رسائل المجموعة

صور – ابداعات وقرابيع 8

طريقه جديده لاكواب القهوه والشاهي تقدر تتقهوى عند المحل او تاخذه معك

حافظه للحراره ان كان عندكم عزايم ولا استلزم الامر هذا الجهاز فى خدمتكم

بما ان الدبلكسات هذي الايام ضيقه شوي يلزمك هذا السرير ان رفعته صار عندك حيز ممكن يكون مكتب او صاله

حافظه الفاكهه الحديثه يتم تعقيمها بالضوء

اتوقع هذا بيسئلون عنه واجد الي يحب يقشم حب او فستق بيجوز له

بما ان الرخام والسيراميك طار فى العلالي يمكنك الان استخدام بعض الحيل تدهن الارض من الاسمنت وهذي عباره عن نقشات تلصقها تعطي منظرا انيقا وفاتن

حركه هذي تقراها واضحه

هذي لاخوانا الي يحبون السماعات بدال مايتدودل السلك يمكنك تثبيته بزر ثوبك او قميصك

الشمعه الكهربائيه .. توجد بطاريه يتم شحنها ويتم استخدام الضوء للاناره

هذي ضروريه فى كل بيت (للبزارين الاشاوس) تعطيه اياه وينثبر خمس دقايق

حركه جميله الغطى فيه نور .. هذا يصلح للي عنده كوفي شوب تكون للعرض تعطي الوان جميله

ايضا بلونات مزوده بانوار … ياجماعه بس لو نحط ذا البلونات الملونه بالانوار والبطول المنوره بالالوان والله بينجح الكوفي شوب الناس مهبل تبي الوان واضواء خخخ

نقدر نعلم عيالنا النظافه بلعبه مميزه زي هذي … تخليه يدوج على البحر يدور اى قاروره يركبها ليدين الاخطبوط <<والله من القوارير بعد

تبين ملح تبي فلفل اسود اضغط على الحرف المناسب .. مهوب تقعد تحط يدك وتمطرس ابد استخدم عقلك

من يقول ان الطاوله لازم لها 4 رجلين ؟؟ رجل ولا احلى منها

هذي تجوز لنا… بهشموس احترقت ورودنا

هذي برضو تصلح للكوفي شوب حقنا <<< مانسى خخخ تميلها للجهه الى تبي تطلع بشكل

عيار 24 خخخخ يد الكوب ثمينه

القاعده لها لون يعكسه على الكاس الزجاجي

سياره القولف الانيقه

ساعه حديثه مزجت بين الكلاسك والموديرن … بالعربي مزجت بين المبطي والحديث

لعبه قديمه تم تطويرها ووضع بعض اللمسات الجميله

مرطب للجو <<< رابصين بالرطوبه يصلح للي اشتاق للهاف مون << انثبر بس

برضو للى يبي يضيف للمطعم او المقهى بعض التقليعات هذه الادوات غريبه وملفته لنظر

الجبس الى اول نكتب فيه ذكرايات خلاص انتهى الان هذا الذراع يمكنك الاعتماد عليه بدال من الاسلوب القديم (ترى عهده من المستشفى تكتب شى بتتوهق) خخخ

صحن ثلجي تستطيع تقديم بعض الفواكه بواسطته فكره جميله

للي بيتعلم الاتي كيت هذي احد الوسائل

وفى النهايه جوال صيني انما اييه (الله يهديهم مابقو شى ماسووه) خخخ

مقالات ذات صلة

‫13 تعليقات

  1. ويش أقول غير تسلم يديك يا الغالي والله أنها إبتكارات روعة خاصة السرير الي يمكن يكون مكانه مكتب والطاولة الي برجل واحدة … شكلها روعة … خاصة إدا كان عليها البروجكتر أو اللابتوب مشكور أخي سعود ونحن بانتظار المزيد

  2. سعــــــــــــــــــــــــــود00 جميل جدا عرضك خاصة السماعة التي تشبك بالزار0000 ما عرفت يتدودل ؟ أسم ماركه هذا؟

  3. تسلم يابعدهم ياكلهم ياأبو السع والله ما أبالغ إن قلت رسالك تكاد تكون أحب رسالة عندي والله أني أنتظره كل أسبوع ولو فيه تصويت صوت لك والله … ياليتك ترسل كل يوم ياسلااااااااااااااام .. محفوظ ومعزز ومكرم ياوووووولفففففففففف

  4. الصراحة تسلم يدك صدق حلوووووووووووووة هاي الاختراعات ولا الفراولة يعيني عليها اذوب ولا السرير الصراحة ابداااااااااااااااااااااااااااااع

  5. تمت بالنسبة للصورة الثالثة …….ايش موقفه لو جاء السرير على راسه ؟؟؟؟ مشكور Saud_ yeS

  6. من جد اختراعات خطير مره الصنين عيونهم صغيره كانها خط _ _ لكن عقلهم وش كبره مابقى شي ماخترعه يعطيك العافيه خيو وصووووور والا اروع

  7. روووووووعهـ مررره شيء وخصوصآ الجوال مره اعجبني شكله ولا السريــر رووعه فكرته ابدعت اخوووي مشكوووور اقين

  8. ماشاء الله كل الصور كاسات وقوارير وملاعق وفرفيرا …. شكل عندك مشروع كوفي شوب …صح؟ عاد لاتنسانا اعزمنا على حفل الافتتاح اتفقنا؟؟؟ يعطيك العافيه وماقصرت قرابيع بس ابداع تحياتي

  9. يعطيك الف عافيه الحلا ما في الصور تعليقك الروعه وبرضو يعطيك العافيه جبلي ادوات الكفي واوظفك مدير كفي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى