رسائل المجموعة

صبه احقنه …. والصلبان

صبه احقنه,,,,
 بأختصار شديد
هو عبارة عن صيد لعدد من مواضيع النت الي تشرفنا بها الساحه كل يوم
وخصوصا المواضيع الي ما ادري وش تبي
سواء من قروب أبو نواف ولا من غيره مع اخفاء مصدر النشر عشان محد يزعل علينا
خلونا نشوف وش معنا اليوم
معنا اليوم اخونا بالله أبو صالح عنده مشكله مع قطعه ملابس اشتراها لبنته
والقطعه هذي لاحظ فيها ان فيها صليب خلونا نشوف موضوعه

الموضوع باللون الأزرق
والتعليق باللون الأحمر


بسم الله الرحمن الرحيم

الحمد لله رب العالمين والصلاة والسلام على اشرف الأنبياء( اللهم صلي وسلم علية ) والمرسلين نبينا محمد وعلى آله وصحبه أجمعين ….. اما بعد   ايه اسلم
أحبتي الكرام تعلمون ما يكنه الكفار للمسلمين من حقد وكره
لا والله ما نعلم وقد بدت البغضاء من افواههم وماتُخفي صدورهم أكبر كما قال تعالى
بشتى الوسائل يحاربون دين الله فنسأل الله ان يرد كيدهم في نحورهم

آمين يا رب العالمين اخلص وش القصة يابو صالح
من هذه الوسائل يا إخوان وسيله تدل على خفة عقولهم وسخافتهم وتفاهتهم و ايضاً

 حقدهم الشديد على دين الله ألا وهي وسيله تشبه المقولة المشهوره دس السم في العسل ..
الله المستعان وصلو لدس السم في العسل وش السالفة ابو صالح
انظروا أحبتي الكرام إلى هاتين الصورتين  وينهم  التي كانت على ملابس بناتي و أنا من صورها يعني ليس الموضوع منقول ولا شئ هذا بلا ابو يا عقاب المشكله انك انت الي مصورها
انظروا الصليب يا إخوان على شكل حرف تي T ولكن بطريقه ماكره لعنهم الله
 
ويييين الصليب لعنهم الله

 ويييين الصليب قضبنياه  فكوني علية

والمعلوم ان هذا الحرف ليس له إلا طريقيتن في كتابته ألا وهي T او t 
ابو صالح ترى قسما بالله بذا المركى الي جنبي
تدري وش المشكله ياخي انك  ابو عيال ومنتب صغير وش الي صليب ما صليب الله يبارك بعمرك
سلامه قليبك يابو صالح  وينك عايش على ذا الحكي الناس تتطور وحنا نلاحق هالصلبان اللهم عافنا
ياخوي ترا ملينا من مواضيع هالصلبان عمارة على شكل صليب في دبي
وبياله على شكل صليب في جلاجل وبطاطسة على شكل صليب في الخرج 
ما بعد حامت كبدك من ذا السوالف يابو صالح وقسما ابطرش خلاص

الا حسبي الله على من ورد هذه الملابس إلى بلاد المسلمين نسأل الله ان يشل اركانه
ويأخذه اخذ عزيز مُقتدر .
احححححححححححححح  خير وش الي يشل اركانة
قووووووويه وقسم بالله ابو صالح خير عسى ماشر
مسيكين كني اشوف الحين الرجال يسعبل في محله في شلل رباعي
اركانه مره وحده يابو صالح طيب ركن واحد عط الرجال فرصه كود الله يهديه
ولا عاد يورد اي قطعه ملابس فيها حرف تي  
هذا الموضوع يا إخوان لأول مره انزله على النت اتمنى من
 الإخوان نشر الموضوع ليصل لعدد اكبر من المسلمين
اخوكم أبو صالح .

 لا تكفى فكنا من شرك لا تنشرة لأكبر قدر من المسلمين ولا شي
فكنا من شرك تكفى

ابو صالح اسمعني وانا اخوك تعال بس بقولك كلمه راس
من يقولهTt من قالك ان حرف التي ما يكتب الا بطريقتين 
تعال شف كم نوع من الخط عندك في اللغة العربية
مافيه عندك نسخ ورقعه وعثماني ووووو
بتقولي في العربي غير طيب ما يخالف
افتح برنامج الوورد بجهازك شف انواع الخطوط واشكالها في اللغة الأنجليزية
اكثر من انواع الخطوط العربية قسم بالله ان تطلع جنيتك كلها صلبان
ابو صالح تكفى اعقل
احبك في الله ولكن لا عاد تعودها تكفى


عدد من الصور الماصلة الأخرى لعدد من المريين ما شالله
الي كافشين الصلبان
وقسم بالله من يب مسيحي بس حامت كبدي

طبعا اول شي عماره في دبي  ما ادري ليه الي مصورها ماسكه معه انها صليب
ولا الثاني ابو سجادة شف بس كيف مسكة القلم يعني وشو ؟؟ وحتى لو عليها رسمه بوذا
بتبطل صلاتي عليها يعني وشو ياخوي منيب اصلي لله ونيتي لله الأعمال بالنيات ياخوي
ولا عاد الثالث رااااااااااااااايق ههههههههههههههههه
ودا جواله للصيانه واكتشف يوم فتحه أكتشف ان الأزرار جايه على شكل كلمه الله وعليها صليب
يقطع ام الروقاااااااااااااااااااااااااااااااااااان يا شيخ
اقول فيني مر ابروح فمان الله

ولا تدرون خذو هذي وحده جديده من تأليفي
هه توني خلو ادور لكم شي دام الدعوا صبه احقنه

هذا شعار مدينة الملك عبدالعزيز للعلوم والتقنية
شوف على يسار فيه علامه نجمه اسرائيل الظاهر ان المدينه متعاونه من شارون
ان اشك ان المدينة لها علاقة بأغتيال ياسر عرفات بالأتفاق مع احد الجهات الصهيونيه
اعتقد ان اسرائيل مساهمه في المدينة بربع راس المال ولا ما خذو ربع مساحه الشعار
قاااااااطعو المدينة وعليكم بالبروكسيات شل الله اركانها
بس هي الفقعة تبي شي تبي عطيتك من هالبرابيس عشرين الحين
خل ادور لكم وحده ثانيه
هههههههههههااااااااااي هذي هي لقيتها

جمعية منتدى الطفولة
انظرو احبتي في الله
ان الشعار يوضع فيه الأطفال يسجدون لغير الله
ويتضروعون لخلفية تشبه خلفية قناه الكويت ههههههههههههههه قويه
قااااااااااطعو الأطفال اللهم شل اركانهم  ومزقهم
الله يرجك ابو صالح هههههههههههههههه
الدعاوي لعب وانا اخوك كل من ما جازلك شليت اركانه وبس
وقسم ما ودي استاثم خلاص ابروح
سلام عليكم

سبحانك ربي انت اعلم بما في داخلي فأن اصبت فمن الله وان اخطأت فمن نفسي والشيطان

اخوكم في الله
صبه احقنه
kokowawa3003@gmail.com
الي بيلعن ولا ماجازلة حكيي يحط حرته يراسلني على هالأيميل
والي مقتنع يكفيني دعواته لي بظهر الغيب

مقالات ذات صلة

‫30 تعليقات

  1. جذبني مرررره نكك ,, المووهيم ,, وربي ياعليك ايميل فق بطني ضحك هههههههههههههههههههههههههههههه ماشاءالله ,, عليك ,, ********************* مسيكين كني اشوف الحين الرجال يسعبل في محله في شلل رباعي اركانه مره وحده يابو صالح طيب ركن واحد عط الرجال فرصه كود الله يهديه ولا عاد يورد اي قطعه ملابس فيها حرف تي ********************** ههههههههههههههههههههه ههههههههههههههههههههههه هههههههههههههههههههههه هههههههههههههههههههههههههه الله يشرح صدرك على هالايميل ,, سلملم

  2. الله المستعان انت عميل وسوف نحاربك ايما محاربة <<<<اها بس ولا يكثر شسمه ههههههههههههههههههههه اقسسسسسم بالله اني مت ضحك <<<قولي قــا مووووضوووووع في النخاااااااااع وينك من زمان؟؟؟؟؟ ههههههههههههههههههه اجل يتضرعون لشعار قناة الكويت هههههههههههه و الا طيب يشل ركن واحد عطه فرصه هههههههههههههههههههههههههههههه واللي يقول انك بالغت في السخريه ..احب اقووولهم ..بلا من حر ما يونس كرهتونا في عيشتنا ... ماشغلتكم الا التفقد في هالاغراض وذا الدعاوي و اللي قال ( تراني اتتن واحلق لحيتي) ترى مو شرط اللي يلاحق الصلبان يصير مطوع؟؟!! يعني ياما طلعوا لنا ناس وسووا زحمه على صليب وبربسه وهو مايدري وين القبله معه الحمااااس والدرررعمه والتعصب للدين والتعامل مع القضايا بعاطفه قووويه ... للاسف غالبه على مجتمعنا الاسلامي وهذا قمة الخطأ وترى كثير من المشايخه استنكروا ردود الفعل العنيفه ايام الدينمارك بالعربي الامور ماتنحل بهالطريقه وابي افهم شي واحد بس الحين المسيحي او اللي هو ..لو جا وحط صليب في لبسك او جوالك او ساعتك او صروالك بس ابي افهم هو وش بيستفيييييييد؟؟ وانت وش بيضررررررك؟؟ ماراح يدخل الجنه وانت ماراح تدخل النار و الله احس انها صارت هوايه عند البعض اجل حتى كرتون حفايظ البزارين ماسلم منهم هههههههههههههههههههه يصبون في الكرتون موية ولقوا الشهادة مدري لفظ الجلالة ...! انا مااكذب هالاشياء بس مدري احس لها الف تفسير .. يمكن الكرتون من مصنع ورق ومعاد تصنيعه .... والا بالله بيجون يحطون لفظ الجلاله مخفي في كرتون حفايظ ؟ لييييييه؟؟ ماوراهم شغله الا انتم؟؟ اذا هم بيحاربونا ... يحاربونا بأسلحه وغزو فكري مو يضيعون وقتهم في كرتون حفايظ والا شراريب بزران ويرسمون عليها كلب وفيه لفظ الجلالة (وجه حايمتن تسبده) وين عقولكم بس ابي افهم والا اللي مصور لي قفا جزمه في جيان مدري وين ويقول لفظ الجلالة ..ولاحظوا اخوتي ان سعرها رخيص 25 ريالا فقط ... يعني وش تبي توصل؟؟ انهم رخصوها عشان نشتري ونخلي عيالنا يمشون بها ويهينون لفظ الجلالة؟؟ ياقلبــــــيه بس لا واللي يكتشف صليب او شي من هالخرابيط يقوم يصور ويزبرق موضوعه .. يقالك مسوي اكتشاف والا محرر فلسطين ..!! اذا النصر بتحسونه بهالطريقه اجل كل واحد منا يشيل لوحة فيها الشهادة ويروح لامريكا ويركزها هناك ابد لايردك الا المطار ياخوي ... لكي ندس لهم السم في العسل هههههههههههههههههههه والا اللي منقهرين من المسيحي و زوجته اللي راحوا للربع الخالي وركزوا فيه صليب انظروا كيف جاهدوا لوضع الصليب في اقصى بقاع الارض <<<< صبه احقنه سلفني المركا بالله هذولي مخفات ..والتعب على رجليهم وصليبهم ماضرنا ولا درينا عنه هذا اذا كانت القصه بكبرها صحيحه المهم انا طولت .. بس والله هذا كبت سنييين من القهر والذل والمهانه(وجه يصيح دم)<<<وش فيها انهارت؟ المهم ياصبه احقنه تكفى لاتوقف سلسة النقد هذي وان كانك تبي دعم فــأبشر بعزك ترى قلبي بينفجر من اللي فيه ههههههههه

  3. السلام عليكم … الموضوع صحيح لا إشكال فيه وأنا نفسي تعرضت لموقف قالوا لي فيه حاطه علامة صليب وهي نفس العلامه اللي على يسار مدينة الملك عبد العزيز !!! لكن أرى أن الموضوع أخذ أكبر من حجمه خلااص حنا نبين لهم وخلاااص يايقتنعون ياخلاص بكيفهم بس خف عليهم شوي وشكرا

  4. أجل على كذا لازم تمنع تمارين الصباح في الطابور الصباحي للمدارس . . . لان الواحد يعله مدرس الرياضه على ذا الصبح برفع اليدين لمستوى الكتفين وبكذا يصير شكل الواحد صليب مقعد ,,,, لا بس مافيها كلام صليب صليب. والله من واحد واحد بيوافق على منع التمارين الصباحيه 🙂

  5. هذااا اطلق موضوع في الحقبة الثانيه من القرن الاربعه والعشرين من القهر هههههههههههههههههههههههههههههههههههههههههه الله يرجك ياشيخ قنبله قنبله.. انت وموضعك ابونواف حط صورته تكفى براس الموقع.. ايه ياشيخ من زمان كذا… عاد سبحان الله القلوب عند بعضه انا جالس اسوي ايميلات وفيها صور وتعليق فيه يمكن اثنين او ثلاثه من تعليقاتي على هالعقليه الي والله ان استمرت كذا وصارت تهتم بالتفاهات وتترك نهضة الامه نبي نوصل لمرحله نقول حنا عطونا صلبان… ملاحظة واحد مريض حاط بالصورة تاء مربوطه شكلك ساقط بالاملاء خخخخ <<<< ياحلالات المركاء نفسه اعجبني بعد موضوعك رد الاخت ناقده واذا احد يبغى يسأل عن ردي عن الموضوع هو نفس رد الاخت ناقده بالظبط بدون تغيير

  6. أخي الكريم .. الناس بسطاء فلنقبلهم على قدر تفكيرهم ..هم بما يقولون و بما يفعلون .. يعبرون ببساطتهم عن حميتهم للدين .. و يرون أن الصليب هو شعار لدين أساس إيمانه محرف .. و آخر الزمان بشرى كسر الصليب من عيسى عليه السلام .. لهذا هم يقولون هذا ولا حرج عليهم ولاكن كثير إن حرف التي كمان هذا خيال واسع .. لاكن هذا من حبهم لدينهم.. ألف شكر لك لموضوعك .. يعطيك العافية

  7. فعلا قد يسير من هذه الأمور كثير من أعداءنا في الدين لكن الأفضل لنا الإهتمام بما هو أفضل لديننا من حيث الدعوة والنصيحة ونشر الدين ومتابعة ماهو أهم

  8. الحقيقة انا بعد اقول في نفسي دايما نصغر عقولنا لأصغر ما يمكن بالرغم انها اتفه منها مافي، خاصة ذا اللي يقول حاطين صليب وعلى فكرة هالخط خط رسمي نستخدمه احنا في شركتنا وانا بنفسي لاحظت هالشيء وسألت شيخ وقالي هذا لا يعتبر صليب ونوع من انواع الخطوط ليس شكل يقصد به شيء ولا مانع من استخدامه.. لازم نكبر عقولنا مو كل ما شفنا شيء تقاطع مع بعض قلنا عليه صليب لا يجلسون الناس يضحكون بعقولنا ونجلس متخلفين طول عمرنا صليب ومو صليب فيه شيء واضح وفيه شيء مشكوك ياخي خل في اللي واضح اهتم بمجتمعك اللي كل يوم هو في انحطاط اكثر من اللي قبله اهتم وحارب الاعلام الفاسد اللي يبثه ابناء جلدتك ودينك وخلوكم من التفاهات .. على فكرة ترا يقلك اللي مكتشف + الزايد ما تعرفونها اللي في الجمع في الرياضيات ، يقسمون ويحلفون انها صليب!!! 🙂

  9. والله من زماااااااااااان وهالناس الي تفكر بهالطريه مضيقين صدري وودي احد يرد عليهم بس قسم بالله ان التعليقات خيااااااااال وتتسلم يالغالي

  10. يا أحبتي الكرام هل تعلمون انكم تتمشون على الصلبان …!! نعم تتمشون على الصلبان وراكم مستغربين ؟ يعني ما في تقاطعات على شكل حرف تي في ديرتنا 🙂 هذا معنا ان البلديه تتجه الى نشر الصلبان في ديرتنا العزيزه خخخخخخخخخخخخ << قافط البلديه .. << غديك تعظ على لسانك لا يجيك المركى ما غيره الي لف على الشباب كلهم 🙂 الصراحه وبكل امانه اذا جينا للكلام الجد طول ما عندنا عينات من شاكلت ابو صالح الله يهديه لن تتحرك عجلة الأمه الأسلاميه ... وسنصبح نسمى بالعالم الثالث الى ان تفنى هذه المستديره ... نعم ...اذا غيرتك على الأسلام وصلت لهذا الحد فلماذا لا تتجه الى الدعوه لهذا الدين وتنصح بالتي هي احسن وتحكم عقلك قبل ان يحكمك لسانك فتتفوه بما هو ليس بصحيح ... واجعل خير قدوه لك الشخ سلمان العوده حفظه الله ورعاه ... على العموم انا من زمان كنت متابع هذا القروب ما شاء الله عليه لاكن المره هذي شدني موضوعك يا صبه احقنه وحبيت اشاركك في تنزيه الدين الاسلامي من هذي الاعتقادات والخزعبلات ... مشكوور حبيب البي وما قصررت وننتظر منك المزيد ... تقبل خالص تحياتي ...

  11. الموضوع مهم وطرحك له وإن كان على شكل هزل ومزح إلا أنه يدل على اهتمامك وأحب أنظر بنظرة جد شوية قرأت أغلب التعليقات يقولون أنهم ملوا من الموضوع.. يدل هذا على كثرة ما يجده الناس من الصلبان وهذا باعتراف أصحاب الشأن أصحاب الصلبان .. فهملا ينكرون وضعها .. وعلى المسلم أن يكون متيقظاً .. وأعتقد أن الحل هو أن نزيد من علمنا ونعمل بجد ونشجع الصناعات الوطنية والإسلامية ولا نعتمد عليهم في كل شيء حتى السجاجيد والسبح تأتي من عندهم .. ولكني لا أوافق أبو صالح في تعنيفه ودعواته فالبائع قد لا يكون قاصداً وقد يكون لا يعرف حتى قراءة الحروف العربية ولكنه يجلب أي شيء فلا ندعو عليه بل ندعو له جزاكم الله خيراً وبارك فيكم جميعاً

  12. بالنسبة للأخت ناقده ( زائرة ) أقتبست من كلامك :بس مدري احس لها الف تفسير .. يمكن الكرتون من مصنع ورق ومعاد تصنيعه …. والا بالله بيجون يحطون لفظ الجلاله مخفي في كرتون حفايظ ؟ لييييييه؟؟ ماوراهم شغله الا انتم؟؟ اذا هم بيحاربونا … يحاربونا بأسلحه وغزو فكري مو يضيعون وقتهم في كرتون حفايظ والا شراريب بزران ويرسمون عليها كلب وفيه لفظ الجلالة (وجه حايمتن تسبده) وين عقولكم بس ابي افهم ::::::::::::::::::::: وأقول لك : نعم ما وراهم غيرنا ثم إنهم لا يتركون وسيلة لحربنا بالقتل وانظريهم في كل مكان من العالم ويكفيك فلسطين والعراق ويحاربونا بالإهانة عن طريق امتهان الرموز الدينية وامتهان لفظ الجلالة وغيره وقد قال عنهم تعالى : ( لا يرقبون في مؤمن إلاً ولا ذمة ))وقال تعالى : (( إن يثقفوكم يكونوا لكم أعداء ويبسطوا إليكم ألسنتهم وأيديهم بالسوء وودوا لو تكفرون )) فلا تهونوا اأمور حتى تغيب العزة ولا تكبروها أكبر من حجمها لكن القوم يريدون بالإسلام سوءً فاحذروهم

  13. تسلم اخوى على الموضوع ..مرات تكون المبالغه هى الوسيله الجيده لتوصيل المعلومه . تشكراتي لك …

  14. صبه احقنه موضوع راااااااااااااائع الله يعطيك العافية بس حبيت انبهك .. اسمك اللي في الصورة مكتوب غلط تقبل تحياتي

  15. انا اقول للعباقرة الي مفشلينا عند العالم لا تخافون على الامة الاسلامية من التأثر بالصلبان لا ن الصلبان الي كشفتوها تحتاج منظار ميكرو سكوب علشان يشوفونها ويتاثرون فيها وبعدين والله الحمد ان العباقرة الي مثلكم في مجال الصلبان قليل جدا في الامة الاسلا مية يعني ارتاحو ما شافها الى انتم انا لا انكر ان فيه بعظ المنتجات فيها صليب واظح ويجب عدم شرائها لا كن الي يقهرني سالفة اكتشاف شعار كوكاكولا والى الجوال والى اخر وأبزيكدم سالفة قد جاني ايميل فيه صورة حمامة على جناحها لفظ الجلالة وكاتب العبقري تعليق على الصورة (وبعد هذه الصورة هل مازال في قلبك شك ان هذا هو الدين الصحيح) الغبي يعني الحمامة هذي هي البرهان على صحة الدين يعني تركت القرأن و خلق السماوات والارض وخلق نفسك وتستدل بحمامة سبحان الله على العقول

  16. اخي الكريم : انت بهذا التعليق وخصوصا على قولك : لا والله ما نعلم تستجدي ضحكات الناس وانت ما فكرت وش العواقب…وكانك لا تنتمي لمجتمعنا الي يعاني من دس الكفار ثانيا : قولك الله يرجك …اتمنى تسال عنه لانه من الافاظ الي اجمع العلماء على عدم جوازه وشكرا

  17. ياخي والله غريب انا مستغرب من شبكة ابو نواف فيها امور سياسية ولا احد قفلها شكل المدير واصل الله يذكرك بالخير ياطارق الواصل البطل طارق على العموم تراهم ابلوشنا في الموضوع الصلبان ياخي يوم الربوع واحد من الشباب ولده منفقع راسة عشانة تهاوش مع واحد عشان قال له هذا صليب ليش تلبسة وتضارب كلمة تجر كلمة صبرُ جميل والله المستعان

  18. hi ماهذا الحتسي هداك الله تبا لك ايها ….<<- انطمي 🙂 الا ورا ماتقول لابو صالح وامثاله عن كتاب الرياضيات <<- عشان الضرب والزائد X و + <<= بلا والله من الهواله فيهم اوكي الحرص على الدين ومحاربة مايمسه بسوء شي طيب وشي أحييه بروح كل مسلم لكن فكروا بمنطقيه وابعدوا عن التعقيد : ذكرت هالسالفه وبسدحها : اذكر مره كنت في اوتيل كمبرلاند بلندن طبعا الانجيل لازم يكون موجود .. بس كان بجنبه سهم صغنون هالسهم يشير للقبله 🙂 معنى هالشي ان فيه من هم محترمين ديننا وتعاليم الدين عاد مره شفت واحد منزل موضوع يقول لاتروحون له هالفندق لان على بعض الغرف عندهم الاسره عليها رسمة صليب 🙂 دامك ماتبي صليب وش موديك ديرتهم ؟!! : الله يعافيك ياصبه احقنه موضوع حلو وبدايه حلوه تأكد اننا بانتظار جديدك

  19. اخوي صبه احقنه …….. ولا يهون الحاظرين جهلنا بديننا و انشغالنا بدنيانا و كرهنا لمن لا يدينا بديننا اوصلنا الى مرحلة ان نشك في كل ما هو حولنا ونفسره بانه ضدنا انا لم اسمع يوم من الايام امام او خطيب جامع يقول في دعائه اللهم اهدي المشركين و الكفار الى دين الاسلام . ونريد منهم ان يهتدوا !! انا لا انكر ان الشر يكيد للخير وان الكفر يكيد للحق ولكن ليس هكذا تورد الابل

  20. السلام عليكم اخوي جزاك الله خير على تنبيهك ولكن مو ملاحظ انك زودت المسألة شوي؟ انا مو مع الصليبيين انا مسلم حالي حالكم ولكن كل لغة من اللغات اللي يستخدمون فيها الحروف هذي لهم خطوط وحتى فنون في الخط يعني مايصير انك تجزم وتحكم ان اللي مسويها عشان الصليب،اوكي انا معك ان في شغلات سووها ومقصدهم الصليب بس انت ماتقدر تحكم وانت ماتدري عن نية اللي صمم هاللبس ومهما صار ترى حتى غير المسلمين فيهم الطيب وفيهم الخبيث وانا عشت معاهم في بلدهم لفترة مو بسيطة على كل حال الله يجزيك الخير واكرر شكري لك على هذا التنبيه اخوك علي

  21. علي الغيرة الماصلة والغير مدروسه ما نبيها وانصحك انت ان تحسن طريقتك بالحوار _________________________ ابو سعد فيه ناس ردو تحتك بشوي اعتقد جاوبو على سوالك المبالغه قد تكون صيغه للطرح عشان ما تنسى الموضوع __________________________ ثامر شكلك مشبة يا خوي ولا توك قايم __________________________ لووولو حياك الله يالغالي __________________________ ناقدة كلام من ذهب ريحتيني لكثير من الردود الي راح اخذ وقت بشرحها…. برافو عليك _____________________________ حكاية بنوته انشالللللللللللله بس لا عاد تلبسين نجوم تكفين ____________________________ تعليق بسيط ههههههههههههههههههههههههه حلوووووووووووووووووووووووه حقت التمارين لو ابو سعد فيه كان قص رقبته ______________________________ ورقة بلوت يكفينا زيارتك يالغالي للموضوع ويسعدني حضورك ___________________________ شوكلاته بيضاء كلامك صحيح ولكن لا بد من التحدث بصوت عالي احيانا ليسمع من غفل ______________________________ ابو عبد الملك تعجبني العقلانيه والركود والتروي احسنت وبارك الله فيك ___________________________ حاتم ليت ابو صالح يشوف ردك عشان محد يلومني ومشكووووور على اضافتك __________________________ ابو شهد منور يالغالي ي ابعد قلبي __________________________ عزوز اشكرك على زيارتك ويسعدني تعليقك وبارك الله فيك ___________________________ ام عاصم شكرا ام عاصم على زيارتك وتعليقك ___________________________ ام عاصم مره ثانيه اعارضك في ردك الثاني يريدون ليطفئوا نور الله بافواههم …. اكملي الآيه والله متم نوره ولو كره الكافرون والمحاربه هي باشياء اكبر نشغل انفسنا باتفه الأشياء ونترك لهم الاشياء الكبيره ومحاربتهم للاسلام هو باكبر واخبث من هذا بكثير ولكن متى نستوعب ______________________________ زجااااج احسنت في ردك المبالغه المبالغه هى الوسيله الجيده لتوصيل المعلومه هذا ما اريد ان اصل اليه _____________________________ نورة وش فيه اسمي يا اختي ما علينا من الأيم وانا اخوك هذي نوره احد الأمثله زي ابو صالح واردى تاركه الموضوع كله ومركزه على ان الأسم يختلف خخخخخخخخخخخخخخخخخخخخ الله يحييك نوره امزح ومنوره ____________________________ nmr201 الحمار من يرى الشمس امامه والقمر امامه احد اعظم ايات الله ويركض ورا حمامه نعن ابو بليسك لو ككنت على دين آخر واقنعتني بحمامه لن اصدق اقنعني بمبدأ وليس هناك افضل من ادعو الى سبيل ربك بالحكمه والموعضة الحسنة _____________________________ عصير بالزير اموااااااااااااااااااااااااح عليك اجمع العلماء …. لعن ابو بليسك حتى الحين ما اجمعو العلماء على تحريم او جواز قروض المرابحه الأسلاميه عشان يجمعون تحريم الله يرجك ,,,, على كيفكم انتم تحكون حكي وتفتون وتعلنون الأجماع وانت قاعد بييتكم خيييييييييييييييييييير الدين سهل وسلس ويسير ولا يحتاج لعالم يحتاج لفطره تعي ما تقول وما تفعل انا اعلم ان الله يرجك ما تجوز لأنها دعوه بالرجه لهذا الشخص لكن ما نيتي فيها هل نيتي مثل دعوه ابو صالح الي دعاء بشل اركان تاجر مسكين ورد قطعه ملابس عليها حرف تي اسمحلي ,,,, لا اريد ان اتحدث اكثر قد تزعل مني وانا لا اريد ان يزعل مني احد _______________________________ الموسوس اذا كان الي فقع راس الولد مفقع رأس شخص مسلم لابس صليب فانا اقوله بيض الله وجهه لن هذا حده القتل ما يكفيه طق بس المشكله بالضعيف المسكين الي توه ما بعد اسلم وينجلد ______________________________ صنداي فراوله اقتباس منك ((((ذكرت هالسالفه وبسدحها : اذكر مره كنت في اوتيل كمبرلاند بلندن طبعا الانجيل لازم يكون موجود .. بس كان بجنبه سهم صغنون هالسهم يشير للقبله 🙂 معنى هالشي ان فيه من هم محترمين ديننا وتعاليم الدين ))))) ياسلالالالالالالالالالالام عليك وقسم ما همني شي بس لا ينزل تفكيرنا لتحت هذا قصدي ونهتم بسفاسف الأمور _______________________________ شكرا لكل الردووووود المعارض منها قبل المؤيد وجزاكم الله خير سبحانك اللهم وبحمدك اشهد ان لا اله الا انت استغفرك واتوب اليك

  22. جمع موسوس وهو الانسان اللي نفسه توسوس له في كل شي وعاد ياكثرهم عندنا وخصوصا العاطلين اخر الليل يوم الخميس خخخ عموما هذا موضوعك انا قريت عنه قبل كم سنة في جريدة الرياض للكاتب الخطير فهد عامر الاحمدي (اكيد تعرفونه) وهذا رابط الموضوع للاستفادة http://www.alriyadh.com/2004/01/26/article17222.html

  23. موضوعـك جميـل واسلوبـك سلس عندي ملاحظـه بسيطه اخي صبـة احقنـه ارجو تتقبلها بصدر رحب والدين النصيحـة اريد ان اقتبس قولـك …….. انا اعلم ان الله يرجك ما تجوز لأنها دعوه بالرجه لهذا الشخص لكن ما نيتي فيها ……….. أخي انت رديت على شخص قدم لك نصيحـة رفضتهـا بقولـك انت جالس في بيتكم لو قلت لـه هات الدليل على التحريم لكان أفضـل واطيب من ردك السابق لـه أخي انا قد سمعت عن هذا أن في كلمة الله يرجـك مخالفـة مثل قول بعضهـم . الله يظلمـك فهذا لايجوز أيضـا لان فيـه تعدي على الله بظلم عباده والله لايظلم احدا بل الناس أنفسهم يظلمـون . امـا تقول ادري انها محرمـة بس نيتي ماتقصد ماأدرانـا بالنيــة . النبي صلى الله عليه وسلم كان يتعامل مع المنافقين ويعلم انهم منافقين بالكلام الظاهر . اي لايقول للمنافق انت تصلي وانت منافق . بل يجري احكامـه على الظاهر والقلوب الى الله سبحانــه أرجـو اخي صبه احقنـه ان يكون ردي واضـح والدين النصيحــة اذا نصحك شخص فقل جزاك الله خير وفقني الله وايـاك لكل خيــر اخوك في الله ابو الحارث

  24. الصلبان وأهداف الغرب موضوعك فيه نوع من المبالغة .. كما أن أبو صالح أخطأ .. لن اتكلم في هاذا الموضوع عن خطأ أبو صالح وإنما سأتكلم عن أهم منه وهو ماقلته في مقالك وحقيقة جهلنا في تخطيط الغرب .. كما ان صورة برج دبي والصحيح صورة برج الخبر صليب لا جدال فيه باعتراف مهندس البرج !! والبدلة التي تحمل الصليب لفريق إنجليزي لا يحضرني اسمه صليب لا جدال ولا نقاش فيها .. أقول لك يا أخي ولمن وافقك على رأييك : – انكم مستهينون في اليهود والنصارى وتخطيطهم الذي يسعون إليه من أجل تضليلكم عند دينكم ألم تقرأوا ( انتم كمسلم ) قول الله تعالى (ولن ترضى عنك اليهود ولا النصارى حتى تتبع ملتهم) .. وهذا دليل آخر ليس من القرآن وليس من السنة النبوية بل من ألسنتهم وأقلامهم يبينون لك أن همهم الوحيد إبعادك عن الإسلام ووضعك في ظلال النصرانية أو اليهوديةوهي كلمات من الحاكم الفرنسي في الجزائر بعد مرور مئة عام على احتلالهم للجزائر ((( يجب أن نزيل القرآن العربي من وجودهم ونقتلع اللسان العربي من ألسنتهم ، حتى ننتصر عليهم ))) هل فهمت ما قاله يريدون ان يبعدوك عن القرآن والإسلام خطوة خطوة وهاهم اقتربوا منا ووضعوا أسسهم .. لن أطيل فخير الكلم ما قل ودل ونحن عقلاء كلمة ويصل المراد ولا نحتاج لكلام طويل .. ولكن من اهداف الغرب جعل الصليب في كل مكان .. – لي تعليق على ماقاله الزائر الذي سمى نفسه صح لسانك في رد على موضوع [العالم وصلوا القمر وحنا ننبش الكراتين والجوالات ندور صلبان …. يا ويل قلبي بس ] اعلم يا حبيبي ان العالم الذين وصلوا القمر قالوا انك انت سبب في تأخر الحضارة الإسلامية حينما إبتعدت عن ديننا وأخلاقنا الإسلامية قال المفكر الغربي مرماديوك باكتول [ المسلمون يمكنهم أن ينشروا حضارتهم في العالم الأن بنفس السرعة التي نشروها من قبل بشرط أن يرجعوا إلى الأخلاق التي كانوا عليها حين قاموا بدورهم الأول ، لأن هذا العالم الخاوي لا يستطيع الصمود أمام روح حضارتهم …] … نحن نقول نريد التطور والوصول إليهم وهم قالوا لنا الحل وكيف نسبقهم في التطور … هذا كتاب قادة الغرب يقولون دمّروا الإسلام أبيدوا أهله من تأليف الأستاذ جلال العالم http://www.saaid.net/book/open.php?cat=1&book=55 اقرأه تمعنه تجد عجباً علماً ان الكتاب يجمع ماقالوه عن الإسلام وخوفهم من الإسلام أختم كلامي بنداء إلى جميع المسلمين لا نريدكم ان تكونوا مجاهدين نريدكم دعاة لإعلاء كلمة لا إله إلا الله محمد رسول الله في عند سفركم لبلادهم ان تربوا ابنائكم على الولاء والبراء الولاء لمن يحبهم الله ورسوله وهم المسلمون بشكلٍ عام والبراء لمن يبغضهم الله ورسوله وهم الكفار بشكلٍ عام و لاعبوا كرة القدم الغير مسلمين بشكلٍ خاص . هذا والله أعلم وصلى الله على نبينا محمد .. كتبه لكم شخاميط aa.14@hotmail.com من لديه اعتراض على ما قلت راسلني على البريد الالكتروني

  25. السلام عليكم ورحمة الله تابعت بعض ردود الأخوان وكان الكثير منهم رده متزن ويناسب موضوعك يا أخ صبه وحقنه وبعضهم اللهم لاحول ولا قوة إلا بالله ظهر من ردة قيح وصديد ورائحة نتنه كأنه لم يفتح فاه من ذو ولدته أمه إلا هذه الساعة التي أطلع فيها على موضوعك ——– أخوان لن يضرنا لو دسوا ألاف الصلبان علينا او في مساجدنا ونحن لانعلم أو تتوارى عن أعينننا فالله سبحانه لا يحسبنا على مالانعلم او مالانستطيع دفعه او ما نسنا فيه ولكن من باب التيقض فقط ————————— ولا أدري عن كثير من المواضيع التي ذكرت هنا إلا انه أسترعاني ذكر البعض عن الفظ الجلاله مكتوب في حذا وتعالى الله عن ما يصفون فهذا ذل لمن فعله ولكن متى ماعلمه المسلم فليحذر وايبلغ عنه لأنه ليس من فعل المسيحين ولا اليهود فكلهم اصحاب دينات سماوية ومقرين بوجود الرب جل جلاله ولكن هذا خبث ساحر او ملحد او فكرة شيطان وتوهيمه ولا على المسلم ضرر منها مالم يعلمها ————————————- هذي مشاركتي وردي على قدر وقتي الضيق ومعلوماتي البسطة

  26. اولا الT خط هذا من خطوط اللغه الانجليزيه مش صليب يعني ما اقنعتني ابداااااا ثانيا نجمة اليهوود سداسيه واللي فالشعار ثمانيييييييه يعني ماهيب لليهود ياشيخ ثالثا الi مو شكلها تسجد هذي ابد مابلعتها <عذرا بهالكلمه اخيرررررا اخي الفاضل لاتخلي حرصك يضيعك انتبه بالاول حتى ماتعطي فرصه لأعداء دينك انهم يضحكون علينا وششكرا على رحابة صدرك في تقبل نصايحي أختك

  27. ما اقول الا الله لا يحرمك من عبطك ,, ضيعت وقتي في تفاهات غير مقنعة ,, واشغلت الناس بها وهي قناعاتك انت فقط

  28. هههههههههههههههههههههه هههههههههههههههههههههه منتب صاااحي اما موضوعك فللله ونك نيمك شي ثااني صراحه ياخي تدري في مشكله عند بعظ الناس انهم يدققون بزيااده على الاشياء البايخه او التافهه زي كذا ناسين الاشياء المهمه و الضروريه يعني ياليت نهتم بالتربيه عيالنا وناصل فيهم الدين احسن من هالخرابيط وبس مشكووور ولاشلت اركانك ههههههه

  29. mtm990 تسلم يالغالي ورأيت الموضوع فعلا نفس الهدف والفكره وعسى الله ينفع به __________________________ ابو الحارث ابو الحارث جزاك الله خير على اسلوبك الراقي انا لا ارفض النصيحه انا ارفض الطريقه لا هات الدليل ولا غيره انا اعرف ان الدين يسير وسلس وسهل وليس تعقيد ان قصدت بها سوء فلن تطاوعني بقولها ايماني بالله والخوف من عقابه عز وجل ولكن اعلم ان حتى اليمين بالله انواع منها حتى لم يكن ملزما حسب رأي العلماء وليس له كفاره لو قلت لك والله ان تقلط عندنا ولا قلطت ,,,, اروح اصوم 3 ايام ؟ ,,, الدين اسهل مما نتصور ولكن نحن من يصعبه ويعقده ,,, وكلما دخل المسلمون في مسائل تفصيليه ,,, كلما تذكرت قوله عز وجل (( ولا تسالو عن اشاياء ان تبدأ لكم تسوئكم )) ونفس الشي قوله تعالى (( قالوا ادعوا لنا ربك يبين لنا ماهي قال انه يقول انها بقرة لا فارض ولا بكر عوان بين ذلك فافعلوا ماتؤمرون # قالوا ادعوا لنا ربك يبين لنا مالونها قال انه يقول انها بقرة صفراء فاقع لونها تسر الناظرين) ) آخر الآيه ((الآن جئت بالحق فذبحوها وما كادوا يفعلون )) 8 8 8 هذا ما اخاف ان نقع فيه شكرا لك ابو الحارث _______________________________ شخاميط شكرا لك بس انا اتحدث عن شي وانت تتحدث عن شي انا اتحدث عن ترك صغائر الأمور والتركيز على الأكبر ….. وانت بهذا حسب الكتب المرفقه توافقني الرأي ان العوده لللاسلام الحقيقي هو الطريق لعزه المسلمين وليس ملاحقة صغائر الأمور واللهو عنها باتفه الأمور التي استغرب من اين يأتون بها شكر ايا عزيزي على كل حال ووفقك الله ورعاك _____________________________ المسردي احسسسسسسسسسسنت كلامك جدا جميل لو كانت هناك قطع فرديه اسي فيها لله او الأسلام او للقرآن فهذا معروف انه اعمال سحر ويجب ان نقف بوجهها جميعا قاتلهم الله ولكن وجود خطوط انتاج لها مئات السنين ويتم انكارها بطريقه غبيه هذا ما نحن ضده وحتى التحدث عنها مضيعه للوقت شكرا لك عزيزي ___________________________ ندى عمر 8 8 يبدو انكم ما قريتو الموضوع اصلا اعيدو القرآه قبل ان تعلقو امواااااااااح عليكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى