رسائل المجموعة

نقل المباريات ( الله بالخير) عندنا

مراحب عدد تراحيب المطر
وإن هل شوي بس تراحيبكم عندي كثير .. الله ، ، الله << لا تدققون
أولاً أمسي / أصبح على كل فرد في مجموعة أبو نواف العظيمة
وهذي أول رسالة أرسلها للهذا القروب العظيم
عشان أنا مفقوعت (ن ) تسبدي كما هي تسبود من يهتمون
للرياضة عندنا ، ولا عندهم إشتراك في أي قناة
أخرى << مثل حالتي على القناة الرياضية السعودية وتخب بعد

أبدأ بطرح المشكلة العويصة والتي تتمثل بنقل المباريات في الدوري السعودي
اللي تفقع المرارة وتجيب الضغط والسكر

يعني إذا في مباراة مهمة أو حتى غير مهمة
وتهوجس فيها من يوم تداوم إلين ترجع البيت
 ولا تقيييل من كثر الحماس لهذه المباراة وحاط كل أملك بالقناة هذي عشان تنقلك
 المباراة بالشكل اللي يخلي الواحد يعني مثلاً مهتم ومنفعل وناسي كل شئ
ومجهز المكان 

يعني ، من ناحيتك أنت جااااهز للمتابعة المباراة
بس القناة الذهبية << أيه هين
ما أدري متى بيتطورون ويحسون أن فيه ناس مهتمه فيهم ومتابعتهم ومتابعة
كل المباريات اللي عندنا ؟؟،، ما أدري متى  ولا أعتقد أن أجد جواباً لهذا السؤال
بنشوف إخراج يليق بالدوري السعودي ،، صح إن الدوري عندنا مو زي الدوري
الإيطالي والأسباني والأنجليزي

بس دوري على قدنا وعلى الأقل أحس من غيرنا
لكيييين النقل بزاتوو ما مفروزز يكون بالشكل دا
أصصوو ما مفرووزز يكون بالشكل دا
لا تلوموني من القهر والله العظيم

يعني المخرج من جهة والمباراة من جهة وتلقى المخرج الكريم موزع المصورين
 الكرماء في أماكن مال أمينها دااااااااعي
وتفوتك لقطات ولقطات إلى أن تتعب ،، والمخرج ما حصل ولا وحدة منها
ناهيك عن الإعادة البطيئة ،، يعني ليه سموها إعادة بالصورة البطيئة
عشان المخرج الكريم يحط الكاميرا حقت هالحركة البطيئة فقلعة وادرين

ومن بعيييييييد تشوف التسلسل أو الهدف أو لقطة حلوة أو أياً كانت

وإلا تشوف مصور من المصورين فااااهي ومشغل الكاميرا حقته وهو ما يدري
وحاطها بالأرض عند رجوله << الله يعزكم
وهو الله بالخير يصلح شماغه و إلا يسف له كم فصفصاية وهو ما يدري وين الله حاطه

يا جماعة الخير حرااام والله العظيم ،، الناس تطورت في نقل المباريات وأصبحت تبدع
وتتفنن في النقل وأحنا ( شرحك سره ) يعني ( مكانك راوح ) يعني ( ما تقدمنا ) أبد

لا نروح بعيد ونقول الدوريات الأوروبية ،، خلونا قريبيييين
وشوفوا قطر والإمارات وين وصلوا في نقل المباريات والتقنية اللي وظفوها بالشكل
اللي يرفع الراس ،، كاميرات في كل مكان وموزعة بشكل رهييب وكثيف
ومصورين متمرسين ، ومخرج رااائع ،،
وفي الأخير يطلعون بمباراة ترفع راس القناة والمخرج المسؤل عن نقل المباراة

وعندنا للأسف ،، نقل عقيم بما تعنيه الكلمة وسيئ لأبعد درجة
وعندنا الأندية القوية والتنافسية والملاعب العالمية
ولكن النقل الله الله الله الله الله بالخيييييييير

يعني لا نقل زي الناس ولا صوت زي الناس
الصوت يجي ويروح

إذا رفعت صوت التلفزيون رفعوا الصوت من عندهم ،، تقول إزعاج بزارين
يلعبون بلايستيشن

وإذا خفضت الصوت خفضوا الصوت من عندهم ،، تقول عناد ويمكن موظفين واحد
يراقب اللي يرفعون الصوت ويخفضونه عشان يلعب معهم << ههههه

والمشكلة تشوف الواحد متحمس وطايرت(ن) بوهته وفي الأخير يتفرج
مباراة على القناة الرياضية << والله حسافه

لاااااا ،،، كله كوم والمعلقين الكرام عندنا كوم تااااااني بالمررررة

صراااخ وصراااخ وصراااخ يفقع طبلة الأذن الوسطية
وعلى كرة في وسط الملعب ،، ليتها جنب الباب

ART يا جماعة الخير أتمنى أن أغض بصري عن الجزيرة الرياضية وال  
 ترا ماقصد شئ  >> LBC وعن الأوربت وعن ال

أتمنى أن أغض بصري ولكن لا أستطيع فهناك ناس محترفين نقل مباريات
مو زي اللي عندنا ( بربسة في بربسة ) وياليت نطلع زي الجزيرة أو نصها بعد


 أتمنى أن تصل هذه الرسالة إلى المسؤولين في وزارة الإعلام وخاصتاً
في نقل المباريات التي تقام على أرضنا
الحبيبة ، وأتمنى من كل قلبي وعبر هذا القروب الراااائع جداً أن نشاهد
على القناة الذهبية نقل لمباراة تليق بما وصلت إليه رياضتنا وتليق بما
وصلت إليه سمعتها على المستوى جميع العالم

ونوفر حق إشتراك القنوات الأخرى لشراء تلفزيون أبو 43 بوصة 
ونستمتع بالنقل صوت وصورة ومعلق يرضي آذاننا مو ( يصمخها ) << صريييح

وسامحوني ترا التعبير من جنبها والمفروض إذا جيت أنا ووجهي أكتب موضوع
ولأول مرة أكتبه يكون بالتفصيل الممل وبصورة أفضل من كذا ،، لكن الجود من الموجود
والجايات أحسن <<  يالزقة

يا أعضاء وش رايكم نشن حملة على القناة الرياضية وخاصتاً نقل المباريات
عشان يمكن يتحركون شووووي

وقتاً به السرحان جاع
والكلب بطنه ممتلي
وقتاً مهو وقت السباع
وقت الحصيني والطلي
مازن

مقالات ذات صلة

‫11 تعليقات

  1. اولا ارحب بك يااخي مازن والله من صدق عجيب امر القناه الرياضيه من جميع النواحي من تعليق الى تصوير الى تحليل. والله يكون في العون يقول المثل ( ما معى المتحمد الا عشاه) وماقصرت يااخي ولو اتضامن معك في شت الحمله انا الي بروح فيها هههههههه

  2. يعني القناة الرياضية ماهي قادرة تشري حقوق البث الأرضي للمباريات المهمة؟! يعني اللي يبي يتعفف عن الدش ما يقدر إذا صار مهتم بالكورة .. لست من متابعي الكورة لكن أجد ذلك بشلتنا بالاستراحة

  3. والله ياخوي انا وياك في كل كلمه والصراحه انا امارتيه والاخراج عندنا ولا اروووووووع بس اذكر مرة شفت قناه عمان والسعوديه شي رهيب والله<<الله يكون في عونكم تحياتي سارة

  4. فعلا المباراة في وادي و الاخراج و التعليق في وادي اخر …. و تراني مشترك بالاي ار تي و ما كو فرق ابد الا اللهم وضوح الصورة و الالوان احسن شوي بس لا تعليق و لا اخراج الا قلة تستمع بهم من امثال الشوالي و بن خليف و الغول .

  5. والله قصتنا قصة .. وسالفتنا سالفة أنا أكتب لك لأني خضت تجربة (حلوة هاذي تجربة) مع قناتنا (الذهبية) المعلق في شارع والمخرج في ممر والمصور على الطريق الدائري تراني مركب الدش قبل سنة (متطور حديثاً) وبالتحديد قبل أسبوع من كاس العالم وأبشرك معي اشتراك في ART والجزيرة ومبسوط كل البسط خذ نصيحة مجرب خذ اشتراك في ART (صحيح إن اشتراكهم مش ولابد) بس تراه يمشي شوي

  6. اسمعت لو ناديت حيا ولكن لاحياة لمن تنادي انت اصلاا شف الي يقدمون قبل المبارة الي مسوي كل واحد يلبس لبس فريق من الي يتبارون قسم بالله يافيهم مصاله لو وزعت على مقدمي البرامج العربيه لكفتهم.. هذا اولا ..ثانياا ذاك اليوم من زوود القراوة ايميل البرنامج فاتحينه جالسين يفرغون البريد ويقرون رسايل الناس يوم جابوا الكاميرا طلع هوووتميل الله يفشلهم وزود على هذا طالعه الدعاية الي على اليمين كانت مش ولا بد… اما بخصوص فحوى موضوعك فما يحتاج اعلق انت قلت كل شي.. شكرااا لك على الموضوع

  7. القــناة الرياضيه لا يمكن تتطور بوجود هالكادر العـنصري اللي يعمل فيها ,, يعني لو تلاحظون ان المقدمين والمعدين ميوولهم مفضوحه بالقناة وهذا الشــي جــدا ما يصلح وهو الشـي اللي مكرهني في هالقناة حتي انا ما اسميها القناة السعوديه اسميها اسم ثاني بس ما ابي اقولكم 🙂 واتمنى من السلطات العليا في الرياضيه السعوديه النظر لهذه التفاهات في هالقنات تحتي للجميع مشاري

  8. اي والله انك صادق يا مازن .. لا اخراج .. ولا نقل .. ولا استديوهات زي الناس والعالم .. قسم بالله شي يحز في النفس !!! حتى مبارياتنا ودورينا مانشوفه زين … والله قهر … مير الشكوى لله .. ما قصرت يامازن .. والله يعطيك العافية يارب . . . صلوحكا

  9. انا مادري شلون يامازن تشوف مبارايات على ذهبيتهم !!! وانت ماحلفتني نتباشر يوم سمعنا ان ART بتنقل كل المباريات صحيح ان سمعة الارتي مهيب اللي انت تبي …. بس على الاقل التحليل ينهضم والبرامج عن الدوري السعودي ماقصروا فيه في اكثر من برنامج .. هذا غير المعلقين في المباريات الكبيرة يحطون لك 2 والمشكلة اذا قلت ليش السعودية الرياضية هذي امكانياتها ؟ قالولك هذي قناة حكومية ماعندها ميزانية !!! خذ بشوري واشترك art

  10. صح لسانك وقصيدك جزلة من واحد جزل وعن قناة السدرة ورفعت الضغط فاصبر ان الله مع الصابرين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى