالفك في نقاط أخرى مرة أخرى شكرا لك

  46. يا خي الناس اللي تتكلم عنهم زعلانه مررررررررة شوف حتى هنا جالسين يفتون ويعلمونك اسلوب النقد الساخر هههههههههههههه لا حول ولا قوة الا بالله إلى الامام اخي سفر

  47. أخى الكريم لا تكن مثل الذباب يقع على الجراح فقط إذا أردت النقد فكن موضوعيا ومنصفا وفقك الله والمسلمين إلى الخير آمين

  48. رضى الناس غاية لا تدرك يبدو لي يا اخي انك من الناس اللي ما يعجبه شي ولا تقول هذا موضوع ساخر ولا تحملونه اكثر من ما يحتمل لانك ما كتبت الا فيه شي مأثر فيك انت لو تجلس مع ناس وتسال عن نوع من انواع المرض وكل واحد عطاك رأية .وقال وش سوى يوم جاه نفس المرض اكيد انك تبي تستفيد وتأخذ تجره لو جلست مع ناس ما يتكلمون ولا يسولفون ولا يعطون رأسهم بالاشياء ..لو كان فيه بعض الناس يبزع في نفسه ويسوي فاهم بس انت كذا كذا راح تستفيد انت لا تصير من الناس اللي ما يرضية شي وصدقني لو تلقا ناس ما يتكلون ولا يقولون رايهم بالاشياء راح تقول وش هالناس اللي غامضة ولا تتكلم

  49. عزالله انك حطيت الدواء على الجرح ، كلامك صحيح وواقعي ولكن الحقيقة صعبة واللي أصعب أننا ما زلنا على حالنا ما نتغير مع أن العالم كله يتغير باللحظات وإلى الأفضل .. واقول أن النقد الساخر يفيد في هذه الحالات المستعصية !! وفقك الله والجميع بخير ،،،،،،،،،،،

  50. والله الموضوع حلووووو ونقد خفيف دم :$:$ خصوصا مع التعااااقد مع الاستراحات من جد حتى انا أصير مدررب مع الحماااس ههههههههههههههههههه يعطيك العافيه مادري هالناس ليه شببببت عليك ماخذين السالفه فزعه ومدري وشو هههههههههههههه الله يرحم ضعفنا وضعفكم

  51. 😀 ياإني فقعت ضحك عالمقال صراحه يعطيك العافيه وانا مستغربه حقيقتا التعصب اللي صاير هنا اصلا زي منت شايف كلامك صحيح والدليل ياكثر اللي جايين هنا يعلمونك كيف تنتقد لووووول ياناس تعلمو الحريه النقديه بعدين واضح جدا انو المقال للضحك وللسخريه فقط لا غير وش فيكم كذا صرتو حساسين؟؟ اجل وش نقول حنا يالحريم صابرين عليكم ياما تسبون فينا وتحشون بمنتديات ورسايل و و ومع ذلك صابرين وماخذين الموضوع بروح رياضيه 8) ولا عشان مس شوي من شخصياتكم؟؟ شخصيا انا ماحسيت انو اغلب اللي قلته فيني, لاني انسانه مااحب انصح الا باللي فعلا اعرفه وبشكل علمي وحتى اللي انا جربته ماانصح فيه لانو مو كل الناس زيي كل شخص وله خصوصيه,ومايناسبني مو شرط يناسب غيري, لذلك دايم اقول للي يطلب النصيحه في شي ,اقوله خذيها من اهل الاختصاص احسن ومو من النوع اللي اي احد ينصحني نصيحه اصدق وطيران اسويها… يمكن عشان كذا مازعلت من المقال 🙂 بينما يمكن واقول يمكن ..اللي زعلو.. دايم يمارسون هالشي لوول عموما يعطيك العافيه خيو ولا تخلي احد يحبطك لانو اسلوبك روعه وجدا يشد.. وانا مو من النوع اللي اقرا مقالات طويله بس مقالتك شدتني من اولها لانو الاسلوب وصياغة الكلمااات توووووووحفه 😀 كثر من هاذي الحاجات :$

  52. أنا وصلت إلى الاقتراح الثالث وفضلت عدم اكمال القراءة .. فقط لأنك ركييييييييييييييك .. وأخطاؤك الإملائية شنيعة !! يا أخي ركز على همزة الوصل والقطع واعرف متى تكتب كل منها. وأيضا ركز على التاء المربوطة والهاء في آخر الكلام. شكرا لك

  53. ما ادري ليه احس ان فيه فزاعة لكاتب المقال فعلا ما عندك اسلوب .. اسلوبك ممل .. جاف .. سطحي

  54. أنا لا اضع كـل اللــوم علــى الـكــاتب أنــا كــل لومــي عـلـــي قروب ابو نــواف اولا ً لنشــر مثــل هــذه السخـــافـه..!!!! وعـلــي الشعــب السعــودي ثانيـــا ً لردهــم وتعليقهــم على المـوضـــوع واعطــاءه اكــبر من حجمـــه لانــه ….. للاســـف . ثـالثــاً : كل ما تــم سردهـ من قبــل الكــاتب موجــود في كل المجتمــعات ملاحظــه : اعتذر عن كتــابه كلمــه كاتــب لانــه لا يستــحق اكثر من كــلمـه سارد كــلام او بيــاع كــلام او سـوالــف قايـلــه. لان الكــتابه اسماء وانقــاء من اشكــاله في الســاحه الاعلاميـــه دلـــيــل واضــح وقـاطــع على سماجتــه ككــاتــب أنــه يعـــم ويكثــر من كلمتنـــي ( كل الشــعــب وكــل السعــوديين ) ولا تحـــزن … في تخلفنــــا يـا وطـــن الحبيــب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

10 نصائح يقدمها كل سعودي !

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول