رسائل المجموعة

ثيمك على كيفك ، دورة تصميم ثيمات الجيل الثالث للمبتدئين (الدرس الأول)

بسم الله الرحمن الرحيم
اللهم لا علم لنا الا ما علمتنا انت العليم الحكيم
السلام عليكم ورحمة الله وبركاته
كيف حال الجميع ان شاء الله بخير
قبل فترة حملت برنامج لتصميم ثيمات الجيل الثالث وكنت جاهل جدا فيه لكن الحمدلله حاولت من هنا ومن هنا لين حصلنا ما يخارجنا في هذا الموضوع
ومن هذا المنبر اتقدم بالشكر لجميع الاعضاء الي راسلوني واعتذر للجميع انني لا اشارك في المنتديات وقليل تواجدي فيها
لكي لا ياخذ احد من المرسلين شيء بنفسه واني والله اتشرف بان اكون احد اعضائكم ولكن اعذروني فطاقاتي ليست بالكاملة
بسم الله

البرنامج اسمه Carbide.ui Theme Edition 3.2
البرنامج على خبرتي مختص بتصميم واعداد الثيمات
والاكيد انه يدعم ثيمات الجوالات للجيل الثالث
واظن الثاني بعد
لكن دروسنا عن كيفية تصميم ثيمات للجوالات الجيل الثالث
طبعا يجب عليك على الاقل معرفة برنامج الفوتوشوب ولو قليل
لتحميل البرنامج منهــنــا


حجم البرنامج 141 ميغا بايت والبرنامج مقدم من شركة نوكيا ومجاني
لكن يحتاج تسجيل بسيط
وللامانه فان طريقة التسجيل منقولة كاااملة
لاني لا استطيع حذف البرنامج وتنصيبه واعادت التسجيل وو الخ
فنقلت لكم طريقة التسجيل كما يلي
بعد تثبيت البرنامج قم باعادة التشغيل وبعد ذلك افتح البرنامج

الآن ننقر على create theme

الآن ننتقل الى شرحي

بعد ما نقرنا على create theme
بيطلع لنا مربع حوار اختار مثل الصوره التاليه

بحيث تختار اسم الثيم الي بتسويه ونظام الثيم
المهم
اول شي لازم نعرفه ان الثيمات تنقسم الى ثلاث اقسام
اول قسم ثيمات الطول كالتالي

وثيمات العرض كالتالي

وثيمات سميتها اثنين في واحد يعني الجهاز الي مركب الثيم عليه يشغل الثيم بالطريقتين الطوليه والعرضية
اول شي نقوم بصنع خلفية للثيم وخلفية للقائمة
ونقوم بتشغيل الفوتوشوب وننقر على new ونختار المقاس الي يعجبك للثيم
على حسب الثيم الي بتسويه طولي او عرضي وا مزدوج
بالنسبة لمقاس الثيم الطولي هو كالتالي :

ومقاس الثيم العرضي:

اما مقاس الثيم الي يشتغل بطريقة العرض والطول في آن واحد فهو الموضوع الحصري في دورتنا
وهو كالتالي

نراجع مع بعض
مقاس الثيم الطولي: 240*320
مقاس الثيم العرضي: 320*240
اما مقاس الثيم الي يشتغل بالطريقتين هو : 320*320
بعدما تفتح العمل الجديد صمم اي تصميم يعجبك
وحنا بنصمم ثيم يشتغل بالطريقتين
فباشتغل على 320 في 320
قبل لا نصمم عندي هدية لكم بتساعدكم جدا في ضبط التصميم على الفوتوشوب
ودك تصمم ثيم بس خايف مثلا الكلام يغطي عليه شريط الوصول السريع بواجهة الثيم
سويت لكم رسم هندسي لمكان وضع الكلام او الصور بالتصميم
عشان لا تطلع عن المكان المناسب فتخربها الساعة او شريط الوصول السريع الي بواجهة الثيم
زي كذا يعني

فيه ناس تخلي الشريط وفيه ناس لا
فانا سويت لكم حركة حصرية وتساعدكم وتسهل عليكم التصميم بكل حرية
يعني ودك تسوي ثيم وانت تستخدم الشريط لكن خايف الشريط يخرب عليك
وبعدين قلت باسوي ثيم بدون الشريط
حمل الصور التاليه جميعها واحفظ اساميه
طول بالشريط

طول بدون الشريط

عرض بالشريط

عرض بدون الشريط

مزدوج بالشريط

مزدوج بدون الشريط

البعض يقول وش هالخطوط وهالمربع
انا اقولك يا حبيبي
اللحين ودك تسوي ثيم بالطول
وفكيت عمل جديد وبديت تسوي ثيم وانت انسان تستخدم شريط الوصول السريع الي يجي بالواجهه للثيم
تبي (تحبك الثيم) يعني تضبطه زيين
اضف الصورة الي اسمها الطول بالشريط وانتبه للخطوط الرماديه للطول والعرض خليها مضبوطه يعني لا تكون نازله او من هالقبيل
وصمم الخلفية وكل شي
لكن الصور والكلام لا تخرجها ابدا عن الخط الاحمر
مثال:

الصوره الي مضت كما رايتم فقط اخترت لون الخلفية وهو تدرج اللون
وبعدين اضفنا الصوره الي اسمها طول بالشريط الي سبق وطرحته
وركبتها زين بحيث خليتها على الخلفيه
الآن اصمم على راحتي واكتب الي تبي داااخل المربع بحيث اذا دخلتها البرنامج ما يغطي على الكلام الشريط او شي ويكون الثيم مرتتتب
بعدين صمم الي تبي داخل المربع كما يلي

لو تلاحظون كل شي داخل المربع الاحمر ما عدا الفرشتين الي طالعه عادي اهم شي يكون مضمون وزبدة التصميم دااخل المربع
هذي فايدة الصور
والصور الي اسمها الطول بدون او العرض بدون او المزدوج بدون هي للثيمات الي انت بتسويها بدون الشريط يعني ما همك يغطي الشريط او لا
الي تعبتني هي المزدوجه
فتخيل انك تبي تسوي تصميم مزدوج عرض وطول وبدون ان يغطي عليها الشريط
لكن قدرت لها والحمدلله وهي الي اسمها المزدوج بالشريط وبدون
هذي هي فائدة الصور الي طرحتها
المهم نرجع للتصميم فانا باسوي تصميم مزدوج
نفتح كما قلنا عمل جديد بالفوتوشوب مقاس 320 في 320
ونبدا نصمم الواااجهه مع مراعات مكان شريط الوصول السريع

وبعد ما اخلص اشيل التخطيط المساعد

هذي هي واجهة الثيم جاهزة الآن نحفظها بصيغة jpg
يبقى لنا واجهة القائمة
ما علينا سوا اضافة لير جديد وجعله فوق وملئه باللون الي يعجبك وتخفيض الشفافيه للنصف لتصبح هكذ

الآن نحفظها بصيغة jpg
ونرجع لبرنامجنا طبعا هذي هي صورة البرنامج كله

انقر على الرابط عشان لا نسوي زحمة بالدرس

لو نلاحظ يا اخوان شريط الادوات

نشوف فيه هذا الخيار

هذي طال عمركم الي له خبره ببرامج الجوال يعرفها
الي هي fp1 و fp2 طبعا هذي انظمة جوال
خلها مثل ما هي لا تغيرها اللحين
نغيرها لاحقا للمساعده في تنسيق الثيم
اهم شي نعرف ان هذي المهمه في الموضوع

اما الاولى ما علينا فيها لانها للجيل الثاني فلا تعطيها وجه ابدا
ولو تبي تغير مثلا طريقة عرض الثيم تخليه مثلا بالعرض من نفس الشريط نحصل هالايقونة

تنقر عليها يطلع لك

اخر وحده الي جنبها v2 كذلك لا تعطيها وجه لانها للجيل الثاني
وهذي كما قلنا طريفة تغيير طريقة العرض
شف يسار واجهة الثيم بتحصل هالخيارات الكثيره وترجمتها لكم هذي اهم مافي البرنامج

الآن يبدا الجد انقر على تعديل خلفية الثيم الي ترجمتها فوق

وبيطلع لك كذا

اضغط على الخلفية الرئيسية ثاني وحده
ونروح ننسخ الخلفية الرئيسيه

عادي انسخها مثل اي نسخ بزر الفاره الايمن واختار نسخ
وارجع للبرنامج
على طول تحت صورة الثيم بتحصل مربع
عريض مثل ما هو موضح امامكم

لو تلاحظون فيه ايقونه ملف وعليها ورقة محددها لكم باللون الاحمر اضغط عليها وبيلصق الخلفيه الي نسخناها على طول لكنها بيضغطها البرنامج ويخربها
ما علينا سوا ان نختار التالي من تحت تحصل هالخيار انقر عليه

بعدين بتشوفها تعدلت وضبطت
نرجع ليسار صفحة البرنامج ونختار خلفية القائمة الي هي اول وحده

ونفس الطريقة نروح ننسخ خلفية القائمة

ونرجع للبرنامج ونلصقها مثل ما سوينا اول بالضبط
بعد ذلك نغير طريقة عرض الثيم ونخليه بالعرض

من هالايقونة

اول ما تغيره بتنضغط الصوره
نرجع مره ثانيه نغير هالخيار ونخليه مثل ماهو موضح

طبعا اذا انت بتسوي ثيم طولي او عرضي ما يحتاج تسوي هالطريقة
بس صمم على المقاس والصقها فقط
لكن لاني انا باسوي ثيم يشتغل بالطريقتين
اللحين اضغط ctrl + S واحفظ العمل بالتعديلات الجديده
وانتضروني ان شاء لله قريبا مع الدرس الثاني
اي اسئله استفسارات انا حاضر للجميع
ملاحظه يا اخواني وخواتي
ما يحتاج انبهكم انتم اعقل مني
الصور الي مالها داعي مالها داعي
فحرام الواحد يكون مبدع ويخرج ابداعه في شي يرجع له بالسوء
فانا ابرئ نفسي امام الله اولا وامامكم ثانيا من الناس الي تتعلم وتروح تحط صور ماصخه فاضحه وتنشرها
والله لا يبارك في الي يستخدمها لغضب الله
لا تنسوني من دعواتكم الصالحة
جميع الحقوق محفوظه

أخوكم عبدالله الكبيري
رعش قلبي
خيركم خيركم لأهله

 

مقالات ذات صلة

‫15 تعليقات

  1. والله مشكووور اخوووي على الشرح المفصل .. بس انا عندي البرنامج من زمان والحين انتهت مدته التجريبية ..طريقة عمل المفتاح ما نفعت معي..لانة يطلع على طول مربع التسجيل وما اقدر اسوي شي في البرنامج واذا قفلتة يتقفل البرنامج معة 🙁 وسجلت في منتدى نوكيا عن طريق البرنامج..وما ارسلووو رقم تسجيل.. وش الدبره الحين …:(:(:(

  2. وعليــــكم السلام..~ قسسسمن شي شي الموضوووع الله يوفقـــــــــــك ويرزقك الجنة..~ قليل نلقى شرح مثل تسسذآ شرح اووكـــة ويبي لي امخمخ عليــــــــــــه..~:) لاعدمــــنـــآك ولاعدمنـآ ابداعك..~

  3. اهلا وسهلا اخواني اخت ايسا جربي واحذفي البرنامج وركبيه مره اخرى وان شاء الله يمشي معاك وانصحك انك تسجلين بمنتدى نوكيا وتاكدي من الايميل لانه بيرسل لك المعلومات على الايميل وبيصير كامل التسجيل والكامل وجه الله

  4. والله يا اخوان ما ادري هل تتركب للسوني اريكسون او لا لان واجهة البرنامج توحي ان الثيم فقط للنوكيا بس انتم جربوا حملو ثيم شبكة ابو نواف انا نزلته قبل هالرسالة
    واشكر الجميع

  5. يعطيك العافيه الثيم مرررره يهبل بس صانع الثيمات هو لكل انواع الجوالات ولا شلون ؟؟ نبي لسوني ولنوكيا وشكرا لك

  6. الله يعطيك ألف ألف عافية من زمان البرنامج عندي والحين فعلت وسويت الخلفيات وكله تمااام وشرحك رااااائع وجميل وسهل وواضح انتظر الدرس الجديد بفارغ الصبر وفقك الله

  7. الله يسعدك ابو عابد والله شرح رايق واسلوب اروق لاعدمناك والله يجزاك الف خير . خالص التحايا

  8. يعطيك العافيه يا خويه .. شرحك فنان و مفصل .. يعني مافيه مجال تخلي الواحد ينجبر يجرب 😮

  9. الله يعافيكم ويسلمكم الدروس الباقية بعد الاختبارات عشان الجميع يستفيد وما نشغلكم

  10. انا برضو سجلت في الموقع ومارسلوا لي السريال نمبر 🙁 .. وش اسوي 🙁 ومرا شكرررررررررن على الشرح الوافي اخ عبدالله ممكن استئذنك في حاجه .. انا حبيت البرنامج وحاسه بستفيد و ودي افيد غيري ممكن انقل البرنامج لاصدقائي لكن بشرحي =) ؟

  11. اخوي شكراااااااا وربي قليلة بحقكــ .. الله يوفقك ويسعدكــ ويحقق لك كل أمااانيكــ ياااااااارب .. ويعطيكــ 1000 عافيه ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى