أعزاءي قروب ابو نواف
اعتذر عن الانقطاع وأنا هنا أعود
كلي شكل للقائمين على هذا الصرح
ولكم اعزاءي أعضاء القروب
متواضعة
تنص عين الما ليـا صـرت وراد
والا عطيت اعط العطايا السمينـه
كلام من رايه عن الـدرب ماحـاد
مايستمع للـي يحـرث الضغينـه
نموت ماحدنا عن دروب الاجـداد
دام الشعـر فوجيهنـا حافظيـنـه
ورثٍ من الاجداد يعطـى للاحفـاد
امانـةٍ تحفـظ ونـفـسٍ اميـنـه
وش عاد لو كثروا هل النم وش عاد
برفع مقامـي عـن غثـا ناقدينـه
ماهمني شامـت وعـاذل ونشـاد
مادام فعلـي صايـرٍ كحـل عينـه
وان كان نفسه كلها حسـد واحقـاد
يالله تعيـنـه يالله انــك تعيـنـه
سم الكبود ان كان به سـم الاكبـاد
انك تجاهـل مـن نـواك بغبينـه
للهرج نـقـاده وللفـعـل نـقـاد
والناس تعرف خايبـه مـن ثمينـه
يبيد راع الطيـب والطيـب مابـاد
يبقـى بذكـره والبشـر ذاكرينـه
واللي ورد عدٍ مهـوب اي ميـراد
صـدر منـه ماغثربنـه يديـنـه
يمكن يجي عقبه شغاميـم واجـواد
يـردون عـدٍ والمـلا وارديـنـه
ياشرهةٍ جتني مـن قـراب وبعـاد
وانا موفـي راعـي الديـن دينـه
ان جا لقى في مجلسي بن وشـداد
وعودٍ لشمطـان اللحـا ذاخرينـه
يزيد لـه عنـدي مكانـه ويـزداد
حشمـه وتقديـر ووقـار وسكينـه
وان راح مانـي للمقفيـن طــراد
يغيـب مـا والله ذكرتـه بشيـنـه
بقفي عنه ماعقـب مقفـاي معـواد
قـدام لايخلـط هماجـه بطيـنـه
السيل لا انحى ما ورا السيل مسناد
والله يسيـر فالبـحـور السفيـنـه
من امس والهاجس به اصوات رعاد
بـه كلمـةٍ تقـرع وبيـح كنينـه
نموت ماحدنا عن دروب الاجـداد
دام الشعـر فوجيهنـا حافظيـنـه
وسلامتكم
صح لسانك وتسلم اخوي ابدعت
صح لسانك اخوي حكيم وشاعر ولاتحرمنا جديدك
سبق لي ان تابعت هذه القصيده على القنوات الفضائيه ودائما تردد على قناة الاماكن صح لسانك يالشاعر فقد اسعدتني بتواجدك في قروبنا الرائع ابو نواف
صح لسـآآنك 😀
يعطيك العافية وصح لسانك
قصيده جزله من شاعر جزل