رسائل المجموعة

فيديو + صور : اطول لسان + الجرذ الفنان

السلام عليكم ورحمة الله وبركاته
اخباركم كلكم جمبعا ..؟؟
قبل كل شيء
هذي وردة بلاستيكية لابونواف وغير البشر على الجهود اللى يقومون به
:وردة:
ويمكن يستغرب بعضكم ليش وردة بلاستيكية
لان الاجواء باردة الحين ولا فيه ورد طبيعي << برا


قصم بالله اني انحرجت من الردود الحلووة والمشجعة على الموضوع الاول:منحرج:
وصرت كل يوم دخل واشوف الردود على شان تصير خدودي حمراء:منحرج: << مهوب الظاهر.

مبروك هالخير اللى جاء بعض مدن المملكة وجعله الله صيبا مباركا .
تصدقون اني اول مره ارجع من الشرقية وما يكون الطريق عجاج بالعادة
اذا رجعت طلعت من السيارة شحنة رمل من االعجاج والسافي:d .
لكن هالمرة الجوو يفتح النفس .

قبل ما ابدأ بالموضوع ودي اقولكم كم قصة مضحكة والقصص هذي عايشتها .
بما اننا بأيام الاختبارات
هذي اختي الصغيرة امي تدرسها قواعد وقالت له الجملة الاتية
يدخل الهواء النقي من النافذة
واختي ما شاء الله عليه بليغة مرهـ واختصرت الجملة
تدخل الناقة من النافذة << مدري وشلوون جت الجملة:تصفيق:


وهذا واحد من الشباب متعدي لوحة الدلاخة بعشرين كيلو وموقف يتنظر احد يصير مثله دلخ
الموهم انه كان جالس مع شباب << اكيد يعني صبايا
وسأل واحد من اللى جالسين بنت اختك ولد:يالوح:
وعلى طوول كل الشباب تبطحوا من الضحك لان الكلمة لا محل لها من الاعراب والفاعل ضمير مستتر << بدأ الثاني


وهذا واحد من الشباب كان جالس عندي وقلت له ما تعرف رقم بيتزاهت قال: لا
قلت له اجل اتصل على 905
قال لي والدلاخة تطلع من راسه كم رقم 905
ومير انا اشوفه بعين وحس انه دلخ:خخخ:


وهذا اخوي يوم كان صغير
ارسلته امي لعمتي وقالت له قل لعمتك  تجي تقهوى عندنا
:خخخ:اخوي طار مثل البرق لعمتي وقالها تعالي توقوقي عندنا << انواع تضييع الكلام


وخلاص هذي اخر سالفة وطازجة حصلت قبل كم يوم بمنزلنا
هذي اختي الصغيرة عمرها ثمان سنوات  متأثرة جدا بالمسلسلات الخليجية
الموهيم ان اخوي هاوش اختي
وقامت اختي وزعلت:حزين: وحطت ملابسها بشنطة وقالت خلاص بطلع من البيت << مدري وين تبي تروح:D
يعني انواع التأثر


نبدأ الحين بمقاطع الفيديو

ونبدأ بصاحب اطول لسان بالعالم
يلعن شكله قسم بالله يا عليه لسان مثل الفرشات اللى بالمطار
انا مدري كيف يدخل بفمه:D
 

تحميل


اسرع طريقة لتوقيف السيارة
بلا دله وبلا هم
تصدقون يا ناس اني باختبار دله ما وقفت السيارة زين وطلعت ناجح << الواسطة وما تسووي
 

تحميل


الجرذي الفنان
دعاية لمشروب بس مدري وش قصة هالمشروب
 

تحميل


هذا واحد ملقوف يبي يهبل بخوية وصبخ رأسه بالسيارة
المقطع قوي:يؤ:
 

تحميل


سبحان الله
طريقة صيد غريبة
 

تحميل


الحين وقت الصور والنكت وبعض السوالف
لكن قبل ما نبدأ ان شاء الله الموضوع الجاي راح اعطيكم صورة لكيك اختي الحلوو:هع:

نبدأ اول شيء بالابتسامات اللى اخذت قلوب العالم واولهم انا:كفشتك:

حتى بالقبور …!!! << فيس مندهش

اتوقع بعد الموضوع هذا ان بعض الناس راح يسوون مثل تسذا

انا اكثر شيء قهرن ان ما عنده شطوب مثلنا الله يخلف
من كبر الشطوب اللى برجليننا صارت البعارص تدخل بهن:هههه:

لحمة خنزير وععع وانا ما ذقته << والا عندك نيه:خ:

يحق لهم يسوون تسذا بالحطب بلاهم ما ذاقوا البرد اللى عندنا:برد:


مفهي قالوا له في الصين كل دقيقه ينولد واحد
 قال: هذا التطور مو حنا كل 9 أشهر!!


ولا احط بذمتي شكله من اللى نص ونص << ما يعرف يلمح:ابو

مهوب بعيد عن راس اخوي اللى كله فلقات وجروح خخخخ
لكن من يدري يمكن تصير هذي موضة القرن الجديد:هاه:

مطرود من البيت شر طردهـ
وما اقول الا الله يستر بس لا نكون مثله
فقط للمتزوجين : الكيس من اتعض بغيرهـ مير خلك زوح مطيع والا مكانك برا:راسي:

 

المشكلة البكلة اللى باللحية مدري وش تبي
ماحد قاله انك شين شين شين:هيهي:

افااا افااا يا هتلر طلعت بأخر شيء من النوع هذا
وانا اقول عنك انك قرم وتعد مع الرجال:حائر:


مفهي تزوج مدرسة لغة انجليزية يوم قاموا الصبح قالت صباح الخير يازوجي
العزيز قال يلعن ابو الانجليزي


انا اول ما شفته تذكرت مكينة الخياطة اللى عند الوالده الله يطول بعمرهـ

عليك بالعافية  يا حلوو انت:ابو

اموت واذوب على العيون والنظرات اللى تخقق
قسم بالله انه كشخة ويستاهل زبالة لحاله على النظافة والكشخة:لوول:

الكرسي هذا عقب عيد الضحية
لكن ما تلاحظون ان غنمهم نظيفة وكشخة مهوب مثل اللى عندنا:كك:

تذكرت يوم كنت بالابتدائي
كان يفصل بين بيتنا والمدرسة شعيب وكنت ايام الامطار اقطع الشعيب
سباحة وفي يوم بغيت اغرق بس انقذن اخوي اللى كل راسه فلقات:والله:


مفهي سأل خويه وين ولدت؟ قال: بالمستشفى قال: ليش كنت مريض..؟؟


ماكدونالدز بالعراق
المطعم هذا امقته وخاصة بعد ما شفت فلم واحد قعد ياكل منه لمدة شهر وتغير شكله وصار به امراض:باد:

كلب ولابس نظارة …!!
انا يوم كنت اسبح بمزرعة خالي كان الماء مالح مالح مالح اشد من البحر الميت وكان المسبح مليان غربة ( طحالب او شعب مرجانية خضراء ) وكنت افتح تحت الماء عادي:خخخخ:
واذا طلعت صارت عيوني حمراء مثل اسطبات السيارة:كركر:

اول ما شفته قلت شكله قرصان او مرقوق
لكن جربوا ياناس كبسة قطاوة تراهـ لحاله << وش عنده الاخ فلبيني:هعهع:

كوكاكولا بطعم الازهار <<من عنده النصاب:نياها:

 

وقريبا شاهي ليبتون بالبرسوبس <<نصبه ثانية:نياها:


غبي تعرف على بنت اسمها زهره سألها وش إسمك؟
قالت: إسمي بكل حديقة!
قال : مراجيح ؟!


هذي الحلة فرع الرس
هذا واحد من الشباب هوايته الاولى المراويس يموت بشيء اسمه ترويس ويقدر عاشق الطبلة وابوحيدر:طبل:

مربرب هالخنزير
شكل لحمته ما تبي طبخ واجد بالكاتم على طول:هههه:

ينعن شكله
اللى يقدر يسوي مثله يرس صورته << يبي يكسر اصابعكم:خخخخ:

توقيت منتاز منتاز


مفهي راح يعزي ومتاثر مره وهو طالع سأل اخو المتوفي : يعني ما فيه امل يرجع ؟؟


ايه بالحمام على شان ما تسمع الاصوات المزعجة
وقريبا للانف:قرف:


بخيل يتمشى مع عروسته في السياره قالت ممكن نشرب شي  وقفها عند برادة مسجد


قوي الدفع عندهـ
شكله غطاس ثلاث بوصة 
يصلح لري المزارع:خ:

 

ادري ان بعض الناس تلوعت بعد هالصورة:قرف:

الغوريلا منسجم مع السالفة
بينهم امور بيزنس


هذولا ثلاث مفهين هاربين من الشرطه,,ودخلوا مزرعه, وتخبوا في ثلاث أكياس جاء الشرطي وشات الكيس
الإول قام اللي فيه يصيح واق واق (يقلد البط)تركه الشرطي, وراح للكيس الثاني وشاته قام اللي فيه
يقول كوكوكوكو (يقلدالديك),,تركه الشرطي, راح للثالث وشات الكيس (واللي فيه غبي) ساكت ما يتكلم
إستغرب الشرطي وشات مره ثانيه وثالثه ورابعه وما فيه صوت, وفي الاخير عصب الشرطي وشات باقوى
ما عنده , وطلع المفهي يصيح ويقول: يلعن شكلك, بطاطس وش تبي أقول؟؟؟


 

هذي هي بيوت الكرم
الى الباب يسلم على الضيوف:خخخخ:

اكثر شيء غريب بالسيارة القزازة اللى قدام:حائر:
يعني معقووله للرديتر <<يفكر:كركر:


زوج قال لزوجته: أبي كلمة حلوه قالت:طحينية … قال : أبي كلمة تهزني..قالت: مرجيحة؟؟ قالت طيب ابي كلمه تحسسني بالامان .. قالت : شرطــة


والله لو عندنا كان الحين بالكاتم
فيه قاعدة عند ناس اعرفهم اي شيء يمشي على اربع يباح صيدهـ لو قطو:محارب:

طائر النورس حلق حلق وبالجناحين صفق صفق طائر النورس
اكثر اغنية سمعته بحياتي من كثر ما يشغلونه اخواني الصغار:يغني:


قروي تزوج شامية
أول يوم طبخت له ملوخية
ثاني يوم طبخت له سبانخ
ثالث يوم طبخت له رجله
رابع يوم قالها: لاتطبخين شي
أبطلع أرعى لحالي ..


قرقع من الشراب الروحي ما عندك شيء
ويازين سنونك والله انه ازين من سنوني:ابو

عندنا زي كذا بس مهيب للعرض دايم لكن تكون للعرض لمدة ساعتين او اكثر على ما بال يوصلون رجال المرور:خخخ:

يا قدمه اللى مع سونيك الازرق السريع:بزر:

اللى جاس يقاله انه مسووي شيء معهم


مفهي يقرأ على عمود كهرب :شقق للايجار قام وطق العمود
مر عليه مفهي ثاني
قال : وش تسوي يابوالشباب ؟
قال : أطق عليهم …
بس مايفتحون  !
قال الثاني : غريبة …
مع إن نورهم مولع

  !!


يا عيني على الشنطة اللى على جنب هي اهم شيء بالطيارة:p

ينعن ام التصميم اللى يكسر الظهر ويهد الحيل:لاتعودها:

لا تعليق لكن تذكرت واحد معنا بالمدرسة عمل اردى من كذا خخخخخخخخ:قرف:

صدق ان بعض الناس ودك تنفيه من الارض:مولع:

وهـ بس على الجمبري << وش دخله يا اخوي:يالوح:

يستاهل راعي المطعم
بعض العمال يقولك 10 دقايق ويزرعك ساعة كاملة بالمطعم
وفيه بعض الشباب اذا الواحد زرعهم مثل تسذا انتظر الى ان يوصل الطلب وثم قام وطلع من المطعم من دون ما ياكل او  يحاسب:ابو


غبي مسافر على طياره مصريه خبط علي كتف المضيفة وسألها الحمام فين؟ قالتله الناحية التانية قام خبط علي كتفها التاني سألها الحمام فين؟!؟


والى هنا نصل الى نهاية حلقتنا لهذا الاسبوع
ودعواتكم ان النت يصير اسرع وما يقطع زي الحين
وتحياتي لكم جميعا

:)

مقالات ذات صلة

‫12 تعليقات

  1. هههههههههههههههه اول مره ارد ع قروب ابو نواف وتستأهل يا جلوكوز يهبل الاليميل وازين صوره بالايميل راس البشر ودك تنزل المخ يهبل >>> يبي يوصل انه الناس اذواق

  2. متاابع من زماان لهاذا القروب الرائع المتميز بأعضاائه الرائعين بمواضيع تحمل جديه تاره و الفرفشه تاره اخرى وحلو التنووويع في مواضيع الصراحه اميل رائع واروع ما فيه سواليف مرره حلووه من جد انو الدلاخه ولا سالفة اختك شالت شنطه بتطلع من بيت من جد تأثير الله يخليه لكم الله يسعدك في دنيااك ياارب وان شاء الله من اميل الى أميل للأفضل

  3. ماشالله وش هالزين يا جلكوز ابدعت ثم ابدعت ونستنا الله يونسك وسلمني على اخوك وبأنتظار مواضيعك ال top اللي زي هذي والجاي

  4. فعلا موضوع متعوب عليه فيه ملاحظات شوي يمكن ما تعجب البعض لكن كما يقال ( رضا الناس .. يعش كل جميل ) و ( القلب … غاية لا تدرك ) 🙂 ربي يوفقك ويجعلك ما تشوف ما يحزنك

  5. أما اللي متزوج شامية وطلع يرعى الله يقطع ابليسك والله انك رهييييييييييب وعقبال رهيب أول ومن ثم (حلوة من ثم ) رئيس رهباء عسكري عقله منلحس بس قلل اللعان الله يرحم والديك والا ايميلك من أجمل الإيميلات اللي وصلتني تقبل تحياتي

  6. بطل يا جيلكوز موضوع جدن بطل و تعليقاتك ع الصور مفهيه P: و كل شي تمام التمام و لا تحرمنا جديدك يا بطل 🙂

  7. مجهود رااااائع أيميل مميز الله لا يضرك حبيبنا و الله يقويك

  8. الجرذي الفنان دعاية لمشروب بس مدري وش قصة هالمشروب =============== كان هذا جرذي ؟ ههههههه الله يهيدك هذا موب جرذي .. اسأل عنه وراح تعرف وشو يالحبيب !!

  9. تسلم اخوي جلوكوز بس عندي ملاحظتين الاولى انك تكرر في الكلمات كثير والثانيه وضع اسمك على الفديو مع القروب بكثره وبكذا معاد يقدر الواحد يتفرج يعني والله لو كانت حقوق طبع محفوظه ؟ الكلام ينطبق عليك وعلى اكثر الأعضاء مثل يابعدهم وسواليف القايله وآسف على صراحتي واتنمنى تتقبلها بصدر رحب والسلام.

  10. بسم الله الرحمن الرحيم حبيت بس أشكرك على هذا الموضوع الأكثر من رائع صراحة وننتظرمنك المزيد تحياتي لك يا جلوكوز

  11. مواضيعك كل و احد اطلق من الثاني بس صورة الاصلع اللي مسوي قرون بشعره شششي ههههههههههههههههههههههههههههههه لاعدمنااااك وننتظر المزيييد ياجلوكوووز اسمك يذكرني بعلوم ثالث متوسط ههههههههههههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى