رسائل المجموعة

منتديات العدادات ،، وأسهم البالونات !!!

لايمكن رؤية المحتويات لأنك غير مسجل……………. سجلنا
لا يمكن رؤية المرفقات إلا بعد الرد على الموضوع….. ردينا
وبالآخر يا ليت تحصل مادة رهيبة تستحق هذا العناء….

هل هدف هذه المنتديات زيادة أعداد الأعضاء بأي شكل؟
حتى ولو كانو أعضاء غير فاعلين!!!!
وهل هدف الكُتاب زيادة أعداد الردود بأي شكل؟
حتى ولو كانت ردود فارغة !!!!

هل ظاهرة منتديات العدادات أصبحت سمة الأنترنت العربي
الهدف الرئيسي هو عدد الأعضاء وعدد الردود

تماما مثل سوق الأسهم …
يرتفع سعر السهم ويوصل للسما…
ولا يعكس أبدا حجم الشركة الحقيقي وما لديها من موجودات لا تشكل ربع قيمة أسهمها
وتجد كل هذه الأسعار على فاشوووووووش… مثل البالون المليء بالهواء
يسهل انفجاره بشكة دبوس
وما طار طير وارتفع..إلا كما طار وقع

وفي رأيي… منتدى بعشرات الأعضاء الفاعلين … وملايين القراء المسرورين بالمتابعة
خير من منتدى بملايين الأعضاء المجبرين على الإشتراك وغير فاعلين بالمشاركة وذوي ردود فارغة

علامات استفهام وتعجب إلى مشرفي منتديات العدادات المحترمين وإلى الكُتاب الموقرين
؟؟؟؟؟؟؟ !!!!!!!!!!!!!!

مقالات ذات صلة

‫14 تعليقات

  1. لقد تكرر هذا الطرح.. لكن إلى متى لا توجد هناك عقل يعي هذا الكلام .. منتديات فارغة المضمون.. أهكذا نحن العرب!! شكرا أخي الكريم لطرحك القيم و أتمنى أن تجد آذانا مصغية و عقولا واعية.. و نخرج بفائدة

  2. فعلا اخوي نبيل تدري وين الحل تحديد الاهداف وراء كل نجاح و المنتديات هدفها ملامسه السماء بدون اي اساس متين في الارض تخيل لو اختلفت الاهداف ؟؟؟؟؟

  3. بارك الله فيك وبارك الله لك في نظرتك الثاقبه حقيقة كنت اغوص في المواقع ويؤلمني جدا عباره تخرج اليك وهي ( حجب عنك المقلال …. او لايمكن لك رؤية….لانك لست مسجل ) هل يلزموننا بالرد على شئ لم نقراه او نراه بدات اكره المواقع التي تجبرك على هذا حتى لو كان الموضوع مهما لي بارك الله فيك مرة ثانيه والسلام عليكم ورحمة الله وبركاته اخوك اكرم من الصين مدينة كوانزو

  4. مشكور اخوي على طرحك للموضع والله بجد قهر والمشكله انك تلاقي نفس الموضوع في كذا منتدى ولازم تسجيل بعض الاحيان افكر اسجل واهزئهم واتراجع على الحظه الاخيره اخلاقي ما تسمح بس نقول صبر جميل والله المستعان وان شاء الله يفهمون انه مو المهم الكم بل الكيف مو جمع خلق على الفاضي؟؟؟ مشكور مره اخر على الطرح.

  5. تتجه هذه المنتديات لهذا الفعل المزري لكي يكون عندها أكبر عدد من الأعضاء، وبالتالي أكبر عدد من المتابعين والذين يدخلون على مواقعهم، وبالتالي إلى تنبه شركات الإعلانات لهم لأنهم بذلك سيحققون نسبة دخول عالية على مواقعهم وبالتالي نسبة مشاهدة أفراد كثيرين للإعلانات تكون كبيرة، الأمر كله يتعلق بالمال والمال فقط. ودمتم سالمين

  6. ياخي فيه أحد قد قالك إنك رهيب من قبل ؟ والله قلت نفس اللي ببالي ,, من جد هالمنتديات مسخرة بمعنى الكلمة

  7. هلا نبيل .. ومرحباً بك معنا في قروب ابو نواف .. وبداية موفقة وناهيه وماعليها كلام .. موضوعك وطرحك مُناسب وعلى المحكّ .. ثق تمام الثقة أن من ينتهج منهج ( أبغى أعضاء واجد ) بس من دون فايدة .. هذا مريض نفسي ويبي له ربط صواميل لين يركد .. النجاح حق النجاح في الجمع بين النُخبه والطرح .. بشكل آخر .. المنتديات حالياً كثر سمك جدّه .. في كل صوب تلاقي منتدى .. بس الغالبية ( نسخ لصق ) .. وهذا اللي يقتلك ويجيب لك الطواعين .. مامثل أن نفس الأعضاء تحاول إدارتهم أنهم يكونون متميزين بطرحهم حتى لو كان في بدايات وطُرُق وشغلات بسيطة .. بالنسبه للمنتديات اللي تمنع المٌشاهده إلا بالتسجيل .. فهذولي أحسب لهم سنة سنتين وحط معها كم شهر ثم تذلف وتفكنا من شرّها .. وعمر النت ماصار لشخص لوحده .. الفايده للجميع .. والتسجيل مفتوح على ودانه . وماراح يبقى إلا المتميّز .. شُكريا حبيبي والغدا معنا .. إلا تمّ 🙂

  8. اقسم بالله انك جبتها على الجرح بارك الله فيك والى الامام دائما المشكله كلها مواضيع زي قلتها المطربه الفلانه عريانه المطرب الفلاني سكران سخافات ما لها داعي انا على العموم عندي اسلوب عملي لهذا التسحيب اول ما يقولك سجل (سوي له احلى ديليت وبالسعودي (احلى سيفوووووووون ) تراي اول مره ارد وربي بس موضوعك فعلا جاي على الجرح اتمنى لك التوفيق من كل قلبي

  9. و الله اني ساعات ابحث ع قوقل مواضيع لبحوثي المدرسيه .. أبحث و ابحث و احصل عنوااان يشدني و قريب من بحدثي .. و يحصل لي مثل ما قلت .. أسجل … و أرد و آآخر شي ما في شي يستاااهــل المنتديات اللي شاااركت فيها بس لأقرا الموضوع .. مااا ينعدون من كثرهم اسجل بأي اسم و ارد رد وااحد بس .. و الصراااحه ما اعرف شو استفادو من تسجيلي و ردي لأني بعد ما اوصل هدفي وآخذ اللي ابغيه انسى حتى اسم المنتدى .. خليهم .. اذا هذا الحال عاجبنهم خليهم ..\ بس عندي ملاحظة في منتديات نسائيه ما تطلع الموضوع الا للأعضاء لخصوصية المواضيع مثل هذي المنتديات ما عليها حرج بس البااااقين مالهم حجة .. تحياتي .. وردة

  10. أنا مسؤول عنـ أحد المنتدياتـ ,, وأنا صراحة ,, ما أحبذ هذيـ الحركهـ أبدا .. المنتدى عنديـ مفتوحـ ,, بتسجلـ اللهـ يحييكـ ,, ما تبيـ اللهـ معاكـ وما ألزمك في التسجيلـ,, مشكووور ع الطرح الجميل

  11. يبونك تسجل عشان يجمعوون اكبر عدد ايميلات ويبيعونها لشركات الاعلانات والدعايات والدليل انك فجأه تجي تلقى اعلانات لشركات على ايميلك ماتدري من وين جابو بريدك .

  12. هلا ومتيين حلا بك اخوووي نبييل ..واالله انك تعجبنييي وجبتهااااااا بالصميييم ,,والله دووووم استغفرالله ادعي عليهم اللي خلقكم ماخلق غيركم واضف كيبوردي والماوس واطلع وبالنهايه اكش عليهم وااطلع ..تقل اتخانق مع انسان بس وش اسوي من القهر ..بس السؤال اللي يدندن بالي كل شيئ وطلعوله برنامج الا كسر خششوم المنتدياااات ماطلعوله.. يقولون في طريقه للدخول بدون تسجيل جربتههاوماكل مره تسلم الجره..على العمووم الله يوفقك على الطرح شكلك معاناتنا..واخيرا لاملك غير هاذا الدعاء ((اللهم اجعله مننمن يبشر بروحن وريحناوربً راضن غير غضبان))

  13. من وجهه اني اقفل المنتدى من اجل ان اكسب اميلات من اجل مراسلتهم فيما بعد اماا عن مووضوع اني ما اقدر احمل او اشاهد موضوع الا ان ارد هذا الي لا ارغبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى