رسائل المجموعة

قصيدة : الكلمه اللي وقفت دون الافصاح

إخواني إدارة وأعضاء
قروب ابو نواف الكرام
يطيب لي ان أصافحكم بهذه المتواضعة


الكلمه اللي وقفـت دون الافصـاح
عيبٍ على الرجـال يـوم يخزنهـا

اما يوردها بـلا ضعـف وصيـاح
والا يطيـع العلـم ويجـوز منهـا

يجلس على بساط الرخامه ويرتـاح
لاصار ماهـو كفـو يدفـع ثمنهـا

والكلمه اللي كنها ضربـة سـلاح
لاجت من العيّـال واطلـق رسنهـا

الصدر لو انه مـن اسبابهـا فـاح
كم كلمة تشـف النفـوس وغبنهـا

من قـدم العيلـه يـدور للاربـاح
يشرب كدر والنـاس تامـر وتنهـا

من راح لاعود ومن جاك مـا راح
والحق لا ازعل ناس ناسٍ ضمنهـا

بعض المجامل ضيق الصدر مابـاح
وبعـض الاوادم ماعرفنـا وطنهـا

في كل ليله له عواسيـس ومـراح
نـاسٍ يقربهـا ونــاسٍ طعنـهـا

ماهيب طعن سيوف او طعنة رماح
طعن المواجب لا اجنب اللاش عنها

والهاجس اللي في سما ضامري لاح
ماهمته بعـض النفـوس وشحنهـا

ارزم وجاله في المحاديب ضحضاح
دارٍ يساقـيـهـا ودارٍ دفـنـهــا

سيله تحدر مـن علاويـه واجتـاح
ساوا الرجوم وكـل قمـه طمنهـا

البرق ساري ليل فيه النظـر شـاح
والنفـس بيضـا ماتغيّـر سننـهـا

والكلمه اللي تلجم الخصـم لابـاح
سلم على اللـي فالصـدر مادفنه


اخوكم : وجد شاعر
ايميلي

مقالات ذات صلة

‫6 تعليقات

  1. والكلمه اللي كنها ضربـة سـلاح لاجت من العيّـال واطلـق رسنهـا صح الله السانك ولا هنت

  2. صح لسانك بس نص الكلمات ماهي مفهومه الا كلها على العموم يسسسلموووو تقبل مروري بكل رحابه صدر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى