رسائل المجموعة

ترافيان .. إتفق العرب على أن لا يتفقوا !

ربما لاحظ بعضكم الظاهرة اللي صابت الكثير من المتصفحين العرب من خلال لعبة (ترافيان) .. والتي اصبحت اكثر لعبة تصيب الكبار قبل الصغار بالإدمان .. بل ان اللعبة اصبحت محط اهتمام الكثيرين تركوا جل اشغالهم وتفرغوا للعبة .. اللعبة لا أعتقد يحتاج لها تعريف لأن الكل يعرفها .. وهنا من خلال هذا الموضوع حبيت اني اطرح بعض التساؤلات وايضا بعض الإجابات عن بعض الاسئلة اللي ممكن ان تدور في فكر اي شخص – واعي – يعلم بما يدور حوله من أمور .. قبل كتابتي للموضوع اخذت استطلاع كامل من اشخاص مدمنين جداً واشخاص يلعبونها وقت فراغهم فقط .. واشخاص متحفظين كثيراً على اللعبة .. على اني استطيع توضيح كافة الأمور وبشكل مختصر .. للجميع .. وربما يكون هذا الموضوع عبارة عن بداية توعية ولو متواضعة للاعبي هذه اللعبة .
أولاً -: لنرى وجهة نظر المدمنين لهذه اللعبة .. فا الاغلب يجمعون على انها لعبة عادية جداً لكنها مميزة وممتعة خصوصاً في بساطتها وعدم التكلفة على الكمبيوتر من تحميل وغيره .. يرون أنها متعة من ناحية انها لعبة جماعية بين الأصدقاء من خلال التحالفات البسيطة التي من خلالها يهدفون على الاستيلاء على الخصوم وهدم من بنوا من وقت وجهد طوال فترة .. حتى انهم يدفعون من خلال (الفيزا) أو (بطاقات الشحن) مبالغ لكي يتشروا (ذهباً) ليزيد انتاج قريتهم وتكثيف الجنود .. الغريب في الأمر أن البعض اصبح يهتم باللعبة اهتماماً مضاعفاً لدرجة (أنه اذا صحى من النوم يشيك على وضع قريته قبل ان يغسل وجهه !!) شر البلية ما يضحك:) !! .. وعندما قلت لهم أن هذا لا يجوز .. قالوا مجرد متعة بسيطة مقابل مبلغ بسيط .. ونحن لا نعتبر في هذا الموضوع مشكلة !
ثانياً -: بعض الأشخاص ممن يمارسونها وقت فراغهم ولا ينتمون لطبقة المدمنين .. يرون انها لعبة مثل باقي الألعاب بسيطة وسهله وتقتل وقت الفراغ سواءاً في العمل او في البيت .. لدرجة انهم يرون انها اصبحت افضل من مواقع الانترنت المسلية .. خصوصاً انها لا تعتمد في البداية على مال (تستطيع اللعب بدون دفع) .. لكنهم يعون مخاطرها ومع ذلك يجدون فيها المتعة والتسلية .. ولكنهم يتحفظون عن الدفع مقابل الحصول على اي ذهب أي اي شي آخر ..
ثالثاً -: المعارضين للعبة او دعوني ألطف لقبهم وأقول .. الأشخاص الغير مهتمين لها .. (وأنا من ضمنهم) .. يرون أنها لعبة لاتستدعي كل هذا الاهتمام خصوصاً أنها لعبة تعتمد على قضاء وقت اكبر على الجهاز .. وايضا تحتاج لوقت طويل وربما ينتهي كل الجهد المبذول من خلال الهجوم على القرية .. ويفضلون عليها الالعاب المعروفة الحماسية ..
رابعاً:- الهدف الصحيح من اللعبة .. ربما لا يعلم الكثير من محبي ترافيان الهدف الصحيح من اللعبة والذي يحتاج الى تحالفات عربية قوية وايضاً متحالفة مع بعضها البعض لمواجهة هجوم التتار في النهاية .. لأنه يوجد في اللعبة 20 قرية مخفية ربما يجدها البعض بواسطة (الحظ) ومن خلال احدى هذه القرى يستطيع بناء معجزة العالم والتي من خلالها يأتي التتار ويقومون بالهجوم وفي حال الفوز عليها تنتهي اللعبة تماماً في السيرفر وبذلك يبدء جميع اللاعبين من الصفر .. وهنا تكمن المشكلة في نظري ..!!
خامساً:- للأسف نحن العرب تعشق السيطرة وحب التفاخر وهنا اقول انها لا يوجد تحالف عربي قوي يستطيع التغلب على التتار .. لأنها وحسب المقولة الشهيرة ( اتفق العرب على ان لا يتفقوا ) ..
سادساً:- انتشر في بعض المواقع الإسلامية بأنها لعبة محرمة وسبق وأن أفتى الشيخ طارق السويدان بتحريمها .. ولكن لا يزال البعض ينكر بوجود تحريم لها 
في النهاية :- أحب اذكر الجميع ان اللعبة لا تستحق كل هذا الإنتشار والإهتمام الغير طبيعي .. وربما ذكرت في هذا الموضوع يبين كل شي في اللعبة وأترك لمن يرى ان اللعبة رائعة أن يقرر .. هل يستمر باللعب أم يرى أنها مضيعة للوقت وللمال وللجهد!!

مشغول من كثر الفضوة

 

مقالات ذات صلة

‫40 تعليقات

  1. السلام عليكم ورحمة الله وبركاته اول شي اخي العزيز ياليت قبل تفتح موضوع كبير وينتشر على المستوى العربي انك تتحق من مصادرك. سواء في الفتوى او في المعلومات اول شي بالنسبه للمعلومات من ناحية اللعبه اتوقع ان الاخوان فوق كفو ووفو مايحتاج ارد عليها بالنسبه للفتوى استغرب جدا من الفتاوى اللي صدرت عن اللعبه اول شي الذهب البعض يقول ان الذهب شي غير محسوس ولا يجوز تشتريه انا ارد عليه ليه غير محسوس ؟؟؟!! طيب موقع الانترنت والايميل تعتبر غير محسوسه هل هذا معناه حرام ؟ اللي يرد ويقول انها تعطيك مساحه على الانترنت انا ارد عليه طيب الذهب يعطيك زيادة انتاج على الانترنت اما بالنسبه لموضوع الصلاة هذا الشي بين الشخص وربه ولايجوز انه يعمم عشان واحد اخطأ اما الموضوع المضحك المبكي فهو الربا ضحكت يوم قريت كلامه الربا فقط في المثل للمثل ولاحد يقول لي لاتفتي الا افتي ونص الربا في ست صناف ذكرها الرسول في حديث صحيح ‏حدثنا ‏ ‏سويد بن نصر ‏ ‏حدثنا ‏ ‏عبد الله بن المبارك ‏ ‏أخبرنا ‏ ‏سفيان ‏ ‏عن ‏ ‏خالد الحذاء ‏ ‏عن ‏ ‏أبي قلابة ‏ ‏عن ‏ ‏أبي الأشعث ‏ ‏عن ‏ ‏عبادة بن الصامت ‏ ‏عن النبي ‏ ‏صلى الله عليه وسلم ‏ ‏قال ‏ ‏الذهب بالذهب مثلا بمثل والفضة بالفضة مثلا بمثل والتمر بالتمر مثلا بمثل ‏ ‏والبر ‏ ‏بالبر ‏ ‏مثلا بمثل والملح بالملح مثلا بمثل والشعير بالشعير مثلا بمثل فمن زاد أو ازداد فقد ‏ ‏أربى ‏ ‏بيعوا الذهب بالفضة كيف شئتم يدا بيد وبيعوا ‏ ‏البر ‏ ‏بالتمر كيف شئتم يدا بيد وبيعوا الشعير بالتمر كيف شئتم يدا بيد المصدر للي شاك في الامور

  2. يشرفني ان اكون اول من يرد عليكـ انا مشترك في اللعبة واهتم بقريتي .. ولآ أرى دآع لتحريم اللعبة لأن التسلية والترويح في اصله حلال امآ الشخص نفسه عليه ان لايضيع وآجبآته من اجل اللعب أي كآن نوعهآ اللعبة جدآ مسلية وتعتمد على أرقآم وعمليات حسآبية آسآسآ امآ الذهب فلا أنصح بشرآئه من اجل لعبة افتراضية نحن الان في شهر الخير وصرف قيمة الذهب على المساكين أولى كمآ انبهكم من الانشغال باللعبة عن استغلال رمضآن شكرآ لطرحكـ المتزن

  3. الله يسامحك إذا كان قصدك تضيق على الناس والله صراحة بعض الناس ما يبقوا شي ما حرموا ! ( أنا مو قصدي على الشيخ جزاه الله خيرا أصلا ما حرمها اللي دخل الرابط و شاف ) أصلا لــعبة كــلام ؟؟! حتى مو صور !! والله خايف لا يكون في آثار اليهود على النت يحرموا كل حاجة عشين الواحد يكره دينه بس إن شاء الله الواحد يكون واعي . على فكرة ما لاحظتوا الناس بدأت تتضجر من مثل هذي الحركات ؟؟! ساروا يحسبوا كل حاجة في الدين حرام مع إنه دين يسر أيضا لا تاخذوها فــلة كل شيء له حدود:D والله إحنا في زمن فتن ! اللهم ثبتنا على دينك و اغفر لنا خطايانا بس يارب B

  4. مشكور أخوي مشغول ع الموضوع الأكثر من رائع واللي يبين الحقائق التي قد لا يعرفها الكثير من الأشخاص

  5. السلام عليكم يا شباب أنا أتبرأ قدام الله من أي واحد يفهم كلامي غلط في التعليق الثاني .مو يعني الكلام اللي قلته إني الأغاني و الأشياء هذي حلال و تغيرو الكلام على حسب هواكم . و لـــكن : التـشدد المبالغ فيهِ يبعد الناس عن الدين . و جزاكم الله خير مع السلامة

  6. انا اشووف ان ما فيه داعي لتحريم اللعبة مو عشاني العب فيها لكن اللعبة مسلية و لعبة ذكاء و البقاء فيها للأقوى اما اللي حرمها اتوقع انه بس سمع عنها كلام ناس و اصدر حكم متسرع و عندي تصحيح لبعض المعلومات اللي انت قلتها تقول ما فيه تحالف عربي يقدر يتغلب على التتار؟؟ انا اقول لك ان تحالف WR عربي و تغلب على التتار في السيرفر الأول و ثاني حاجة السيرفرات هذي عربية يعني كل اللي فيها لاعبين عرب و لا بد ان واحد من هذي التحالفات بيفوز فيها اما عن قرى التتار و اللي تقول انها مخفية و يمكن للواحد انه يصيدها بالحظ فهذا كلام خاطيء لأن قرى التتار عندما تخرج بعد 10 شهور من بداية السيرفر يتم الاعلان عنها في السيرفر يبدأ الكل يحاول انه يحتل قرية من هذي القرى و عددها اتوقع 10 او 20 و اول واحد يبني معجزة العالم و يوصلها الى المستوى 100 هو اللي يفوز باللعبة

  7. ابشرك ان السيرفر الاول انتهى وفازو على التتار .. واللي فاز تحالف عربي ومش عربي وبس .. خليجي بعد 🙂 وماهو صحيح ان اللي ما يفوزون الا الاجانب .. وانا لعلمك من مدمنينها .. واللي قبل لا يغسل وجهه يجيّك على قريته 🙂 ومن الناس اللي اشتري ذهب بشكل شهري كذلك .. لكن ليس معنى هذا اني ما اقوم بواجباتي تجاه ربي وديني واهلي .. ومو معنى هذا اني اشتري ذهب وما اتصدق على الفقارى او ما اكفل يتيم .. وهذي امور بيني وبين ربي سبحانه وتعالى .. اللي بغيت اقوله لك انها محرمه اذا تلهي عن الواجبات الدينية .. وبس 🙂

  8. والله حرام على الناس تحريم كل شىء دة على كدة الكمبيوتر حرام كمان حرام علينا نسمع الخرف الى بينقال عن تحريم اللعبة

  9. مشكور اخوي ع الموضوع وانا من الناس الي تقدر تقول عنهم مدمنين :$ ولكن الصراحه ااناا ما انصح اي شخص بشراء الذهب وبعدين انا ما اشوف فيها اي حرام ومنهو الي يترك صلاته عشان لعبه؟؟ وهي لعبه كلها تطوير والتطوير ياخذ بالساعات وماتحتاج انك تجلس بشكل كبير ع النت لأن تطوير المبنى الواحد ياخذلك ساعه او اكثر :~

  10. بالفعل هذي اللعبة بات صداها ينتشر بشكل ملفت وانا من المعارضين لتضيع وقتي في لعبة ما بأجني منها الا القهر ووجع الدماغ والادمان في القعدة قدام شاشة الكمبيوتر((( كذا ومو ناقصين كلام..كمان ترافيان؟؟..الا عز الله انحرمنا من الكمبيوتر بكبره:$)) ومرة اخرى اشكرك شديد الشكر على هذا الموضوع وان شاء الله يلقى صداه ويفتح عيون القارئين..وبالأخص..((مدمنين هذي اللعبة)) وتقبلو تحياتي

  11. يا إخوان .. سالفة حرام ومو حرام .. الدين مو على كيفكم كل شئ حرام .. الأصل الإباحة .. اللعبه مباحة إلا إذا كانت سبب في تأخير الواجبات الدينية .. أما كذا على طول حرام .. يا ناس احترموا عقولنا .

  12. االسـلام عليكم ورحمة الله وبركاته لصراحه الي عجبني الردود الحين الواحد اذا سوى شي غلط يفتي اذا افتى رجل فاهم بدين ودارس فهو من حقه وايضا يحاسبه الله امريكه مسلمة جديدة لم تستطيع ان تحكم بامر من امور الاسلام لانها تعرف عضم الفتوى وجهلها لكن الحين صار بسهولة ادور لي حديث من موقع فلاني وقول افتي ونص اتقى الله يا رجل , على الأقل اذكر رأيك مثل الآخرين وقل لا اعلم أخير جزاكم الله خير ومبدأ مضيعت الوقت في أي امر من امور الدنيا سوف تسأل عنه انا واياكم أجمعين الوقتُ أنفسُ ما عنيتَ بحفظه *** وأراهُ أسهلَ ما عليكَ يضيعُ وجاءت السنة لتؤكد على أهمية الوقت وقيمة الزمن، وتقرر أن الإنسان مسئول عنه يوم القيامة، فعن معاذ بن جبل أن رسول الله ( قال : لا تزول قدم عبد يوم القيامة حتى يُسأل عن أربع خصال : عن عمره فيم أفناه، وعن شبابه فيم أبلاه، و عن ماله من أين اكتسبه وفيم أنفقه، وعن علمه ماذا عمل فيه [ رواه الترمذي وحسنه الألباني ] . وأخبر النبي ( أن الوقت نعمة من نعم الله على خلقه ولابد للعبد من شكر النعمة وإلا سُلبت وذهبت . وشكر نعمة الوقت يكون باستعمالها في الطاعات، واستثمارها في الباقيات الصالحات،يقول ( : نعمتان مغبون فيهما كثير من الناس : الصحة، والفراغ وشكرا لكل مجتهد نصيب واتقوا الله ولا احد يحرم ولا يحلل على مزاجهB

  13. السلام عليكم اولا اشكر صاحب الموضوع . وثانيا : يا ليت ان الفتوى تقوم على دراسة شامله ، وليس لحظيه و كلام اربعة يجون للشيخ بعد الصلاة ، ويش رايك يا شيخ ؟ عموماً .. المتعة غير محرمة في الشريعة مالم تحالف الأصول .

  14. صراحه الي يعرف لعبة Age of Empires III يشوف ترافيان لعبه سخيييييفه . يعني لعبة Age of Empires III حروف حقيقه جنود حقيقين تخطيط معارك تشوف كل شي قدامك حي فعلا لعبه ممتعه لنخاع العبها من جزئها الاول الى الان

  15. السلام عليكم الشباب اللي فوق كفو ووفو مع احترامي لك اخي صاحب الموضوع انت من الناس اللي تسمع باللعبه ولا قد جربها عشان كذا لخبطت بالكلام حبيبي الرسيفرات اللي نلعب فيها عربيه 100 % ومقرها بـ دبي والتحالفات اللي موجوده فيها عربيه كلها واكثرها خليجيه بعد كيف تقول اتفق العرب على الا يتفقو ولازم يهزمون الاجناب الاجناب لهم رسيفرات الرسيفر السويدي الرسيفر البريطاني الرسيفر الانجليزي ولا لحد دخل ببعض وكل رسيفر ولغته مستقله ويكون بمعلوميتك الرسيفر الاول خلص وفاز به واحد خليجي وتحته اثنين وصلو معجزة العالم 98 و 97 يعني كيف تقول انهم مايقدرون هذي لعبه ذكاء حبيبي واتوقع العرب فيهم الخير والبركه واللي يهجم بقبائل التتار هم الخليجين المسؤلين عن اللعبه مجرد توضيح تحياتي لكم جميعآ

  16. السلام عليكم اللعبه عاديه مسليه كل واحد يقول حرام أخاف تصير بدعه :$ المهم كل واحد رح بحياته اخوكم مدمن ترافيان sultano السيرفر 12

  17. السلام عليكم ورحمة الله وبركاته انا كنت من مدمنين على هذي اللعبه وكنت حتى اذا سافرت اول ما اوصل علي المدينه الي كنت مسافر لها علي طول اروح المقهى واطور في القريه وكنت ادخل من الجوال واطور وبكل الطرق علماً بأنه مو بس انا معايه ثلاثه من اخواني نفس وضعي بس لما فكرت في اللعبه ولا احنا نجري ورى سرآب ادور شيء احتمال كبير اني ماراح القاه وشفت اني تماديت كثير في اللعبه واني اعطيتها اكثر من حقها مع اني كنت تعبان على القريه لاني لي اكثر من سنه وانا العبها واكثر من سيرفر وبكل سيرفر ثلاث قرى اخليها تموين والحمد لله اني اقتنعت انها لعبه تافهه بس بعد سنه من التعب والحمد لله اني تركتها قبل شهر واقسم با الله اني ارتحت بعد ما تركتها لانها كانت شغلي الشاغل لاني عاطل وما عندي شيء غير هذي اللعبه بس ترددت كثير لين تركتها لاني تعبان عليها مره وضيعت سنه من عمري عليها وحتى اخواني لما تركتها تركوها وانفكينا منها وانصح كل من يلعب هذي اللعبه او يفكر انه يلعبها انه مايسجل لانها تشغله وما تخليه مرتاح والله هذي ماهي لعبه والله انها هم واما با النسه لحكمها ما اقدر اتكلم فيها اتركها للمختصين بس حبيت اني اعلمكم في تجربتي في هذي اللعبه ولكم مني جزيل الشكر

  18. بالصراحة كان عندي قرية على سيرفر 3 لكن حذفتها والسبب إني طفشت بذمتكم أبي أبين مخزن قمح ياخ 17 ساعة وين عايشين بنظري إلي يعيبها الوقت.. وعشان كذا كرهتها.

  19. السلام عليكم ورحمة الله وبركاته اشكرك على الموضوع الرائع في البدايه سمعت عن هذي اللعبه وانصدمت بانك تتعامل مع ارقام فقط يعني 25 66 144 223 وبعدين ما عليش يا مدمنيها انا اقول وهذي وجهة نظري انها لعبة غبيه جداً اقصد اللعبة وليس اللاعب ليسه ما نكبر عقولنا وندور ما يطور فكرنا انا اقول حلوه التسليه وانا من مدمني الالعاب وفيه العاب تعتمد على الذكاء وتنمي القدرات الابداعيه

  20. انا كنت العب اللعبه هذي على السيرفر الاول وبعد فتره من اللعب فكرت في الموضوع واستتفهت نفسي رغم اني وصلت لمستوى عالي في اللعبه الا اني في لحظه كرهتها ولغيتها مضيعه للوقت .. وتلف اعصاب .. وقهر .. وسب … وهذا كله ليش ؟؟ عشان تفاهه وصور وارقام مالها اول من اخر هذا غير التعارف اللي يصير على الرسائل الكل متمسك في هذي اللعبه يعني على اساس انها لعبه فقط وهم كذابين لانهم يخفون حقيقة التعارف والعلاقات اللي تصير بين الشباب والبنات والله العظيم انه في اليوم الواحد احيان تجيني 3 او 4 رسائل تعارف ولاني ما ارد عليهم يهجمون على قريتي يعني يا تتعرفين يا تنتهي القريه شفتم تفاهه اكبر من كذا ؟؟ بالنسبه لي اشوف ان اللعبه مالها داعي وتافهه وقعها سيئ على كل من يلعبها واكيد انكم مقتنعين في هذا الشي في داخلكم بس لانكم تكابرون ما تعترفون بالخطأ سبحانك الله وبحمدك .. اشهد ان لا اله الا انت .. استغفرك واتوب اليك

  21. اول شي اشكركم على التفاعل مع الموضوع .. وحاب اقول ان للأسف الأكثرية منكم تكلم عن نقطة في الموضوع وترك الباقي .. وهالشي يعيب النقاش الهادف. بالنسبة للتحريم انا ذكرت وبشكل واضح .. مجرد ذكر وعشان يكون الموضوع كافي ووافي والمشكلة انها نقطة بسيطة في الموضوع .. ليش كبرتوها بهالشكل !؟ وبالنسبة للناس اللي تشوف نفسها فاهم في اللعبة .. للأسف .. انا بطلب منكم البحث عن هدف اللعبه .. وبعدها فكروا بالرد اللي كتبتوه ! لأن الهدف واضح جداً .. وبإختصار .. هو هدف مادي بالدرجة الأولى .. ويأتي بعدها الأهداف اللي قدروا يسطروا فيها على الشعب العربي للأسف .. اتمنى نرتقي بالنقاش .. ويكون شامل للموضوع … وربي يرزقكم الصالح ويبعد عنكم الطالح !

  22. انا تركت اللعبة من زمااااااااااااااااااان كانت اخذه وقتي كله بس انا اشوف انا لعبه عادية يعني مافي سبب لتحريمها

  23. اول جزك اخوي اخوي على الكلام بخصوص التنبيه لي لعبه صراحه انا اسميه لعبه على عقول البشر صراحة لم شفت عالم اسرئيل فيها غسلت يدي منها اول شي انه فكر يهودي لي استدراج الشباب العربي ومعرفت افكرها بنسبه لي الحروب حتي لو كانت لعبه عن طريق النت وابعدها عن القضيه الام وهي احتل المسجد الاقصي وغيرها من الترتيب الذي تهدف له العلبه كما ذكرتم وماخوفي اعظم ان ماقوال غير الله يهدي الشباب المسلم ويرجع ويتمسك بدينه

  24. وانتم كل شي حرمتوه 🙁 ترى الدين مو لعبه تحرمون وتحللون وراح تسالون يوم القيامه…والله ذكرتونى بسالفه البوكيمون قبل سنين B B B

  25. اخواني انا ممن لايلعبها لاكنها حرام للي يشتري الذهب لانه غير ملموس هذا والله اعلم

  26. داوييييه ما خليتوا حاجة ما حرمتوها ما بقى الا العلكة حرام الصراحة مسختوها أنا ألعب هذه اللعبة وهي تساعد على الترويح على النفس لازم الواحد يروح عن نفسه يلا شباب سلااام

  27. أنا من الناس اللي تلعب اللعبه وابقولك قصتي مع اللعبه انا كان اخوياي يتكلمون باللعبه ولاتفوتك ومن هالكلام لكن كان الوقت وقت اختبارات وماسجلت باللعبه الا لما بجت هالعطله والحين سكاني حول 1000 ولله الحمد مع اني ماشريت ذهب وحالف اني ما اشري ذهب عشان لعبه راس مالها اني بترك القريه لابدت الجامعه :$ لكن انا من الناس اللي مهتم بالقريه حتى اني اقوم بعض الاحيان من النوم اشيك على القريه وارجع انام لكن ان القريه او اللعبه تلهيني عن الواجبات اللي علي او الصلاة فهذا شي ماله داعي غير انه يجعل اللعبه حرام وبالنسبه لرأيي باللعبه اتوقع اللعبه ممتازه لوقت الفراغ فقط فقط لكن انك تفرغ وقتك وتاجل اكثر من شغل عندك عشان اللعبه فهذا شي مايصلح وراح تاثر عليك اللعبه بكل شي بحياتك يعني اللعبه للمتعه فقط ( فيه واحد من اخوياي يقول والله اني يمكن حول 7 صلوات تركته وانا انتظر اللعبه !!!!!!!!!!!! ) يعني تخيلو اللعبه وصلته انه يترك صلاته وبهالحال اللعبه تكون حرام عليه ! لكن اللي يستخدم اللعبه لقتل الفراغ والمتعه فقــط ( مثلي ) هذا اللي مانقدر نقوله شـــي شكرا ً لــك على الموضوع الرآئع واللي جا في وقته

  28. (( وبالنسبة للناس اللي تشوف نفسها فاهم في اللعبة .. للأسف .. انا بطلب منكم البحث عن هدف اللعبه .. وبعدها فكروا بالرد اللي كتبتوه ! لأن الهدف واضح جداً .. وبإختصار .. هو هدف مادي بالدرجة الأولى .. ويأتي بعدها الأهداف اللي قدروا يسطروا فيها على الشعب العربي للأسف )) شف حبيب قلبي انا من المستحيل اني اسلي الناس على حسابي يعني بمعنا اصح اني اتعب وافكر واخترع اللعاب واخلي الناس تلعب ببلاش عمرك شفت محل يبيع ببلاش مـــــــــــســــــــــتــــــــــــــحــــــــــــــــــــــيـــــــــــل هذا اولأ وثانيآ اكرر واقول انت من الناس اللي تسمع باللعبه ولا عمرك خضت تجربه فيها او تعمقت فيها لكي تتعرف عليها أكثر وثالثآ كيف تقول انهم سيطرو على الشعب العربي وهي لعبه عالميه وكل دوله لها رسيفر وانا من الناس اللي مسجله بالرسيفر السويدي ( السويد ) تعرف ليش لأنه اسرع من الرسيفر العربي يعني اللعبه ليست محصوره على الشعب العربي والرسيفر الانجليزي اقدم الرسيفرات ولازال موجود لحد الان وأكثر شعبيه بالعالم وعندي الدليل بالروابط مجرد توضيح تحياااتي لكم

  29. أعتقد أن الفتوى الأولى تقول إذا ترتبت عليها أشياء فاراح تكون محرمة يعني شوفوا هذا الأشياء تصير معاكم إذا صارت يعني محرمة لعبة كغيرها ولو اني مااعرفها ولا ابا بس أخوي كان يلعب بها ومسوي بها حوسة في أشياء أحلى على النت من اللعب ومدمنين اللعبة هذا الأخ وضح وجهة نظره ماله داعي هذا المهاجمة ولا إذا لم توافقني فأنت عدوي ؟!B راح تكتشوفون في يوم شكثر ضيعنا أوقاتنا من غير فايدة وأنا منكم ضيعتها عل النت الله يهدينا جميعاً

  30. السلام عليكم ورحمة الله وبركاته أشكر أخي صاحب الموضوع أولاً وجزاه الله كل خير أنا كنت من مدمني هذه اللعبة، كل وقتي عليها، وعندي أكثر من قرية في أكثر من سيرفر ومهتمة فيها جدًا لدرجة بعيدة. وكل اللي يلعب تريفيان يعرف أهمية القرى القمحية اللي فيها، ولمن جا واحد وأخذ قريتي القمحية واستولى عليها، الله لا يوريكم أنواع السب والشتم اللي حصله مني، حتى الأهل كانوا يقولون لي وهذا مسلم مثلك!! والله من بعدها قعدت أفكر في تريفيان وأخلاقي كيف صارت من بعدها. بصراحة لعبة غبية تافهة، وأتحدى أي أحد لعب اللعبة ما شتم أحد أو سب أحد ولو في نفسه؛ لأني ما عمري أرسلت لأحد أي رسالة فيها سب أو شتم. واللي ما يرسلون أغلبهم يخافون من صياد المخالفين مو عشان أخلاقهم ما تسمح، قلت الأغلب وما قلت الكل. الواحد ما يجني غير الحقد والحسد وتضييع الوقت للبحث عن القمح والموارد وإرسال جنود وهدم قرى وغيرها. الحمدلله أنا الآن لغيت كل السيرفرات وباقية على سيرفر واحد وماني مهتمة فيها كثير، وقت ما تذكرتها فتحتها وشفتها وأفكر كمان إني ألغيها بس اللي ماسكني إني وكيلة على قرية فقط, ولا كان لغيتها من زمان. لا تكابرون وتقولوا اللعبة مافيها شي والله فيها أشياء. لمن تقولون موجودة سيرفرات أجنبية وعادي، الأجانب عندهم السرقة والقتل عادي مو حرام ولا يحزنون. لكن مسلم لمن يتعود يسرق ويتعود يهجم ويستولي على أشياء غيره وهي حرام في شرعنا وقتها نقول في فرق بيننا وبينهم. بعدين اللي حرموا علماء مو ناس عاديين مثلنا، ليه العلماء نسمع كلامهم لمن يعجبنا!! ولو ما عجبنا نقعد نتهمهم إنهم يحللون ويحرمون على كيفهم!! طووووووووولت عليكم مع إني ما خلصت .. بس انتبهوا على أعماركم ودقيقة في اللعبة والله أحسن إنها تنصرف في جلسة مع الأهل. وبالنسبة للذهب ما يختلف اثنين من العلماء على تحريمه. وراجعوا أي شيخ فتوى بهذا الشي.

  31. بصراحه موضوعك جا في وقته ولا بد ان نضع حد للي حاصل انا طالب في مدرسة ولا جت حصة الحاسب كل الطلاب والله كلهم بلا استثناء يلعبون فيها مع اني ماادري وين هالمتعه الموجوده اعرف ناس يقعدون يومهم كله عالجهاز عشان زيادة السكان وفي ليلة وضحاها ينسرق منهم كل شي ويبدووون من الصفر B الحمدلله 😀

  32. رغم تحفظي على لعبة ترفيان,لكن ماشد أنتباهي جرأت المعلقين في الموضوع على الفتوى,ياجماعة حتى لو أنكم حابين اللعبة ,علقوا على اللعبة نفسها وخلو الفتوى للي يأخذ فيها ,وسواء الفتوى صحيحة أو جرى بعض اللبس على المفتي لا تفتون من راسكم قال رسول الله صلى الله عليه وسلم:حديث (أجرؤكم على الفتيا أجرؤكم على النار ) رواه الدارمي عن عبيد الله بن أبي جعفر مرسلا ، وضعفه الألباني في السلسلة الضعيفة 1814وفي ضعيف الجامع 147ولكن قال بأنه معناه صحيح .

  33. لعبه حلوه لكن لها ايجابيات وسلبيات للكبار والصغار و شاطر اللي يعرفها

  34. اللعبة هذي جدا جدا جدا مقرفة وتافهة .. ومضيعة للوقت بشكل كبير وزيدو عليها البلياردو .. زوجي الله يهديه يصلحه يلعبها والله ماهو داري عنا احنا في ارض والا سماء ..وصادقه ياخت مدمنه للعبه ورجعت لرشدها .. واسمحي لي ابنسخ كلامك بخليه يقراه لعل وعسى يتوب .. وكله كوم وشحن الذهب كوم ثاني .. مطلع فيزا لحساب اللعبة …(( يارب ياكريم جعل اللعبة هذي تجيها مصيبة وهكر يخربها ويدمرها)) والله اني ماصدقت احد يكتب عنها طلعت اللي في قلبي .. أسفة على الاطالة

  35. انا متزوجة …….. وزوجي الله يهديه من المدمنين ….. والله ماعاااااد اشوفه ………..تخيلو وهو على السرير معه اللاب توب واول مايقوم يفتح الجهاز سببت لي مشاكل كثيرررر..ماصرت اطلع من البيت والسبب هذي اللعبة ماقول الا حسبي الله عليهم وعلى هاللعبة

  36. اولا .. اشكر كاتب الموضوع لاجتهاده في الكتابه وتوضيح الامور وبالاخير تعليق بسيط .. انا من مدمني اللعبه الا رربع 😀 يعني اتابع قريتي بأستمرار واطورها واهتم فيها من جميع النواحي >> تراى رئيس تحالف في ثلاث سيرفرات اللي ابي اوصل لهـ … التحريم انا اقوم بواجباتي كامله والحمد لله اروح العمل واقوم بالبيت بأكمل وجه واطلع واروح واجي واصلي فروضي كامله والحمد لله تعمدت احط الصلاة بالاخير لاني بقول فيها شي اي شي لو انه حلال والاصل فيه الابااحه يحرم وقت الصلاة ..!! بالعربي اذا الشي بيلهيك عن الصلاه هو حراااام وبس اما الذهب .. سبقني فيها الاخ اللي رد عليه ع انه ما فيه محل يبيع ببلاش 😀 تخيل انه محل وفيه العااب فيديو تقدر تلعب ببلاش ؟؟ اكيد لاء هل هذا يعني ان العااب الفيديو حراام ؟؟؟؟؟ اما الهدف .. :$ عطني لعبه لها هدف اساسا غير التسليه >> خلنا من الفلووس والذهب اللحين تكلمنا عنها خلاص 🙂 الهدف من اللعبه تسليه تسليه بس 😀 وبالاخييييييير … كلن عقله براسه ويعرف خلاصه تحيتي لكـ وللجيع 8)

  37. مشكور اخوي على الموضوع قسم بالله انها حاااااااله زوجي انا مدمن من الدرجه الاولى والله ثم والله ثم والله اني عند اهلي زعلانه وبتوصل حالتي الى الطلاق والسبب اهماله لواجباته وادمانه على ذي العبه التافه حسبي الله على الي سوها جعل ذي اللعبه تحترق مره وحده والله اني مقهوره الى اخر درجه

  38. لا أملك القدرة على ترك هذه اللعبة .. لقد استحوذت على تفكيري وأحاسيسي .. لا أعلم ماذا سيحل بي لو تم تشفير موقع ترافيان كما ينادي البعض .. حقا لا أتمنى ذلك ..

  39. الي متى يضحوك علينا الغرب اي مدمن انا متأكد 100 % انها تلهيه وتشغله عن الصلاه وهذا الشي شفته بعيني وانا كنت من ضمنهم والحمدلله حذفت العضويه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى