رسائل المجموعة

يارجال مايفهون !؟

بسم الله الرحمن الرحيم
أسعد الله أوقاتكم بكل خير

يشغل بالي كثيرا موضوع .. اعتقد بأنه يتواجد في كل بلدان العالم … ماهذه البداية الركيكة للموضوع !!!
يبدو انه لا داعي للمقدمات والتسخين لموضوع ساخن جدا

وهو ( الاستغفال )

أو كما نقول بالعامية ( يارجال من بيدري ؟؟ )
دائما أفكر .. هل أصبحنا في دنيا لا مجال فيها للنقاء – الا ما قل – ؟؟
حينما يسود النادر ,, ويصبح السائد نادرا .. فهناك أزمة بكل ماتحمله هذه الكلمة من تأويل ..
بل لا أبالغ ان قلت بأنها أزمة في فهم التكوينة البشـرية !!
اعتقد أن أبشع شيء في هذه الحياة .. ان يستغفلك آخر ،، لأن مثل هذا القناع كفيل بكسر آخر مجاديف حسن النية !!!
والأبشع من ذلك .. هو ذاك الشعور الذي يسيطر على كتلة مشاعرك وأنت ترى الطرف الآخر يحاول أن يبرر ويستعطف ويهوّل الموضوع ويبحث لنفسه عن مخارج .. وأنت تعلم انه يمارس استغفالك !!!!
حينما توهمك شركات الطيران بأنه لايوجد حجز سوى على الدرجة الأولى فقط .. وتضطر لأن تحجز ذلك المقعد ( النفيس ) لظروف ما ,, وقبل الرحلة بساعات .. يتم الاعلان عن مقاعد على الدرجة السياحية .. وبالكوووووووم !!!

حينما توهمك شركات الاتصالات .. والإنترنت .. والبنوك .. وشركات التأمين .. وغيرها من قائمة ( احذر قبل ان تتعامل ) حينما توهمك بعروض لا يمكن أن تتخيلها .. بل لا يقبلها عقل !! حاول أن تقرأ مابين السطور .. ولا تعتمد اطلاقا على النقاء !!! مجرد نصيحة
بل يتجاوز ذلك إلى أبعد من الشركات والمؤسسات الربحية .. ليدخل الى الوزارات والقطاعات الحكومية .. ومسلسل من الاستغفال والاستخفاف بالعقل والمنطق ( فيك خير تكلم ) !!
الى متى يتم التعامل معنا وكأننا ( أغبياء ) .. آسف ولكنها الحقيقة البشعة جدا
البعض ينظر لك وكأنك بنك متحرك غبي جدا .. ولك أن تتخيل فريسة بهذا الحجم وبهذا
القدر من الغباء – بنظرهم – .. كيف يتم استغلالها ؟؟
وإن لم تكن كذلك .. فأنت معرض للإستغفال في أي لحظة

برأيي لايوجد قانون أقوى من ارادتنا في ردع مثل هذه الحالات .. ولكن أين الإرادة ؟
كم هي عدد المحلات المختصه ببيع الملابس الجاهزة والتي تدّعي أنها ماركة على طراز عالي ,, والأمر لا يعدو كونه طباعة اسم المحل او الشركة في غرفة صغيرة على ملابس عادية .. لا اقول ردئيه ولكنها عادية .. يتم التعامل معها خلف الكواليس تحت شعار ( يارجال من بيدري ) ؟؟

بكل أمانه اقولها .. لانملك وزارة تجارة ( تخوّف ) ولك ان تتخيل ردة فعل البائع حينما تقول
له : ترى ابشتكيك في وزارة التجارة ؟؟؟؟؟؟

والأمر ليس في المنتجات فحسب .. وعلى ذلك قس !!!

.
.
.

صلوحكا

مقالات ذات صلة

‫13 تعليقات

  1. سلمت أناملك وبيض الله وجهك يوم تبيض وجوهـ وتسود وجوهـ . أصبت وكلام عين العقل والمنطق ,, الى متى الى متى الى متى هذا الاستغال وبكل تأكيد الغير مرغوب فيه ولا يرضى لا الله ولا رسوله من تلاعب ومن ضحك على الدقون وكأننا بالأمس ولدنا وخرجنا على الحياه. والأدهى والأمر حينما ترا شيئا من اللامعقول يدور في مخيلتك لتسند ظهرك الى جهه معينه حتى تطالب بوقف مايحدث ولكن تصطدم في جبل بأنه لا يوجد احد وبكلمة من الطرف الأخر أعلى مافي خيلك اركبه وعلى طاري المشتريات كزبون في يوم من الايام ذهبت للسوق وهذا الكلام في امريكا مو بدولة خليجيه حتى اتقضى ملابس استعدادا للشتاء القارس واخذت مجموعه من الملابس المناسبه شكليا على مقاسي ويوم وصلت للبيت قلت بأخذ راحتي واشيك هل راح تتناسب مع جسمي فتفاجئت اني بالغلط اخذت شيرت اكبر من مقاسي قلت بأخليها لبكره وبأخذ الفاتوره عشان ابدلها , بعد ما انتهيت من القياس نسيت الملابس على السرير بعنوة قبل لا انام بأعلقه بالدولاب ومن ضمنها الشيرت ,, في اليوم التالي اخذت هالقطعه وحطيتها بالكيس وكوب الكوفي حقي معاي وانا طالع من البيت وبالغلط ميلت الكوب وانسكب جزء على الكيس واخذ الشيرت حقه ,, قمت ادور اعذار براسي وادور واطلع وانزل قلت بروح ان بدلها لي ولا الشكوى لله أنا استاهل ويوم وصلت استقبلني شاب بابتسامه عطره وقال لي كيف اقدر اخدمك باللغه الانقليزيه ,, أخبرته ان هالشيرت اكبر من مقاسي اخذ الكيس واخرج الشيرت وقال لي المسكوب على الشيرت وشو؟؟ طلع ورقة صغيره وسجل عليها Coffee ودبس الورقه بالشيرت وقاللي هذي الورقه للمصنع حتى اذا رجعناها لهم يعرفون وش اللي انسكب عليه ,, علامات التعجب في راسي تدور ياترى هل باستطاعتي استبدل الشيرت او لا!!! قاطع مايجول في راسي وقالي تفضل حتى اقدر اساعدك ونلقى لك المقاس اللي يناسبك ذهبت معه وشكرته وحين الانتهاء وضعه لي في كيس وسلمني اياه وقال اتمنى لك يوما طيبا فقلت له : الا تريد مبلغ ما على الشيرت السابق وما فعلت به انا بالخطاء فرد علي لا تهتم بشأنه ففي الأصل لا يتوجب عليك الدفع لانك تستحق 90 يوما لتستبدل او ترجع مع كامل القيمه الماليه بدون نقصان وليس 24 ساعه ومكتوبه على صحيفه بخط بنقالي. هذا وانا لست بأمريكي الجنسيه ومحترم فما بالك ولو كنت أمريكي الجنسيه !!!!! أأسف على الاطاله ولا تلوموننننننننننننننننننننننني تحياااتي لك اخي صلوحكا

  2. الآخ الفاضل (صلوحكا) موضوعك جيد وهو صرخة تنبيه على ضياع ماتبقى من فتات الشهامة والنخوة والضمير (والوازع الديني) والكل يظن بل ويجزم ان جمع المال هو الهدف الاسمى في هذه الحياة ولو باع نفسه . واساس هذا التصرف وهذه الاخلاق البيت والبيئة.

  3. موضوع رائع ومميز حقا ولاكن الحل يكمن لدينا نحن فنحن من ابتسمنا عند معرفتنا بعملية الاستغفال ولم نطالب بحقوقنا اذكر قبل 8 سنوات كان المقصف في مدرستنا يبيع لنا باضعاف مضاعفه

  4. موضوعك صح مليون بالميه وكل كلمه أصح من الثانيه ولكن لاحياه لمن تنادي وكاننا لانعنيهم الا بسحب المال من جيوبنا عسى ربي يتوفنا وهو راضي عنا ولا يحوجنا لاحد واسال المولى ان يوفقك بحياتك ويرزقك ما تتمنا ..

  5. أصبت الحقيقة يا أخي الكريم .. وأقول من يستغبي الناس فهو الغبي ليس هم .. أيضاً نستطيع كما ذكرت أن نغلبهم بالإرادة .. لكن أين هي .. بارك الله فيك وسدد على طريق الخير خطاك وإلى القمة .

  6. والله صادقه اختي من طلعنا بدنيا و مقاصف المدارس تلهف فلوس المبزره 🙁 والله بلا ما عندك احد :>

  7. الآن يتم الاستغفال بشكل كبير أحيانا يتم بيع سلعه بثمن غالي وهي لا تستحق حتى ربع قيمتها وفوق هذا مغشوشه وحصل لي هذا الموقف يعطيكـ الف عافية أخوي

  8. انا اقترح على وزاره التجارة اقتراح 😀 يسوون شركة رقابية تحت مظلتها ، تراقب المحلات والشركات وغيرها وتستقبل الشكاوي وتتكفل بكافة امور الرقابة على التجارة وعلى المحلات وابد مواردها ياخذونها من الغرامات 😀 ويصقعون المحلات بهاك الغرامات اللي تكسر الظهر اللي تخلي التاجر ينتفض اذا اسمع اسمها 😀 والله ياهي بتجيب ارباااح مب صاحية 😀 وتتفرغ الوزاره العجوز لمهامها الجسيمه 8) يعطيك العافية اخوي صالوحكا ،، بالفعل والله تعبنا من الكلام وماعندك احد

  9. بالفعل اصبت عين الحقيقه وهذا مانشاهده للاسف من التجار الي يلهطك بالسعر ولايتفاهم كائنك بنك متحرك وكمخه ووزارة التجاره ياغافل لك الله او لاحد يقطع رزقنا بعد حنا

  10. اقــــــــسم بالله انك تقول الكلام الصحيح ياخوي وزراة التجاره نايمه والدليل اي شي تبغا تشتريه اسأل عنه في ثلاث اماكن مختلفه وشف الفرق كل هندي او اي كان يرفع السعر على كيفه واكثر تصريفه لهم الحين كلو شي غالي وعلى هالحاله ليه لأنه هو وغيره يجرون ان مافي احد بيحاسبهم غير رب العالمين وهم ماعندهم خوف من ربهم ,,, شكــرآ وآسف على الأطاله …

  11. انت مبدع في كلامك الذي يطرح على هذه الاسطر .. كلام جميل ومعبر عن حقيقه نحن وانت نعاني منها. شكراً …صلوحكا.

  12. السلام عليكم : اشكر لك اخوي طرح هالموضوع اللي يلامسنا جميعا وحبيت اضيف على كلامك او بالاصح اعلق عليه اخوي المشكلة انك لما تجي تبي تتطالب بحقك تلقى اللي معك ينقدون عليك بانك لابد ما تتدقق او بالاصح لاتكون معقد ، والادهى من ذلك انه اصحاب المحلات انفسهم تعودا إننا كخليجين ما نطالبهم بأي شي بينما لو اي جنسية اجنبية (اوربيه مثلا) تلقاه ينفذ لهم جميع ما يطلبون ،

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى