...معتقدات طفله سعوديه...

خخخ مدري وش ابدي فيه قبل الموضوع
ابي اصير كذا حركات مثل الي اول مره يرسلوا دقيقه بسوي مثلهم
انا اول مره ارسل للقروب الي يجنن دا
وبليز لاتزعجوني بالردود
اقول بس اخليكم مع موضوعي القميل
موضوع من تأليفي<<اكفى

...

طفش صراحه كل ماضوع يبااا لووو مقدمه

خلونا نخوووش دوووغري في الماااضوع

يوم اني ورعه
كانت عندي بعض الاعتقادات الغريبه
الي تدل على انواع البراءة بجد اشوف نفسي وحشه بالنسبه لي وانا صغيره يا حبيلي كنت بريئه حيييييييل

المعتقد الاول
ان في المستقبل انا بصير كبيره وابوي بصير صغير
وكل ما يهبدني على شي سويته اقول له اوريك بس اكبر
والله لا اصفقك تصفيقك
هين بس يصير خير وبعد قسمن بالله ما اوديك الملاهي
وحركاتك ذي كل يوم تروحي لجدتك بس اكبر مافيه فاهم

المعتقد الثاني
ان كل قناة في التلفزيون تدل على دوله
يعني ذاك الايام الي معهم اريل جيد تطلع معهم البحرين وام بي سي
والي اريلهم تايواني مثلنا بس السعوديتين
فـ كانت عندي قناعه داخليه ان في دوله في العالم اسمها السعوديه الثانيه
و من يجي الصيف وتجتمع العائله على مأدوبة العشا
ويفاتحنا الوالد بماضوع السفر
اقل وكلي براءة يباه ودنا نروح السعوديه الثانيه ولا مره ترى راحناها تصدق يباه عندهم الرياد والكوبر تصدق يباه احسهم يقلدون على الرياض الي عندنا بس الكوبر ذا ماعندنا زيها تصدق يباه حريمهم ما يتغطواوالله ما يستحوا
ولاه تصدق يباه ما يتكلموا سعودي يتكلم انجليزي يلعن ابوهم حركات <كح صفقه من ابوي
طبعا اقول في نفسي بـ كبر

المعتقد الثالث
و من احد المعتقدات الي ودي اقتل نفسي عليها
بجد احس اني انسانه غبيه الى اقصى درجه
ايام حرب الخليج انتشرت حركه عندنا بالمدرسة
انوو الي تلاقي شعره في القرآن تاخذها وتحطها في كأس مويا وتقرأ الصفحه الي حصلت عندها الشعره
وبعدها تشرب المويا وتكب الباقي على باب بيتهم
وصواريخ سكود ما تجي عند بيتهم
والكل يقول ايه صحيح احنا لقينا
واهلنا الي في الكويت مسوينها والصواريخ تضرب بيت جيرانهم وهم ما يتصوبون<<والله انواع التشليخ وحنا صغار
وتضربني الهواجيس واقول لامي اجمعي كل المصاحف
وبكرة غايبه غايبه من المدرسه مافي تفاهم
لازم احافظ على بيتنا من الصواريخ واجلس ادور ادور ادور ولا حصلت
بصراحه تحطمت وجلست ابكي نبي نموت في الحرب
المهم رحت اجر اذيال الخيبه المدرسه مابي اكمل تعليمي بـ نموت
وكانت عندنا حصة قرآن تسميع آيات سابقه
ابله ساره عصبيه حدها يعني تخرررررع
المهم وهي تسمع باقي بنتين وتوصل لي واشوووف الشعره
والله وانقز لقيتها لقيتها وخرو عني لا تطيح
واحس ان البنات كان يناظروني بنظرت حسد واعجاب لان ما تلقى الشعر الا المؤمنه
<انواع الزحف وهي صغيرة
وطلعتني برى الفصل و تطقني ام الركبه
انا الدافورة والاولى مكرر اطلع برى<ايام ابتداعي كل الفصل الاوائل
طبعا ما علمت امي ولا احد من اهلي عن السالفه
المهم ا في النهايه ابله ساره لقت لها شعره في مصحفها وجابت العيد مثلي

المعتقد الرابع…

اصل كل الناس الحاره
ايه برضوو من عقليتي الخونفشاريه الي والله العظيم انها كلها براءة وطفولة
كنت اعتقد ان كل الناس من حارتنا يعني الي ساكنين في البحرين<لانها اقرب شي لنا
اصلهم حارتنا
وكثير كنا نروح مكه ولاني ثوره واا صغيرة وماكنت افهم

ويوم اني بديت افطن كنا رايحين مكه
اول ما دخلنا الحرم انبهرت من الزحمه سألت ابوي بـ ثوارتي المعتاده اووه يباه
الحين كل ذا الناس من الحاره وينهم ليه ما يجون عندنا اذا سويت عزيمه
ويخزني الوالد ياحبيله المهم اني انطميت وبدا ابوي واخواني المناسك وانا تدول في خلدي مئات بل ملايين الاسئله
ويجوا للسعي واستغل الفرصه في التفحيط والتقحيص في الصفا والمروه<لا تلوموها كتله طفوله مهمله في المستشفى الى عمرها ثلاث سنين<تبي تقول قصت حياتها
واقدم عند ابوي يباااه الحين جد جد كل هالناس من الحاره
ابوي شكله وده يصرفني فـ قال احسن حيل يرد علي
قال لا من كل مكان
قلت له اووووووووه يعني من الحاره احس ماتكفيهم كثير
يباه الحين اي اكبر السعوديه ولا الحرموكان ابوي رايق فقال لي كـ اي ابي معاصر و مواكب اساليب التربيه الحديثه
لا يا بنتي اكيد السعوديه اكبر
قلتله وقد التمعت شعله البثاره في عيني
يعني الحاره اكبر من الحرم

ابوي ساكت لكن فاجئني بحركه مباغته ان صفقي كف
قلتله ليه يا بابا انت قلت ان السعوديه اكبر من الحرم
والحاره اصلا اكبر من السعوديه
اذن اقتضاء منطقي ان الحاره اكبر من الحرم

<من يومها بزره تفهم في الاستنتاجات

المهم ان الوالد ما قصر وشرح لي ان نظريتي خطــا وكانت صدمتي كبيره
المهم كملت حياه على قناعه جديده<ما تهون ان القناعات
بمـــا أن السعوديه اكبر من الحاره
إذن السعوديه اكبر شي

وكبرنا و تطورت مداركنا