رسائل المجموعة

وسائط : ياقلب وين اللي تحبه وتغليه

السلام عليكم
مسائكم ورد صباحكم مسرات
يومكم حافل بالخير
من تصميمي mms على مجموعتين


المجموعه الاولى

أبي وعد منك ما تخليني
ولا تساوي غلاي بواحد ثااني..
وان كانك تحبني صدق وتغليني
لامني أخطيت سامحني على شاني
وانا في محبتك ما يلزم توصيني
من يمك الروح
تآمرني وتنهاني

لو احبك كلمه
تاليها الضياع . . .
والله لاعلنها على
راس الجميع . . .
ايه انا كلي جنون
واندفاع . . .
ارخص الغالي على شانك
وابيع . . .
فدوةٍ لك عمري اللي
فيك ضاع . . .
ويا عساني طول عمري
فيك اضيع . . .

اكيد ابزعل واجرحك في كلامي
وانت الذي سويت فيني شويه
ذنبي هويتك واندفعت بغرامي
اعطي ولا افكر برد العطيه
اسمك انادي فيه كل الاسامي
يشهد علي الله رب البريه
يا نور عيني شفت بعدك ظلامي
ماشفت في فرقاك لحظه هنيه
لا لا يغرك بالمحبه انهزامي
نفسي على عهد المحبه وفيه
خايف يضيعني فبعدك هيامي

ياللي خذيت

القلب ردّه عليه

مدري علامي صرت
ضايق ومليت…!!
قعدت أفكر في زمانن
مضى لي …!!
سالت دموعي فوق خدي
وصديت…!
صدت حزينن غربلته
الليالي …!!
لاشك أنا منساك مهما
تناسيت…!
ورقمك بدقه كل ماضاق
بالي

آسف
على الغيبة ما كنت فاضي
آسف على التقصير لا كنت قصرت
رجعت لك حاضر ماني بماضي
أبعتذر يمكن عليكم تأخرت..!!
حطيت في غيبتك الحب قاضي
و حكم علي ارجع لو ما تصبرت!!
رجعت..قانع بحبك و راضي
محد جبرني يوم أرسلت
و
((اشتقت))

أبغى أضمك لين توسم
بصدري علامه,,
إذا قالوا أهلي عسى
ماشر!!من صابك بسهامه؟
أقول حيل ضميته
وكواني بحنانه,,
أتركوني ياهلي ذبحني
هيامه,,
رميت سهمي وصابتني
سهامه,,
أموت ياهلي وناسي
بس لا يوم أفقد
أحضاااانه.
من كلماتي ووضعتها بهذا التصميم

ياقلب وين اللي تحبه وتغليه
من دون كل البشر ياقلب عايشن فيك
يمكن تركنا وبدلك ياقلب بقلب
ويمكن الليالي نسته
دروبك

المجموعه الثانيه

::

حلفت لي
انك معي ترشف [ المر ]..
وانك بتبقالي [سند]..للنهاية!!
وعدتني والوعد دين على الحر ..!
كيف انتهينا ؟؟؟
وتونا في البدايه ؟؟!!

ماني وحيدة طيفك يحوم حولي ~~
اشوفه افكر ب [ هالحال ]..
تصرخ بي [ الاحلام ] يا بنت
قولي واصرخ انا:
لا مابقى شيء ينقال..
طعم الضياع اللي مسبب ذهولي !!
خللي حياتي بين { دمعه }و {امل}

رجع بعد الندم يسأل ويستفسر
عن [ جروحي ] …

ضحكت وقلت له :
[ طابت ] أغيض بضحكتي روحه !!!
ارد بكبرياء: طابت
وتفضح كذبتي روحي ,,
أنا أضحك له . وهي تحلف :
قسم بالله [ مجروحه ],,,!!


ان شاء الله اعجبتكم
وتحيااتي للجميع ومبروك عليكم الاجازه
وردة بريدة rose99

مقالات ذات صلة

‫22 تعليقات

  1. :D:Dوسائط جميلة واعجبتني بشدة اتمنى لك النجاح والف شكر لك ياوردة

  2. وهـــــــ بثثثثثثثثثثثثث على هالحركتات يجنن كلهن بس بالاول صور الانمي احبطتني شوي بس يوم تمعنت بهن وكبست عليهن العالي جازن لي الله يعطيك العافية وابداع موفق إن شاء الله في الوسائط ومن أحسن إلى أحسن 8)

  3. تسلمي اختي ورده على التصاميم الرائعه والله يعطيك العافيه:D خالص تحياتي memo

  4. بصراحة كان ممكن تستغلينها صح ؟؟ بعض الكلام والصور ماراح يجي من وراها غير الذنوب رأي خذيه في عين الاعتبار من أجلك .. كوني بخير

  5. اسمحي لي أن أعبر عن مدى إعجابي بإبداعاتك تقبلي مني كل تقدير واحترام

  6. روووووووووووعهـ لاهنتـ أبونوافـ على الأبداعـ يعطيكـ ألفـ عافيهـ8)

  7. اموت في الذوق الحلو واغار من القلم الي بين الاصابع يكتب حروف وكلمات تخرج عسل ومشكوووووووور ع الذووووووق الحلو

  8. جونااااااااااااااااااااااااااااااااان سلمت أناملكي روووز مبدددددعة

  9. روااائع .. الحقيقه مااادري .. وش اقول؟؟ هو فن ؟؟ هو ذوووق ؟؟ هو حس ؟؟ شكراً وردة

  10. اشكر كل من طالع رسالتي وشارك برد هنا تحيااتي لكم وان شاء الله القادم احلى ردودكم تدفعني لاقدم الجمال لاعضاء مجموعتي المفضله ومن راسلني عن كيفيه عمل وسائط هي بسيطه ولا تحتاج معرفه كثيره بالفوتوشوب والاميج ريدي وان شاء الله في رسائل قادمه راح اقدم شرح لها .. ولمن راسلني عذرا .. لا استخدم الايميل للمراسلات الشخصيه ولا افضلها دمتم بخير دائما وشاكره لكم اخواني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى