رسائل المجموعة

‎[ المصور من يصنع الصورة , وليست الكاميرا ]‎

:: السلام عليكم ورحمة الله وبركاته ::

صباحكم / مسائكم
ابتسآمه دائمة على ثغوركم

طبعاً أنا أحب التصوير وودي ادخل وأتعمق في هالمجال
لكن للأسف الشديد ما أملك كاميرا
قلت هذا ما يمنع اني أجرب نفسي في التصوير ولو بكاميرة جوآل
استعرت جوالين من أصحابي
( n95 , n97 )
واستعديت لخوض تجربة التصوير ولأول مره
وكانت قاعدتي ان المصور من يصنع الصورة وليست الكاميرا
طبعا انا متطلع بكثرة على صور المصورين المحترفين وبعض الدروس الأجنبية
وهذا اللي زادني حمآس

استغليت إعدادات كاميرة الجوال اللي كثير غافل عنها من مستخدمي نفس نوعية الجوال
الصور ستكون في نظر المصورين مليئة بالملآحظات
لكنها كاميرة جوال ولا املك اي خبره في التصوير

ما أبي أطول عليكم احبايبي
وهذي نتايجي

الصور بدون تأثيرات فوتوشوبيه او غيرها من البرامج

وجهة نظر

يؤسفني أن أرى صور من كاميرا احترافية متشبعة بـتأثيرات فوتوشوبيه
وهذا ما رأيته في صور كثير ممن يملكون كاميرا احترافية
اذا كان لا بد ان نمرر صورنا بالفوتوشوب بشكل مبالغ
فأنا لا احتاج إلى كاميرا احترافية
بغض النظر عن اللقطات التي تعتمد على الكاميرا في سرعة الغالق وغيره
مجرد وجهة نظر احبتي

ودمتم بسلآم


تابعوا جديد شبكة أبونواف على فيس بوك وتويتر

   

مقالات ذات صلة

‫42 تعليقات

  1. فعلاً المصور هو من يصنع الصورة وليس الكاميرا تصويرك جداً رائع ويبدولي ادخال الإضاءة زادة من جمال الصورة .. تحياتي لك

  2. مشاء الله تبارك الله صراحه ابداع مره واحترافيه خليتني اتحمس للتصوير ^_^ بالتوفيق لك دمت بود ،،،

  3. ماشاء الله عليك صور رائعه لكن حبيت أعلق عليك إنه هناك فيه فرق بين التصميم والمعالجه حيث إن المعالجه تحاول تقريب النتيجه إلى الواقع المرئي بالعين المجردة بحكم أن العدسه مخلوقه من قبل بشر والعين مخلوقه من ربنا سبحانه ومن إسم الفوتوشوب يبين لنا إنه متخصص في التصوير معمل الصورة هناك مقوله لأحد المصورين العالمينعالج الصورة بأدب لأنه أنا كمصور أحترم صورتي وأعتبرها جزء من روحي فمهما كان لازم أحترم روحي المقصد من الكلام هذا إنه المرور بالفوتوشوب يعتبر جزء من الإحتراف وهذا ما عرفته بعد بدايتي في طريق الوصول للإحترافيه

  4. السلام عليكم انا قبل اربع اسابيع شريت الكام ديجتال سوني انا عندي طاقه وابغى اصير مانقول محترفه نقول مبتدئه والتصوير حلو كيف لاحترفت انا هذا اللي ابغاه .. حاولت كثير بكام الجوال لاكن ماقدرت اسوي صور تكون على مستوى كام ف انت ما شاء الله عليك كام جوال ومهاره بهذا الشكل الله لايضرك يارب الله يوفقك ويحقق مبتغاك ياارب شكرا

  5. اعجبني مرة موضوعك انا كنت في بدايتي في الاحتراف كانت كاميرا جوال N73 الذي لا زلت اكن لة كل الولاء والاحترام و عندي اغلى من الذهب موضوعك مرة يحكي عن واقع اغلب محترفي التصوير تقبل مروري وشكري

  6. ما شاء الله تبارك الرحمن الصراااحـــــــــــــــــــــة مبدع و التقاطك الصور فيه فكرة و حررركة الله يوووفقك و تحقق تقدم اكثر و تتحفنا بجديدك ., والله يرزقك افضل كاميرا تتمناها ^_* تحياتي

  7. صرآحتن مـآكـآن لي نيه بالرد بس إبدآعك يفرض على الوآحد غصب انه يرد أبــــدعتَ. . ليتني كاميرا احترافيه كـآن أهديت نفسي لك 😀 لأنك أهل لهـآ *_^

  8. صرآحة صور رآئعة وتصوير أروع.. تمنيت لو أملك قيمة آلكآميرآ آلإحترآفية لآهديهآ لمن يستحقهآ ويوظفهآ في مآ آحلهآ آلله.. آسآل آلله أن يفتح عليك ويرزقك كآميرآ لكي تكمل مسيرتك بجمآل آكثر..

  9. السلام عليكم اول شي احب اقول لك انت مبدع والى الأمام ولا راح اقول لك ملاحظاتي لكن فيه نقطه مهمه جداً انتبه لخط الأفق اعجبني رد أخوي غازي السيف الغرض الأساسي من تعديل الصوره هي جعلها كالحقيقيه وانت عارف الكاميرات والعدسات تعمل اقل شي على تبهيت الألوان فلازم غالباً تزيد من تشبعها فيه جوالات كاميراتها جباره منها الـN95 والموتورولا اللي بديت التصوير عن طريقه انت مبدع والى الأمام تحياتي

  10. أنا مآلي في التصوير أبد.. ماهي هوايتي.. بس صرآح ـة صوركـ روووعه وإبدآع ـية.. ولآبد أن نـ ع ـلّق ع ـلى هالصور الإح ـترآفية.. ما شاء الله ع ـليك.. الله يوفقكـ ويـ ح ـقق لكـ أمآنيكـ.. دمت بود.. أخوكـ..

  11. بصراحه مبدع مبدع فعلا جذبني تصويرك انت لو تملك كاميرا احترافيه بتكون فعلا شي رائع

  12. اول مرة ارد ع موضوع بالقروب بس ابداعك اجبرني ماشاء الله عليك اذا كاميرا جوال وابدعت افكارك حلووة وعجبتني اكثر من صورة بس ع الفووتو ماتفق معك الفوتو لابد منه بس مو معناته نشوة صورة حلووة لمسات البسيطه بالفوتو ^^

  13. بصراحة بعجبني الشخص اللي يقدر مواهبه سواءا كانت بأدوات احترافية أو أدوات بسيطة مثل ما ذكرت بخصوص استخدامك لكاميرات معدل وضوح الصورة فيها مش كثير مرتفعة ( البيكسل ) رغم كذا قدرت تصنع من اللقطة ابداع من نوع آخر .. حلو استخدامك للإضاءة في قوتها وزوايا التسليط .. أهنيك أخوي وعساك عالقوة .. ننتظر جديدك ..بس هالمرة نبيها صور من كاميرات احترافية عشان نقيم الصور .. تقبل تحياتي ابوزياد الشيباني ..

  14. ماشاء الله عليك والله مبدع بجد اهنيك وبشده اعجبتني كثير افكارك واتمنى تزودني بمواقع للتعليم مثل اللي تمتلكها واكون ممنون لك ..

  15. إبدااااع طيب انا عندي نفس الجهاز اللي هو 95 وش هي التأثيرات اللي لازم أستخدمها بالتصوير مره أخرى إبدااااع ولآ تحتاج إلى كاميرا إحترافيه تكفيك كاميرا الجوال <<ماتحب الخساير ابد هع هع

  16. ماشاء الله تبارك الرحمن فعلا صور غايه في الروعه ابدعت وانا معك من ناحيه الصور المعدله بالفوتو شوب اشوف ماصارت صور احترافيه لانها معدله مبدع وشجعتني على التصوير لاني لااملك كاميرا

  17. دامك ماعمرك جربت تصور بكاميرا احترافيه وتصور بجوال وتنقد المصورين الي يتسخدمون فوتوشوب لتحسين صورهم راح تقعد طول عمرك مكانك سر ولا راح تتعلم المعالجه جزء لايتجزء من الصوره , حتى الكاميرا نفسها تعالج الصوره وتطلع ألوانها المعالجه زي المكياج الخفيف بالنسبه للمراه

  18. عاد انا احب التصوير ولايك يو منتظره اشتري كاميرا احترافيه حمستني ابدا اصور بالجوالات ……… موفق

  19. :D:~:$ [صراحة ابداع وقمة في توافق الفكرة واستغلال ماهو موجود ماقصرت ياقلبي بس ليتك حطيت بعض الإعدادات حق الجوال عشان المصوريين يستفيدوا

  20. جميل ما شاء الله .. يا غالي هناك خطأ بسيط !! للأسف أنت جعلت ابداع اللقطة يعتمد بشكل كلي ع المصور وليس ع الكاميرا اطلاقاً .. هناك نسبة ونستطيع أن نقول

  21. ما شاء الله تبـآرك الله صرـآحتن صـورك وروعتهـآ آجبـرتني آرد وآعلق وآصفق بحرـآرهـ آبدـآآع وبكـآميرآ جـوآل آستطعت الخروج بهذهـ الصـورهـ المبدعه كيـف لو معـك كآميرـآ آحترـآفيه وإن شاء الله تحصـل عليهـآ ونرى المزيـد من آبدعـآتك فبدـآيه رـآئعه وجميـله آتمنى لك كل التوفـيق آخـوك الحـربي

  22. ما شاء الله لا قوة الا بالله .. أكمل ابداعك واشرح لنا بعض الافكار في التصوير أنا جوالي كامرته 5 mp ودي استغلها ننتظر بريدك القادم وتفيدنا فيه ان شاء الله ..

  23. جميل ما شاء الله .. يا غالي هناك خطأ بسيط !! للأسف أنت جعلت ابداع اللقطة يعتمد بشكل كلي ع المصور وليس ع الكاميرا اطلاقاً .. هناك نسبة ونستطيع أن نقول

  24. لا شك أحبتي بمجرد إطلالتكم أرتقي ~ أشكر الجميع ع المرور وعلى التعليقات , ومهما كتبت ما راح اوفي لكل شخص حقه الله يديم عليكم السعادم ياآآرب ~ ولا يحرمني منكم ,, وملاحظاتكم ع العين والرآآس لكن يبدو ان البعض فهم وجهة نظري بشكل شبه خاطىء أنا مؤيد معالجة الصور بالفوتوشوب , لكن بالحد المعقول بشكل اوضح لا أؤيد التأثيرات الغير ضروريه أصبح كثير من المصورين لا يتخلون عن الفلاتر والاكشنات وغيرها ويستخدمونها بشكل ملفت , وكل من لديه خبره في التصميم سيلآحظ , وبالنسبه لكلام اخوي محمد التمامي , اذا كان الغرض الاساسي من التعديل هو ظهور الصوره كالحقيقه ! فـ الكاميرات الاحترافيه تخرج الصوره كما تراه بالعين المجرده وأدق, —– أخوي عبدالمجيد , أنا لم انتقد المصورين , فقد أبديت وجهة نظر , وهنالك فرق فـ لست بمصور محترف لكي اتجرأ على الانتقاد فقد احببت ان اخوض التجربه , وأرى انها ناجحه كـ نقطة انطلاقه قويه في مجال التصوير , تمنيت ان تعلق على الموضوع بشكل عام , وليس على انتقادي كما تزعم شكرا لك عزيزي : )-

  25. جميل ما شاء الله .. يا غالي هناك خطأ بسيط !! للأسف أنت جعلت ابداع اللقطة يعتمد بشكل كلي ع المصور وليس ع الكاميرا اطلاقاً .. هناك نسبة ونستطيع أن نقول

  26. ماشاء الله تبارك الله 🙂 صورك مررررررره حلوه 🙂 الحمدلله فيه احد كان زيي 😀 انا بداية حبي للتصوير كانت عن طريق جوالي المتواضع سوني اريكسون ساتيو والحمدلله الحين شريت كام وبديت اعرف اساسيات التصوير ((مع تعديل مايشوهه الصوره)) ياليت تعيد وجهة نظرك عن الفوتو لان التعديل البسيط فيه يجمل الصوره ، لان مثلك عارف الوان الصور بالكام تختلف عنها بالجهاز ، أغلب المصورين يضيفون تشبع يشبه التشبع الموجود بالكام 🙂 الله يعطيك الف الف الف عافيه على هالصور 🙂 ومن هنا للقمه يارب والله يرزقك بالكام اللي تتمناه ….

  27. كلآآم جميل , وتصوير أجمل وانا اشوف الصور قاعده اقول فِ نفسي مستحيل تكون تصوير كآم عادي :\ بس من جد ابدآع , وفعلآ المصور من يصنع الصورة =) لآ يوقف *_^

  28. ما شاء الله تبارك الله الصور فعلا رائعة و واضح أنك مطلع جيد للدروس التصوير.. صحيح المصور هو من يصنع الصورة ولكن بنسبة 50% تقريبا <<رأي شخصي لأن المصور يصنع زاوية الألتقاط والتكوين واختيار الهدف والكاميرا هي من تعطيه الصورة المطلوبة التي يبحث عنها.. فالمصور يتركز شغله خارجيآ أما دور الكاميرا فهو تقني .. بالتوفيق لك أخوي .. ومدام هذا تصويرك فلابد أنك تعزم بس وتشتري لك كاميرا احترافيه علشان تطلع الصور رااائعة 100%

  29. جميل ما شاء الله .. يا غالي هناك خطأ !! للأسف أنت جعلت ابداع اللقطة يعتمد بشكل كلي ع المصور وليس ع الكاميرا اطلاقاً .. هناك نسبة ونستطيع أن نقول

  30. ما تلاحظ أن كل تصويرك انسايد (تصوير داخلي) وهذه امكانيات كاميرات الجوال تصوير ذو امكانيات محدودة وتصوير داخلي فقط….. هل تقدر تصور لقطات احترافية في الخارج(طبيعة&عمران& غروب&مدينة ليلية) بكاميرا الجوال !!!!!!؟؟؟؟؟؟ انتظر اجاابتك

  31. اهلا فيك اخوي معتز 🙂 يعني الطبيعه والعمران وباقي اللي ذكرت فيها احترافيه اكثر من الانسايد ؟! , << ابي اجابه, العمران والطبيعه , في نظري تعتمد على زاوية الالتقاط , واذا المنظر حلو بأي كاميرا بتطلع لك نتيجه حلوه , والغروب والمدينه الليليه تعتمد اكثر على امكانياات الكاميراآ – هل في نظرك لقطاتي عاديه , بما انها تجربه اولى وبـ جواآل وبدون تأثيراات خاارجيه … ؟ عندي استعداد اصور لك طبيعه و عمران بشكل جيد , ويمكن الغروب لكن مدينه ليليه ما اعتقد الكاميرة تساعدني ,, — أتمنى من كل اللي يبون يعلقون ع الموضوع بالذات المصورين المحترفين التعليق على الصور , مو على وجهة النظر وبس ! 🙁 انا ابي منكم رأي و انتقآد , لأرتقي ~ 🙂

  32. هع الصوره اللي فيها سبونج بوب ظاهره فيها ابط الرجال اللي معك ههههه قل له ياخذ موس الله لا يهينه ويحلقهوا ههههه التصوير حلو لو كان بدون كاميرا حلوه لكن ان توصل للاحترافيه وفكر المصور فهو صعب جدا جدا جدا لان الانسان لا يتعلم شيئ بيوم وليله وان تم التشييد بك فلا تظن انك وصلت لمرحله قويه فمن يشيد بك مجرد اناس لم يجربوا التصوير اذا اردت الاشاده فسأل من له صله بالتصوير الاحترافي والفوتوغرافي مع تحياتي

  33. يا عيني ع الملاحظه , يعني من بين كل الصور ما دققت إلا ع الابط ! ومشكور ع المرور و ع كلآمك , وعيد نظرك للصور يمكن تلقى قشر في شعر الولد اللي فـ بعض الصور او قمله عل كتفه أو يمكن النظاره مايله شوي , علشان كمان اخليه يتنظف مرره وحده لعيونك شكلك تراقب الصور بـ دربيل ——– :: لا إله إلا انت سبحانك اني كنت من الظالمين :: ما أدري ؟ احس البعض يلف ويدور ويبي بس يعيب الموضوع 🙁 ——– سآره , أمل , بسيطه , وباقي الزوآر أسعدتني إطلالتكم آحبتي , وملاحظتكم عين الصوآب , وبس حاب ارجع اقول , إني مؤيد المعالجه بالفوتوشوب , لكن بالحد المعقول , وشكرا لكم ~

  34. يمكن لو كانت الصور بكاميرا professional راح تكون شيئ مُتوقع! لكن بكام الجوال يُعتبر تصويرك (مُذهل) أكثر صورتين أعجبتني الكأس بالمشروب الـ pink وصورة كلمة silent Best wishes

  35. اشكرك ع روحك الرياضية اولا واضح انك ما فهمت سوالي …! متأكد ان التصوير الانسايد فيه احترافية اكثر من الاوت سايد !!؟ أكيد فيها احترافية وهذه الاجابة ….. يا حبيبي كيف تصور لقطة بطيئة لشارع سيارات في الليل ويطلع خط انسيابي احترافي!! الجوال يعملها مستحيييل!!!؟ كيف تصور صورة لاند سكيب عريضــــة بالجوال .. بدون عدسة

  36. هلا فيك من جديد اخوي المعتز , لا , أكيد ما راح اقدر اصور – شي طبيعي انها تعتمد بشكل كبير ع الكاميرا وما عندي خلفية عن فن اللاند سكيب , — انا ما أملك اي خبره , وموضوعي مو معنى اني اقدر أصور اي شي بكاميرة جوآل , وعنواان الموضوع , مو دليل اني جعلت اللقطه تعتد اعتمآد كلي ع المصور هناك نسبه كما ذكر أحد الاخوان من قبل , وأكيد الصوره تعتمد اكثر ع المصور وامكانية الكاميرا هي اللي تخدمك وتكمل لك عملك , شاكر لك مرورك مجددا واذا عندك اي ملاحظات اخرى , حياك من جديد صدقني انا ما نزلت الموضوع إلا اني ابي استفيد في هالمجال , وبالذات من أهل الخبره , لأني ملآحظ البعض انه جالس يحبط , وكله على حساب وجهة النظر او العنوآن. — غآآده كلك ذووق ربي يسلمك : )

  37. صراحه اهنيك اخوي افكار بسيطه بس رااائعه اتمنى لك التوفيق تقبل مروري 🙂

  38. اخوي للمعلومية ردي السابق غير كامل واتوقع بسبب مشكلة تقنية !! أو من الادارة !!!

  39. فعلا موضوع جميل وشيق ومفيد والاحلى هو انه اشتمل عالشياء جباره وماتحتاج فتشوب او تعديل وسلمت يمناك يالغالي عالموضوع الجميل جدا ويثبت انه المصور هو الكل في الكل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى