رسائل المجموعة

صور – قبل التلزيق وبعده ،، لاندكروزر

السلام عليكم …
اخواني الكرام قبل شهرونص كنت في معرض سيارات في قطر ولفت نظري وجود كميات كبيرة من VXR+GXR وارد السعودية طبعا انا استغربت لأن هذا المعرض كان يجيب كروزر ات من عمان …سألت العامل عن السبب قال ان راع المعرض صار يتعامل مع شركة عبدالطيف جميل+قال ان صار عندهم مشاكل في التصدير من عمان…
بعد ما خلص الحديث بينا قلت للعامل يفتح لي الGXR دخلت وشفت الموتر ..المهم شفت راعي المعرض حامل كيس فيه علامات gxr-vxr وقام يلزق على الموتر الي موقف قدامي طبعا الشي الغريب هو ان الموتر ماكان عليه علامة من البداية…
هذي الصورة قبل التلزيق
قبل
بعد التلزيق…
بعد
===
انا سألت العامل قلتله وش الي قاعد يصير قال ان راعي المعرض ماخذ اذن من شركة عبدالطيف جميل وانهم خلوه يسوي هذا الشي===الرجال كان متنرفز وخايف لأني شفت الي صار..المهم سألته ليش الموتر بدون لزقة قال ان في البطاقة الجمركية حقت وارد السعودية بس يكتبون LANDCRUISER SW طبعا SW يعني STATION WAGON!!… انا قلت ممكن يكون ها الكلام صحيح يمكن المواتر تجي من اليابان بدون كتابة لأنكم لو تذكرون قبل قبل ثلاث-اربع شهور عضو اسمه فهد او الفهد عرض صور لكروزر سعوي في الميناء كان ماعليه اي علامات واذكر ماكان G لكنه كان كأنه G حتى بدون مكيف.,….لكن طبعا انتوا الأدرى لأنها وكالة بلدكم,…
…….
الصراحة ياشباب صعب الواحد يقول من السبب لكن معرض باريس نصابين100%+في اكثر من معرض شفت نفس الشي مواتر GXR+VXR وارد السعودية…الشيء الي انا 100% متأكد منه هو انه لو المواتر كانت صدق VXR+GXR كان فيهم تذهبية+المرايات مب كروم+الGXR بدون تخشيبة!!!تصدقون في موتر الكتابة GXR بس عليها تذهيبة والV8 وباقي الأشياء بدون تذهيبة صدق نصب…
شوفوا الصور واحكموا..
شدعوة GXR بس الكتابة مذهبة الباقي لا…نصب عيني عينك
لاندكروزر
الحين انا بسكت وبخلي الصور تتكلم..
لاند
لاندكروزر
لاند
لاندكروزر
Land
Land
Land
Land
Land

لاندكروزر

لاندكروزر

لاند

المصدر

مقالات ذات صلة

‫8 تعليقات

  1. الجيب الجديد في السعوديه ياصل نوعين فقط GX او VX بدون الـ R نصاب راعي المعرض ولا عرف ينصب

  2. السلام عليكم ورحمة الله وبركاته القائمين على هذا القروب الرائع والاخوه الاعضاء والزوار الكرام ألاحظ الفرق بين وكالة الساير الكويتيه ( تويوتا) وشركة عبداللطيف (تويوتا) بالسعودية الفرق بين مسجلات السيارات مختلفه تماما شركة عبداللطيف يختلف المسجل عن ديكور السياره تلقاه متقدم للامام ولا يركب على ديكور السياره اما شركة الساير فالعكس تماما واستغرب لماذا هذا الاختلاف هل من الوكيل حتى تقل سعر تكلفة السياره من اليابان اما بخصوص اللاندكروزر فاعتقد ان الاخ علي ادرى بذلك عني ولكم كل الحب والاحترام . مجرد راي

  3. يااخوان الجي إكس فيه نوع يجي 8 سلندر فيه وكالات تحط عليه VX وهو GX أنتبهوا ونصيحة البريمي ما فيه مثله

  4. اليوم نعيش عصر الغش التجاري بشتى صوره والسبب انه لايوجد رقيب ولا حسيب وان وجد فله في الطيب نصيب ( استغفر الله لا اعمم) شكرا لك

  5. اشكرك على الموضوع واحب انبهكم بوجد لعبد اللطيب شركة مسجلات فا يجيبو السايرة بدون مسجل وياخذو من شركتهم مسجل هذي الحقيقة الشي الثاني اللاندكروزر يصنع في بنقلدش معلومة صحيحة وليس في اليابان وبس هنا غش في غش الله حسيبهم

  6. اصلا معروف ان عبداللطيف جميل غير المسجلات يشيل الاصلي ويحط تقليد انا ما في الامل اشتري منه ما في احسن من البريمي مثل ما قال اخوي الله لايربح من يغش

  7. .. لهذه الدرجة أصبحت أرواح البشر رخيصة وسهلة !! .. بل الأدهى والأمر استرخاص العقول والضحك على الذقون !! .. فلماذا نغتاض من اليهود وهي تذبح المسلمين بالقنابل والرشاشات ويوجد من بني جنسيتنا ووطنيتنا من يذبح المسلمين بهذه الآلات الحديدية !! .. إن الله يمهل ولا يهمل وكما تدين تدان .. 🙂

  8. معروف ان عبداللطيف جميل هوو اللى يحدد المواصفات يعني سرق عيني عينك ولا حولك احد يقول شيء شكراا اخي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى