رسائل المجموعة

فيديو+ صور: موز في موز و الغبي بالمغسلة

السلام عليكم ورحمة الله
حي الله ارابيع جدونا <<اجاويد ربعنا >>بعضا من المتخرمات اولا
اخباركم ..؟
اكيد كويسين وخاصة بعد تخصيص 91 سهم بشركة زين
وانا والله لاشغلهم على حقي بالشركة بس خلوه تبدأ الشغل
بدق كل ساعة على خدمة العملاء بشوفهم يشتغلون والا بس تبطح ونوم
والواحد لازم ينتبه على حلاله<< تراه 91 سهم والله من الصرامة


طيب كما عودناكم دائما نبدأ ببعض السوالف
 هذا واحد مشهور بالاستهبال والخبال كان ابوه الله يرحمه اعمى وكان ينام بالحوش
وخوينا هذا ما كان يجي للبيت الا متأخر
الموهيم انه ذاك اليوم حصل الباب مقفل وقام ونط من فوق الجدار ويوم نزل بقووة
ابوه تنبه على صوت النزلة وقال من هنا
قال خوينا الخبل : قرطاسة
ابووه صدق ورجع نام هههههههههههههههه


وهذي عجوز من الرس دايم تزعج ولده بالعطلة وتقول له خل نروح لمكة
الموهيم انهم على هذي الحال لفترة وباحدى العطل العجوز ما قالت خل نروح لمكة
والولد مستغرب ان امه ما قالت له
وقال لامه : غريبة بالعادة تحبين تروحين لمكة بالوقت هذا
قالت امه : خلاص يا وليدي فتح عندنا محل كل شيء بريالين ههههههههههههههههه
يعني ما كانت تروح على شان الحرم


وهذا واحد كان بالرياض وحصل احد المسؤولين بشركة الكهرباء بالرس
ولزم عليه بالغداء لكن موظف الشركة قال والله اني معزوم على الغداء عند الوزير غازي القصيبي
قال خوينا خلاص براحتك اجل
الموهيم ان خوينا هذا وقف عند احد مطاعم الرز البخاري وحصل الموظف قاعد يتغدى ويدخل عليه ويقوله وين غازي القصيبي هههههههههههههه
يعني موقف لا يحسد عليه وشووله الهياط


وهذي سالفة اخيره للوالد الله يطول بعمره
كان يشتغل على خط المدينة تبوك قبل اربعين سنة
وكان راجع من الشغل للمدينة وتعطلت بووهـ السيارة
وكان بوقت الحج الموهيم انه وقف السيارة على جنب وقعد ينتظر احد يمر
وفجأة مر باص حجاج اتراك وركب معهم
وعلى طول سألوه وين تبي تروح قال المدينة
وسألوه انت من المدينة قال ايه وهو مهوب من المدينة لكن على شان يصرفهم يعني لو قالهم من الرس اكيد ما راح يعرفون الرس
قالوا يعني انت جار النبي عليه الصلاة والسلام قال ايه
قاموا يتبركون ويحبون ابووي على شان البركة
قاموا وجابوا الفطور اللى معهم وقالوا تفل عليه على شان يتبارك الاكل وقام ابوي وقعد يتفل على اكلهم ههههههههههههه
وقبل المدينة بشووي وقفوا وابوس ما يدري وش السالفة وقام كل واحد منهم يأخد حجر ويركزه لجهة القبلة
وسالهم ليش تسووون تسذا قالوا على شان يشهد لنا الحجر اننا رحنا للحج
وبرضوا ابوي مدري وش المبدا اللى يمشي عليه وقام يركز معه الاحجار


طيب الحين شكلكم مليتوا من السوالف وجاء دور الفيديو

دباب ابورجلين

اليابانيين ما خلوو شيء
واحد منسم مسووي دباب يمشي على اربع رجلين
تحميل


جوال وفم

واحد يعيش حاله من الفراغ العاطفي واي فراغ يطري عليكم
تحميل


الوردي

هذا واحد مدري من وين مطلع الجيب هذا
وقاعد يفحط هوو وجهه
تحميل


غسيل السيارة

واحد مستعجل مره بالمغسلة المقطع ضحك ضحك
تحميل


بعير وفي رواية جمل

جندي امريكي يحاول الركوب على البعير ولكن جاب العيد
وما نقول وش عرف البقر رقي الطويا
تحميل


نبدأ بالصور
جدار تم بنائه من 7200 موزة بالتعاون مع ثلاجة الشربتلي للاحذية المحدودة


ساعة 9
كل العمليات الحسابية تحتوي على الرقم 9 والناتج يطلع كم الساعة وعليكم الحساب
يعني الواحد يمكن يأخذ ساعة على شان يطلع الناتج

ايه جودك على البزران لو بك خير واجه الرجال اللى مثلي <<يبي يلعن:مضاربه:

ايشش الهرجة <<مثل فؤاد

الحمدلله اللى جت بالسيارة ولا بك اجل تمشي 160 بوسط الحارة:D

فيه شيء يالطيب من اليوم تشووف:D


انسان فاضي جداا بناء السيارة هذي من 956000 عود كبريت
يعني لو واحد نذل من اخوياه جدع سيجارة كان احترق هوو وسيارته:كك:


اصغر رافع اثقال بالعالم
استطاع حمل وزن 1.5 ونص
يبلغ طووله .889 متر
ووزنه تقريبا 9 كيلو جرام

والله الفرق بينهم


وهذي وردة وفراشة لكم لان الوردة طبيعية

دمتم بخير

مقالات ذات صلة

‫16 تعليقات

  1. يعطيك الف عافيه ومانقول الأ الله يحسن خلقنا وما خلق لنا يعور القلب هالقزم والله اللهم لك الحمد حمدآكثيرآكمايليق بجلال وجهك وعظيم سلطانك.

  2. بصراحة امتعتنا بروائعك ياسيد جلوكوز ومن جد صارت رسايلك اكثر شي تشدني بهالمجموعه منت بعد غياب الكثير من الاعضاء اللي لهم العديد من المشاركات المميزة وعندي ملاحظة في صورة الساعة لانها من جد اعجبتني ولفتت انتباهي وفكرتها مرة مرة خطيرررة بس لاحظت فيها ان الساعه 7 طريقة حسابها خطأ واذا كانت صح ياليت احد يوضح لي كيف جااات ؟؟؟ تحياتي….

  3. جلوكوز قصمن موتن من الضحك على طاري الاسهم بس معلومه حلوه انهم خصصو بس 91 بس لو يطلع اقل انت بتدفع الفرق خخ اما السوالف اللي بديت بها موتن من الزحك واكثر شي اللي كانت تخص مكه اما الصور الحمد لله اني قريت قبل ماابدء افتحها ولله الحمد افتحت السياره حسبت ان الباب انكسر بس اشوى جت سلامات واما الجمل اللي ركبه الامريكي يستاهل جائزه اما اللي راكبن سياره مصنوعه من اعواد كبريت فعلا انسان فاضي الله يعطيك العافيه

  4. أنت مبدع دائما اخي جلوكوز تاخذنا من هموم .. ومشكل الحياة لتنفس عنا .. وترينا الوجه الاجمل والابتسامة للحياة دمت بخفة الدم مع البساطة

  5. جللللللللللللوكوووز ايــــه بس دريت هالحين منهو اللي مطلع اشاعة الواحد وتسعين <<-- بنزين وإلا أسهم اثرهـ انت ياللعّــآب ومتشكرين أوي أوي أوي يالهو بالي يا خراشي على التعليقآت اللي صآرت قدام الصور وهـ بث يا حبي لت <<-- علللق لثــــانوهـ!! ؛؛؛ سين سعااال على جنب كم انت جايبـ(ـن) في الرياضيات يوم انك تحط هالساعة هالحين ندوخ لا صارت الساعة بدون ارقام وانت عاد جايبـ(ـن) لنا ساعة تسعاوية لا وحاطـ(ـن) به مضروب التسعة والجذر وما أدري وشو بــ ع ــد

  6. ام زياد الله يعافيك ويسلمك يارب شكلك مسميه ولدك زياد على اسمي طبعا <<اذلف يالشين شكراا على الطلة الحلوووة ويارب ما ننحرمش منك -------------- كونداليزا رايس صباحك عسل وقشطة التاج اولا يسلموو على الاطراء وعن الساعة تصدقين اني تووي الاحظ الشيء لكن الخطأ من الشركة انا اوريهم فشلونا عن الخلق وشكرا على الطلة ------------------------- فااااااتن وانا مت من الفرحة يوم شفتتس راده على الموضوع وعلى فكرة قالوا ان الاسهم 83 سهم <<اشاعة 91 سهم وابشري بكل الاسهم مهوب بس بالفرق <<مسووي كريم ويسلمووو على الكلام الحلووو والمشجع والله يعافيك على تنوير الموضوع بطلتك --------------------------------- زجاج الله يسلمك ويبقيك لعين ترجيك وشكراا على الطلة ------------- بتار الاعادي اهلا سيدي القائد <<مشفره بيننا والله اني من زمان عن ردودك الحلووة ذكررتن بالايام الخوالي شكراا على الطلة يا عسل ----------- ولد نورة ههههههههههههههه والله ان العلم اللى وصلن انهم خصصوا 91 سهم <<على طول يصدق على نياته خخخخخخ وش رايك الحين التعليقات قبل الصور كله على شأنك كم عندنا ولدنورة 🙂 وعلى طاري الساعة ما تعرف الناس اللى تحب التعقيد وما مثل ساعة الجوال وشلووله التعقيد شكلك من عشاق الرياضيات <<ايه هين بس شكراا على مرورك اللى منور الموقع ------------- أبوسليمان شكراا على تصحيح المعلومة <<ضحية من ضحايا الاشاعات شكراا ابوسليمان على مرورك

  7. والله موضوع يستحق الاشاااااده وبصراحه ما اصدق على الله اشوف موضوع على طوووووووووول اموت من الضحك قبل ما افتحه تعجبني مواضيعك اخوي جلوكوز ومصدر الاعجاب فيها انها دمها خفيف ومنوعه ومفيده بصراحه كوكتيل متعوب عليه اخوي جلوكوز ياليت نشوف مواضيع دايم لانها تجدد نشاطنا وتجعلنا نتذكرها وين ما رحنا ونضحك تعرف اهم حاجه انه الواحد لازم ينبسط ويطرب نفسه من غير ما يتعرض لشي يغضب ربنا لك مني احلى تحيه وسلام يالغالي ودمتم بحفظ الله ورعايته محبك دائمآ / أبا فيصل

  8. ما راح اكذب عليك لكن اول مره تصير خدودي خضراء من الخجل والله انك احرجتاني بكلماتك الحلوووة شاكر لك المرور الحلووو ويارب ما ننحرمش منك تحياتي لك ابوفيصل

  9. مايبيله موضوعك يهبل يجنن بس مهوب مثل دايم طويل اقعد استانس عليه ..شوي وقضى 🙁 يعطيك العافيه كثر صور المره الجايه وتكفى تكفى لاتجيب ناس تحط أشياء بثمهم قصم حااااااامت كبدي

  10. أريد,الساااااااااااااعة..منين.أحصل.زيها أرررررريييييييييييييد.الساعة مالي.دخل

  11. فاقده الغالي على طوول المواضيع خيتووو كثر الصور بالموضوع تبطيء السيرفر لكن راح تكون الصور قليلة ورائعة ان شاء الله ابشري من عيوني ما راح اجيب مقاطع فيديو مثل كذا وشكراا على المرور يالغلا —————————- مجوودي احلى سعودي تحصل الساعة هذي عند كل شيء بريالين بس حق الرس مهوب حق مكة ههههههههه وشكراا على الطلة الحلووة

  12. وانا والله لاشغلهم على حقي بالشركة بس خلوه تبدأ الشغل هل أنت جاد بكلامك أخوي أو أنها مجرد للضحك … أتمنى اننا ناخذ هالمواضيع ذي بجدية أكثر لإن لفظ الجلاله لايمتهن.. أخــوي جلووكووز اقتسبت من الشبكة الإسلامية .. لا تكثروا من ذكر الله تعالى في كل عرض يعرض ; قال تعالى : { ولا تطع كل حلاف مهين } فذم كثرة الحلف. أتمنى لك كل خير وسعادة … أتمنى من كل الأعضاء والزوار أن يتم التناصح فيما بيننا فالكمال لوجه سبحانه وتعالى… وامنيتي الاخيرة أخـوي جلووكووز .. ان لاتأخذ كلامي بشي من الحسااسية فلست إلا إنسان يتمنى الخير لك وللإخوان الكرام أعضاء وزوار… أخــوـكـ إنـساـنـ عـاـدـ ي

  13. يعطيك العافيه اخوي ايميل في قمة الروعه .. ياهو غبي هالامريكي الي في مغسلة السيارات والي فطسني من الضحك اكثر رافع الاثقال .. ماقول الا الحمد لله على نعمه التي لاتعد ولاتحصى…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى