رسائل المجموعة

لإنك إرهابي ,, إدفع

لإنك إرهابي,, إدفع!!
عبدالعزيز الصالح الغميز
Aziz1st@

(شين وقوي عين) الكل يعرف هذا المثل الشعبي تقريباً! ولإخواننا العرب أقول لهم أن المثل يعني (قمة القبح والوقاحة في آن واحد) يبدوا أنني فاشل جداً في الشرح!!

بالنسبة لي آخر من طبقت عليه هذا المثل هو السفير البنقالي عندما أخذ يصرح بأن عدد مواطنيه سوف يزداد في الدول الخليجية! أيضاً أقول هذا المثل كلما أرى الدولار الذي سحّبنا على وجوهنا رايح جاي!

بالأمس استقبلت رسالة إلكترونية من أحد الزملاء وعندما قرأتها قفزت من مكاني لأصرخ أنا وجوارحي وقرحة معدتي قائلين (شين وقوي عين.. شين وقوي عين)!! وكأنني أرخميدس عندما اكتشف قانون الطفو ، الله يخلف علي!!

الرسالة تذكر أن الخطوط البريطانية BMIقد فرضت على السعوديين ضريبة أحداث 11 سبتمبر!!!! والحقيقة أنني لم أصدق هذا الخبر حتى تأكدت بنفسي منموقعهم وعندما قمت بحجز تجريبي ظهرت لي ضريبة 11 سبتمبر بقيمة 1600 ريال تقريباً والبقية مبلغ بسيط جداً ضرائب أخرى!!!

وعرف عن البريطانيين شدة الوقاحة وقلة النظافة والبخل الشديد! ولكن أن تصل لهذه الدرجة فهذا اسمه أسمى مراحل الوقاحة!

هذه الخطوط أصبحت بديلة للخطوط الأخرى British air ways  بعد أن توقفت رحلاتها من السعودية منذ عام 2003 نظراً لخوفها من تهديد ارهابي! وعندما زال الخطر وحاولت أن تعود كانت الــBMI قد حلت محلها!
أما الخطوط التي توقفت, فهي من وجة نظري الشخصية أفضل خطوط قمت بتجربتها رغم أنها بريطانية وهذا شذوذ عن القاعدة (أقسم بالله أنني لا أقصد هنا قاعدة أسامة بن لادن) , أما البديلة فهي أسوء من باصات النقل الجماعي في مواقف البطحاء وأتوقع أن الفرق واضح جداً!

وفي العام الماضي, مررت بتجربة شخصية في مطار هيثرو مع خطوط الــBMI وكان الموقف عنصرياً بغيضاً إلى أبعد الدرجات! وجرب معي الموظف البريطاني الذي لم يستحم منذ حوالي 15 عاماً كل أنواع العنصرية والتعصب حتى كاد أن يتسبب بتلف أعصابي بعد أن تلفت قرحتي!!

المسئولون في هذا البلد كانوا حازمين جداً مع الــBritish air ways عندما رفضوا عودة رحلاتها لهذا البلد بعد زوال التهديد الإرهابي كما يقولون!!

لكن ماتقوم به خطوط الــBMI  حالياً من فرض ضريبة بدل إرهابي على السعوديين هو قمة الوقاحة والعنصرية!

وإذا كنا ننظر لهم بنفس المنظار فهم الذين استعمروا وخربوا دول العالم وهم أصحاب وعد بلفور المشئوم لليهود وهم الذين بنوا شبكة المترو التحتية على جثث الهنود وهم الشعب الأقل نظافة في دول العالم!!

 وإذا لم تطرد هذه الخطوط من بلدنا شر طردة فأتمنى على الأقل أن يفرض عليها وعلى كل البريطانيين ضريبة وعد بلفور وضريبة وقاحة وقلة نظافة وضريبة قلة استحمام!!

وبعد تجربتي معهم في العام الماضي كنت قد تكلمت مع أحد زملائي عن قذارة هذه الخطوط فقال إنني أبالغ في وصفي وأنني متحامل عليهم نظراً لعشقي للخطوط البريطانية الثانية, وهذه المرة أهدي هذا المقال لصديقي الذي اتهمني بالمبالغة!

وأخيراً,, شيء محزن ان كان هناك سعودي سوف يسافر على متن تلك الخطوط هذه السنة وقام بدفع تلك الضريبة! ضريبة بدل إرهابي! دمتم بود يا إرهابيين!!

مقالات ذات صلة

‫29 تعليقات

  1. لو تفضلت ممكن توضح التالي. أنا حاولت الحجز ولم يظهر ماذكرت. بل كل ماكتب هو applicable taxes, fees and charges

  2. عادي وسع سدرك؟ يعني وش صار؟هم يشوفوننا كذا ولاحد راح يسألهم يوعقبهم.للاسف كرامتنا بالارض. تحياتي يا استاذ

  3. تسلم يا الاخو على نقلك الواقع وصدق شين وقوي عين كيف بعد هذي الاهانه لنا حنا السعوديين وباقيه نعامل معها ما اقول الا الله ينصر المسلمين

  4. الاخ عبد العزيز مشكور على توضيح مثل هذي المهازل ونتمنى من الكل نشر مثل هذي الاخبار ،، الحقيقة شي مؤسف فهذي بريطاني وقبلها استراليا تستثني السعودية من بين دول الخليج في الحصول على الفيزا !! والله اتمنى من السعودين وباقي الخليجين مقاطعتهم والاهم رجال الاعمال وعدم السفر سواء كان للسياحة او للدراسة او غير ذلك ،، حتى يعرفوا قيمة السعودية منار الاسلام …

  5. فعلاً شيء يقهر. في الحقيقة أنا وانت لا نستطيع ان نفعل شيئاً، ولكن التغيير يبدأ من فوق. أذكر أن الأمير أحمد بن عبدالعزيز قد توعد الدول الأخرى بالمعاملة بالمثل. فهل تفعل تفعل وزارة الداخلية وتبادر الى اقرار ضريبة مماثله على البريطانيين الأجلاف، وتقر ضريبة واحده مما اقترحته أنت. وشكرا لك على غيرتك ووطنيتك أيها الارهابي.

  6. يا عزيزي حتى دكاترتهم بالجامعات عندنا والله انك تروحه (تشمه) وتعرف انه وصل قبل ما تشوفه… اتذكر حنى ان فاعة واحد منهم كانت في اخر الممر باختصار مسويين بقية الدكاترة له عزل اما بالنسبة للضرائب اخوي عبدالعزيز فالظاهر انهم مشتركين بقروب بونواف اول ما شافوا موضوعك حذفوها انا ما جاني الا 617 ريال ضرائب؟؟؟!!! بدون شغل سبتمبر

  7. صباح الخير موضوعك في الصميم بس لم تذكر تصريخ احد مسؤليهم بان السعودي في البداية يتذمر ثم يدفع,,هل سيفعلها المواطن الغيور على سمعته أم يختار البديل اذا كان لا بد من السفر علما انه بحسبه بسيطه لمن يتعذر انه حجز واشترى تذكره رجعها واكسب الفرق في سمعتك وجيبك شكرا

  8. مثل ما علق الأخ محمد وهو دخل الموقع وما طلع معه اللي ذكرت…! فنرجو التأكد قبل نشر مثل هذه الأخبار… وياليتك أرفقت صورة من الموقع أو وضحت كيف طلع لك اللي قلت…. وهذي علاقة بين دولتين معروفتين السعودية وبريطانيا .. هل من الممكن أن يحدث هذ؟؟! أرجو أن تراجع معلوماتك يا عزيزي .. ولا يصير الهدف تشويه صورة البريطانيين وبس !!

  9. تبي الصراحه .. شي حقير مرره بس انا دخلت على الرابط اللي حاطو محمد .. ولاشفت اللي قلتو انت

  10. اخوي معك حق انك تنتقد وتتطالب لكن هذي بريطانيا ولو تعترض السعودية بيزيدون الكيلة هذا لو ماتدخلت امريكا براسها وقالت مع بريطانيا الحق انتو شعب ينخاف منكم ,, حتى في العنصرية المتناهية اللي يستخدمونها مع السعوديين هناك سواء طلاب او سياح او تجار ولا احد قدر يقول لهم ثلث الثلاثة كم ,, ولن يعترض احد الكل بيشوف انها مصالح دولية وسياسية هم شفاوا البعض مقاطع الديمنارك قالو خلونا نستغلهم ايما استغلال ولسه الخافي اعظم مانقول غير الله يأخذهم اخذ عزيز مقتدر ويثبت ان هم اهل الارهاب والحيل حسبنا الله عليهم وهو نعم الوكيل…

  11. الله يعينك يا اخي ويعين الشعب السعودي والله انا الصراحه حصل معاي موقف كذا بس في كندا برحله على الباخره حسبوني ارهابيه يعني مو بس انتوا السعوديين اصلا كل دول الخليج نفس الشئ

  12. السلام عليكم ورحمة الله وبركاته أود التوضيح أخي الفاضل من خلال معرفتي فهذه الرسوم لا علاقة لها بشركة الطيران المذكورة بل هي رسوم أمنية تفرضها بعض المطارات العالمية على شركات الطيران التي تمر بهذه المطارات وذلك مقابل الإجراءات الأمنية وأجهزة المراقبة والتفتيش المتقدمة التي استحدثت في هذه المطارات بعد أحداث سبتمبر. لذلك ستلاحظ احتساب مثل هذه الرسوم عند ذهابك إلى مطارات أخرى في أمريكا وغيرها أيضاً، حتى عندما تحجز عن طريق الخطوط السعودية ستدفع نفس الرسوم لكن الخطوط السعودية يكتبونها (السعر + الضريبة) بدون توضيح طبيعة هذه الضريبة. باختصار هذه الرسوم تفرضها المطارات وليس شركات الطيران، للتوضيح. وشكراً لك.

  13. الآتي أشر ، في كل مروة سوف تتفتق عقولهم الشياطانية عن فكرة شيطانية كعقولهم الخربة حتى ينهبوا أكبر قدر من الأموال وحجتهم في ذلك 11 سبتمبر ليتهم نسفوا جميعاً .

  14. احنا الاعملا فى نفسين كده لان تركنهام يتحكم فى كل مايخص العرب

  15. البريطانيين من زمان وهم يكرهو العرب ولازم نتذكر ايام استعمارهم في كل مكان الغريبة انا الصورة وصلتني من قروب ثاني وانت يا استاذ برضه حطيت صورة ثانيه لكن يوم جربت انا شكلهم شالوها عموما الصورة التانية في قروب سبوووت

  16. واللهـ قويه وحيل شينه صرنا يالسعوديين نكبر انسنا ولا احنا دآآرين وش حولنا كرامتنا بالارض واللهـ بعد السالفـ هذي يسلموُوُوُ^ـ^

  17. يا اخي والله مستغرب من موضوعك هذا مع انك شلك تسافر كثير الضريبه هذي من زمان توك منتبه لها حتى لو ما تستعمل طيرانهم بس لو تنزل تغير الطيارة في اي مطار بريطاني او امريكي تدفع الضريبه هذي يعني اشرب مويه بارده وهدي

  18. يا أخ غميز ,, ممكن تتكرم وتشرح ليش لمن ندخل للموقع علشان نحجز ونشوف بـ أم اعيننا وقاحة العلوج ,, ما نلقى الصورة السوداويه اللي انت تقول عنها ؟! أو اللي انت تحاول تورينا هي بالقوه ؟! أتوقع ومن باب حسن الظن بك ,, انه في علج بريطاني سرب لك الصورة المزورة والمفبركه علشان يحرجك معنا وانت طرت في العجة وجيتنا تركض وتصيح شوفوا العلوج وش يسووون !! عموما اتوقع انه الموضوع هذا اصلا وصلك عن طريق اخر وانت حبيت تحطه هنا بـ تعليقاتك قبل تتأكد من صحة المعلومة الاصلية اللي بنيت عليها موضوعك!! والآن سوف اعود لـ امارس هوايتنا نحن العرب بالطيران في العجة ………. وعـــلــــــــى فكره انا كتبت ردي بعد ما رحت و حاولت احجز بـ نفسي وما شفت اللي انت تقوله واللي مشكك بالمعلومه هذي ,, لا يرده الا كيبورده وعيونه اللي براسه ويتأكد. هل اتوقع منك ترجع وترسل ايميل يصحح لنا و لأعضاء القروب الخطأ والصورة المغلوطه اللي انت نقلتها ؟؟!! وتـذكر ترى معلومات زي كذا توهق الناس وتلخبط استعداداتهم للسفر وأخص اخواننا اللي يسافرون للدراسه في بريطانيا او امريكا ؟؟!! كن حذر الله يرضى عليك وانصحك بـ تصحيح المعلومه لانها تمس الكثيرين.

  19. شكلهم تحسفوا او خافو..الصور وصلتني من قروب ثاني بس ماصدقت..وصورتك هنا برضه توضح..وعنصريتهم مو بس في الطيرانحتى هناك فيمحلاتهم.. ترفع للمسؤولين

  20. ياخوان الخبر صحيح لكن الضريبة هذي تدفع اذا سافرت لأمريكا وبعض الدول الغربيه جربوها من نفس الموقع واي واحد يسوي حجز لأي مدينة بأمريكا وبتشوفون انه فعلا توجد ضريبة 11 سبتمبر انا جربتها وتاكدت بنفسي لكن مثل ما قلت لكم حجز لامريكا

  21. عادي ياخوي عبدالعزيز اصلا احنا يادوب نحصل احترامنا عند ربعنا وشعبنا عاد كيف ناخذ احترامنا هناك الشكر لك. استغرب بعض الاخ الي قايل ارفق لنا صوره

  22. الصراحه ..نستاهل اكثر واكثر … نحنا اللي بنينا الارهاب بنفسنا … بسبب التعصب الديني .. حتى ماعندنا حرية مذاهب فما بالك بالاديان … وقرار سليم من بريطانيا ..

  23. ولن ترضى عنا اليهود ولا النصارى حتى نتبع ملتهم العداوة قديمة ليست وليدة 11 سبتمر واحداث11سبتمبر ردة فعل على افعالهم .

  24. انا بعد جااتني الرسالهـ من مجموعهـ ثانيهـ قبل ما توصلني من هنا ,, حسبي اللهـ علييهمـ اما على حكووماتنا .. لا تعليييق

  25. الحمدلله والشكر خيييييييييييير ان شاء الله الي فيه عقل ووعنده كرامه لا يسافر بطيرانهم الله يكثر النعم فيه مليون طيران غير طيرانهم قال ايش قال بدل ارهاب شوفوا انفسكم همن احكموا يا مال … الله يستر علينا بس ويرحمنا برحمته من جفر لدحديره والناس ساكته:(

  26. اشوى ان البترول يوصل لهم هم وامريكا لحد بيتهم ونسمع بالبترول ولا نشوف

  27. ياسيدي ليس بجديد عليهم فعنصريتهم تجدها في دولهم التي استعمرها.كيف خربوها ودمروها.الخطوط البريطانية فعلت ذلك وبعدين تراجعت دون اي اعتذار.مؤسف فعلا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى