رسائل المجموعة

تغطي يابنت … سعودي ..!


السلااام علاكم ..
حيهم حيهم
حيا الله من دخل الموزووع
منورين يا بهاواات
,,,,

 

][ حليم مخاوي غشيم ][

مرتن من المرارير تونا مخلصين من الجامعه وطالعين انا وخويي الفاهي امجد باشا .. وكان المسيكين وراه بلاوي ذا اليومين .. ويفكر واجد .. شكله يحب .. هع
الموهم ركب الجمس بتاعه .. وكان مستعجل .. شغل السياره وبدون ما يحميها طق الريوس وما تسمع الا صوت خبطه .. طع ( بيدخلكم جو ) ..
صار واحد موقف وراه وساد(ن) عليه .. ومعه كورلا 2005 فضيه .. <= قل رقم اللوحه بعد
الموهم من باب العطف على الحبيبه .. ورافة بحال المساكين (على قولة ام كلثوم / اهل الحب صحيح مساكين خخخ ) نزلت معه ومسوي مؤازره .. تعرفون (سعودي) لازم ينزل ويشوف وش صار فالصدمه,’)
قال / وش اسوي يا بديرٍ ..؟!
قعدت احك راسي لمن طاح نص القمل .. وولعت اللمبه فووق راسي خخخ ..
قلت / يا ولد (امون يوم اقول ياولد) ياولد هو الغلطان.. وساد(ن) عليك .. جعله يسد باب العدوو .. اسحب عليه بس .. (طراني دايم اصدم العالم واسحب خخخخ) ..
طلع الولد عنده ذمه خخخخ قال / لا ماله داعي يصكني بدعوتن ويجيني جرب خخخ
قلت / طيب وش بتسوي يا فهيم زمانك ..؟!
قال / بكتب ورقه وبحطها ع السياره ..

الزبده راح وكتب الورقه .. ومن باب الميانه واللقافه .. خذت الورقه وكتبت آيه تحت .. اللي هي : ((ومن عفى واصلح فأجره على الله )) ..
هو عارضني فالبدايه وحس اني كاتبها استهبال .. بس من يوم شفت الورقه وحسيت انه يقول لراعي الكورلا (( يرحم امك تراني اخوك فالاسلام وحنا عيال كليت(ن) وحده )) .. وانا غاسلن يدي من الاسلووب خخخخ .. راح كتب ورقه ثانيه بدون الايه .. شقيتها وحطيت ورقتي خخخخ ..

ما اطول عليكم .. طلعنا من الجامعه .. وكلن راح بيتهم .. ويوم اذن العشاء قام خويي ولقى 9 مكالمات لم يرد عليهاااا ..!
نسيت اقول لكم .. امجد لو تشغلون عنده 50 Cent وهو نايم .. لم يحرك ساكنا هع .. نومه ثقيل ..
المهم كان راعي الكورلا هو اللي داق عليه .. يوم كلمه قال له / ابي 500 ريال .. قيمة التصليح ..
والصدمه اصلا ماتكلف ولا 200 ريال بالكثير ..

الزبده امجد قال له / خلاص اذا نزلت المكافاه عطيتكياهااا .. والمكافاه بتنزل بعد ثلاث اسابيع تقريبا ..
هذا حالنا للاسف يا عيال جامعة الملك سعود .. متمرمطين على مكافاة ذالجامعه خخخ
بعد اسبوع .. قابلت امجد فالكليه الصبح .. وهو مبتسم وبشوش الوجه (متعوب عليها خخخ) ولا انا من عرفته وهو مكشر خشته كل صبحيه ..
قلت / غريبه شسالفه وش فيك اليوم ..
قال / دق علي راعي الكورلا وقال صلحتها ب مية وخمسين ريال .. وقال مسامحك فيها خلاص ..
ويوم سالته وش اللي غير رايه .. قال اني قعدت اقرا الايه كم مره وقلت الله يعوضني فالاخره …
قلت لامجد / حلوووو .. خلاص هات ال خمسميه اللي كنت بتدفعها لو اني ماكتبت الايه لك خخخخخ خخخخخ

* مايستفاد من القصه :
1/ لعد توقف ورا جمس .. ولا ورا واحد يحبّ ..
2/ ان صدمت لا توقف .. بس اكتب ورقه وحط فيها الايه ..
3/ الى الحين اطالب امجد ب 500 ريال خخخ .
* اسئلة الموضوع :
س1/ ليش ابو امجد سمى ولده بذالاسم ..وتحسون انه سعودي صدق ..؟
س2/ وش اسم راعي الكورلا ..؟
س3/ كم باقي ع المكافاة وتنزل ..؟

][تغطي يابنت سعودي ..!][

اشواق : كم هذا سديق .؟!
الهندي : هازا خمساه ريال ماما
فاتن : شويق شويق .. تغطي يابنت .. سعودي ..!
………………………………
سوسن : لو سمحت .. عطنا ثنين شاورما ..
ابو اكرم : تكرم عينك خيتو .. ولو حا وواجيب <= ماعرٍفت اجيب اللهجه صح ههههههه
تهاني : يوه يوه يوه .. سويس .. تغطي يابنت .. سعودي ..!
………………………………
ملاك : يا عبدالصمد .. تعال خذ ريال وجيب خبز
سواقهم عبدالصمد ( يبحلق في ملاك وهي ماتغطت ) : ان شاء اللاه ماما ..
احمد اخو ملاك : ملاك شعندك واقفه هنا مع الرجال ..؟!
ملاك : ليش شفيك .. عادي سواق ..!
احمد : ايه اشوا احسبه احد غرٍيب ..!

للاسف .. هذا واقع اليم عايشين فيه ..وعارفين ان هالشي غلط .. بس نستمر .. وكل هذا ب فضل الاب + الام + الاخوان + البيئة المحيطة والاقارب ..!
والواقع هذا ينطبق على المجتمع الخليجي ايضا ..!
ساحة حوار .. مفتوحة للجميع .. للتفكير فيها .. او للابحاار والنقاش ..

 


=-=][سبحانك اللهم وبحمدك .. اشهد ان لا اله الا انت .. استغفرك واتوب اليك][=-=

والمعذره ان طولت عليكم ..

 

مقالات ذات صلة

‫2 تعليقات

  1. هههههههههههه والله عنده ذمة حلو بس اعتقد لو كنت انا ماافكر طبعا لو سمحوا للبنات خخخخخخخ ردد ياليل مطولك اما غطي عادي صار امر غير مستغرب ومثل ماتفظلت الاهل لهم دور

  2. الحياء يبكي علي وجه لم تسمع له ينور وجنتيهه من لم تسحي من لله فلا تستحي من خلقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى