رسائل المجموعة

رحلة بنت في شارع 5 داخل أسوار KSU

HTML clipboard

بسم الله الرحمن الرحيم

هلا والله بكل أعضاء شبكة أبو نواف

،،،

اليوم الموضوع وصلني عن طريق الإيميل

وقلت اشارككم فيه خصوصا إن الموضوع متعوب عليه ومرتب ونوعه حلو ويستاهل

إننا نشجع مثل هالمواضيع والشغل الحلو وأتمنى نشوف مثل هالتقارير البسيطة والحلوة دايم

الصراحة الموضوع والصور تستاهل إني أعلق عليها كلام طويل

وأترك الكلام لصاحبة الموضوع والله يوسع صدرها مثل ما وسعت صدري بهالصور

______________________________________________

أنا وحدة أعشق جامعة الملك سعود
فجلست يوووم تأخير لين طلعواا كل البنات وصورتها << يقالك ذكريات
فقلت أحط لكم الصوور عشان تتونسون فيها
:
هذي أول صورة
صورة أشهر شارع بجامعة الملك سعوود (( شارع خمسة ))
شعاره :حش فيني واحش فيك
على طول الشارع تلقون شلل جالسة متحملة الشمس والحر

والزحمة فدى الحش والقز <<< اولهم خخخخخخخخ

وهذا على جمب شارع خمسة
بس هالترم مدري ليه طاح كرته وأغلب البنات صاروا يجلسوون قدام مبنى 24

هذا الطريق تعذيبي اليومي كل يوم كنت أمشي فيه عشان أروح مبناي وترى هالصورة ولا شي مجرد
تعريف بالشارع من طوله ماطلع كله

مبنى 24
مقري بعد شارع خمسة

هذا مبنى 25 مبنى الآداب بسعود

وهذا اللي بالوجه سوق الجامعة
والحوسة اللي قدامه هذي كلها كانت أيام التصليحات << كلها إنشالت

مبنى 19 مبنى اللغات والترجمة
وفيه أعز أعز صديقاتي

هذا مبنى صغير بس فيه الهوايل
لما تطلعون من شارع خمسة وعلى الطريق الللي يودي لـ 25 تلقونه بالطريق

لو تطلون فيه تلقون ضفادع <<< ماخلت شي ماطلت فيه

وهذي الورقة نشوف منها كثير بالجامعة يا على عباية أو جوال وأنواع السب والدعاوي بس هذي ياحليلها
ماشية على سياسة

إذا لك حاجه عند الكلب قل له ياسيدي

هذا باب الحمام تعرفون يوسعون صدورهم لين يخلصون وتجي وحده تكتب سالفه وتجي الثانية ترد عليها
واسهم وتعليقات (( شي صراحه ))

هذي حمامات الجامعة طبعا لازم أمر عليها يوميا لزوم تعديل الشوشة

هذي حفرة عند مبنى 19 عند اللفة بصراحه مكانها خطر
بغيت اطيح فيها وانا مصورتها من قبل <<<< قمة في الفهاوه

هذي قطوة معروفة بالجامعة دايم تجلس بهالمكان وقدام مبنى 12

هذا منظر عجيب
في التأخير عند بوابة 2 يجون العاملات ويصفون شناطهم بالترتيب كل يوم طقوس يومية وأنا رافعين ضغطي لأنهم يصفونها تصفيف وإذا
جت سيارتهم راحوا كلهم ركض وكل وحدة تلقط شنطتها ولا ترتيب ولا شي إلا هجوم على الباب

مدري وش سنع هالصفصفة كل يوم <<< مراقبتهم في كل تاخير

هذا مبنى الحاسب فيه دورات أغلبها أسبوعين بس عندهم دورات حلوة ويعطون شهادات

هذا طريق يجلسون فيه بنات معينات
والجامعه صايرة أحزاب
كل جهة فيها شلل دايم تجلس في نفس المكان زي شارع خمسه و12 و24 مهما تمر من هالأماكن تلقى نفس
الناس معسكرين

اكره مكان عندي
مكتبة الجامعة وهذا الدور الثالث اللي فيه الدراسات والدوريات
الكتب تحت

هذا ثيل المغازل
تلقون فيه بنات متسدحين كل وحدة ماسكة لها شجرة وتكلم أنواع الرومانسية
هذا الزرع و اللي قدامه بس مو كلهم في شلل تجلس تسولف بس تستغرب لو تمر و ماتلقى وحدة
تحت شجرة وماسكة خصلة وخاشة جووووو مغازل

هذا الطريق غوانتناموا سعود
طريق مبنى 4 الي يدرسون فيه من عندهم شبكة يعني ياخذون محاضرات مع دكاترة من شاشة
و اللي عنده شبكة يروح وطي مع هالطريق بعيد ومآآآآرهـ شمس

وفي طريق ثاني بس كل واحد ألعن من الثاني
لأن المبنى آخر الجامعة وحسب بعد مبناك يزيد التعب لأن في مباني في آخر الجامعة من الجهة الثانية

ما يمديكم على الترفيه بسعود
مسوين يوم أكلات شعبية وجايبين خيمة يطبخون فيها ورابطين جمبها جمل
ماتلعب سعود

هذي صورة 25 ولا تقولون وين باقي الصورة
كان حواليه قرابيع وتراب عشان التصليحات فقصيتها
عشان أملح لكم الصورة

//
\\
//
\\


هذي الصور صورتها الترم اللي فات
بس الجامعة ألحين إحلووت أكثر من أول وحطوا فيها أشياء زيادة
مباني جديدة + صالة رياضية + كرة طائرة + ستار بكس
وحركات تعجبكم إن شاء الله قريب
أصورها لكم
تحياتي لكم

:

:

:
وأنا اقول ننتظر الصور الجديدة منك يا إخيتي

والله يعطيك العافية على هالصور والموضوع الحلو
 

مقالات ذات صلة

‫44 تعليقات

  1. شكل ما فيه انسان ولا نبات ولاجماد الا لها معاه قصه ما دري وش فيها حاقد حتى القطوه على قولتها مادري وش سوى ما سلم منها فضحته وصار معروف وبطريفه ثانيه شكلها تخر من نانسي عجرم يعني المفروض جنب الكولا نانسي لا حي حطت القطوه:D:D:D:D:D 😀 😀 :D:D:D:Dوفوق كذا ما يقولو ممنو الجوال ابو كميرا واللي خلاها تصور الجامعه يخليها تصور بنات خلق الله امزززززززززززح لاتزعلين مني مجرد تعليق

  2. يا حليلهم بنات المدراس :$:$:$ على ايامنا كنا ندرس في شقق مفروشه (ايه الي جاب العتبه على الصحراوي؟؟؟)B تسلمات كثيرات

  3. هههههههههههههههههههههههههههههههههه بنااااااااااااات الجامعه غالبيتهم منتهيات عربجه وهباااااااااااااااااااال والله من وحده بكت الدخان معها بالحمامات ههههههههههههه

  4. هذا ثيل المغازل تلقون فيه بنات متسدحين كل وحدة ماسكة لها شجرة وتكلم نواع الرومانسية هذا الزرع و اللي قدامه بس مو كلهم في شلل تجلس تسولف بس تستغرب لو تمر و ماتلقى وحدة تحت شجرة وماسكة خصلة وخاشة جووووو مغازل ياختي اللة يهديك على الصوور انا أدرس في عليشة … بس بينتي الجامعة بشكل سيء وسلبي مفروض تحاولين تنبينين محاسن الجامعة طبعا انا ما اقول على كل الصور بس خربتيها في بعض الصور جزاك اللة خير بس مالة داعي نبين مساوء الجامعة الجامعه مرة متغيرة وقاعدين يحوولون يطورونها

  5. فديتك فيها اشياء كتيره من جامعه عزوز (( الاسم المشور لجامعه الملك عبد العزيز )) كدا مره نفسي اصور بس مو مستغنيه عن جوالي الشؤون مسويين مباحث مايلمحو جوال كاميرا الا سوو مداهمه للبنت تقول جايبه حزام ناسف هههههههههههه عموما يعطيكي العافيه

  6. يركدون باشا الله يعطيك الف الف عافيه .. فعلا ماكنت انا متصور جامعة البنات كذ1 من جوا .. كنت اتخيلها بس مباني وصكصكة شبابيك وحوسه 🙂 وارحمهم دايم الله يعطيك الف عافيه استاذي وفي انتظار جديدك دائمآ .. سجل اعجابي في مواضيعك وفي هالموضوع ايضاً 🙂

  7. جامعة ودراسة و تعب و قومة كل يوم وبالاخير الاملاء ميححححححح لوووووووووول واله فشلةB

  8. رااااااااااااااااااااااااااااااااااااائع , هذي جامعة الملز حقت اللي يدرسون قبل بالملك سعود , الصراحة خطوة رائعه رائعة في توثيق هالامكنه !!!! بس صج شسالفة البعير تخيلوا دكاترنا درسوا بهالاماكن تقديري أخوكم / علي 🙂 http://www.rainsong.ws

  9. يااااي الموضوع حلو 8) ان شاء الله ادخل هذي الجامعه بالنسبه الحلوه 😀 يالله ما بقى الا كم شهر وادخلها بس مسوين فيها تعديلات وتغير كبير عن اول يعطيك العافيه على الموضوع

  10. انا بسراحة اشكرك على التقاطك لهذة الصور واتمنى ان الجميع ان يدعم مواضيعة بالصور خصوصن اذا كان الموضوع يتعلق بسلبيات او اخطاء تشاهد بالعين وبهذا يتبين لنا ان مهنة التصوير اوهواية التصوير من المهن او الهوايات السامية اذا احسن استخدامها الشخص بقضاياء تخدم المجتمع لأن تساهم في تجلي الحقيقة

  11. وـــآلله صرــآحه الجـآمعة قديمة انــآ طبعــأ من جامعة الملك سعود السنة التحضيرية طبعــأ المبنى حقنــآ لحـآله أطلق من جامعتكم في عليشه هع هوٍع 😀

  12. الأخطاء الاملائية متعبة بشكل !!! نكست تايم يو هاف تو كوريكت يور سبيلنق مستيكس .. وين صورة مبنى 26 😀 زعلتيني صراحة.

  13. الطفل الذي في صف ثالث ابتدائي يعرف يكتب احسن اخطاء إملائيه لاتعد ولاتحصى وقالوا شو ، جامعيين !!!!!!!!!

  14. تهئ تهئ قلبتي المواجع اطلق شي مبنانا اللي هو 19 هع يختي ارحمني اذا شفته احس انه في يوم من الايام بيطيح على خشتي مشكوووووره مره على التصوير الخاقوقي عاجبتني الزوايا اللي لاقطه منها الصور خصوصا مبنانا زينتيه والله هههههه وسلميلي على صاحبتك اللي في مبناي اهم شي انك قاعده لحد ماطلعو البنات ياحبي لك والله بس لو انك منتبهه للسبلينج علشان مايقبون فيك هاللي فوق كلهم B

  15. والله ياهي تفتح النفسسسسسسس بعددددد احنإآ عندنآ مافيه شي يفتح النفس الا محل د,كيف بالزاويه بعد ومبسوطين خخخخخخخخخخخخ <- كليه الادآب

  16. ماشاءالله الله يعز حكومتنة الرشيدة على الاهتمام والتطور العظيم هدا عهدنا بعيال عبدالعزيز اللهم نور بصيرتهم لما فيه خير للعبادو البلاد قولو امين

  17. كح كح مــآ لآحضتوا ان حرف آلآلف طــآيحن كرته مع هالبنت خخخخخخخخخخخخخخخخخخخخ ^_^ بس صراحه رووعه الجامعه …..

  18. ياليت الجهود هذي تثمر في المجتمع مع اني احس انها اقل من متواضعه والله يحفظ بناتنا ويسترهم ويهديهم قولو امين واعذروني على التعليق لو كان قاسي لكن لازم نعرف الأخطاء لكي نصححها ودمتم

  19. هل من مزيد التعارفمن ارض نجد وارض عومانودول الخليج وانا من الاردن /بلاد العرب اوطاني من الشامي الى يمننو من مصر فتطواني المنظر الخلابة والبحارالجميلة والسهول الواسعة ونزودثقافتنا ونوحد كلمتنا اخيان عومان لها حظارة عريقة واليمن كذالك اقدم البلدان في العالم ومنها اصول العرب وكثرها اثارات في العصر الحجري والعصور الوصطى وكذالك في العصر الحديث ان هاذة المناذر الخلابة اثارت في نفسي الدهشة وجزاك اللة عنى كل خير

  20. :$:$:$ والله حركات مرة حلوة جامعتكم والله جامعة طيبه مغبرة و صغيرة الله يرزق بنات المدينة بشوية تطور :(:(:(:(:( اما الاملاء حاجة ثانيه الله يهديكِ قال ايش قال جامعية قال 8)8)8)8)8)

  21. صور رووووعة الصراحة مطلعة الجامعة تجنن شكيت إنها جامعتنا..8) طبعاً الصور للمباني الكشخة ترى يعني لو مصورة مبنى 5 أو 4 كان علوم.. بس تظل جامعتنا شامخة..<<B وبعدين جوالات الكاميرا موب ممنوعة عندنا أبداً يا إما ثقة فينا أو ملوا من كثر ما يجمعون جوالات البنات.. ولا فيه ضرر لا تصوير بنات ولا شي..:D

  22. هلا فيكم كل أبو أبوووكم أعتذر منكم بقوووة وآسف على الخطأ اللي كان موجود لكن وش أسوي زلة بسيطة وإن شاء الله ما تتكرر وأعتذر لصاحبة الموضوع الأصلي لأني كنت أكتب الرسالة بشكل سريع أتمنى منكم تتقبلون أسفي واعتذاري وإن شاء الله أحاول أرد عليكم بشكل أحسن يا حبايب قلبي

  23. ممتازة الصور بس اتمنى ان تشوفي شي احسن تنفعى فيه نفسك من هاتصوير ولكن التصوير ممتاز جدااااا استخدمي القدره التى عندك في التصميم للدعوه لله في الكلية الله يبارك فيك ويوفقك ااااامين

  24. yarkdon@msn.com الله يرجك حسبت هذا ايميلها طلع ايميلك يالتمساح جيب لي ايميلها عشان ابهديها كاميرا ديجتال عشان الصور مو واضحه

  25. :oاقووووووووووووووووووووول احمدوا ربكم صحيح عليكم قلت عقل الناس تروويكم الصور وانتوا طايحين فيها تعليقات ماهي حلووه صحيح انكم ماتنعطوون وجه من شباب وبنات……قوولوا لها الله يعطيكي العافيه ايشبكم عليها كدا هابين بوجهها B الله يعطيكي العافيه يارب وتسلم لي ايدينك:D

  26. تسلم يدينك ع هالصور صراحه شي 🙂 …. بس صادقه مشكلتنا المشاوير من مبنى لمبنى خاصه مبنى 4 ومعامل التربيه اللي جنبه …:(

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى