رسائل المجموعة

سينما – 30 days of night + SAW 4 + Gone Baby Gone

السلام عليكم اخوتي الابونوافيين اخواتي الابونوافيات
اما بعد
اعلم اني مصيفن عليكم ولكن ذلك لأني زعلن على ابو نواف شوي حيث انه صيف ما ارسل لي شيكي هالشهر وميب عوايده ورانا التزامات محنب نكتب له ببلاش
<=== وجه واحد بيخرب علاقة ابو نواف مع باقي الشباب
وكأني بورقة بلوت كبرت خشتة فوق ماهي كبيره واخذ يصيح قائلا وراو موب يعطين دراهم اويلاو
ورقة بلوت يا حبيبا زرت يوم أيكه … ألحظ عليك الملح وخفة الدم يا ولد مذ سافرت وغادرتك ميب عوايدك يبو بلووت وين مصالتنا سوى يا جبان
ابو نواف حبيب قلبي ونخشوشة فؤادي …. لمه لمه لمه <== وجه ماصل بيحضنك
اخوتي اعتذر عن غيابي السينمائي بس وش اسوي التراسة وما ادراك ما التراسه

اول شي او كما يقول اخوتنا الفرنجة
 first thing first  <== الله من زين المقوله

فلم kingdom
حامت تسبدي من كثر ما تكلمت في هالفلم
الفلم عادي جدا جدا كمتعه
من ناحيه القصه الفلم فيه حياد وفيه حياوله <== الي بيفهم هالمصاله له الي يبي
طلعوا عندنا ارهابيين وما تسذبوا
طلعوا شرطتنا فيهم الدلوخ وفيهم الزينين وما غلطوا
(مع تحياتي لأي رقيب اسمه رجا )
طلعوا السويدي كنه مدينة ثانيه هههههههههههه ومرتع الارهابيين
اغلبنا ساكنين بشقق 🙁
عيال الارهابيين ملبسينهم لبس افغانيين 🙁
مطلعين ان حنا نلبس البنية الي عمرها 5 سنوات حجاب سلماااات
أشرف برهوم الي مثل دور الظابط السعودي واحد ابطال فلم باردايس ناو الي ترشح للأوسكار من سنتين هو افضل ممثل بالفلم ولا باقي أبطال الفلم صفر على الشمال باين انهم حايمتن تسبودهم وهم يمثلون
طبعا الفلم أمريكي فسالفه ان الأمريكان ابطال وقت الشدائد شي لابد منه


شفت هالوييك اند بعد فترة الحرمان الي مريت فيها بدون مبالغه 15 في 3 ايام
6 منها بالسينما
انا بتكلم لكم عن الجيد من الي شفته بالسينما
وبحكم اني بتكلم عن اكثر من فلم فما راح احرص على التفصيل خصوصا بالنسبه للصور الممثلين لأنها مشوار وانا وراي مذاكر

30 days of night

30

جوش هارتنت
ميليسا جورج
بين فوستر
الفلم اعتبره افضل فلم فامبايرز او مصاصين دماء شفته على الاطلاق
الفلم يحكي قصه قرية تغيب عنها الشمس 30 يوم متواصله كل سنه
وطبعا يجونهم الفامبايرز يمزمزون عليهم خلال هالفترة
ورقة بلوت تصور انك مصاص دماء؟
الله من ثقالة الطينة بعد ههههههههههههههههههههههههههه
المشكلة ميب هنا المشكلة تصور تكبر ضروسك فوق ماهي كبيرة ههههههههههههههه والله يا انت بتنقضح وبتنعرف على طول هههههههه بتطلع تسنك المريض الي يروح لطبيب اسنان ويحط قطن تحت براطمه ههههههههههههه
تصوروا مصاص دماء يطلع على ناصر الاحمد هههههههههههههه احسه بيقول يممممه طلع علي (مزاز ) دماء …. الله يذكر دعايه المزاز بالداخل بالخير هههههههههههههههههههه

صور من الفلم

30

لو ذا قدامي بحط يدي على صلعته وبقول اهجد الله يطامنك بإسمه

30

بالله ما تسنه بيلقط خروف في حوش غنم

30

انا اقول لو جايبين السدحان بشخصيه سعيدان اصرف هذاك المكياج الصدز

30

ما بعد صاد الخروف

30

الله من كبر الخشم بعد
ذي الظاهر ميب تمص الدم ذي تاخذه قطرات بالخشم
بس والله ياهي تشبه واحدن من العيال اذا قام من النوم وتنحى جانبا <== والله يا مالها سنع داري

30

الرجال : باااااع
البنية : يمه روعتاني
الرجال : روعتاني ولا روعتالت

30

قم الله يرحم ضعفك لا يجيك ديسك والله منتب صايدن شي وانت مبوبز


SAW 4

SAW

طبعا الفلم هذا كما تعهدون تخصص اخوي يزييد او تكسي هههههههههههههه بيكتب لكم موضوع وبيعلمكم عاد كم ابره استبدلوها بهالفلم ههههههههههههه <== ياخي قلب بعير ما نسى
الي احب اقوله بخصوص هالفلم
لحد يشوفه الا وهو شايف الاجزاء السابقة كلها
لحد يشوفه ويستظرف ويسوي فاهم لا تفترض شي لا احداث ولا وقت ولا شي وبيجوز لك الفلم
الفلم مريض طبعا وعنيف جدا ودموي جدا ورائع جدا كالعاده
يمكن هالجزء بالنسبة لي احسن من الثاني والثالث لكن الاول يبطي عظم احد يجيبه
وطبعا ما يحتاج اقول شي عن القصه لأني بخرب


Gone Baby Gone

Gone

من اخراج بين افلك
بطولة شقيقة كايسي افلك
مولي مونغان
ايد هاريس
مورغان فريمان

الفلم اروع فلم شفته مؤخرا
 مع اني داخله وحايمه تسبدي لأني منيب مقتنع ان بين افلك يخرج خصوصا انه اول فلم يخرجه
ولا مقتنع بكايسي افلك خير شر
إلا ان الإخراج كان جيد جدا
وكايسي افلك وايد هاريس كانوا قمة في الأداء
الفلم يتكلم عن بنية مخطوفة عمرها 4 سنين الظاهر  في مدينة بوسطن
الشرطة تدور عنها واميمتها راعية مخدرات ميب مهتمه مره
ومرت خال البنية يا حول تبسي وتروح توصي محقق خاص وزميلته انهم يدورون عن البنت
كايسي افلك بدور المحقق الخاص هو وزميلته \خويته يرفضون في البدايه ثم يوافقون بحكم انهم يعرفون ناس في هالحي ممكن يتجاوبون معهم بس موب متجاوبين مع الشرطة
بعد ما قبلوا بهالمهمه يبدون يحسون بضغوط والشرطة حايمتن تسبدهم منه ما يبونه يتلقفوهالقضيه تسبب لهم مشاكل
 ممكن تهدد علاقتهم مع بعض وحياتهم بعد
وعلما اني قلت لكيسي يا رجال الحياة تروح وتجي اهم شي العلاقة <== لا تدققون
الزبدة ان الفلم روعه مدته ساعتين والله ما حسيت فيها
تغير الاحداث كل شوي يخليك منشد مع الفلم مره
وهو من نوعيه فلم ميستيك ريفر

اما الان فمع صور من الفلم

Gone

يا شين البزارين لا كلوا همبرغر ولا سيطروا على الكتشب

Gone

لا والله ما بقى الا هي بزارين يتدخلون بشغلنا

Gone

هاللقطه تحفه فنيه

ركزوا بالبنت الي على اليمين احس انها اخت خليل اسماعيل هههههههههه احس انها عيون طلع لها جسم
تنفع تمثل دور كائن فضائي بدون مكياج ولا هم
اما الجبار عاد الي على اليسار هههههههههههههههههههههههه والله يا عليه شنب تقل دركسون طياره


I am Legend

I

هذا بوستر فلم ويل سميث الجديد
شفت دعايته وخقيييييييييييت
الفلم بينزل في 14 ديسمبر
ترقبوووه ولا ترقت امه ما تفرق معي اهم شي يزود الراتب
هذا وبالله التوفيق

شعارنا لهذا اليوم
ما معيش فلوس كوبايه اديني سفينقة

## بـــــــطـــــارخ ##

مقالات ذات صلة

‫9 تعليقات

  1. حياد > حياوله حي > حي اد > اوله ياخي عجزت قسم بالله 🙁 بطارخ هذي أصعب مصالة مرت علي .. سهّلها شوي تكفى تراني متحمس لها واذا على الافلام يامنتهي ما جاز لي الا اللي بيمسك خروف ههههههههههههههههههههههههههههههههههههههههههههه الموضوع الثاني الله يرضى عليك وانت تكتبه شغل الكام وصور روحك ودي اشوف وش تحس به وانت تكتب الموضوع ووش تسوي ويافويسقة لا تنشر أفلام مرة ثانية (وجه مدري وش جاه )

  2. والله من حفه الدم .. يسلموا على الموضوووع بس ماتلاحظ ان الافلام لها اكثر من شهر ويمكن زياده وهي نازله شايفها خصوصا 30 days of night اكثر من 5 مرااات ؟؟ عمووما مرره ثانيه ثانكس على الموضوووع .. تقبل مرووووري..

  3. لي فتره طايحه بالمسلسلات .. ومغير أحمل فيها .. أبد كل اسبوع تنزل لكم كم حلقه لكم مسلسل .. بس الحين مع هالمشكله الي عندهم .. ابتفرغ للأفلام .. وطبعاً ماعندنا غير الي تمدحه لنا .. انا متحمسه مرررره لـ SAW 4 وبإذن الله مع نسخة DVDrip نحمله الله لا يعوقنا بشر .. بس بصراحه حمستني لفلم بن أفلك … مع أني كنت مثلك .. من قلب مالي خلقه … بس شورتك وهداية الله .. نبي نحملهم ونعطيك راينا فيهم .. وقواااك ربي 🙂

  4. موسعن صدره بشرح لك المصاله بس امسك راسك وتمضمض عشان ما تطرش هههههههههههههههههههههههههههه حياد = ح يااد يعني يا ولد بالمصري 🙁 حيوله = ح يا وله يعني يا ولد بالمصري بعد 🙁 الله يعظم اجركم في موسعن صدره ههههههههههههههههههههههه ===================== ستار مانشستر خفه الدم هذي من الله اخوي وش اسوي ارفس النعمه ؟ هههههههههههههههههههه المهم بالنسبه لتحلطمك بخصوص قدم الافلام فيا عزيزي والله داري ولعلمك الموضوع هذا ارسلته في اليوم الي نزل فيه فلم Gone Baby Gone قبل اكثر من 3 اسابيع ويمكن شهر وارسلت بعده تقرير عن فلم اميريكان غانغستر بس ابو نواف فضل يمرر التقرير الأول وأجل تمرير التقرير الثاني يعني رح هش عليه ولا انا مالي دخل خخخخخخخخ =============== زجاج يعطيك العافيه جعلك ما تتكسر ================== خليجيات المسلسللات يا وخيتي موقفه عشان الكريسمس ولوست الكتاب حقينه مسوين اضراب وشكلهم بيكنسلون المسلسل هالسنه 🙁 عاد تراهم يمثلونه عندنا الحين ههههههه والمحامي حقهم يدرسني بالجامعه <=== المح له ودي يدبر لي دور اسطر فيه بن ولا سوير خخخخخخخخخخخخخخخخخ ==================

  5. السلام عليكم ورحمة الله وبركاته اخي الكريم بطارخ جيد ان تنشر شيء مفيد من الصور المناسبة او الجميلة والتي تستحق التعليق ولكن!!!! نصيحتي لك وللذين يعملون بنفس منوالك في نشر الافلام اقول لك انت مخطئ في حق نفسك لأنك تنشر افلام تحتوي على اغاني وصور قد تكون مخله بالادب او يحدث فيها امور لا تحمد عقبها هذا من جانب ومن جانب اخر قد تكون المسلسلات مفيده بعض الشيء في لفت حدث ما والانتباه اليه لكن غالبا مايطغى عليها الرومانسية وهذه مشكلة …. عزيزي تقبل مني تلك النصيحة واعترفلك انني مقصر ولست بكامل وشرك الله لك ا

  6. بطــارخ اقول منتب صاااااااااحي خخخخخخخخخخخخخخخخخخخخخخخخ يا اني فكيت ضحك الين بطني بيتشقق ياخي عليك محشااااات كاااااااااااااااااااااااااااي من جد هههههههههههههههههههههههههههههههههههههههههههههههههههههههه وبالذات الشنب اللي تقل دركسون طياره هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الله يقطع سواليفك

  7. ماشاء الله عليك أخونا بطارخ عليك خفة دم وسعة صدر وقدرة تعبير قوية ورائعة أسأل الله أن يديم عليك نعمة وتسخرها فيما يرضيه عنك. نصيحتي لك أن تترك الكلام في الأفلام التي لاتخلو من المحضورات الشرعية واعلم أن من شاهدها بسبب موضوعك فعليك من الوزر مثل ماعليه. والواجب على المسلم أن يقف عند حدود الحرام فإن وقع فيه فعليه أن يستر على نفسه ولايجاهر بالمعاصي. أرجو أن تتقبل مني فأنا محب ناصح وشكراً لك

  8. انا ما اعرف سعودي عدل بس اللهجه الي يتكلم فيها الاخ بطارخ تيينن وعسل وشدتني اكثر من الموضوع وشكراااااا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى