رسائل المجموعة

صور : الدعايات القديمة قبل 50 عام

السلام عليكم ورحمة الله وبركاته

عوده للدعايات القديمة …..لما فيها من المتعة والتغيير ..
اخترت لكم مجموعه مميزه منها …

في البداية الشاهي ..وما أدراك ما الشاهي…
أنواع كثيرة ..بس ودي أجرب شاهي كريم ..أحس انه يدهن المعدة
شكل الشاهي أول ما يشربونه يدهنون به عصاقيلهم خخخخخخ

حتى الدجاج حاطين له مسابقات هههههه
والله موب سهلين شركة دجاج دو…
مسابقات وحركات من هذيك الايام ..
وين هالمسابقات هالحين …!! ..

اما سيكو….رهيبين …
حاطين قياس متخصص للمباريات وبدقه عاليه …مسوين فيها ميزه يعني ..
شكلهم أول يلعبون بدون وقت ..إذا تعبوا قضت المباراة ههههههههه
ياحبي للاولين ..(:

نجي للصابون …
في الدعايات القديمة اشوفهم دايم يركزون على الصابون …ومحد يشتري شي ….
لان اللي اعرفه عن الاولين يكفيهم يفركون ايديهم بالتراااب ولا في طرف ثوبه او شماغ رفيقه ..الخ ..والا في الجدار وينضف
والي يغسل بصابون ..ينقدون عليه ..ويعيبونه ..ويقولون فلان مصوبنها …يعني خكري ودلوع وناعم خخخخخ

التلفزيون ….
هذي تلفزيونات جت مع بداية التلوين ….
يالهاا طعم في ذاك الوقت ..
حتى الحريم كانوا يتغطون عن الرجال اذا طلع في التلفزيون…ومافيه الا قناة وحده ومشوشه…وتفتح العصر وتسكر بعد صلاة العشاء ..ونسمع ونشوف تششششششششش …هههههه
بس حلووووه تشششش الصباح اتابع تشششششش لين يجي السلام الملكي

شاهي فقيه ….
وهالشاهي انقطع ..الضاهر محد شراه وحولت شركته للدجاج (دجاج فقيه) ..

الله يالدنيا …
هذي السجاده اذكرها زين …دايم يعلقونها على الجدران ديكور …
ويجيبونها من مكه هديه …
بساطه الله يرحمهم …

الساعات …
لاتعليق ..
أنا اقدر شي اسمه ساعة …وخاصة القديمات …

كميرا فوريه …
صادقين أفضل اللحظات صنعتها تلك الكميرات …ولازلنا نحتفظ بها ..
والميزة الوحيدة فيه انها تعطينا الصورة مباشره ….
ونتفرج عليهاا …


يشرفني ويسعدني ان أدعو جميع المنتسبين لهذا القروب الرائع لزيارة موقعي الشخصي المتواضع الذي تم تدشينه بالأمس الأول

 

مقالات ذات صلة

‫25 تعليقات

  1. :(:(:( الله عليك يامحمد رجعت لنا ذكريات قديمة رحم الله من مات وطولة عمر على طاعته للحيين فعلا حلوة باين عليك من محبين الماضي ومن يلومك اللي ماله اول مالة تالي ودي اسميك سفير الذكريات او دموع لايمسحها الزمن وتقبل مرروووري

  2. هلا وغلا فيكم … وسعيد بمشاركاتكم المشجعه …. اشكركم ..واشكر قروب ابو نواف على ما يقدمه … بالتوفيق

  3. شكلك قدييييم وشايب خخخخخ للحين تذكر هالدعايات المغبره .. بس و الله ذكرياااااات حلوووه .

  4. اخ محمد السويح مبدع بمعنى الكلمه مشاء الله تبارك الله الى الامام بصراحه انا احب الصور التراثيه وصور الطبيعه واحب جمعها :$ بس مااعرف اصور:( بتوفيييييق

  5. :$ليت الشباب يعود يوما واحكي له عما فعله الشيب رجعتنا لزمان وايامه الحلوه قل للزمان ارجع يازمان عطاك العافيه

  6. يعطيك الف عافية الصور رائعة ورجعتنا لأيام زمااان واصل يا محمد وانا من متابعين لمواضيعك السابقه على طول شكرا

  7. نتمنى المزيد اخوى محمد السويح والى الامام يارب

  8. :Dالصابونة كانوا يسموها اللونطة كانو يتاففون منها وينتقدو الي يستهدمها شكرا علي الصور الجميله تحياتي

  9. الله ع أيام زمان أذكر خالي جاب كميرا بيصور خالاتي و امي شردوا منها هههههههههههههههههههههههههههههههه

  10. يعطيك الف عافيه على كل متطرح من مواضيعك وابي اقول قديمك نديمك لو الجديد اغناك لك كل التقدير

  11. ماعجبني غير سياره استثنائيه لطرقات استثنائيه ههههههههههههههه

  12. بصراحة يامحمد انت دايما رائع ممكن اتطفل واتلقف انت مواليد سنة كم <<<اذا ماتبي تقول ترى مسموح

  13. الصراحه الاعلانات مب لم سالفه قديمااااااات……………. فرق عن الاعلانات الي الحين………. ههههههههه

  14. شكرااااااااااااااااااااااا على موضوعك وكان لي شرف بزيارة موقعك الشخصي ومبروك مقدما بجد اعجبتني لوحاتك التشكيلية وايضا صورك ماشاء الله مبدع يااستاذ محمد وبنتظار جديدك الاجمل ولك تحياتي وتقديري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى