رسائل المجموعة

تقريري المُصور لسيرلانكا – الجزء 4

nuwaraelia
نوراليا

كان لنا حجز فيها  بس شسمه زي اللي قبله راح علينا :/ مرتين حاولنا نعدل فيه بس ماش عيا .. المهم .. طلعنا من الفندق الصبح لهالمدينه .. وعفشنا وكلش بكاندي .. بس عن قولة رحنا لها

الطريق ساعتين .. ومعوق زي العادة .. وطريقها جبلي .. وترى حنا يوم وصلنا عتبة نوراليا ديورنا لكاندي ..
المدينه عاليه .. وباااااارده ..

طريقها من أروع الطرق اللي مرت علي .. من ناحية الطبيعة .. والشلالات اللي كل بين متر و متر تطلع لك ..  الجو الخوراافي  بس الجد انا مااستمتعت كثير بهالاشياء  لاني اكره الدوران بالسياره وخصوصا اللي شوارعها تقل كرا .. مير الله يحلل كرا عندهم  !

وفيه مناظر قهر راحت علي ماصورتها لان فيه ناس يحجزون الدريشه قبل بأسبوع وغير كذا اللي ابي اصوره يبي له ترايبود وروقان .. عاد اتخيلني كل خمس دقايق موقفتهم ونازله انا والترايبود قسم ان يخلوني انا وكاميرتي في سيرلانكا

مزارع الشاهي /

مصنع الشاهي /
يخنبقون عليك بالانجليزي لطريقه صنع الشاهي وكذا .. عاد والله ياعي صعبببه  يعني يجلسون سنييين يزرعون .. واخرتها مايستفيدون الا من طرف النبته !
المهم شرهتكم على اللي مركز ع الشرح ولّا ع اللي يفهم اصلا   بس هالحتسوه شدّتني ..

دخلت هنا وطلبت شاهي .. خن نجرب شاهيهم اللي من المصنع
اقول للي تبيع بكم ! وتقعد تخربط ! عاد انا ادربي راسي ماهنا لغه .. اخر شي قلت اقول جيبي الشاهي بس ..
المهم صار كلامها كله بتفهمني انه ببلاش وانهم يعطون السياح منه وكذا يعني عن قولة ذواقه

حتى اهلي طالبين مويه منهم .. يوم خلصوا وجو بيدفعون الحساب قالوا انه ببلاش ! ناس غريبه

المهم الرخيص مخيس .. أحس الشاهي عاقد لين قال بس .. ماجاز لي

طريق الرجعة لكاندي ..
النهر اللي يمشي حكايه لحاله ووه يالله الجنننننه يارب ووالدينا والمسلمين

Negombo
نيقمبو

2 days

بعد ماطلعنا من كاندي جينا هالديره .. تبعد عن كاندي ثلاث ساعات .. وعن العاصمة كولمبو تقريباً ساعة ..

حجزنا فيها هنا كان متأخر .. ولّا مانوينا نجيها أصلاً .. لكن صارت بدال نوارليا اللي خرب حجزنا فيها ..
بس والله حلوه ويكفي انها ع البحر .. وحتى الغرفة ع البحر ع طول

ناس متقوزين
مير هالفندق كل دقيقه طالعه وحده بفستان عرسها ويجلسون يدورون بها في الفندق ويسدحونها ع الثيل وعلى البحر وقوة تصوير
،

هذي الغرفتين اللي حجزناها .. مع فطور .. وهالمره خذنا عشا معه

جلستنا العائلية
النوم هنا فلّه .. بس مع الهدوووء و أصوات الأمواج تحسون ان توسنامي يلمح ع الجيّه الله يكفينا شره
,

حلى العشا ..

الأناناس في سيرلانكا طعمه خرااااااااافي

المسبح ماينشاف أوله من تاليه !!

ناس مروقه

Colombo
كولمبوا


cinnamon grand
2 days

هذا الفندق اللي كان حجزنا عليه أول ماوصلنا وتكنسل .. حصل لنا مره ثانيه الحمد لله وهو من أفخم الفنادق اللي مرت علينا ..

جازوا لي

حتى هذولي يجوزون لي

عاد هالفندق شفت فيه بنات من منتداي وجلسنا نسولف ونتمشى وانبسطنا جددددن ووه يالبى ذاك اليوم احلى صبح مر علي قهر ماشفتهم الا في اليوم اللي بنمشي فيه ! بس أحلى شي انهم ع نفس رحلتنا وحللنا الشسمه في المطار
الله يجمعنا في اخرته مثل ماجمعنا في الدنيا في الفردوس الأعلى يارب .. وكل من يقرا الموضوع

هالأشياء أحسهم حاطينها لأشكالنا اذا جينا نسوي فيها الرياضيين ووخروا عنّا قسم ماقد شفت أحد فيهم

غرفة الألعاب ..
فيها بلياردو كبر بيتنا وفيه مقاسات ثانيه .. واصغرهم ببلاش تسكيته

غرفة الألعاب بطططله .. بس مشكلتهم يعيون نخلي البزارين لحالهم .. مع ان اللي معي عجز ماشاء الله والشكوى الله جلست احتريهم لين يخلصون من السوني

أخوي والشسمها بنت الناس


،

حديقة الحيوان في كولمبوا .. أنواع الفشل .. بايخه وحر وكتمه و زحمه وحسافه الريال عليها .. يمدحون الحديقة اللي في الملز ترى
أجل حنا ندخل بحدود الـ 60 ريال للواحد وهم كانهم دافعين 5 ريال فهي كثيره !
ايه صح ناسيه .. مدَق النجر اللي عندنا في السعودية من ذهب

جبت لكم كم صورة لها .. للحيوانات اللي فيها .. ولّا لو أصورها هي طاح سوقها >> يقالي مقومه سوقها الحين !

Return to Saudi Arabia

كُنت مسافرةً ..
إتصلت بي وسألتني متى العودة ؟
قلت : الليلة بمشيئة الله .
قالت : سوف انتظرك و …
قاطعتها لا لا حبيبتي لا تنتظريني
فالطريق طويل ولا أعلم متى أصل ؟!
تنهدت بـ عمق ثم قالت :
لو كنتِ مكاني ماذا ستفعلين ؟ََ!
صمتّ قليلاً ثم همست لها بولهٍ كبييير
إنتظريني =)

في نهاية التقرير ..

الصراحة ولو اني مصوره فوق الألف صورة لسيرلانكا ! لكن مااحس اني عطيتها حقها
فيه أماكن ظلمتها بتصويري !
كان ودي تطلع بشكل أحلى .. وباحترافية أكثر .. جد تحسفت يوم رجعت .. ودي ارجع هناك مره ثانيه عشان أصور لكن اللي صورته فيه الخير والبركه ..

عموماً .. ان شاء الله التقرير عجبكم .. وان شاء الله تستفيدون منه بسفرتكم لها .. وأنصح الكل يسافر لها .. خصوصا اللي ماعنده مبزره .. خبركم هالمبزره مايبون الا ملاهي وأسواق !

كل الصور اللي بالموضوع أو بفلكري .. ملك للجميع .. يعني اني محلله كل من يبي يستخدمها لأي شي .. بس عاد موب تفلونها وتحطون اساميكم ع انكم انتم اللي مصورينها

في النهاية .. يشرفني مروركم على ..


My Flickr :


My facebook :

إننا نبتسم فقط .. لإيمان خفي ، بأنَ علل الحياة .. لا تُشفى دائِماً بالبكاء


تابعوا جديد شبكة أبونواف على فيس بوك وتويتر

   

مقالات ذات صلة

‫32 تعليقات

  1. يالله شيء شيء شيء ماشــاء الله تبــارك الله .. رحلة جداً جداً جميله ورائعه وعدسة أرووووووع تصويرك بططططل ماشاء الله والحمد لله على السلامه .. ق1

  2. تسلمي يا اخت على هذا التقرير الاكثر من رائع الي خلاني اعرف جمال الدوله ذي الي ماتوقعتها بهذا الجمال الله لايحرمنا من مواضيك الاحترافيه بكل ما تعنيه الكلمه والله يوفقك دنيا واخره دمت بود

  3. الصور رااااائعهـ واكثر من رائعهـ رجعتيني 4 سنوات ورا بصورك هذي لاني كنت مسافرة لها وكانت رحلتنا كولمبو – كاندي – نوريليا – بنتوتهـ – كولمبو بس قهر مارحنا لنيقمبو شكلها روعهـ كانت هالرحلهـ من اروع مايكون وصدق من سماها جنهـ الله يسعدك يارب ,,

  4. السلام عليكم أنا من ليبيا نهنيك على أسلوبك الرائع لسرد الصور وكذلك أحساسك الرائع لتصوير الفيديو بصدق أعجبني أسلوب الألقاء وكذلك خفة الدم الرقيقة وكذلك الذكاء العاقل اتمنى من الله العلي القدير أن يحفظكي ويرعاكي دمتي بخير

  5. صراحه صور وفيديو هات رائعه الله يحميه اخوك نسونجي من الحين ههههههه:$ ترى امزح:)

  6. اول شي الحمد لله ع السسلآإمه.. ثــآنكسس ع الصوور بصراحه نآإيسس من جد ماتوقعت سيرلنكا كيذآ < يخطط لشهر العسسل ان الله احيانا 8) … تقبلي مرووري

  7. مشالله رحله روعه سميحه ومتابعينك من اول جزء رحله حلوه وتنسيق حلو وتصوير احلى واحلى الله يسعدكم يارب ويسعدك مثل مأمتعتينا في الرحله الي كاننا معاكم ربي يوفقك

  8. يعطيك العافية سموحة على التقرير ..:) امتعتيني وان شاءالله نزور سيريلانكا وبنستفيد من تقريرك..:) موقعك وفلكرك اصبح مكانهم المفضلة وان شاءالله زيارتي لهم دائمة 🙂 في انتظار جديدك .. ^_^

  9. الصور اكثر من رائعه عن كونها لا تمل من محتواها 😀 الحمد لله على لسلااامــه يا شسمه نسيت اسمك B امزح :$سميحهه 8)وسلامة الاسفااار والله دخلتي موضوع السفر براسي الله يغربل ابليسك :~

  10. السلام عليكم اهنيك على التقرير المبدع والمجنوووون تصوير جـــداً احتراافي وتقرير وافي وكامل صراحة دخلتي بمخي هـ الديرة وان شاء الله اني راح ازورها ,, يعطيك ربي الف عاافية

  11. والله انه التصوير روعه وسريلانكا حلو وانتي احلا

  12. تقرير رائع جدا وتصوير هبااااال رحله موفقه واهم شي عشنا جو الامطار يالله من فضلك 😀

  13. سلمت يداااااااك على هذا التقرير الرائع 8) وننتظر المزيد حتى نهاية هذه الرحله السعيده:D

  14. تصوير جداً رااااااااااااااائع تشكري عليه يالمبدعه متى كانت وقت سفرتكم بأي شهر؟ لأن الأجواء مرره حلوه فأبغى اعرف لو تكرمتي

  15. تقرير رائع وتصوير جميل وشامل ؛ أمتعتينا وكنت أتمنى وضع خطه للقارىء عن المناطق والمدن والمسافات قبل كل جوله ؛ شكراً على التقرير الجميل الله يحفظك متمكنه من التصوير ما شاء الله .

  16. ماسه / الله يسلمك :$ سعيد / وياك يارب .. وسير الرحله تلقاه بالجزء الأول .. علي / العفوو s-q

  17. ربي يعطيك مليون عافية على هذا التقرير الطويل و الجميل عن بلد لم أكن أتوقع أن يكون بهذا الجمال و الروعة و لكن ما شاء الله بتصويرك و شرحك أعطيتي جمال أضافي لجنة الله في أرضه الحمد لله على سلامة الرجوع تحياتي

  18. تابعت التقرير كامل ما شءا الله صور جميلة وتقرير جميل حمد لله على السلامة

  19. ياخف دمك بسم الله عليــك نبي مواضيع طبخ جديــدة تكفين ممزوجـــة بخفة دمك المعهودة

  20. الصراحه أخذتينا بجوله رائعه في سيرلنكا الشقيقه <<< اجل شقيقه تراها بآخر الدنيا … تابعت الــ 4 تقارير وكل واحد يقول أنا أحلى من الثاني …. سلمتك يمينك على الطرح المميز …..

  21. تقريرك مرررررره رائع 🙂 التصوير رهيييب الى الامام حبيبتي الشلال سبحان الخالق:D

  22. استاذي صور حلوه ويعطيك العافيه صور حلوه مره بس لو كنت ذهبت بسيارتك مريت جنوب المملكه ودخلت حدود بلادنا اليمن فاليمن فيه مناظر احسن من سيرلانكا مئة مره ياريت انك تزورها والله تغير نظرتك 180 درجه ياريت تزور بلدك الثاني اليمن ونحن نرحب بالسعوديين لاننى نحس انهم اقرب الناس لنا وشكرااااا لسعة صدرك اخوك محمد الشميري مقيم بالخبر السعوديه

  23. الحمد لله على السلامه هل بامكاني اعرف تكاليف الرحلة من سعر التذكره الى الفنادق تحياتي

  24. الله يعطيك العافية والله تقرير حلو كتير بس ما قلتيلي كم تكلف الرحلة لسيرلنكا اذا حبينا نروح والله يجعل ايامك كلها سعادة السلام عليكم

  25. شككككككككككككككككككككككككككككككرررررررررررررررررراااااااااا

  26. لقد استفدت كثيرا من تقريرك المصور الله يعطيك العافية من جد تقرير شافي ووافي عموما سيدتي ياليت تفيديني اكثر حيث ان رحلتي العائلية الى سيرلانكا يوم الجمعة القادم واحب ان استفيد من تجربتك انتي والعائلة الكريمة …..‘

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى