رسائل المجموعة

شرح : كيفية الشراء من موقع امازون بالصور

شرح كيفية التسوق من موقع أمازون الشهير

يعتبر موقع امازون من اشهر مواقع التسوق الإلكتروني، ومثل ما نلاحظ من فكرة شعاره البسيطة ان الموقع شامل كل شيط من A إلى Z . وفعلاً لما تدخله تنفتح نفسك، لانك بتلقى فيه كل شيء .. تحس ودك تشتري مقاضي البيت كلها عن طريقه

عشان تقدر تشتري من موقع امازون تحتاج يكون عندك صندوق بريد امريكي، وشرح كيفية الحصول على صندوق البريد ، وعشان تستمر سلسلة مواضيع التسوق الإلكتروني بنكمل الشرح على صندوق البريد الخاص بشركة ورلد شيب

في البداية نفتح الموقع : www.amazon.com


اضغط على الصورة لرؤيتها بحجمها الطبيعي

نشاهد في الصورة شرح مختصر لواجهة الموقع، تقدر تكتب اي شيء تحتاجه في مستطيل البحث الموجود في الآعلى أو تتصفح الموقع حسب الأقسام المناسبه لميولك ( العاب، كتب، اكسسوارات .. الخ ). بالنسبة لي أكملت الشرح بالبحث عن كوب كانون ( Canon Coffee Mug )


اضغط على الصورة لرؤيتها بحجمها الطبيعي

بعد البحث بنشوف النتائج بهالشكل، فيه اقتراحات للبحث في الآعلى بعدين تحتها المنتجات مصفوفه، يجي دورك عاد تتفرج وتدور المنتج المناسب لك من ناحية السعر والموصفات والتقييم .. أنا اخترت اول خيار في البحث، لاني حسيته مناسب لي فعلاً <<– قل اسرع لي ولا تجلس تفقش علينا


اضغط على الصورة لرؤيتها بحجمها الطبيعي

بعد الاختيار بتفتح لنا الصفحه الخاصة بالمنتج، نشوف على اليسار صور المنتج وبجانبها البيانات الاساسية ( السعر الاساسي، السعر بعد الخصم، مبلغ التوفير، اسم المتجر اللي يبيع المنتج، العدد المتبقي ” مهيب تطلع الا اذا كان المنتج حول مايخلص “، وعدد المتاجر اللي تبيع نفس المنتج وبكم يبدأ سعرهم ) بعدين على اليمين بنشوف سعر المنتج + سعر الشحن وفوقة خيار الكمية ( في حال تبي تطلب خمسة اكواب وتصير تحطهم مع القهوة المغرب )

لو ننزل لتحت في نفس الصفحه بنشوف معلومات اضافية للمنتج ..

مميزات المنتج، هل هو مصنوع من حديد، المنيوم، أو خشب مثلاً؟.. يفتح ويتسكر وإلا بس حاطين الغطاء معه زينه ؟ .. الخ

تفاصيل المنتج، توضح لك وزنه ( تفيدك في الشحن ) والتقييم ولو فيه معلومات ثانية عنه بتنذكر هنا مثل الحجم على سبيل المثال ( ممكن يكون منتج بثر، وزنه خفيف لكن كرتونه كبير )

اراء الزبائن حول المنتج، يعرض لك تقييمهم والتعليق على المنتج .. هل هو زين؟ هل واجهوا مشاكل؟ وما إلى ذلك

بعد الإطلاع على جميع التفاصيل والتأكد بأن هذا المنتج هو المناسب لنا، نضغط على ( Add to Cart ) الموجودة فوق على اليمين عشان نضيف المنتج لسلة التسوق


اضغط على الصورة لرؤيتها بحجمها الطبيعي

بتطلع لنا صفحه تبين لنا ان المنتج تمت إضافته للسلة، بعد كذا تقدر تستمر في التسوق لو تبي تكمل المقاضي حقتك يعني .. او تختار كلمة ( Proceed to checkout )

بتفتح لك صفحه تسجيل الدخول / التسجيل في الموقع .. لو كان عندك حساب مسبق تختار الخيار الثاني، او تختار الخيار الثاني عشان تسجل عضوية جديدة ..

تعبي البيانات المطلوبة ( اسمك، بريدك الألكتروني مرتين، رقم جوالك ” اختياري “، كلمة المرور مرتين )

بعدين بيطلب منك بيانات الشحن، اللي هي عنوانك في امريكا .. لذا تفتح حسابك في موقع الورلدشيب وتنقل البيانات كما هي

تنسخها من الورلد شيب للامازون زي كذا

بعدين تضغط على كلمة Continue


اضغط على الصورة لرؤيتها بحجمها الطبيعي

بعد ماتدخل عنوانك الخاص بالورلدشيب بيطلع لك موقع امازون اقتراح لتعديل عنوانك اللي دخلته، واللي هو عبارة عن اربعة ارقام في الرمز البريدي، وتعديل في ترتيب العنوان .. التعديل مايضرك بشيء بالعكس يساعد موقع امازون في التوصيل .. لذا اختر العنوان الخاص فيهم بعد التعديل وبعدين اختر Ship to this address

بعد ما تختار العنوان المعدل بيرجعك لنفس الصفحه الأولى لكنه بيعرض لك العنوان بعد التعديل .. اضغط على Ship to this address

هنا الموقع بيشاورك في الشحن .. اذا ما كان المنتج معه عرض التوصيل مجاناً، فـ في الغالب الاستاندر ارخص


اضغط على الصورة لرؤيتها بحجها الطبيعي

وفي الاخير بيطلب منك بياناتك المالية، تضغط على الايقونة المحددة في الصورة عشان تضيف بيانات بطاقتك الفيزا او الماستر كارد ..

بعد ماتضيف البيانات بتطلع لك البطاقة فوق عشان يعلمك انها انضافة لحسابك في الموقع، اضغط Continue

وفي الاخير بيعرض لك ملخص طلبك وبيكتب لك عنوانك فوق وبيانات البطاقة اللي بتدفع فيها وطريقة الشحن وكل شيء .. خلاص كل شيء زين وتبي تسوي الطلب ؟ .. اضغط على Place your order
وخلاص مبروك عليك .. بكذا تصير اشتريت من موقع امازون .. يالله عاد الحين رجع عربة التسوق مكانها
* * * *

لنفترض انك ماتبي تشتري كوب وتبي جهاز الكتروني زي الايبود على سبيل المثال .. بكل بساطة تكتب في مستطيل البحث كلمة iPod وبتطلع لك نتائج البحث


اضغط على الصورة لرؤيتها بحجمها الطبيعي

بتشوف تحت الجهاز مختصر للمعلومات ، سعره قبل وبعد الخصم، سعر المستخدم “في حالت كان فيه مستخدم للبيع” وتقييمه … وفيه على يسار الموقع مستطيل فيه خيارات تساعدك في البحث

تحدد الجهاز اللي تبحث عنه جديد والا لا؟ وكم السعر اللي حاطه في بالك؟ حالة الجهاز جديد والا مستخدم والا مجدد؟ وتبحث برضو بالتقييم لو تبي
هذا والله اعلم، ويالله كل واحد يرجع عربته .. ترا من جد اتكلم ما كنت امزح
________________________________________

تحياتي للجميع ، أخوكم Mr. A من موقع ..
TICHNO تـكـنـو
تغطية شاملة لكل ماينشبك في الكهرب
www.tichno.com


تابعوا جديد شبكة أبونواف على فيس بوك وتويتر

   

مقالات ذات صلة

‫14 تعليقات

  1. شاكر ومقدر استاذي العزيز على الشرح الوافي والواضح لكن لفت نظري سعر الكوب وهو كوب حافظ للحرارة على شكل عدسة …… وسعرة بعد الخصم 84 ريال تقريباَ رغم اني شارية من محلات في الرياض بــ 50 ريال

  2. انا حابه اجيب لي اغراض من امازون وافتح مشروعي الخاص بس ابي تساعدني في فتحه لاني حاولت مو راضي يزبط معايه احولك تفتح لي حساب وانا واثقه انه ماراح تقصر

  3. الان ممكن اساعدك فى الشراء من امازون   ebayا و   amazon بدون ما يكون عندك بريد امريكى

  4. هل من الضروره كتابه عنوان امريكي ..لماذا لايتم ارسال عنواني على بلدي مباشره وشكرا

  5. سلام عليكم انا في جدة هل ممكن استطيع اطلب أي منتج من موقع الامزون
    شاكرا تعاونك

  6. ممكن لو سمحتو ابغى اي شخص منكم يتحملني شوي ويعطيني من وقته شوي ويفهمني كيفيه التسجيل والطلب وكيفيه الاستلام الله يسعدكم محتاج باامس الحاجه الله يفرج همكم وهم كل مهموم وهذا رقمي اسهل لي اكثر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى