رسائل المجموعة

قصيدة : فرحة الشعب

فرحة الشعب بسلطان
أحبائي إدارة وأعضاء وزوار قروبنا العزيز (قروب أبو نواف ) يسعدني أن أطلعكم على ماهاضت به قريحتي ابتهاجا بعودة سمو ولي عهدنا المحبوب الأمير سلطان حفظه الله من كل مكروه وقد نشرت في جريدة الرياض يوم الجمعة الماضي صفحة كاملة وملونة.

بستاهل ابو خالد مايغلى عليه شي البسه الله لباس الصحة والعافية


يا القوافي فرحة الشعب صيغيها سلام
من حروف الأبجديه ونظم جزاله
وانهلي عذب المعاني من بحور الكلام
صيغي الفرحه وشعب الغلا خيّاله
يالمشاعر رحبي في سمو عال المقام
الأمير اللي جميع المحاسن ناله
نحمد اللي جاب سلطان متشافي وقام
فرحت الديره بنوره سهل وجباله
ياولي العهد ياريف قافيه الغمام
مملكتنا عيّدت بك وهل هلاله
شعبنا خالط فرحها مع الشوق الهيام
وهاضت اشجان المحبه بكل اشكاله
والمواطن والوطن شكـّلوا قصة غرام
بالولا والحب لك يصنعون ابطاله
في غيابك طارت اشواقنا زاجل حمام
ما تنوش الارض تنصاك يا مـدهـالـه
ويوم جيت وقالوا ان صحتك صارت تمام
من فضل ربي تسر الصديق احوالـه
كلنا قمنا انتباشر عسى الصحه دوام
نحمد اللي كل الاسقام عنكم زاله
إستجاب الله دعا كل من صلى وصام
من تعبت وصـورتـك ما تـفارق بـاله
بالنيابه صغت لك فرحه بليا لجام
مهره وتلعـب هبوب الصـبا بحباله
المحبه لا وفت مايجي فيها كلام
الريــــاح العاتيه ما تهز اجبـالـه
وانت ياسلطان من حب شخصك مايلام
لوعجز ماقالها لك .. بقلبه قاله
والقصيده تنحكم في قوانين ونظام
لو تفسر كان كل الفضا ماشاله
والمعاني والقوافي بصدري باحتدام
وان ذكرتك هل وامطر حقوق خياله
لكن اني قبل ما انهي كلامي بالختام
كل من حبك تمنى يمينك طاله
يا بوخالد باختصار انت للعليا سنام
وانت خيمه تستظل العرب بظلاله

شاعر المشاعر = راشد السكران

مقالات ذات صلة

‫2 تعليقات

  1. وراكم ما نشرتوها برسايل القروب؟!! جزاك الله خير على القصيدة الحمد لله على سلامة اميرنا سلطان الخير الله يعافيه ويحفظه من كل مكروه والحمد لله على سلامة الأمير سلمان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى