اعزائي قروب ابو نواف
اعتذر عن الانقطاع الخارج عن الإراده
واعود لاصافحكم بهذه القصائد الصوتيه والابيات المنوعه
اتمنى ان تحوز على رضاكم
قصيده النواعس خجوله
وقصيدة قصين الراكه
وقصيده الخوف مافك الحباري من الموت
وهذه مختارات من ابياتي
يعني كذا بتغيب من دون تبريـر
والا تغلى وانت تعـرف غلاتـك
يحق لـك ياسيـد كـل الغناديـر
لكن من حقـي اعيـش بحياتـك
دامي عطيتك قلب يحرم عن الغير
لاتحرمه حبك ولا طيـب ذاتـك
يوم الخلايق بآخر الليل باتـت
عيني تراقب فالسما نجمة سهيل
اراجع ايام العمر يـوم فاتـت
واجاذب المـوال ياليـل ياليـل
فرصه تلاقي فالعمر يوم واتت
قطفتها قطف الزهر فالمحاصيل
ما ماتت اشواقي والافراح ماتت
من يوم غبت وكل وقتي غرابيل
كان الغلا يحسب بميزان الاشعـار
شعري ذهب واسبك حروفه عشانك
.ذهب ذهب مايخضع لأي معيـار
الا غرامـك يالجميـل و حنانـك
تشعل بصدري نار ثم تطفي النـار
واهيم في عطفك وفـي عنفوانـك
اجي وانا محتـار واروح محتـار
ويضيع شعري من عذوبة لسانـك
يا نادرة لجلـك نظمـت النـوادر
ورسمت لاجلك صادق الحب بابيات
وافنيت لك عمري اجازف وابـادر
واجـاذب الونـه وازيـد التنهـات
والوم وقتٍ اصبـح اليـوم غـادر
اخذك منـي يابعـد كـل الاهـات
ياغايتي ما احتاج ابـرر وسيلـه
الحب صادق والنوايـا مغاتيـر
ياغايتي والحب ما ارضى بديله
وانتي مراد الحـب ياقبلةالخيـر
شعري اصيل وطاع لك يا اصيله
وقلبي عنيد وعذبتـه المشاويـر
اشغلت فكري مثل ما اشغلت جوالك
واسهرت جفني وجفنك بالسهر لاهي
ادق با اشوف يالغالي وش احوالـك
وانعم بقربك واداعب همسك الزاهي
واقول لك شي مايطري على بالـك
بداعب شفاك وانت تداعب شفاهـي
انطق بإسمك واغني لحـن موالـك
وتردد اسمي وكن الشهد بك راهـي
وان كنت لاهي فانا لك يالغلا هالـك
وافخر بحبك وقربك لـي واباهـي
جلست انتظرك وطال صبري ولا مليت
تجرعت مر الصبر واحرمت عين النوم
اترجم لعينك بيت وارجع واصوغ البيت
الوم الغلا واثر الغـلا مايجيـه اللـوم
ذبحنا الفراق وكل مـره نـردد ليـت
واثر ليت تفتح باب .. بابٍ وراه علوم
نزولاً عند رغبة سيدة كـل الحـلا والزيـن
كتبت اخر بيوتي لاجل اراضيها وترضينـي
رسمت العشق بحروفي وترجمته عذاب سنين
بنيت آمال واحلام لحكايـه فـي شرايينـي
مشت فالدم للي تسكن الخافق وتملى العيـن
الا ياساكنـه عينـي فداكـي يالغـلا عينـي
ياللي حياتي كلها لجلـك ولـع
ولعتني بالحب يالـورد النـدي
بين السكوت وبين ضحكات الدلع
اهيم بك وارحل معك لو اغـدي
يـادرةٍ ماهيـب تشـرا بالسلـع
يادانة صعبه مثل نجـم الجـدي
قلبي لكم حرٍ على شوفك شلـع
وان تعبت الاقدام ماكل جهـدي
اتذكر امسي معك والذكرى ولع
وان قلت لي بعدين اشتاق لغدي
الا زادت الضيقـه تمثلـت لـي بيتيـن
احاسب همـوم القلـب فيهـا واعاتبه
الوم الظروف اللي خذتني ولا ادري وين
مشت بي وفكـري تايـه مـن سبايبه
اصوغ البيوت وحزن قلبي عذاب سنيـن
اطـوع قوافيهـا وانقـي مـن اعذبه
طعنت القوافي لاجل اوفر دموع العيـن
ووفـرت دمعـي للسنيـن ومصايبه
ياكثر ما اشره عليك وكثر ما اعاتـب
وياكثر ما اصفح واسامح واقبل اعذارك
شوف الرسايل وتعرف ويش انا كاتب
وتشوف وشلون حبي طاح في نـارك
ضاقت علي الوسيعه يابعد روحـي
واكثر سبايب جروحي يوم ضيقتـك
يا دواي يامنيتي يابلسـم جروحـي
بعطيك عمري وهات شوي من وقتك
للتواصل على الايميل
wjdsha3r@hotmail.com
أو على صفحتي فالفيس بوك
http://www.facebook.com/profile.php?id=100000592496721
تابعوا جديد شبكة أبونواف على فيس بوك وتويتر
الله يعطيك الصحة و العافية يا أخي وجد شاعر على اتحافنا بقصائدك الشعرية هاته.
بدينا في شغل الهياط والترقيم الإلكتروني :$:$:$:$:$:$:$:$:$:$:$:$:$:$:$
ماشاءالله عليك بصراحه ماسمعت اللي بالمقاطع بس قريت المكتوبين روووووووووووووعه عجبوني كثير
شاعر الموقع اسجل اعجابى بتلك الدرر التى تشبة حبات الؤلؤ المنثور على صفحة السماء تسلم الافكار والكلمات