صور : رومنسية زوج لزوجته

بسم الله الرحمن الرحيم

السلام عليكم ورحمة الله وبركاته

حيا الله أعضاء شبكة

أبو نواف

،،،

مثل ما وعدناكم

هذي ليلة مسويها زوج كويتي لزوجته بمناسبة ذكرى يوم ولادتها

طبعا الفكرة سهلة بالحيل بس نبي اللي يطبقها ويسويها وما تكلف شي كثير مقابل انك تسعد

نصفك الثاني وتخليها هو أول اهتماماتك وانا متأكد انه لو الرجال سووا هالطريقة راح يجيهم نتائج اكثر من اللي هم يحلمون فيهن

اترككم مع الرجال وقصته مع زوجه

ـــــــــــــــــــــــــــــــــــــــــــــــــــــــــــــــــــــ

هاي شلونكم حبيت اسويلكم تقرير من الألف لي الياء عن يوم ميلاد زوجتي وكل الترتيبات اللي سويتها

وكل شي صار شي بهاليوم بالتفصيل الممل بس اتمنى ماتملون
طبعا يوم ميلاد زوجتي 23 فبراير بس كان دوامات ولويه فأجلت المفاجأة حق يوم 26 فبراير اللي هو يوم تحرير الكويت الحبيبة

طبعا مر يوم 23 زوجتي حدها متضايقة ومصدومة إني شلون ماذكرتها وماسويتلها شي أو إشتريت لها هدية

وأنا حدي أعصاب باردة

المهم يوم 25 بالليل قبل لاأنام قلت لها أنا حاجز سويت بفندق

إستانست وماقلت لها أي فندق قلت خله مفاجأة لأن أساسا بعد الفندق جديد وما تعرفه
المهم ثاني يوم لبسنا وطلعنا
وصلنا هناك الساعة وحدة ودخلنا السويت الساعة وحدة وعشر الصراحة السويت حدهـ راااااقي وهادي

هذي الصالة
/

/

/

هذي غرفة النوم

/

/


هذا الحمام وأنتو بكرامه

/

/  

الجاكوزي

/


بعد ما ألقينا نظرة على الغرفة نزلنا حق المطعم مال الفندق كنا حدنا يواعاااااا

وهذا بوفية الغداء صوب السلطات والحلو الأكل كان حدهـ روعة ولذيذ
/

/

/


السويت مالنا كان بالدور الـ 18 طبعا الدرايش كبار على كبر السويت وعلى البحر والخليج دايركت

صراحة المنظر كان  وااااااااااااااااااو ،،، صورت لكم صور من المسيرة وبعض المناظر

مسيرة السيارات وهرنات كان وناسة وحنا قاعدين نشوفهم من فوق
/

ماكدونالدز والزحمة والناس

/

/  

خليجنا واحد وشعبنا واحد

/  
الفوووووووووووم

/

/

/


ونآآآآآسة

/

/

الشرطي يآخذ مسدس الفوم لووووووول
/


المهم

الحين أنا مسوي مفاجاه ثانية زوجتي ما تدري عنها للحين

أنا مزهب كل شي بالونات ، شموع ، ورد ، كيكه ، وهدية

واتفقت مع الفندق إن الساعة 8 لما ننزل اللوبي يظبطون كل شي طبعا الفلبينيات اللي بالرسبشن هن اللي ساعدوني

انا قلت لهم شنو أبي بالضبط وكل شي وين يحطونه بالضبط

المهم نزلنا من السويت ورحنا اللوبي هذا هو
/


الخيمة هذي باللوبي واحد يصب لكم قهوة مع تمر
/

وأنا نازل غمزت لي الفلبينية يعني كل شي اوكي

احنا نزلنا منيه جان يصعدون منيه

المهم طلعنا تمشينا برا وردينا وإلا اهما موجودين يعني نازلين من السويت وكل شي اوكي

صعدنا فوق بطلت لها الباب جان تنصدممممممممممممممممممم

ولا كلمه من اللي شافته

مدخل السويت
/


الصالة
/

/

/

/

/

غرفة النوم

/

/  
الهدية
/

/

الجاكوزي

/

/

جان زوجتي تشوفه وهي اللي تصفر وتزلج ويرنع راسها بالجاكوزي وتفطس خخخخخخخخخخخ

 

ـــــــــــــــــــــــــــــــــــــــــــــــــــــــــــــــــــــ

وبس انتهينا

أتمنى أن هالفكرة وصلت للكثير من الرجال

width=460





مواضيع من مواقع صديقة

التعليقات

  1. ابو ليلى قال

    السلام عليكم ربنا يسعدكم يارب 😀 شكلك عريس جديد ، مالت علينا :( بكرة تندم يا جميل :$:$:$:$:$:$:$

  2. كروم قال

    بصراحه كل شي حلو بالايميل لكن الممل واعتذر للشعب الكويتي نفس اللهجه ياحبيبي هذا ايميل للخليج كله جالس لي تسولف بلهجتهم عدل الكتابه حطه فصحى او شي مفهوم جان حده جلست ساعه اترجم وعلى فكره كلنا نفهم اللهجه الكويتيه بسبب المسلسلات لكن بالنطق مهب بالكتابه وشكرا على الايميل مره ثانيه

  3. خلهم ينفعونك قال

    يارب كل ايامكم فرح الله يهنيكم ببعض ويبعد عنكم عيون الحساد قولو ماشاء الله ياناس

  4. امين قال

    والله انا الصراحة ماهضمتها اش ورد وحركات مابقى الا تجيب صورك انته وياه ياخى والله انا احسها عيب الصراحة اش غرفة نوم ومانى عارف ايش جاكوزي

  5. موسعـ(ـن) صدرهـ قال

    الله يوفقكم ويسعدكم ويديم المحبه بين قلوبكم ويرزقكم الذرية الصالحه ويكفيكم شر خلقه العالم ما عاد تعطي خير الله يكفينا واياكم الشر :$ ان شاء الله يكون نشرك لهالصور واللي سويته دافع لغيرك انهم يسون سواتك 😀 يعطيك العافيه يركدون على نقلك

  6. سعودي نايس قال

    بسم الله ما شاء الله جناااان وربي جنان هههههههههه روعة وكلّ الرّوعة .. نبي موضع هيك وواحلى من هيك على نفس النمط والشكل .. اح اح هههههه روعة تسلم وننتظر الحفلة الجاية خخخخخخخخ

  7. بنت فله تلعب سله قال

    ان شالله اتزوج وزوجي يسويلي كذا مالت على شكلو بس وذا ماسوالي راح اتوطى ببطنو :$

  8. خــــــــا لـــــــــد قال

    الله يسعدكم ولايفرق بينكم بس ماحطيت صورة زوجتك نبي نشوف نسبة فرحتها

  9. سميحه المليحه قال

    من بيكنس اللي طايح بس خخخخخخخ لا جد رايق ماشاء الله عليه .. عاد الوناسه مب بس بميلاد وخرابيط .. أشياء كثيره تخلي الحرمه او الرجال ينبسطون .. وتتغير نفسياتهم الله يهني راعي الصور ويهني كل من قرا هالموضوع .. ماقصرت اخوي =)

  10. عيد العنزي قال

    مدري احس فيه ناس بتقول لك يا انك فاضي لكن صراحة فكرتك حلوه والله يهنيك وترضي زوجتك وياليت الازواج يسوون مثل هالشغلات لزوجاتهمْ .. وعلى فكرة حلوه كلمة [ يوم ميلاد ] 😀 وإن شاء الله العمر كللله بطاعة الله ورضاة ثم رضاك :)

  11. م:بتول قال

    ماشاء الله بس والله فكرة حلوة لكن ممكن البعض يحتج على الفندق يقول يعني مايقدرأومايفضى ماحجة يقدرفي البيت يسوي نفس الفكرةويابخت حرمته هذا الكويتي

  12. نايف قال

    ماشالله عليك راعي مزاج. بس والله انت واشكالك اللي بتخربون حريمنا حريمنا راضيات فينا بدون ما نسوي لهن شي، لا تدلعونهن بزياده زي ما انت مسوي ولا ترا بيطمعن باكثر.

  13. مشمش قال

    الله يعافيك ياليت السعوديين يتعلمون الله معطيهم عافية لكن للاسف يلومون بناتهم ليش ينحرفون بلا والله من الحرمان الام كرف بالمطبخ والفراش الله عالم فيه زي البهايم حسبنا الله ونعم الوكيل على بعض الرجال والله يعيضنا خير

  14. actionأكشن قال

    :$ ماشاء الله الله يهنيكم شي جميل فكرة حلووووووووووووة بس انتبة من الجاكوز صحيح ههههههه الله يسعدكم

  15. نونو قال

    :(:$والله بصراااااحه اسلووووب مره بيجنن ياليت كل الرجال مثلك في المافجئاة الحلوه بس الرسول صلى الله عليه وسلم ماكان يحتفل بعيد ميلاد اخوي الفاضل يعني مو من هدي الرسول

  16. بن جغدم قال

    يسلام عليك وعلى زوجتك الرائعة 😮 أكيد ماسويت لها كذا الا وهي تستاهل الله يخليكم لبعض ويسعدكم ويبعد عنكم الحساد B آمين آمين آمين يارب العالمين

  17. بدووون قال

    هههههههههه حسبي الله على ابليسك من جد انسمجت مع الرومنسيه وقاعده اقول في نفسي الله يكثر من امثال هالرجال 😀 لكن في النهااايه ههههههههههههههههه صارموتها وميلادها في نفس اليوم خخخخخخخ

  18. منو الحلوه قال

    ياحظهــــــــــــــــــــااااااا ماشاالله ابي زوج زيه واااااااء وااااااااء واااااء ليش مافي سعودي رومنسي ليييييييش؟

  19. أبو الحسن قال

    السلام عليكم .. شكرًا لتواصلك في هذه المجموعة لكن هذا الموضوع في بحبحة أكثر من اللازم .. عيد ميلاد و حركات قرعة .. !! يعني .. إذا واحد مو عارف وين يحط فلوسه .. نروح حنا .. نسوي له تقرير و نفرح به .. و بعدين يا شين الصور اللي صورها .. مسكين حقيقة ما أدري يا أخي .. كيف فلت هذا الإيميل منك .. بس مو مشكلة لكل جواد كبوة .. على فكرة استفدت من هذا البيد .. إن شعب الكويت زينا .. يحب يوسخ المكان اللي يجلس فيه.

  20. عبدالله قال

    الله يهديك اخوي حنّا مسلمين وماعندنا غيير عيدين والاعياد الباقيه …بدعه!

  21. نايف محمد قال

    والله فكره روووعه …. والله كنت ناوي اسويها لكن ماجاني وقت :(

  22. درة قال

    يا ريت كل الرجال يمشون على هذى الصريقة ما احلى انو الرجال يهتم بزجتو ويحسسها انها مهمهة عندو والله احنا النساء حتى كلمة حلوة ترضينا وتحسسنا بالحب والاهتمام

  23. ناهد عبدالرحمن قال

    السلام عليكم و رحمة الله و بركاته روووووووووووعه و تستاهل الزين ام العيال و عليكم بسبعين الف الف عافيه الله لا يغير عليكم و يوسع لكم فى رزقكم و يرزقكم الذريه الصالحه يارب انا احب الزوج اللى يقدر زوجته و الظاهر انها مو مقصره معاك حبوبة و بنت اصل حبيبتى زوجج جوهره و انتى تستاهلينه

  24. بدون اسم قال

    هوَّ في زوجه وعيد ميلاد ولا لا حلـــــو بس لو مافي زوجه موحلو ابــــــــد:(

  25. تمازيغث قال

    ياريت كل الرجال يفاجؤو زوجاتهم هيـــــــــك لأن المرآة تحب المفاجأت و تحب يسوي هيك زوجها

  26. كلي غرور قال

    الله الله الفكره وايد حلوه الله يسعدهم ويسعد جميع المسلمين والمسلمات تسلم يالغالي على الموضوع جد شيق اتمنى من كل زوج اوزوجه يحذون بحذو الزوجين الله يسعدك اتمنى منك المزيد من المواضيع الأجتماعيه كلك ذوووووق

  27. زهرة قال

    بصراحة أنا متزوجت…بس يوم أتزوج خاطري زوجي يدلعني مثل ما دلعت زوجتك..بصراحة يا هناها بيك….والله يوفقكم إن شاء الله

  28. أفوق الوصف قال

    خوووش مفاجأة بس على فكرة انا قاريه الموضوع من قبل بس كانت الزوجه اللي مسويه هالمفاجأة لزوجها بمناسبة ذكرى زواجهم .. ويعطيك العافيه .. . .

  29. almargogah قال

    رووووووووووووووووووووووعه ما شاء الله الله يعطيك العافيه ويحفظكم لبعض يا رب

  30. انا قال

    يعطيك العافيه يركدون للامانه مواضيعك دايم جديده. الا هذا مكرر وواصلني كم مرة:$ وعلى فكره السالفه هنا مقلوبه ..في الحقيقه الزوجه هي اللي مسويه الحفله .. والايميل قاريته قبل كم شهر .. بس شكلها سعوديه ودها رجلها يسوي لها حفله فقلبت السالفه وكن الزوج الي مسويها هههههههههههههه وارسلتها لزوجها 😀 من تشوف نصوير الشمبوات تدري انها حرمه B

  31. فرح قال

    وناسه الله يخليهم حق بعض ويسعدهم ياليت كل الازواج تسوي زي كذا او اقل مو لازم فندق بالبيت تغير جو

  32. الجمل الحكيم قال

    :Dاولا مبرررررروك اللله يوفقك وبارك الله لك وبارك عليك وجمع بينكم على خير بس ودي اسأل من غير احراج انت عريس جديد كانك جديد فأنت عندك ذوق حلو وان كانك قديم انت عندك رومانسية متجددة وقلبك مثل قبرك مايأخذ اثنين بالتوفيق

  33. اميركو قال

    نصفنا الحلو بستاهل ولا ما بستاهل والله والله بستاهل لكن ؟ ؟ ؟ اذا كنت في نظرها بستاهل هي كمان بتستاهل اكثر واكثر يا ريت تكوني عندي زوجة تعمل لي نفس ها الموضوع ديك اللحظة بحبها وبموت فيها الف الف مرة.

  34. بسمه قال

    صراااااااحه اعجبني الموضوع شي جميل سواء كان رجال اللي مسويه او حرمته وعاد الزوجه قليله ينعمل هذا لها الله يصلح بعض التعليقات لو كان الموضوع ان الزوجه اللي مسويه هالشي كان ماقالو اللي قالوه بس كلام وايش فيها لما يسوي هالشي وينزله عشان اللي ماعنده دم يتحرك ويصلح ولو ربع اللي صلحه والله لو يجيب زوجي ابسط شي يعجبني ويطيرني من الفرحه ماقلنا صلحو كل هالشياء بس استحو على دمكم وحسو فعلا رجال ماتنعطى وجه اذا هذي ردودكم

  35. مطيريه ماركه قال

    أخوي يركدون غلطان بالموضوع الزوجة هي اللي مسوية هالمفاجأة لزوجها بيوم ميلاده آنا متأكدة ليش اني بنفس المنتدى اللي هي فيه أتمنى الفكرة وصلت والله يهنيهم 😀

  36. sunshine قال

    انشاء الله دوم المحبة بينكم ولا يحرمكم من بعض ولا تتغير عن مرتك(عين السيح وحلوة اللبن) وان شاءالله الريايل يتسفيدون من تجربتك ويتعلمون مو كل شي على المراه ممكن الريال بعد يبدع على شان المركب يمشي على قولت ابو بكر سالم: مايهزك ريح يا مركب هواناااااااااااااا 😀

  37. noOon~H قال

    أحييكْ أخوي على هالموضوع الأكثر مِن رآئع صرآحه فِكره ذكيه منك ~أسحل إعجآبــي~ وعتآبي على الردودْ اللـي تحآولْ تشوهـ الموضوعْ آل عيد آل !! وش جآب الإحتفآل بالذكرىْ للعيد ؟؟ من جد نآس نص لفــه :( يركدونْ .. وآصل ولآ عليك بسْ متآبعه لك بصمت .. 8)

  38. redflawer قال

    يسلموا كتير الصور بغاية الروعه والجمال الله يعطي كل البنات مثل هالزرج الرومانسي:)

  39. ميمي قال

    امووووووووووووووووت على الحركات الدلع والرومانس يانااااااااااااااس ياعااااااااااااالم ابي زوج زوووووج روماااااااااااااانسي الله يرزقني الزوج الرومانسي يارب هذا الموضوع خطر على نفسيات العازبات والعزاب ياحظك يالكويتيه

  40. ونين السيباني قال

    بصراحه عشت اللحظه اتمنى ان يكون لي زوج بهذه الروح الرومانسيه

  41. T قال

    اقتباس :. 15 نايف زائر 72998 ماشالله عليك راعي مزاج 25/05/2009 07:03:11 ماشالله عليك راعي مزاج. بس والله انت واشكالك اللي بتخربون حريمنا حريمنا راضيات فينا بدون ما نسوي لهن شي، لا تدلعونهن بزياده زي ما انت مسوي ولا ترا بيطمعن باكثر. ____________________________________ إنتم اللي بتخربون حريمنا هاه ؟؟ والله ما يخربهن إلا وأنت واشكالك مافيكم ذرة رومنسية مالت عليكم . وللا ع قولتك راضيات فينا .. مارضينا ولاراح نرضى فيكم إذا هذا تفكيركم . وللا اش قال بيطمعون أكثر .. قلي إنت شلون عايش ؟ المرة تستاهل كذا وأكثــر . الله يعين اللي بتاخذك بس .. __________________________________ صحيح الموضوع أعجبني .. والله يهني الزوج بزوجته ويخليهم لبعض ويحميهم من عيون الحساد . لكــــن :. أعياد الميلاد محرمــــة ولا تكونوا مثل اللي يقول عنهم الله -عزوجل- (( يتبعون ما تشابه منه إبتغاء الفتنة )) . وخلوا رومنسيتكم باقــي الأيام مو تخصص عيد الميلاد وللا ذكرى الزواج …. والخ

  42. صدام زماني قال

    يااخي نااس مشغلين مخهآ8) مو مثلنآ الواحد حدهـ يجيب لهـ خاتم بلاستيك :~ بس ماشاء الله عليهـ مشغل مخهـ عدل:) والله انهـ كفووو8) تحياتي لكم صدام زماني

  43. رجـــــــــــــــاوي قال

    مفااأجاه اكثر من رااائعة … حلو التغير .. بالعكس مااشوف الحركة فيهاا شي … واحد حاب يفااجئ زوجته بغض النظر عن المنااسبه .. مااارتكب جريمه .. الرجااال ينطروون زوجااتهم يدلعونهم و الزوجات من يدلعهم ..ماسوا هالحركة الا اكيد تستااهل … وكل زوجة راح تستانس من هالحركة .. ويعطيك العافيه اخوي يركدون على الايميل ..

  44. بوعزوز قال

    اسال الله ان يجعل بينكم المحبه طول العمر وبالرفاه والبنين والبنات الصالحين

  45. RoadMaster قال

    ياناس اتمنى الي يحط تعليقه يذكر ربه ويقول ماشاء الله تبارك الله والله يوفقهم بدل كلمة ياحظه ويا بخته ترى العين حق …. والله من وراء المقصد سبحانك اللهم وبحمدك .. اشهد الا لا اله الا انت .. استغفرك واتوب اليك

  46. زائر قال

    يارب رحمتك بس …. اغلب يلي علقوا فيهم حسد وربي :~ يلي ينقد ويلي يقول صورة حرمتك ويلي تفرع للعيد ومسوي مفتي وغضوا النظر عن الحفلة .. ناس ماعندهم إلا وجهة نظر محدودة :~ ويلي يقول خاص هههههههههه الله على الجهل :$ الرسول كان خير معلم لنا ويا كثر المواقف الرومانسية مع زوجته عائشة .. ثقفوا انفسكم يا ناس ويلي ما يقدر يسوي سوات يركدون لا يعيب فيه ترى العيب فيكم .. ترى نصف الشعب السعودي والخليج ماش .. ماغير كرشته متسدحه قدامه ولسانه مدهون بزفت والوجه يسد النفس والاخلاق يا شينها يركــــــدون بيض الله وجهك وماقصرت وما شاء الله عليك .. الله يديم المحبة بينكم وعسى ايامكم دايم افراح وكثر من هالسوالف خل تسبودهم تتكوى من حرة رومانسيتك :$

  47. احسااس قال

    والله روعــــــــــه وجنننااااان…..هذي المفاااجااات ولا بلاش الله يهنيكم ويخليكم لبعض ويبعد عنكم الحسوووود…. باتوفيق…..

  48. الرومانسي قال

    منو الحلوه \\انا اتزوجك والله لعيشك حياه رومانسيه مررررررررررررره ما قط مرت عليك في حياتك حخذك في رحلة عسل للصمان ونصيد الضبان وبالليل وتحت نجوم السماء نسامر القمرا ثم نحضر العشاء الضبان مع مخلل ماركة الجربوع من اشهر الماركات العالمية من انتاج شركة محماس المحدودةوالعشاء محفوف بشموع عشبة العرفج المعروفه مشهوره علي مستوى راقي جدا ماكل واحد يعيش في مثل هذه الاجواء الكل رايح يحسدنا ههههههههههههههه دعوه للزواج شرايك فيني \\ الرومانسي \\

  49. مهره - k.s.a قال

    الله يهنيكم يارب .. ياناس انا رجلي شرالي ورده من الهنود الي عند الاشاره مدري كم سعرها بس لاتزود عن العشره ريالات .. من فرحتي فيها جففتها ولين يومكم هذا وهي عندي فمابالكم باليله حلوه زي هاليله مدري وش بيصير علي :( يمكن ابصيح من الفرحه

  50. الحياه حلوه قال

    ماشاء الله تبارك الله 😀 عسى كل الرجال يتعلمو ا الحركات الحلوه الزوجه تحب المفاجات حتى لو بشيء بسيط تحسسهها بقيمتها عنده بس ابي اقول اعياد الميلاد حرام موفق يارب 😮

  51. ام لوجين قال

    من جدشي عجيب والله :)يجعل في نفس الزوجه شي من السعاده ماتوصف تضل تذكرها وحتى انتويابنات لاتنسون ازواجكم ترى شي حلو تذكرين زوجش في عيد ميلاده او زواحكم حتى لو بالبيت تقدرين تنسقين وترتبين وسوين الي يحبه من اكل وغيره تحياتي والله شي عجيب وتحياتي والكويت روعه لم رحتها استانسة كثيرامكنها عجيبه وناسه بعدتحياتي لكم يااهل الكويت سوري طولت عليكم

  52. بنت قطــر قال

    زائر زائر 73203 يا شيــــن الحســــــــد 25/05/2009 23:47:02 يارب رحمتك بس …. اغلب يلي علقوا فيهم حسد وربي يلي ينقد ويلي يقول صورة حرمتك ويلي تفرع للعيد ومسوي مفتي وغضوا النظر عن الحفلة .. ناس ماعندهم إلا وجهة نظر محدودة ويلي يقول خاص هههههههههه الله على الجهل الرسول كان خير معلم لنا ويا كثر المواقف الرومانسية مع زوجته عائشة .. ثقفوا انفسكم يا ناس ويلي ما يقدر يسوي سوات يركدون لا يعيب فيه ترى العيب فيكم .. ترى نصف الشعب السعودي والخليج ماش .. ماغير كرشته متسدحه قدامه ولسانه مدهون بزفت والوجه يسد النفس والاخلاق يا شينها يركــــــدون بيض الله وجهك وماقصرت وما شاء الله عليك .. الله يديم المحبة بينكم وعسى ايامكم دايم افراح وكثر من هالسوالف خل تسبودهم تتكوى من حرة رومانسيتك والله انك بردت قلبي هذا المخ المتخلف يمسك الفرعيات وايخلي الاصل شدخل صوره زوجته.. واللي يقول لي الاحتفال بيوم الميلاد حرام خذو الفكره انه احتفل اهو وزوجته بكل رومانسيه وحب االله يهدي من بغى الهدايه

  53. ابو سلطان قال

    شدعوه ياقروب ابو نواف ماتعودنا مواضيع منقوله بقروبكم الحلو الموضوع هذا وصلني من اكثر من مجموعه وقبل شهرين يعطيكم العافيه .. بس تأكدوا ان اعضاء القروب ينتظرون كل جديد وهذا اللي متعودينه منكم

  54. سعوديه والفخر ليه قال

    مررررره فكررررره روووووووعه ياليت كل السعوديين كذا >>منقهره على العموم مشكووور يركدون

  55. cocktail3asal قال

    هذا الموضوع لزميلة لي في أحد المنتديات وهي اللي عملت المفاجأة لزوجها ونزلت الموضوع بالمنتدى حرام على اللي سرق الموضوع وحوره ونقله يا ليت أنكم تتأكدون من المواضيع اللي تنزلونها و تنقلونها

  56. :X قال

    ان لم تستح فأفعل ما شئت سرق عيني عينك الموضوع مسروق من منتدى خاص للنساء والظاهر اللي سارقه مافيه ذرة رجوله

  57. madri قال

    ممكن سؤال ؟؟ لـــــيـــــــش الــــبــــــــووق ؟؟ هلموضوع حق زوجه مسويه ليله رومانسيه حق زوجهاا بعرف ليش النصب و التحرف ! شنو خلصت المواضيع ؟

  58. n.a.k. قال

    ماشاءالله تبارك الرحمن عيني عليك الله يوفقك و يتمم عليكم الزواج بخير و يرزقكم من الذرية الصالحة و يارب ترزقنا واحد رومانسي يعبرنا اشوي :$ ^^

  59. بسوومة قال

    :Dهي عملت المفاجأة هو عملها المهم الفكرة وصلت للرجال .ترا الحريم يموتو عالرومانسية بس لوانا والله لاسوي تلفون واخلي اخوية يجيب العيال يتونسوا معانا حرام يقعدو ا بعيد عين عين امهم هههه عموما الله يديم عليهم النعم ويباركلهم.

  60. الشامسي من الامارات قال

    الله متفيج انا هب متزوج بس ان شاء الله من اعرس ما بسو جي كل واحد و ذوقه

  61. حمد قال

    السلام عليكم ما شاء الله تبارك الله كل المفاجآات حلوة ما عدا التعليق الاخير .. ضيق صدري بعدين ترا الاحتفال بعيد الميلاد ما يجوز الله يديم المحبة بينكم,, آآمين

  62. امانى قال

    هالصور للمرة محتفلة مع زوجها بعيد زواجهم ومنزاتة بمنتدى نسائى .. يمااااااى منكم تبوقون الصور لا حيا ولا مستحا

  63. عاشقة الرومانسيه قال

    والله صراحه شي جنااااااااااااااااااااان الله يسعدكم وماعليك منهم ترى من حرتهم بس يقولو شذيه الي مايطول العنب حامض عنه يقول

  64. اريام قال

    نص الي رادين متخلفين يا اخي الي يقول حرام والي يقول بتخرب حريمنا والي يقول يا ليتها تستاهل وش هالاوادم قرف وربي مع اني مغتاضه بس ابي ادعي لك يا يركدون الله يوسع عليك ويفرحك يوم المحشر

  65. سلاف ينبع قال

    حلو كل شي وتمااااااااااااامـ بس لو كانت مفاجأه لشي ثاني مثال ( نجاحها , اول مولود او ثاني مولود او عاشر مولود …… الخ ههه مو لعيد ميلاد لانه مايجووووز يمكن كلمة مايجوووز تضيق خاطر بعض ناس بس الحق ينقال في حديث عن الرسول عليه الصلاة والسلام : ( إن الله لايعذب العامة بعمل الخاصة حتى يروا المنكر بين ظهرانيهم وهم قادرون على أن ينكروه فلا ينكروه فإذا فعلوا ذلك عذب الله الخاصة والعامة ) بيدي اني انكر المنكر ليييييش مأنكره ؟؟؟ وحديث كمان عن الرسول عليه الصلاه والسلام : ( مامن قوم يعمل فيهم بالمعاصي ثم يقدرون على أن يغيروا ثم لايغيروا إلا يوشك أن يعمهم الله بعقاب ) بأختصار شديد احنا مسلمين مالنا الاعيدين الاضحى والفطر بأختصار اشد جزاكـ الله خير يركدوووون

  66. طيف قال

    بغض النظر عن ان الموضوع كان لامراه اخرى… الاخ يركدون كان حاب يوصلكم فكره ,, كيف يمكن للرجل ان يصنع يوم ممميزا في حياته وكان حاب يسوي خير فينا عشان توصل الفكره للجنس الخشن,, بس طلع للاسف جنس صلب مو خشن بس

  67. شهد قال

    يانااس ترى هذا مال وحده كويتيه مررره مو رجال يعني الي سوت كل هذا وحده وصورته حطته بمنتدى نساائي وانتو حرفتوه وغيرتوه حرام ترى والله تنشرون خصوصيات الناس

  68. ابو سعد قال

    واللهى الفكره ممتازه لاكن المشكله في العيد ميلاد انه مايجوز لو انه في مناسبه ثانيه شكرً

  69. مهند العميم قال

    آهنييييييييييييييييييييييييييييييييييييييييييييك والله آنك آحـلا شي .. خلك كذآ ومـآعليك من كلامهم .. مـآ{آح تنفعك الا زوجتك .. الله يوفقكم ويخليكم لبعض

  70. سعوديه قال

    الله يكثر من أمثالك الصرااااااااااااااااااحه مررررررررررررررره حلو

  71. سحر الانثوثه قال

    هههههههههههه كل الي علقو يقولون انه زوجها هي الي سوت المفاجاءه:D يعني الرجال طلع كذاب مسوي نفسه رومنسي وهو ولاهو بحولها يمكن مهو متزوج:D على العموم الي يسوي لزوجته هالشي فهو زوج مثالي بصراحه والحياة الزوجيه لو اساسها الحب والاحترام راح تكون احلى من اي هديه في العالم وحلو الي يجدد حيات زوجته بالهدايه لانها تستاهل عيونه كمان والحمدالله مجتمعنا السعودي راقي وفاهم تحياتي سعووووووووووووووديه وافتخر والي مو عاجبه ينتحر:)

  72. جوجو الدلوعه قال

    ههههههههههههههههىااااااااايييييييي سرقه بايخه وانا بصراحه ماحب مثل هالحركات قلوب ونثر ورود بصراحه شي سخييييف!!!! و تمشيه حلوه بنفس خفيفه وعشاء بمطعم رايق يكفي وكثر الله خيره:)

  73. بويعقوب(محب المملكة) - الكويت قال

    والله عيب اللي صورته ..هاذي خصوصيات زوجية (بحته)!!!!!!! يعني زين انك تخلي المشاهد للصور يتعرف على اموركم الخاصة..وممكن يتخيل شكلك انت وزوجتك.. يجب على الرجل ان يكون غيور حتى لو بالخيال والدليل ان ديننا الحنيف حرم التخيل للزوج أو للزوجة (مع شخص آخر ) اثناء المعاشرة الزوجية..وبعدين اعياد المسلمين عيدين فقط

  74. هيا العنزي قال

    انا انصح اي وحده سعوديه اذا جا نصيبها من اي دوله خليجيه توافق فورا تراهم حياه انا اشوف قريباتي الى ماخذه بحريني وكويتى وجدا مبسوطين الله يوفق كل البنات والعيال ويخللي زوجي يارب

  75. نمرود قال

    والله أنك رايق وعندك حس رومنسي ومقدر مشاعر زوجتك. عمومآ هذي الأمور مالها شغل بالجنسية والمنطقة هذي عائده للشخص نفسه وهي تدل على مجاملة الزوج لزوجته.والمرأة غالبآ تحب هذه الأمور .المرأة أعطت الكثير فيجب أن تأخذ ولو القليل.الله يهنينا ويهنيكم.

  76. sweet life قال

    هههههههههههههههههههه

    هذا واضح إعلان للفندي وتسويق بشكل غير مباشر

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *