قبل الاختبارات باسبوع جانا ابوي المتهور
وقال ابي اقول لكم مفأجاه اذا نجحتم كلكم ابي اوديكم البحر تتروشون يالوصخين ياكلاب انقلعوا عن وجهي 
<< ابو عواد محشش كركركركر
عاد انا من الفرحه رميت الكتاب وقمت اركض بالحوش واخواني يلحقوا وراي ونصارخ نبي نروح البحر نبي نروح البحر 
وجلسنا على الارض وسجدنا لله شكرا وسالت دموع الفرح من عيوننا وغطت ارجاء المنزل<< توه سامع كلمة ارجاء كركركركرك 
رحنا نذاكر وصرنا ماننام من كثر ماحنا متحمسين 
المشكله انا اذاكر وانا عارف نفسي مستحيل انجح وعارف اني باخرب على اخواني البحر بس لازم لازم احاااول اني انجح …
بدات الاختبارات وكان اول اختبار رياضيات رحت وانا متحمس للحل مع اني مادري وش السالفه جت الورقه اطالع فيها اقلب ياولد حل ماعرفت شي 
اصلا اكتشفت بنص الاختبار اني اللي كنت اذاكره كتاب النصف الاول وحنا بالنصف الثاني ..وجلست اصيح وسالت دموعي وغطت ارجاء القاعه كركركركر 
جاني المدرس يصارخ وصوته فيه من البحه الشي الكثير<< مادري وش تبي ذي الجمله كركرككر 
قال لي : انت مالك مابتحلش ليه؟؟<< ترا هو سعودي بس مسكه معي اتكلم مصري<< بيعلمكم انه راح مصر كركركر 
عاد انا احب الافلام الهنديه وعطيته اقرب فلم هندي
اول شي نزلت عيني وجلست اصيح واصيح الين ماغطى الدمع ارجاء القاعه مره ثانيه 
قام قال لي : تبكي عشان ماحليت شي يالرخمه 
قلت له وأحبالي الصوتيه تكاد تتقطع من كثر الاحساس الصادق << ايه هين صادق 
(( ياستاذ انا مابكي على اني ماحليت بالاختبار انا ابكي لان تذكرت اخوي حمود ))
واجلس اصيح
نزل راسه وقالي وبصوت مخنوق وهذا الشي خلاني احسه انه بدا يصدق الفلم
المدرس : ليه وش فيه اخوك ياعواد ؟ 
عواد : اخوي ياستاذ يمشي على يدينه وابوي كل ماشافه شاته برجله ودايم يقوله انت مانت ولدي انت ولد الشغاله … ااااااااااااععععععع<< عواد يصيح
المدرس ساكت ويحاول يخفي دمعته عني والقاعه هدوء كلهم يسمعون قصتي
عواد : تدري ياستاذ اخوي صار معوق ليه؟؟
الاستاذ بصوت مليء بالحنان : ليه ياعواد؟؟
عواد : لانه بصف اول ثانوي رسب اخوي بالرياضيات واول مادرى ابوي مسكه وعلقه بالمروحه مع رجوله بعدها نزله ونومه تحت السياره ودعسه على رجوله << اللي مصبرني عليك ياعواد انك قبل ماتقول السالفه قلت انها فلم هندي كركرككركركركرككرر
المدرس : اجل لو رسبت انت وش بيسوي فيك؟؟
عواد : تخيل ياستاذ ناوي يرميني للكلاب المصعوره انا ياستاذ ماذاكرت لاني تحت ظغط نفسي كبير 
المدرس بصوت عالي : مين اشطر واحد فيكم بالرياضيات
قام واحد مصري حمروطي (( يعني شديد الاحمرار))
الحمروطي: اديني الورقه ياستاذ وازهل الموضوع << اما مصري يقول ازهلها كركركرككركر
المهم المدرس طلع ونشر الخبر بالمدرسه كلها وكل ماجيت اختبر ماده جاني مدرس وقالي كيف رجل اخوك حمود ؟؟ انا مادري هم يتريقون علي ولا مايعرفون يفتحون الموضوع معي وكل ماقلتها خلوا واحد يحل الاساله عني …
خلصنا من الامتحانات وجاء وقت النتيجه …
قبل ماروح جاني ابوي وهو واثق وقدام اخواني كلهم
ابو عواد : اذا نجح عواد اليوم بعد صلاة الظهر نبي نطلع البحر ونجلس ثلاث ايام
واخواني يصارخون بصوت عالي :: ون ون ون عواد نبمر ون
ويجي اخوي حمود :: عواد ان شاء الله واثق من النجاح؟؟
واطالع فيه بقوة عين : الفضل لله ثم لرجولك يالدلخ نياهاهاهاها<< يقاله شرير 
طالع فيني حمود وطالع برجوله وقاله: والله لو انها رجل ماجد عبدالله
رحت اركض اركض واخواني يركضون وراي نركض للمدرسه نبي نجيب الشهاده نبي نطلع البحر ابي اشعر بالاستقلال<< توه سمعها بعد بالاخبار كركرككركركركر
وصلت المدرسه وانا اكاد الحق تنهدات انفاسي<< لاتسالوني وش معناها كركرككركرر
جاني نفس المدرس اللي عطيته الفلم الهندي وقالي :: انبسط ياعواد انكتب لرجولك عاما جديد
اخذت الشهاده وقمت اركض بالشارع وانا مغمض
لم يكن بتفكيري غير كيف اقز البنات اللي بالشاليه اللي جنبنا<< يقاله مشبك البنات
ومازلت اركض وافكر لما ارجع واجيب الصور لولد جارنا سعيدان كيف راح ينقهر مني << والله لو انك رايح الشام ياشيخ<<< اقول تقلع انت بعد كركركرككرر
وانا جالس افكر
فجأه وبدون مقدامات 
وفجأه
…
..
.جاء واحد يفحط وسحب جلنط وماوقف غير …..
والله مادري متى وقف الوكاد انه صك رجولي الثنتين
ااااااااععععععع<< عواد يصيح بس هالمره صدق
خرجت من المستشفى وانا على ظهر اخوي حمود
لاتسالوني وين رجولي اسالوا اللي فحط عليها ….
++++++++++++++++++++++++
وهكذا اعزائي القراء وبعد محاولات عواد الغبيه للنجاح والذهاب للبحر فقد عواد رجليه واصبح الان يمشي على راسه << سلامات يابو كركركركر<< كيفي انا المؤلف وامشيه على كيفي<< يسمع بقوة الشخصيه كركركركركر
مايستفاد من الموضوع
قال رسول الله صلى الله عليه وسلم (لاتتمارضو فتمرضو فتموتو)
ومن جد الموضوع هذا حنا متهاوين فيه واولكم انا يعني دايم ندعي المرض عشان ناخذ اجازه او عشان نغيب ولا عمرنا فكرنا بالنعمه اللي حنا فيها
الله يديمها علينا من نعمه يارب
اتمنى انه كان موضوع لطيف ومضحك وبنفس الوقت استفدتوا منه مع اني ماتوقع احد بيسفيد من عواد شي هو وراسه اللي كانه راس معسل
عواد على الراس طاقيه
