رسائل المجموعة

صور : المتحف البحري بالرياض

السلام عليكم ورحمة الله وبركاته
قبل أمس قاعد أدور بشوارع الرياض, قاعد أغني لين جاني لوز وفرحان بالمكافأتين الي جتنا, مريت بشارع الضباب بالرياض وألقى شيء اسمه المتحف البحري (تخلي الغرفة التجارية على يسارك ومتجه جنوب يجيك على اليمين قبل كوبري الوشم على طول)
وقفت من باب اللقافة بتفرج,يوم دخلت واثره فندق!!!!انا طارت بوهتي وش السالفة فيه اسماك وسلاحف وتمساح وفيل ههههههه
تراني ما امزح بس الفيل كان تمثال وإلا التمساح يقولون ادخل ايدك بالحوض والوعد الشميسي أو التشليح هههههههههههه
قعدت أدور وألقى واحد شباب سعودي جالس يتكلم مع الناس والصراحة الرجال رحب فيني وماقصر وطلب لي عصير ليمون بالتفاح
طلع هو مالك الفندق ماشاء الله عليه وقعد يهرج انه مصمم الفندق على طريقة علم الطاقة الأسيوية, (شونج فو مادري أو فونج تشوي)  صديق للبيئة-احسبه لعبة تيكن-  والصراحة بلمت وطاحت خشتي وأنا اشفط بالعصير, يوم استدار راسي  زلقت بعينه وقلت له بكم الليلة اخلص علينا<<اوم الاسلوب, قال لي إن الغرف عندهم أجنحة تبدأ من غرفة وصالة وحمام ومطبخ صغير لين خمس غرف وتبدأ من 450 إلى 1200,وفيه شقق الVIP والعرسان فيها كراسي مساج وكل شاشاتهم بلازما والحركات ذي.
الرجال متحمس مرة الله يخلف بحماية البيئة هههههههه ومفتتح نادي لمحبي البيئة والحياة الفطرية,ويقول ناوي يجيب محترفين من البرازيل<<ياخف دمي خخخخخ
قلت له ليش مافيه لوحات كبيرة برا؟قال حفاظ على البيئة!والله مادرت عنكم انتم وحفاظكم ههههههههه
الرجال,قال ترا حنا مسوين عرض مجاني!قلت وش مجانية قال يوم الأرض الجاي بــ26 مارس الإقامة مجانية عندنا,قلت يعني ببلاش!!!! قال ايه تدفع 15 بالميه حق الخدمة وتسكن ليلة عندنا وهذا العرض عشان يوم الأرض العالمي<<مهوب النصر- هذا يوم المهابيل الي يخافون على الارض ويشجعون على حماية الارض يعني ما تجدع قواطي ولا تتن وودهم أي واحد راعي مصنع يخسر هههههههه
 قلت يعني كم 15 بالميه؟قال ستين ريال
اوووووم الفله ههههههههههههه قلت له بجيب أهلي واجي قال الله يحييكم وقال لي رح احجز بالريسبشن والرجال تحمس معي وبدا يشرح لي أنواع السمك -عموما مابي أطول عليكم هذي كم صورة للفندق وحاولت اخذ صور للغرف وقال لي الريسشبن ان الغرفة تنتفح بكرت وينحسب يوميه احس انه صرفني وزهقو مني خخخخخ وهذا رقمهم للي يبي يستغل العرض المجاني والوعد هناك ياشباب هههههههههههه 4023333
هذي صور لقطتها من موقعهم
http://www.aquarium-hotel.com/
 

هذا الريسبشن

فيه أحواض بكل جلسة وعلى الجدران

هذي اسمها اكوا كافيه سويت فيها مثقف واقول ما فكرت باسم ثاني غير اكوا,سفهني شكله درى إني من جنبها

هذا المطعم حقهم

هذي صورة الفندق من برا

معليش طولت عليكم
اخوكم بالله/ عاشق المكافأتين


تابعوا جديد شبكة أبونواف على فيس بوك وتويتر

   

مقالات ذات صلة

‫18 تعليقات

  1. السلام عليكم ورحمة الله وبركاته صباح الليل من كثثثر ما اهووجس بالمكافاتين وصلت رسالتكم لي هالحزة : اي هالوقت ، و انا ادعي انهم يصرفووون لنااا شهههر 3 اللي لي 10 اياام وانا اقول ياصويلح يا خيي شيك بطريقك ع المكينة اغديهم صرفوو ، صلاح لا تنسى تشييك وابببد لك عشااااا من فلافل عرفة 😛 ياصوصو شيييك قبل تنام وبعد ماتصحى من النو وقبل تروح للكلية وبعد ما تطلع و العصر وقبل العشاااء / بسسسس مع كل هالتوصياات الا ان المكينة تفلت بوجه اخي وقالت ياخي مارح نصرررف غثيتنا دبلت تسبدي >< عاد حلفت اني ما اقول له شييييك الا السبت نقوووول ياحي ياقيوووم يصرفون شههر 3 :/ ذبحنااا السلف و التسجيل :‘( / / تصدقون ماقريت الموضوع اللقب اثار شجوووني تهي تهي الله يبارك لنا بما رزقنااا و يعجل لنا بالصررف هالمكافاتين ^^

  2. وش هالزين 😀 معقوله عندنا في الرياض هيك مكان :$ يارجل 😮 يالله اجل يبي لنا نمر عليه ونشوفه ونطفش صاحب الفندق ( : لان فيه عرق بيني وبينك اللقافه :D:D تقرير رائع سلمت يمينك

  3. مع احترامي لك لكن لديك اسلوب حديث شوارع او تربية شوارع يعني الموضوع بحد ذاته قيم لكن الاسلوب الذي تتحدث به وكأنك قاعد في حارة

  4. السلام عليكم الله يعطيك الف عافية على الموضوع الجميل بس سؤالي: انت كاتب اسمك عاشق المكافأتين ليش؟ انت تعرف ايش معنى العشق في اللغة العربية؟ العشق يا عزيزي هو الحب ويتضمنه العلاقة الحميمية فنقول عشق الرجل الفتاة أي احبها واراد المعاشرة الجنسية معها فيحب الرجل الرجل ولا يعشقه ويحب امه واخته ولا يعشقهما وليس العشق هو الحب العميق الخارج من اعماق الفؤاد وانما العشق حبٌ اريد به الرغبة الجنسية فقولك يا عزيز عاشق المكافأتين اي انك تحبها وتريد معاشرتها فهذا لا يعقل

  5. أخي المعروف للجميع إن العشق هو الإفراط في الحب أما تفسيرها في كلامك من وين إستقيت المعلومه ..! لأني بحثت عن معاني الكلمه في جميع القواميس ماحصلت كلامك :~ شكراً

  6. ماشاء الله يههههههههههبل الفندق والله..فكرة الفندق ممتازه مشكور أخوي على التقرير والفائده.. (ديننا أمرنا بلحفاظ على البيئة لنتعاون على النظافه ياأخواني ويا أخواتي)مجرد تذكير لنا << أنا بصراحه يجيني قهر يوم أشوف قواطي أو ورقه او اي شي في الارض بختصار …:Dياحلوين ضروري نتعاون في تذكير ونصح بعض عن النظافه وضروير نحافظ على نظافة مملكتنا…نبى ديرتنا أنظف بقعه على وجه الارض إن شاء الله..زين:Dفي أمان الله:)

  7. للأخ طلال يعني أنت الحين طريقة كلامك من الإسلوب ..؟! تقدر تنتقد وتوصل وجهة نظرك بطريقه أحلى من كذا :~ ما أشوف الرجال قال شيء يستاهل إنك تتهجّم عليه بهالطريقه ..!

  8. انا دقيت على الفندق للتأكد من هذا الكلام والجواب كان كالآتي طبعنً سألني كم شخص قلت 2 انا والمدام قال نعطيكم سويت غرفه وصاله 60 ريال قلت ياسلام قال وناخذ عليك حق الافطار كل شخص 40 ريال يعني 80 ريال قالت ايوه قال وناخذ 50 ريال حق الشموع قلت والمجموع قال 180 ريال اضاف اذا ما تبغي فيه عشاء نقيمه في نفس اليوم وراح يحضره رجال اعمال ومسئولين والشخص الواحد 70 ريال قلت شكر وهذا العرض الحقيقي

  9. الصور حلوة ، و الأماكن التي تعالجها الصور حلوة آآآوي…ساعداتك يا اخي ينزهتك في المكان دا مباشرة مش زينا احنا عبر الصور…بس يا الله نقضي برحلة بالصور أحسن ببلاش…ههه

  10. .. ههههههههههههههههه عليك دخله يبو زهرة :$ .. يعطيك العافيه يا صاحب الموضوع .. موضوع حليو و اسلوب لا باس فيه . لكن العتب الوحيد هو تهويلك في الوصف ولله اللي يقرا كلامك قبل الصور و يقرا العنوان يقول ابد داخل المحيط الاطلسي مو فندق 😮 و يوم تطالع الصور ما تشوف فيها لا احواض سمك :~ .. عالعموم موفق . و انتبه لا تعاشر المكافآت ههههههههههههههههههههههههههههههههه

  11. الاخو اللي فوق يقول اسلوب شوارع ياخوي انت باقي للحين عايش في العصر العباسي؟؟ بعدين الواحد يشرح بطريقتة اللي توصل المعلومة للمتلقي بصورة افضل اما ابو زهرة اللي يقول العشق وما العشق وتريد المعاشرة يعني جماهير النصر والاتحاد والهلال والاتفاق وما الى ذلك من الاندية يوم يقولون نحن نعشق نادينا يعني تبي تفهمني انهم كلهم يبون يعاشرونة مشكلة والله اجل يبيلهم تنظيم بالارقام وواحد واحد حآلآت مستعصيةB

  12. الله يعطيك العافيه … بس ليش تستهزء بالرجال وباللي يسويه بالعكس هذا دليل على وعي صاحب الفندق يعني اذا اهتم بالارض والبيئه صار مهبول … الله يهديك

  13. قال ايش نحافظ على البيئة!!!!!! حاطن لي مليون لمبة ويقول حفاظ على البيئة؟؟ بعدين انت بالسعودية يا والله دروا عنك العالم بس والله اتمنى لك النجاح لاني فعلا ودي يكون عندنا وعي بالبيئة لكن خلك واقعي يا صاحب الفندق (احسك داخل في شي ما حسبت حسابه ) !!!!!!!!!!!!!!!!!!!!

  14. أشكرك اخوي -عاشق – على هالمسج الحلو واللي محليه أكثر خفــتة دمك … وان شاء الله اللـــــه يكتب لي روحه لهالفندق ..:$:$:$:$ ويعطـــــــــــــــــ العافيه ــــــــك &

  15. :$:$ روووووووووووووووووووووعه اريد انزل بهذا الفندق شهر وما اشبع من روعة الديكورات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى