رسائل المجموعة

صور : فيلم امريكي بلوحات سعودية

السلام عليكم ورحمة الله وبركاته


الموضوع شائك هو بإختصار عن فيلم
Body Of Lies
بطولة / ليوناردو ديكابريو

 الفيلم يتحدث العميل السري لدى الاستخبارات الامريكية ليوناردو ديكابريو بإسم (فارس) والذي يقوم بمحاربة الارهابيين القائمين بتفجيرات في العراق والاردن وتركيا وغيرها دول معينة في الفيلم والاطاحة برئيسه
المتمثل بشخصية ( آل سليم ) في الفيلم واسمه الحقيقي
Alon Aboutboul

والغريب في الامر ان اغلب احداث الفيلم وقعت في الاردن وتم وضع لوحات سيارت الارهابيين بلوحات سعودية
وهنا صورة أخذتها من الفيلم

وغيرها الكثير من المشاهد في الفيلم والتي تحاول بها امريكا تدنيس سمعة هذا الوطن بطريقة غير مباشرة كعادتها
وفي النهاية لن يفلحو


دمتم بــــود

مقالات ذات صلة

‫32 تعليقات

  1. السلام عليكم انا توني اليوم شايف الفيلم بس ترا هو راح للسعودية عشان يلحق عمر صديقي حتى جابوه يومه في المطار ولو لاحظت في المشهد اللي حطيته ان كل السيارات سعودية الحريم متغطين لوحات الاحياء السعودية الخضراء

  2. اذا قصة الفلم انه سافر السعوديه حتى لو انه ماصور في السعوديه وحطوا لوحات السعوديه هذا دليل على فنهم وانهم دقيقيين بشغلهم وما اشوف اي تدنيس لسمعة السعوديه ترا عندنا ارهابيين معلومه يمكنها فاتتك

  3. وعليكم السلام قد يكون كلامك معقول الى حد ما مع اني رايت الفيلم اكثر من مرة المطار اللي ذكرته هو في دبي و ليس في السعودية لكن ما يثبت صحت كلامي هو المشهد الذي الذي اتى في 01:49:58 بتوقيت الفيلم المحادثة التي جرت بين (فارس) و ( آل سليم )

  4. يا أخ العرب يبدوا أنك شاهدت الفلم بغير ترجمة على العموم أنا شهدت الفلم في أحد دور العرض في استراليا من أول ظهور له. لذلك لا أذكر الفلم جيدا لكني متأكد تمام الثقة أنهم ذهبوا للسعودية لمهمة ما.

  5. خلونا نفرض انهب سبوا السعوديه بشكل صررريح ايش بتسون ؟ مين بيسمعلكم ؟ انصحكم تفرجوا واسكتوا لا تتعبون انفسكم ؟ ياما سبو الاسلام مو السعوديه ولا احد تكلم ؟ حيلتهم مقاطعه

  6. دائما ما نسمع ان الامريكان والغرب يبغون يشوهون صورتنا … وهو العكس .. مااقولك انهم يحسنونها بس على الاقل ماهم متعمديين .. اساسا هو كل فيلم يسوونه يكون لهم هدف .. مايسوون اي كلام فاضي …. وممثل كبير زي ليناردو ما اتوقع بيمثل في فيلم اي كلام .. يعني اي اكيد فيلم بيكون بروفيشنال .. واحترافي .. اتمنى اني اشوف الفيلم قريبا … وملاحظه يعني انت لو تشوف التمثيل عندنا ومستوى الافلام الي تطلع بالشرق الاوسط ومقارنة بالافلام الامريكية ,,تلاقيهم بس ناس قاعده تسمع نصوص السيناريو وبس … يعني لو تتفرج على فيلم عربي مابتستفيد شي غير ان ضغطك يرتفع :$ … بس زهقنا العالم هنا بالسعودية كل ماطلع شي جديد قالوا الغرب مستقصدينا !!! .. ياعمي طالع بحجم الكرة الاضية وطالع بالخريطة في مليون الف ثقافة وديانة موجوده وعايشه على سطح الكرة الارضية … في الوقت الي المفروض كل واحد يحاول يطور نفسه وذاته ويشوف ايش صاير بالعالم الثاني والدنيا شلون متطورة … اي واحد يقرا تعليقي الحين يروح برى بيتهم فيي المغرب ويشوف القمر .. شفته .. هذا الامريكان وصلوا له وحطو علمهم عليه رجعوا ..!!!! تقبلوا تحياتي 😀 … وكما يقال الاختلاف لايفسد للود قضية

  7. انا شفت الفلم .. خلاصته ان الكذب متسري في البدن .. وهذا واضح من العنوان كيف انه عميل استخباراتي كبير .. و مع هذا يكذبون عليه الاستخبارات و الثقة بينهم معدومه كما هي معدومه بين الارهابيين .. وهذي هي اصل الفكرة .. هو في الفلم ذهب الى السعودية ..

  8. الصراحة فلم حلو انا تباعته في السينما قبل شهر ونص تقريبا اذكر خويي عصب علي يوم دخلنا نشوف هالفلم لأنه مايحب الأفلام السياسية وانا عشقي هالنوع من الأفلام

  9. تعليقي هو أن اي فيلم اميركي يجب أن ترى في الفيلم أية لقطة تدل على عظمة اميركا .. والتكنلوجيا والدقة في التنفيذ وما الى غير ذلك .. و النقطة اللتي اريد ان اعرضها هي جميع الافلام الاميركية تحاول قدر الامكان أن تسئ صورة الاسلام والمسلمين خذ على ذلك عدة أمثلة Taken,Traitor,Soul Poul. وغيرها الكثير الكثير فالسؤال هنا ما هو الحل المناسب لمثل هذه الظاهرة؟ وخصوصا انها تشكل خطرا كبيرا على الاطفال؟ أتمنى أن ينال المقال اعجاب الجميع و حري بالتفاعل.

  10. بس توضيح جانبي ان الفيلم ما كان ضد الاسلام ابدا. قصة الفيلم ان ليناردو بيحارب الارهابيين اللي بيتقنعو بالسلام وهوة اصلا عارف ان الاسلام غير كذا وخاصة في اللقطة الاخيرة لما الشيخ اللي جا يذبحه فقاله انت تاخد جزء صغير من القرآن وما تاخد المعنى الحقيقي.

  11. الاخت فديتك ياغلاتي ياليت تكوني متابعة الواقع والتاريخ بعد ذلك تتكلمين عن وصولهم للقمر او للشمس ان ارادوا..لمعومتك قديمة جداا وهم كذبوا على العالم في وصولهم للقمر وما كان ذلك المشهد الى لعبة من العاب السينما ,والهدف كان تنافس بينها وبين روسيا والقصة طويلة حبذا لو تبحثي عنها بس زهقنا العالم هنا بالسعودية كل ماطلع شي جديد قالوا الغرب مستقصدينا عزيزتي سعودية كنت ام غير ذلك فكونك لا تتابعين الاحداث ولبك لا يستوعب حجم القضية فهذه مشكلة لديك اقتنعي بها او لا ايضا هنا اعود لاقول لك توسعي في مداركك وثقافتك حتى تعلمي ما هي الحقيقة اما الفلم فلم اشاهدة ولكن لا استغرب هذا منهم شكرا

  12. رد على كلام فديتك ياغلاتي استغربت من كلامك شي واحد تقولين مستحيل ممثل مثل ليناردو دي كابريو يمثل فيلم يشوه صورتنا وانا اقولك ادخلي قوقل واكتبي من هي Girlfriend ( حبيبته ) بحياته الحقيقيه مو بالتمثيل هي عارضة الازياء الإسرائيلية بار رافائيلي وعندك قوقل تأكدي وشوفي صوره وهو بأسرائيل مع صديقته وصوره عند حائط المبكى وهو لابس مثلهم انا مااقول ان الفيلم قصده يغلط علينا لا ..لكن لا احد يجي يدافع عن ممثل امريكي مخاوي اسرائليه ويقول مستحيل يرضى يغلط علينا لان نحن أخر همه غلط علينا او لا :$

  13. بنت تركي اهلا بالنسبة للقصة حقت وصولهم للقمر … ما اتوقع انها كذب ولاهي لعبة سينما ولو كانت كذلك كان اول من شهربهم الروسيين مثل ماتقولين … !!! والحرب الباردة اى الان مستمرة بينهم … !!! انتي طالعي بالصور نفسها تلاحظين انها ماهي لعب لان هالحكاية صارت قبل كم سنة قبل مالناس تطور شغلت اللعب بالسينما .. يعني على الاقل انا عندي بكالريوس علوم حاسب واي صورة بشوفها اوفيديو بعرف اذا كان ملعوب فيه اولا 8) .. القصة الي انتي تقولينها اتمنى ان تعطيني مصدر اكيد لها … ثانيا : انا سعودية اصل وفصل .. ومايحتاج تغلطين علي .. وتقولين لبك مايستوعب حجم القضية ووسعي مداركك لان هذا كلام كبير ترى ..ما ينقال لاي احد !!! وخصوصا لناس مثقفين ومتعلمين !! … انااقولك القضية وماهي … القضيه ان في ناس الى الان ماطوروا لا عقولهم ولاطريقة تفكيرهم ولاحتى تعاملهم مع الشخص الاخر الي مختلف معهم .. وعايشين على رؤوس معلومات حصلو عليها من هنا وهناك …. بس على الاقل لو كل واحد بيقرا كل شهر اقلها كاتب او اثنين كان شفنا تطور حوالينا .. انا ماني بموقف اني اقول لبني ادم روح ثقف نفسك ..لكن كل واحد يعرف مصلحته واكيد المومن الفطن بيسعى انه يطور نفسه على كل المستويات .. واهمها شي يسمونه الآداب العامة !!! … بت الخبر انا ماقلت انه مستحيل يغلط علينا ..ببس قلت اكيد مابيمثل في فيلم اي كلام .. يعني بيمثل في فيلم راقي ومحترف .. لانه هو ممثل محترف .. وانا مايهمني مين مصادق اوغيره هذا مايعطيني الحق باني احكم عليه او على تصرفاته .. هو حر … انا انظر للموضوع من الناحية المهنية .. التمثيل مهنة زيها زي اي مهنة بالعالم … وممثل محترف مابيختار الا احسن فيلم يمثل فيه .. ماراح يختار فيلم كله كلام فاضي او فيلم بس عشان انه يشوه اي ديانة اوثقافة بالعالم … انا من كلامي كله بس ودي اوصل رسالة واحده وهي : ان اختلاف الثقافات والاديان مايعطينا الحق اننا نعادي اي امة من الامم .. بالعكس احنا نطور انفسنا ونتواصل مع العالم الثاني حتى لو مختلفين معنا بس ناخذ منهم الشي المفيد والي يتناسب مع ديننا ونترك الباقي. بس مو نقوم ونقفل ابوابنا ونوافذنا ونعزل نفسنا عن الدنيا وننبذ هذا وذاك لاختلافه معنا في الراي او الديانة او الثقافة .. حتى ملكنا الملك عبد الله … هو اول رجل بادر لحوار الاديان والحضارات في العالم وحنا بنسير على نهجه باذن الله

  14. اقوووول وقسم انهم يدسون السـم في العسـل ..!! أي فكرة واي مبدأ قام عليه هذا الفلم ،، انا شاهدته وبصراحه ..!! لاماذا نستغرب عملهم ..!! فهم يصنعون وينتجون مايرونهم في فكرهم فقط ..!! ويحاولون للعالم كله ان يثبتووه ويقنعهوهم به .. . . اسف على الاطالة .. والف شكر لك اخوي .. وخلنا مع الفكاهي ولا العربي اصرف احيانا ض1

  15. يالغلا انا اللي قصدته ان واحد مثله وربي مااهتم فينا .. سوا غلط بحقنا كشعب .. او بدولتنا .. او حتى بديننا .. يعني لا نجلس ندافع عن ناس نظن انهم محترمينا .. ونظرتهم الحقيقيه لنا واضحه من زمااااااااان .. وارد اقول يمن بالفيلم ماغلط علينا ولا قصده يغلط .. لكن بعد مانطلعه ملاك وانه مستحيل غلط علينا او على ديننا ..

  16. هذي مشكلتكم يالعرب عسى ما واحد قال كلمة و لا سوا شي اعترضتو عليه و حتى لو كان هذا الشي صحيح و و اقعي . بالنسبة للفلم انا اشوف انه ما في شي لانه ما في دولة بالعالم ما فيها شر و ارهاب و منها السعودية و الدليل 85 ارهابي اللي اعلنت عنهم وزارة الداخلية و الانتربول قبل كم يوم . الشي الثاني انه دائما نشوف في افلام امريكية تحكي ضد الحكومة الامريكية نفسها و ضد العصابات الامريكية و المافيا الامريكية و المخدرات ووو…. الخ و ما عمري شفت امريكي يعترض على هذا الشي لانه عارف انه شي وا قعي و حاصل و صحيح مب مثلنا ما نتقبل اي شي غلط و حتى لو كان صحيح 100 % بل ننكره و نكذبه كأننا معصومين عن الخطأ

  17. ياجماعه اللي شاف الفيلم ترى فيه لقطه لما السليم امر حراسه انهم يقتلون البطل الامريكي قله انتم لو مايدعمونكم السعوديه الوهبيه ماكنتم كذا اتمنى الحذر الحذر

  18. وقال بعـد .. انتم عبيد مدري وش لشيوووخ السعودية ..!!! ..!! فهل هذا ليس بخطأ ..!! يامن تدافعون عنـهم ..!! وكأنكم تدافعون عن فكرة سامية ..!! ولو فصفصنـا كل كلمـة وفكره كان علوم وبالاخير ماخفي أعظم

  19. انتوا مسوين قصة طويلة عريضة من ولا شي .. هذا بدل ما تهتمون الى اشياء اكثر اهمية .. يا ما سبوكم وبالعلانية .. واذا سبوا الرسول ما تحركتون على دمكم .. هالدور جاين على انهم سبوا السعودية.. والحق ما ينزعل منه .. وشكراَ..:~

  20. يعني اليهود ورانا ورانا .. مدري وش اللي حارق خبزهم ناس عندها فلوس ماتدري وش تسوي لعنة الله على شواربهم ( أصلا هم يحلقون ) هههههه :$

  21. ياشعب بلاد الحرمين : رسول الله شتم ورسم كاريكاتير بأبشع الصور ولم يحرك احد ساكنا منكم ,, شتموا المسلمين والاسلام وسبوا ديننا ,, ودخلوا علينا بمفاسدهم ومغرياتهم الزائفه ويحيكون لتا المصائب ويضمرون لنا العداوه ونحن نعلم مقصدهم وهدفهم ولكننا للأسف صامتون خانعون ذليلون ارتضينا المهانه وفرطنا في ديننا وكرامتنا وكبريائنا نحن امة محمد صلى الله عليه وسلم ,, هذا نبينا ومن بعده صحابته والتابعين وصلو بالفتوحات الاسلاميه مشارق الارض ومغاربها ورفعوا راية الدين عاليا ,,, وتركو لنا امجاد وتاريخ عريق بالنصر والكرامه ,,, وماذا فعلنا نحن ؟؟ قعدنا ورضينا بالذل وبحثنا عن الحضاره الملونه بألوان الطيف المتلاشيه وحررنا المرأه وذهبنا الى ماهو أخطر من ذلك ,,, الا وهو تقارب الاديان ؟؟؟ لابد لنا ان نحارب الكفر في كل مكان ونطأ بأقدامنا على رقاب الكفار ونسلبهم اراضيهم وكرامتهم ونستحيي نسائهم ونقتل رجالهم ونرفع راية الدين عاليا بعز عزيز او ذل بذليل ,,, اتركو عنكم هذه الترهات وتبصرو حقيقة امركم وقوموا على الجهاد اللهم اهدي جميع المسلمين للعمل لمرضاتك والفوز بجنانك وجنبهم عمل المنكرات وبصرهم بالحقائق المخفيه ,,,,,,

  22. الله يهديك الجهاد واعلاء كلمة التوحيد ونشر الاسلام ورفع راية لا اله الا الله زي ما قال الله ورسوله !!! وش نستحيي نساءهم هذي انت فرعون ؟؟؟ ونقتل ونسلب كذا شوهت صورة الاسلام الرسول صلى الله عليه وسلم جلس يدعوا قريش بالنصح والحسنى ولما اهل الطائف ما ناصروه طلب منه الملك ان يطبق عليهم الجبال فرفض صلى الله عليه وسلم وقال بما معناه (لعل ان يخرج الله منهم من يقول لا اله الا الله او كما قال صلى الله عليه وسلم قبل لا تجاهد رح تعلم الدين صحيح سامحك الله وبر في والديك واحسن الى جيرانك و جاهد نفسك قبل كل شيء ثم تكلم عن الجهاد لا تشوهوا صورة الاسلام جزاكم الله خير

  23. معليش بس ودي اوجه كلامي للأخت فديتك ياغلاتي … انتي تقولين انك خريجة حاسب واكيد بتعرفين ومثقفه وواعيه .. http:www2.0zz0.com2008101823391100554.jpg طيب شوفي ها الصوره يوم انهم راحوا للقمر وشلون العلم حق امريكا يرفرف وكلنا نعرف ان القمر مافيه هوا اصلا علشان يرفرف .. وفيه اثباتات كثيره ان هالشي ماصار مثل وطيات رجلينهم وكأن الارض طينيه لانها وضحة وطيات رجلينهم والقمر مافيه ماء ولا يجيه مطر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى