رسائل المجموعة

طبخ ونفخ : كل واحد يجيب فنجاله ويقلط

السلام عليكم ورحمة الله وبركاته
بما ان القروب عطاني الاشارة الخضراء في اني ابدى في موضوعي
وبما اني كنت قاعده اتفرج على صور ورقة بلوت قلت خلني ارسل رساله
تبين ان حنا البنات اكوس ناس
واخليكم مع الايميل

طبعا اليوم ايميلي غير راح اسدح لكم هالمره كم طبخه مخصوصه لبناتنا ونبي نشوف همتكم

راح اقدم لكم 3 اطباق من حلى القهوه كبدايه
خفيفه وسريعه وبعدها ان شاء الله من الرسايل
نتعمق في المولح والعلوم السفره < لا يكثر

المقادير :
عجينة سمبوسه
تمر
جبن كيري
قرفه مطحونه
سكر مطحون
كاكاو هرشي للتزين

الطريقه
ناخذ عجينة السمبوسه ونقطعها بالعرض
وناخذ قطعه من الجبن وقطعه من التمر ونحطه داخل العجينه ونلفها مو دائريه لا نخليه مثل المستطيل
وبعده نسكر الجوانب بطحين و مويه ونقليها
إذا طلعت نرش فوقها السكر مطحون والقرفه ونصب عليها الكاكاو والافضل ان تقدم ساخنه
وينفع تفرزن

وصحتين وعافيه


حلى البف باستري

المقادير :
عجينة بف باستري
حليب محلى مركز
قرفه
جبن كيري

الطريقه :
تاخذين شريحة البف باستري وتقطعينه بالطول وتجيبين الجبن وتقطعينه الى 3قطع وتدورينه بالقرفه ( يعني تغلفين الجبنه بالقرفه ) وبعدها حطيه على طرف شريحة البف باستري ولفيها وادهنيها بالبيض والصوره توضح كل شي

ندخله بالفرن واذا استوى نطلعه ونصب عليه شوي حليب نستله ونحطه في اوراق البلاسيه
وصحتين وعافيه


القطايف الكذابه

يمديكم على الاسم >

المقادير
كيس خبز توست
جبن مثلثات ( او حسب الرغبة )

الشيرة /القطر :
1ك سكر
نص ك ماء
شوي فانيليا

الطريقة
تقطع اطراف خبزة التوست وتفرد جيدا
ثم نضع قطع الجبن ونضع القليل في الاطراف عشان تلتصق ول يدخل الزيت مثل ماهو واضح بالصوره

وبعد لفها تقلى في زيت بدرجة حراره شبه مرتفعه ( انتبهوا ..لايكون الزيت بارد عشان ماتشربه الخبزه )
وبعد ما تطلعينها من الزيت وبردت شوي
تقطع وترش عليها شيره ويزين بالفستق.

في النهايه ان شاء الله ماقدمت يعجبكم
EMERALD

مقالات ذات صلة

‫37 تعليقات

  1. يعطيك العافيه عالاطباق شكلها بيجنن وبيشهي تسلم اديك ياقمر وناطرين الموالح :~

  2. 🙁 الله لا يعطيك عافيه فوق تعبك يعني ما تدري ان فيه مغتربين عزابيه ماكلين تراب وحالتهم حاله ولا يقدرون يرجعون ورمضان قريب حسبي الله عليك بس

  3. والله كل الأطباق شهيه واحلى ما فيها سهله وسريعه .. بس عندي سؤال . الحلى الأول من ضمن مقاديره عجينة سمبوسه!! وش المقصود؟ عجينه البيت ولا عجينه الرقاق الجاهزه؟:(؟ اختكم سمسم 8)

  4. شكلهاااااااااا مارررررره طعمه يديكي العافيه خيتو تحياتي غنوووج

  5. وش هالزين وش هالسنع انا اعجبتني اول وحده الله يعينا على ترجي البنات عشان يسوونها واذا ما وافقوا انا الي بأداهم المطبخ B ميرسي

  6. الله يعطيك العافية على هذه الطباق الشهية وننتظر المزيد خاصة واللحين جاينا شهر رمضان الكريم اللهم بلغنا رمضان ونحن في صحة وعافية ووفقنا فيه للعمل الصالح وتدارك ما بقي من اعمارنا

  7. أهم شي انه سريع خخخخخ يعطيكي الله العاااااافية ويخليكي لعين ترجيكي:D تحيااااتي

  8. الله يعطيك العافيه مره أعجبتني وخاصه أنها سهله (وحده عجازه) واخر حلى اعجبني مره بس انا حفظتها كلها عندي علشان اجربها

  9. بصراحه أكثر شي عجبني اسم الطبق الثالث ( القطايف الكذابه ) :$

  10. السلام عليكم ورحمة الله وبركاته صراحة ماشاء الله تبارك الحمن شكلك ماهرة في الحلويات وننتظر المفطحات والصواني بس شكل تلقين طلبات للزواج بعد هذه الإيميل :$ تراني امزح معك

  11. لاتدعي علي 🙁 ترى مايحتاج هذي اول بدايه لي هذا اولا وثانيا اطبخ انت كل المقادير سهله ومتوفره في كل مكان ماعندك عذر وبما انك مغترب فاول شي الغربه تعلم اهلها الطبخ 8)

  12. تسلمين ياقلبي 😀 اما عن سوالك الي اقصده عجينة الرقاق السمبوسه الجاهزه وكل الشكر لكل الي ردو

  13. وش هذا كله يعني ماتقدرين شعور الي توه قايم من النوم ولا لقى شي في الثلاجه ياكله 🙁 بس من جد يعني ليتك تكتبين اسمك وكروكي بيتك جايك اليوم اخطبتس 8)

  14. :D:Dمبدعه حبيبتي……….الى الامام….. اذا عندك زياده اشياء حلوة وسهله اعرضيها لنا:$

  15. الحقيقه بعد ماشفت الحلويات واشتهيتهل رايح الان واشتر حلويات واكلها بجد شي بشهي يسلمو هل الايادي

  16. :فيس يسوي بإيده أحسسسسسن: تستاهلون يالعزابيه احسن.. ماحد قالكم لاتعرسون

  17. الله يعطيك العافية يالغلا شكلها لذيذ بالمرة والله شهيتيني اسويها

  18. الله يعطيك العافيه بس الحركات ذي قديمه امي دايم تسويها :D:D خخخخخخخخخخخخخ

  19. 🙁 شهيتيني بعوونف:( بس اليوم بإذن الله بسوي حق البف باستري الله يوفقك ويفرج همك

  20. انا ما اقول لبنات هالوقت ما افلحتوا الا في الحلى والخرابيط اول الوحدة تطبخ ذبيحة والحين يالله الخيرة لا لا امزح حلى كويس وممتاز يعطيك العافية

  21. بصراحه مرة وصفاتك حلوة بس عجلي علينا الله لا يهينك بالعلوم الطيبه الطبخ والنفخ وانا اختس…:D

  22. ماشاءالله حلو ومرتب عورتي قلبي عالبحر 🙁 الصوره خيآآل تسلم ايدك وننتظر المزيد

  23. حلويات بسيطة وحلوه وأكثر من رائعه بس ياليت ترسلون على ايميلي كل اسبع حلى قهوه وشاي لأني ملزمة فيها كل خميس بس طبعا قبل الخميس عشان اوفر المقادير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى