رسائل المجموعة

تقرير مصور : مولات دبي

السلام عليكم ..
يالله حيهم وأبقهم ../..
كيفكم ؟! ان شاء الله بخير وبنعمه وبعافيه !/
مثل ما أنتم شايفين العنوان .. { مولات دبي } طبعاً حبيت اخبركم
ان هذي المولات مو كل مولات دبي .. وحتى الصور عنها موب عن كل ما فيها !
لكن الزبده فيها ../..
يعني الي بتشوفونه شي من شيات بوجهة نظري ../..
وش تبون نبدا به ؟! / دبي مول ؟! /
ميركاتو ؟! / تآمرون امر واللهي ../..

/

/

طبعاً مريكاتو .. الي يقع بي منطقة الجميرا
مكان جداً رايق وهو طبعاً سعينون ../.. بس تصميمه وديكوراته
شي ثاني ../.. يعني تروحون .. تاخذون لفه فيه وتتغدون فيه .. جداً ما ينتفوت ../..
طبعاً صمم المول على الطريقة الأوربيه وهو اول مركز اعتمد على التصميم الأوربي
على الصعيد الشرق اوسطي ../.. ايضاً يمتاز بتعدد اللوانه المميزه /
ويقام فيه العديد من المعارض وهذاك الوقت الي كنت فيه كان فيه معرض فوتوغرافي
ومعرض عن التوحد لأن هذاك الأسبوع كان أسبوع التوحد /
طبعاً يمتاز بسقفه الزجاجي الي يفتح النفس ../..

/

ودكيوراته .. الخرافيه ../..

/

/

ادوخ على هالمنظر انا ../..

/

/

طبعاً الي بالنص .. جلسات تابعه لستار بكس ../.. جداً رايقة

/

نسيت اقولكم .. المطاعم في الدور الثاني .. فيه مجموعه من طقة ماك وهارديز الخ الخ /
وفيه ايضاً مطعم .. بآول ../..

/

هنا وحنا طالعين منه .. ويوضح مواقفة السعيونونه /
مدام اننا في البداية .. بتكلم لكم عن { مول أبن بطوطه /}

/

/

بصراحة اطللق شي للي مثلي يحب التصوير وكذا ../..<<<هذا الي هامك
طبعاً كلنا نعرف ابن بطوطه .. وانها راعي خطوط ../.. وكذا
طبعاً يعتبر ابن بطوطه المول الأكبر من نوعه في العالم ويضم
خمس دول .. زارها ..الصين والهند وبلاد فارس وتونس ومصر

وكلها مقسمه مثلاً تبي المطاعم تلقاها في تونس الخضراء /
تبي عطورات واشياء عصرية تلقاها في الهند وبلاد فارس .. الخ عاد /

طبعاً فيه مجموعه مهب سهله من الماركات العالميه منها .. :
دبنهامز- ونايك – وبيير كارديان- وريفر آيلاند – وصان أند ساند سبورت
وفتنيس فيرست – و- باريس غاليري – و- لاكوست-
و- جيان- وريفر آيلاند – و صان أند ساند سبورت والي فيه مثل هالماركات
اكيد بنلقى باقي الماركات الي منتشره بكل محل ../.. يعني كلشي /

طبعاً هو المول الوحيد الي رحت له مرتين من حلاته /
فيه سينما .. انما ايه على مستوى !/
وفي مطاعم .. حلووه .. ما اذكرها بالضبط ولكن الي تغدينا فيه ..

نشوف مع بعض .. صور خفيفة على قلوبكم لهذا المول /

/

تغدينا في .. توني ريماس .. وبعدها بدت الجولة ../..

/

هذي السفينه حقت ابن بطوطه /

/

وفيه دمى عندهم للي يبي يصور معهم ومع السفينه /

/

هذي السفينه وجنبها نافورة جماليه ./..

/

/

/

هذي الهند ويوضح فيها بعد .. احد الجاليه قصدي الجنسية الهنديه المسيطره في دبي /

/

وطبعاً فيه شروحات وسرد لسيرته ووش سوى وكذا ويوم يتوهق في نيودلهي وينحاش /

/

بلاد فارس والبس العربي وكذا /

/

هذي مصر أوم الدنيا /

/

قبة ولا اروع ../..

/

/ لا يفوتكم هالكافيه /

/

الهند ../..

/

/

/

هذي الهند وفيلهم ../..

/

طبعاً كلشي مثل ما قلت لكم .. مسرود بتاريخه وشرح عنه وموضح بكل محل !

/

هنا الصين العظيمه /

/

شغل مأنتك ../..

/

قبب على مستوى /

/

باقي تونس ما شفتوها لكن اغلب صورها مشفره ويمكن فيه منها بس تنحت/
بعد أبن بطوطه البطل / والصور الكثيره الي له .. بناخذ بريك مع !

/

هذا المول .. حلو للي بيلقط له كم قطعه شايفها غالية عندنا .. بيلقاها هناك
بأسعار معقوله وكذا /
مثلاً انا شفت جنز في ديزل عندنا .. بــ 1800 اخذته من هناك بــ 600 /
والله فرق /

هالمول طبعاً جديد .. لدرجة فيه ناس كثير ما يدرون عنه
قصدي ما يدرون ان في دبي منه . طبعاً هو مرره بعيد عن دبي وهو على طريق العين
طبعاً سئلت ليش هو بعيد كذا .. قالو لي .. هذا من ضمن خطة محمد بن راشد التوسعيه /
بأنهم يستثمرون المناطق البرية ويبعدون عن البحر وكذا /

/

واضح انه في بر ../..

/

/

تو المول طبعاً جديد .. ووزعو علينا إستبيان عن أرائكم وكذا .. فيه حركه حلوه
في نصفة .. مكان مخصص للأطفال فيه شاشة ويعرضون لهم افلام كرتون
ليتهم يسونها عندنا .. ويفكون عوائلنا من البزراين اذا راحو الأسواق
ومنها ما يخلونهم في البيوت لحالهم !/
فيه مطاعم حلوه ومنها {حاتم } وهو تقريباً لسى ما اكتمل عشان اقدر اتكلم عنه /

نشوف مع بعض هالمول العظيم / ..

/

/

طبعاً هالمول .. عالمي .. بس غطى عليه دبي مول ../..
ويقولون انه أول مجمع ألعاب ثلجية في الشرق الأوسط .. ويشتهر بمسمى سكاي دبي ../..

ووطبعاً موقعه الضخم يطل على شارع الشيخ زايد.. طبعاً فيه أحدث أسواق الترفيه .. والمتعة
والتسوق .. و صالة الألعاب الثلجية تعتبر من اكبر الصالات وفيها منحدرا للتزلج على
الثلوج أكبر من أي مشروع مشابه في الولايات المتحدة أو أوروبا بطول ٣٢٠ مترا، وانحدار ٧٠ مترا ../..
طبعاً للأسف ما صورت لكم لأني دخلت ولا عاد طلعت منها من حلاوتها /

/

الصور للأمانه من موقعهم !/

/

/

/

هنا قمة البروده ../..

/

/

/

حتى الأطفال لهم نصيب من هالمدينه الثلجيه ../..

/
^^
كاني موب واهم ان هالصورة في مول الأمارات واذا غلط فهي في دبي مول /

/

اعجبوني وطخ صورة لهم ./.

طبعاً فيه صالات السينما الضخمه ../.. ودور المطاعم العالمي ../..
فيه كل شي تشتهيه ../.. يعني مول كامل والكامل وجهه
ما صورت كثير فيه .. لأننا دخلنا سينما وراح الوقت ../..

/

لالا اكيد هذا مول الأمارات ../../

/

^^
هذا الي هامني بس ../../

نجي الحين للنيو ../.. الإماراتي ../..

/

وش اقول ووش اخلي .. اقول متعة التسوق حسيتها من دخلته ؟!
او الفرجه العالميه شفتها فيه ؟!/

كلام كثير عن هالمول ولاحظو انه لسى ما اكتمل برضو ../..

/

أفتتح هذا المول .. على يد سمو الشيخ محمد بن راشد /

/

ويعتبر هذا المول من ضمن اكبر الأسواق في العالم /
وجنبه اطول برج في العالم <<<يقولونه ونا مدري /

ويشتمل مهرجان دبي مول على الكثير من البرامج الترفيهية ومنها عروض الخفة والألعاب
السحرية، ويمكن للجميع الإستمتاع بقضاء أوقات رائعة في دبي أكواريوم وحديقة الحيوانات
المائية وحلبة دبي للتزلج على الجليد، إضافة إلى مراقبة أعمال اختبار دبي فاونتن،
أطول نوافير العرض المائية والضوئية والموسيقية في العالم،
في بحيرة برج دبي بالقرب من دبي مول.
وبعرضها لكم بالتفصيل ../..

طبعاً الجذاب هو النافورة الراقصة الي افتتحت مع إفتتاح المول

/

تلقون الكلام والصور عن هالنافورة بشكل مطول على هالرابط ../..
اضغـــط هنـــا

طبعاً حوض الأسماك يعتبر اكبر حوض في العالم
<<<ما تلاحظون ان كلشي عندهم اكبر واحسن وافضل ومن ضمن !!
وش زودنا عنهم …. ااه بس .. بس السبب تدرون وش
اذا نبي نزيهم لازم نفتح المجال مثلهم !

المهم ما دخلتها هالمره بس هذي صور منها
/

/

/

/

/

/

/

طبعاً فيه شلال يمر بجميع ادواره .. جداً منظره خرافي /

/

/

/

اما صالة التزلج .. الي بصراحة يكفيني اني اتفرج وانبسط /
تشوفون الناس الي يتعلم وتضحك عليه والي فنان .. وتنبهر من فنونه التزلجيه /
طبعاً في مدربين بعد يعلمونك كيف تتزلج !/

/

/

/

جداً مول عالمي /

/

بالنسبة للماركات والمحلات الموجوده فيه .. مراح اذكرها لكم

لكن بكتفي بكلمه كل ما تتخيله بتلاقاه لدرجه ان فيه ماركات اول مره تفتح في الشرق الأوسط
في هذا المول العالمي /

/

/

/

/

هالصورة تابعه لهذا المول .. وعلى فكرة المول جنبه ..
مجموعة من الكفيات المطله على البحيره!/

/

طبعاً برضو فيه هنا مثل .. دبي آوت لت .. مكان للأطفال
والصورة ابلغ من الكلام ../..

/

أخيراً وصلنا لــ

/

طبعاً هو فرجة اكثر من اننا كسياح نشتري ../..
لأنه فيه كلشي وبالجمله ومن المنبع ../.. لدرجه اننا نشوف برى في المواقف
انواع التريلات والسيارات الكبيره جاهزه للتحميل
كلشي في بالك وصيني موجود هنا حتى المطاعم الي فيه صينيه /<<صينيه ولا بريق/برا

مثل
عدد .. اثاث منازل .. مواطير .. ملابس .. مكائن كلشي تتخيلونه ../

/

/

آكلنا اكل صيني وشوك ومدري وايش عليهم اسماء للأكلات .. سلامات /
موب شين اكلهم ابد / بس من يعرف يطلب ؟!

/

جازلتي وحلينا منها /

/

طبعاً هو مرره مول ضخم وطوويل .. لدرجة انك تحدد وين تبي تروح قبل لا تدخل
عشان تروح مع بوابته ../..

/

^^
هذا شكلي الحين يوم قربت اخلص ../.. يعني من التعب وكذا !/


اخيراً اتمنى اني وفقت في هالموضوع
وكنت شخصية خفيفة على قلوبكم ../.. بتعليقي وتصويري ../..
وقدرت اجمع معلوماتي عن هالمولات .. ولو انها بسيطه بس ولو تحملوني ../..
شكراً لكم على متابعتكم .. ومراح يكتمل هالمجهود ..الا بحضوركم الرائع
وردودكم الي تبرد التسبد ../..
/

مقالات ذات صلة

‫63 تعليقات

  1. تقرير جميل جدا بصراحه انت بديت بشي حلوو الله يجعل ايامك كلها حلوووه مثل تقريرك مجمع مريكاتو رحت له ع صغره الا نه تحفه معماريه تصميمه جذاب وفريد من نوعه اما بنسبه لمجمع دبي مول جدا جدا رهيب الله يعطيك العاااااااااافيه

  2. بصراحه اتحفتنا بالموضوع وبالصور مره حلو ماشالله اعطاهم الدنيا وانشالله ربنا يكتبلنا الاجمل والاعظم في الجنه انشالله لاني يصراحه متاثره جدا بما سيجازينا الله به من حدائق واعناب وارائك فمشكووووووووور

  3. ياسلام عليك يا برهوم ابدعت بصراحة وانا اقول وين هوبه اثرك في ذاك بصراحة موضوعك تحفه استمتعت وانا اشاهد الصور واستفدت من المعلومات وضحكت من التعليقات << ماخليت شي:$ الله يعطيك العافية وتحياتي لك << لاتقطع:(

  4. شكرا لك يابطل واسلوبك حلو تصويرك رائع وشاكرين لك هالمجهود تقبل مروري وشكرا

  5. صراحة دبي مررررررررررره حلوة وزادت عندي حلاوة وشوق للروحة لها من تصويرك ياأخ إبراهيم الله يسعدك

  6. اشكرك … على الموضوع الاكثر من رائع والي راح يستفيد منه الكثير وكذلك ابدع بسردك وتصويرك الجميل والرائع بس بصرااااحه نافوره دبي موووووول بلحاله صراحه تحياتي

  7. ابداااااااااااااااااااع ما شاءالله عليك اجل لفلفت كل ابو المولات 8) اجل واصلين لأبو تنين خخخخخخ يسلموووز هيمو تحياتي الفولاذية

  8. اشكرك على نشر المعلومات .. عسا الله يوفق واروح لها نهاية هالشهر واصور احسن من صورك 8)

  9. موضوع رائع وتصوير رائع بصراحه انا احب مول أبن بطوطه 8) تسلم لاعدمناك

  10. ماقصرت كفيت ووفيت ربي يعطيك الف الف عافيه ماقصرت صراحه تقرير وصور رائع شي خرافي دبي من جد ربي يلبس عليك لباس الصحه والعافيه ونشوووف تقاريرك اللي تبرد القلب كن دوماً بالقرب2

  11. الصررراحه تقرير مرره حلو ومرتب وصورك شي .. وماشاء الله كل المولات تكلمت عنها تسلم ايدينك الصراحه مرره فادنا 🙂

  12. يا لبي قلبك يا غالي تسلم على هالمجهود العظيم والله صور جوناااان <<< يعني جناان << تحسبه غبي:D تقبل مروري واحترامي لك يا غالي اخوكـ : مجوووودي

  13. .. دبي داااااار الحي اتروح لها شايب وترجع منها صبي 😀 .. : .. تقرير وصور راائعهـ ،، ان شاء الله استانستو في هالجوله الحلوه ،، بس مارحت للفيستفال مول ؟ تر ى هالمول بعد حلو :$ .. .. عموما دبي كلها ع بعضها حلوه *.* ,, حيا الله اليميع .. ^_^

  14. بصراحة ابدعت بتصويرك وتعليقاتك على مدينتتي الجميلة بكل معنى الكلمة بعد في أماكن واااااااايد حلوة ما ذكرتها.. لازم ترجع الامارات تاخذ لك لفة مرة ثانية.. بعد في أماكن قمة في الجمال في باقس مدن الامارات في أبوظبي والشارقة وغيرها وغيرها جزاك الله خير على مجهودك الطيب

  15. شيء رائع جدا ودبي مدينة رائعة وكل إنسان يحب يجي ويزور هده المدينة السياحية الرائعة جدا جدا والله لويحصلي الشرف وأزورها حتكون أجمل شيء في حياتي وأشكرك أخي على هدا الموضوع وأسلام عليكم ورحمة الله وبركاته والله يوفقكم في عملكم وشكرا

  16. صراحه الصور روعه تجنن كلش ولا حق ابن بطوطه وسكاي دبي انا اموت بالثلج ولا الاروع النافوره الراقصه نفسي اسالهم كيف فكرو فيها وسوها كذا ابداع مشكور يا خوي على الموضوع الرائع وانشالله نشوف الاشياء الحلوة اكثر :$:D

  17. مشككور جداجداجدا أخوي أبراهيم على هالتقرير الحلو…. وطرحته في الوقت المناسب :$

  18. ايه هذي الرسايل والا بلاااااش الله مير يجزاك خير تسانك مشيتنا بدبي واحنا ببيوتنا 😀

  19. الله يعطيك العافيه الصراحه احسب ابن بطوطه افضل شي الصراحه خيال :)عقبال ماروحه قريب

  20. من اروع التقارير الي شفها في حياااتي وايضا التعليق كان جدا حلوووووووو يارب ازووور دولة الامارات الشقيقة جد تشوقت حييييل اني اجيها كل الشكر لصاحب هالمقاااال وانشالله نشوووف مقالات عن دول الخليج بعد

  21. ما شاء الله عليك بالصراحة هذا من أجمل المواضيع اللي شفتها و مشكوووووووووووووووووووووووووووووووووور على هذا الجهد الرائع:D

  22. وهـ مير ياشين اللي أهله يحلفون عليه تروح لم دبي وهي معييه من ست سنين :$ ألحين بروح اقولهم ابي دبي ابي دبي ابي دبي <- – برا B من جد يعطيك ألف..ملياااااااااااااااااااااااااار….. عااااافيه شهيتني أروح دبي 🙁 اللي يبي يعزم ماأقول لا 🙁 <- بس على سنة الله ورسوله :$

  23. واو موضوع شكل ثاني هذي الرسايل ولا بلاش لا تتأخر علينا بمثل هالرسائل الي تفتح النفس

  24. أعجبني التقرير صراحه واول تقرير في ابو نواف ارد عليه بس بغيت اسأل سؤال ( كم كذا في كذا ؟ ) 😀 لا اقصد كم مرّه قلت ( وزي كذا ؟ في الموضوع ) 😀 يسلموو على هالتقرير الروعه

  25. اخي في الله احمد المولى عز وجل قال (فاما بنعمة ربك فحدث) صدق الله العظيم الله سبحانه وتعالى خلق الانسان وسخر له عقل وجعل له الخيرة اما ان يفيد به او يجر به الى المضره وهو محاسب في النهاية لامحاله واعتقد ان المجمعات هذي وغيرها من نعم الله ابتداءا من المعالم السياحيه وصولا الى نعمة السمع والنطر وغيرها من نعم المولى عز وجل التي لا تعد ولا تحصى لن تضر الا من اعطى نفسه الضوء الاخضر والصلاحيه للتصرف كيفما شاء ونسي انه محاسب والخاسر الذي انغر في الحياة الدنيا هو الذي انغمس في ملذات الدنيا والخيرات التي انعم بها الله عليه ونسي حق الله فاسال الرحمن لي ولك ولجميع المسلمين ان يجعلنا من عباده الصالحين التوابين المتطهرين اللهم امين

  26. ماشالله عليك تقرير رائع بجد تكلمت عن 6 مولات ميركاتو .. روووووعه وتصميمه خورافي بجد حبيته ابن بطوطه .. خطييير وفكرته خطييييره الواحد يتسوق ويتثقف ويوسع صدره كأنو داخل متحف اوت لت دبي .. حلووو مول الامارات .. شكله غريب وخطير والمشاريع الي فيه خطيره دبي مول .. عجيب بجد ,, النافوره كلام ثاني وحوض الاسماك يوسع الصدر وش اقول ووش اخلي 😛 مول التنين الصيني .. مبين حلووو وعوافي على قلبك الاكل الصيني ونافورة الشوكولا وتوني ريماس يسلمووووو على هيك تقارير يعطيك الف عافية وبانتظار جديدك good luck

  27. موضوع خيالللللللللللللي يا ابراهيهم تسلم لنا والله على هيك مولات وهيك تصوير يجنن واذا سمحت لي بقول للأخت هند عسى الله يعينك على نفسك

  28. اخت منار شكلك مو مركزه!!!!!!!! لو قريتي رد اخوي احمد فوق بتعرفين ليش كتبت ردي ولمن ؟!!!!!! والحين انا بقول لك الله يعينك على نفسك ونصيحه:$ ركزي عشان ماتخبصين

  29. ابدااااع وبس مشيتنا في هالمولات تمشية ولا احلى تصوير وتعليق وشرح اكثر من رائع الله يعطيك الصحه والعافيه وانت اضافة قوية للقروب لا تحرمنا من جديدك

  30. ما شاءالله الصور روعه تخيلت نفسي موجوده بالمكان من شدة الوناسه والصور الروعه بجد ما قصرت جدا تحمست اروح لدبي الله يسهل علي ادعيلي اروح واكثر شي عجبني الصاله الثلجيه وااااااااااااااو روعه مشكور ما قصرت ..:) jam

  31. يا هلا واله ومرحبا بالجميع .. منوريني جميعاً وهذا كله من ذوووقكم ولطفك والله لا يحرمني من هالحضور الرائع ولي الشرف ان فيه اشخاص اول مره يكتبون تعليقات ويزورون تعليقات الموقع ! وبخصوص بعض المولات الي ما ذكرت هنا حبيت اخبركم ان العنوان كان احدث مولات دبي بس تغيير الى من الموقع الى مولات دبي .. !! ولا اكيد فيه مولات كثيره بس انا تكلمت عن احدثها ! ودبي فيها اشياء احلى من كذا بس حصرنا الحديث عن احدثها فقط ! اخوي احمد اعتقد .. الأخت هند ما قصرت معك بالرد والله يصلح قلبك 😀 شاكر للجميع مرورهم وتعليقاتهم وعسى ربي ما يحرمني منكم ولا من كلماتكم ! موفقين ياربي !

  32. اقول سور يا وبس اجل اقل شقه غرفه وحمام اجلكم الله باربع مية ريال سلامات ولا مشترك بعد الحمام .

  33. واااو ماشاء الله دبي من تطور الى تطور الله يرزقنا هالتطورات :خخخ: يعطيك العافيه موضوعك جميل وخفيف مرتب ننتظر جديدك

  34. شغل جنان وتصوير حلو.. وابداااع الإنسان ماله حدود اتمنى تصير بلادنا كذا وأحلى بس ربي يدوم الرخص لأن الإمارات حلوه للزياره بس بس الرياض أحلى وأسعارنا أحلى الله يدوم العز وأهله ونروح الإمارات كل سنه مب لازم نسكن مثلها

  35. ماشاءالله مايحتاج اي تعليق على ايميلك اول مره اكتب تعليق على ايميل ماأعرف ايش اقول الا انك مبدع……. تحياتي

  36. تصدق آخر مرة جيت دبي عام 1400هـ والله تغيرت كثير مرة أكيد بتقول وين أنت عايش

  37. انا شفت كل الصور و لقيتها رائعة و أكثر و تمنيت يكون عندي الاحتراف الي تتمتع فيه. بس كل ما رحت دبي (مرتين بالسنة) احس باحباط ليش عندهم كل هلشي و احنا بحححححححححححح!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! المهم جزاك الله خير على الموضوع و كفيت ووفيت

  38. شكرا يا ورد وانشاء الله يخليك لينا وتشوفنا هالصور الروعة والله كاني رحت لغير عالم الله يسلم يدك وشكرا يا ابراهم وربي يخليك

  39. صراحه اول تليق لي في موقعكم ابداعت اخوي بكل معني الكلمه انا سرت كل المولات الا ميركااتو 8) ان شاء الله اسيرله جريييب .. يعطيك العافيه اخوي ع التقرير الاكثر من الرائع

  40. موضوع جميل ولي تعليق بسيط على كلام ذكرته وش ناقصنا؟ وش زودهم عننا كل شي عندهم أحسن وأكبر وأفضل دبي انفتحت وستدفع ثمن الانفتاح خاصة استقطاب الخواجات وتوفير المنكرات كنوع من الحضارة والتقدم دبي تتقدم وتتغرب في نفس الوقت وتخسر دينها وتقاليدها … وسيؤثر هذا في شبابها وأهلها وسنرى آثار هذا التفسخ أول ضريبة دفعتها دبي هو أنها الأكثر تضررا بين مثيلاتها من مدن الخليج والأكثر تأثرا بالأزمة المالية العالمية (وإذا أردنا أن نهلك قرية أمرنا مترفيها ففسقوا فيها فدمرناها تدميرا) وهذا الترف له آخرة وعقوبة

  41. الصراحة الامارات روعة وانا زرتها ورحت لدبي مول الصراحة روعة وكل الماركات الي تخطر على البال موجودة فيه والله يعطيك العافيه على التقرير الجميل وعطيتني بعض المعلومات عن دبي

  42. تقرير ولا اروع من شخص فنان وذوق الحمد لله على السلامة ورحلة موفقة يارب شكرا لك يبو خليل وواصل إبداعك والله يوفقك

  43. بصراحه احس ما عاد لي نفس اروح اي مول عندنا بالرياض ادعوا لي اني اروح دبي هالصيفيه كل صيف يا حمد الصيف الجاي << تموت بالتسوق

  44. مشكوووور ياخو ي على انك جبت الصور من عندنا بالتمام وانشاءالله نشوووووف اهل السعوووودين لكثر من الوربين الي ملينا منهم:(:( ومشكووووووور

  45. عاشت ايدك اخي العزيز عالصور …….رهيبه اقبل مروري اني من العراق بس احب اضيف معلومه المرحوم الشيخ زايد زار بغداد اوائل الثمانينات وانعجب بالأعمار وكال انشالله بعد عشر سنوات دبي يصير مثل بغداد وهسه تعال شوف بغداد الخرابه

  46. وااااو ماشالله تقرير رائع المشكله لو فتحنا الاستثمار زيهم {{بيقولون فتحنا للاجانب(الغرب) باب انهم يستثمرون يعني فتحنا باب الشر علينا وانفتاح ومدري وشو….

  47. يعطيييييييييك العافيه تقرير متعوب عليه جدا ترى عندنا بالسعوديه تجار أطلق من حقين دبي بمليون مره بس لو يفتحون لهم المجال والله يفكهم من أبو نص وربعه تشوف السعوديه ديره ثانيه يسلمووووووووووووووو عساك على القوه

  48. هذي المولاااااااااااااااات B ولا بلاش ع قول اهلينا نمشي ونقش كل شي من محل لمحل من مطعم لمطعم وااااااااااااااااااااااااو جناااااااااان B يااااااااارب اروووووووووووح افلها مشتريات بهالمولااااااااااااااات تحياااااااااااتي 😀

  49. السلام عليكم .. بالبداية اشكر ابراهيم على التقرير الرائع
    صراحة في اشياء كثيرة ما صورتها وانا شفت تصويرك كان تاريخ2009 قبل 4 سنوات … يعني لو تجي وتشوف دبي الحين ما تحسها نفس قبل لآن دبي صار اسمها دبي العالمية ودبي المستحيلة .. في اشياء غير المولات اللي هي اولى بكل شي عالمية بذكرها لكم … في حفلات ضخمة جدا ً في الـبر ( الصحراء ) + المنتجعات السياحية في البر ايضا ً + في الـ gbr وفي المدينة المائية وفي اتلنتس وفي سيارات الشرطة الاولى عالميا ً .. مختصر .. سمو الشيخ محمد بن راشد ال مكتوم ( حفظه الله ورعاه ) قرر دبي تكون في المقدمة وتكون الاولى في العالم بكل شي .. حتى السياح الاجانب يوم يوصلون يتعجبون وهم في المطار لان مطار دبي اضخم مطار عالميا ً … الله يحفظه ويزيدها جمالا ً وتألقا ً

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى