يابوو متعب..ياملكنا الغالي طالبين الفزعه

أعدائي المستمعين والمشاهدين
أستغفر الله من أول الموضوع باديتها عداوه..ترى سامحوني
بقول أعزائي..بس والله طلعت بالغلط..ومامسحتها>__<..وإن دل على شي
يدل على كثرة القلق والإضطراب..والسمووحه منكم يالغالين
والله هاذي اول رساله لي في قروب أبو نواف..وأتمنى لو انها توصل لأسماعكم
يارب..الله كريم..
احم احم..خلونا في موضوعنا
أسعد الله اوقاتكم بكل خير يا أبناء المملكة والخليج والعرب
..قالوا المملكة العربية السعوديه غنيه..مدري والله هاذي حقيقه ولا إشاعه
كم ميزانيتها؟..والله ماسمعت..إذا أحد منكم يعرف خل يفيدنا
..بس على ما أضن انها بلد فيه خير ونعمه ولله الحمد..فأما بنعمة ربك فحدث..

وعارفه إن احنا بخير ورخاء..

لحضه..بقاطعكم..ترى انا ما اتكلم بالسياسه..انا بريئه ولا اعرف شي عن السياسه
و أعذروني على أسلوبي المتواضع…
المهم إلي بغيت اقوله..وأتمنى من كل قلبي توصلوون رسالتي للمسؤلين
..إذا كانت دولتنا السعوديه غنيه..
ما الذي يمنعها..بل ويعجزها..قصدي يخليها تعجز عن إفتتاح جامعات وكليات لأبنائها؟..
ايه فيه جامعات..لكنها قليله..ولعلمكم ترى إلي مايحصلون كراسي..
..قصدي مقاعد للدراسه..عددهم أكبر من إلي حصلوا الكراسي..واحسرتاه بس على إلي يبون يكملون تعليمهم
ولا عندهم ميزانيه((أموال))…
ما ادري ليش مايفتحون كليات وجامعات..ما أضن تنقصنا الفلوس..ولا أضن تنقصنا الأراضي..ولا أضن ينقصونا العمال عشان يبنون
المباني..ولا أضن ينقصونا المعلمين و المعلمات ذوي الكفاءات والخبرات..ولا ضنتي ينقصونا الطلاب والطالبات
بس تدرون شلي ينقصنا؟..ينقصنا التخطيط السليم..ينقصنا العزم على إفتتاح مشروع…..
وينك يابو متعب..وينك…آآآه..
أنا إنسانه طموحه أبي أكمل تعليمي..ما أبي اوقف عند شهادة الثانويه…
لكن وش ذنبي إذا ماجبت نسبه ترفع الراس..
منو يوصل صووتي لملكنا..أبي ادرس..أبي أكمل تعليمي…
يعني لازم ادور لي على واسطه..واحد يتوسط لي عشان ادخل كليه وجامعه؟؟
ما أقول إلا الحمد لله على كل حال..لكن قولولي وشلوووون أكمل تعليمي؟..يمكن تقولون دخلي على حسابج..وآآه
لو ألقالي وظيفه اجمع منها فلوس وبعدين ادخل على حسابي كان زين..
لكن لا دراسه ولا وظيفه…وياااااااااااااااااحسرتااه..
ترى موضوعي هذا عباره عن فضفضه بلي في خاطري..وكثير ترى في خاطرهم يقولون هل كلام
…و لو اني خطيت في كلامي السمووحه منكم..
ويمكن الزمن يتغير والله يهيء لي الضروف والأسباب..ويكتب لي أكمل تعليمي..