رسائل المجموعة

برد على قلبك : عصيرات صيفية .. خلطاتي الخاصة

/


[ موكا بالمارس ] .. /
/

/

المقادير / ..
آيس كريم فانيلا .. ( انا غرفت 4 غرفات )
مارس ( انا حطيت 1 ممكن اللي يحب طعم المارس يكون واضح يحط 2 )
كريمة خفق ( نص كاس )
ملعقة نسكافيه ( اللي يبي طعمه واضح يحط ملعقة كبيره .. اللي يبيه خفيف يحط صغيره )
سكر بودره ( الكميه على حسب الشخص .. تزيد وتنقص حسب الحلاوة المطلوبة )
ومايحتاج نكثر لأن السكر اللي في الباقي ممكن يكفي ..,
ثلج ( حطيت تقريبا 6 حبات )
كراميل ( اللي يجي مع الكريم كراميل )

الطريقة / ..
اول شي نذوب النسكافيه والسكر في ماي دافي .. ( كمية الماي ربع كاس او اقل شوي )
ونخليه ..
نحط الثلج مع الآيس كريم بالخلاط ..
لما يصير الخليط متجانس ونحس الثلج راح فيها /
بعدها نحط المارس والكريمة ..
مع ملاحظة / ان المارس يكون بدرجة حرارة الغرفة عشان ينخلط زين ..,
ونحط النسكافيه والسكر اللي ذوبناهم ..,
ونخلط ..

على ماينخلطون
نجيب كاس التقديم ..

ونحط فيه الكراميل بشكل خطوط مثل الصوره ..
ونصب اللي سويناه فيه ..
ونزينهم بكريمة مخفوقه + دارك شوكلت مبشور /
ونقدمهم ..

/

/
/

وبالعافيه /


[ موكا بارد ] ..

/

/

المقادير / ..
آيس كريم كاكاو ( غرفت 4 غرفات )
كريمة خفق ( نص كاس )
دارك شوكلت ( الكاكاو العادي مو البودرة .. حطيت تقريبا من 30 الى 20 جرام )
سكر بودرة ( الكميه حسب الرغبة )
ثلج ( الكميه حسب الرغبه )
ملعقة نسكافيه ( اللي يبي طعمه واضح يحط ملعقه كبيره .. اللي يبيه خفيف يحط صغيره )
كراميل ( اللي يجي بعلبة كريم كراميل )
,

الطريقه / ..
اول شي نذوب النسكافيه والسكر في ماي دافي .. ( كمية الماي ربع كاس أو اقل شوي )
ونخليه ..
بعدين نحط الثلج مع الآيس كريم بالخلاط ..
لين يصير مثل اللي قبل /
بعدها نحط الشوكولاته والكريمة ..
ونحط النسكافيه والسكر اللي ذوبناهم ..,
ونخلط ..
على ماينخلطون
نجيب كاس التقديم ..
ونحط فيه الكراميل بشكل خطوط مثل الصورة ..
ونصب اللي سويناه فيه ..

ونزينهم مثل اللي قبل /
بكريمة مخفوقه + دارك شوكلت مبشور

ونقدمهم ..

/

/


[ strawberry milkshake ]
يارب اني كاتبته صح / ..

/

/

عاد هذا لا جديد فيه ..
ترددت احطه .. بس قلت زيادة عدد بما اني سويته / ..

المقادير / ..
فراولة ( 6 الى 7 حبات )
آيس كريم فانيلا ( 3 مغرفات ) .. _ مره غرفات مره مغرفات مدري وش أسوي بعمري / _
رشة فانيلا
سكر بودره ( 3 ملاعق كبيره .. ممكن تزيدين وتقللين على كيفك )
كريمة خفق ( نص كاس )
ثلج ( المئدار اللي انتو عاوزينو ياقماعه بئه )

الطريقه / ..
نحذف الفراوله مع الثلج ونحط ملعقه كبيره من كريمة الخفق
ونخليهم ينخلطون لين توبون ..
لاصارو منخلطين زين نضيف عليهك الباقي ..
ونقدمه ..
في اسهل من كذا .. / ؟

/

ونلاحظ في الصورة الثانية ان فيه فراولة طافحة شوي بس عادي حركه / ..


[ Special juice ]

/

المقادير / ..
حبة فاكهه من هالنوع

/

جح .. ( مقدار كاس مقطع ومصفى من الحبوب اللي داخله )
ملعقة عصير ليمون .. ( تبون يكون طعمه واضح شويه حطو كبيره تبونه خفيف حطو صغيره )
سكر .. ( الكميه حسب الرغبة )
ثلج .. ( الكميه حسب الرغبة )
ملعقة حليب بودرة _ اختياري _

الطريقه / ..
نحط الثلج مع الجح والفاكهه اللي مدري وش اسمها /
ونخلطهم ..
بعدين نحاول نذوب السكر مع الليمون وشوية مويه ..
ونضيفها للباقي بالخلاط ..

ولا انخلطو ..
نقدمهم ,

/

/


[ سلاش ]

/

/

هذا سويته يوم اني مشتهيه جح وذاكره تحرني من صبح الله /
يوم جابو الجح العصر مافيه الا قوة بلع وعصيرات / ..

المقادير / ..
جح ( مقطع وشايلين منه الحبوب اللي فيه .. مقدار كاسين )
سفن اب ( نص كاس )
سكر _ اختياري _ انا ماحطيت / .. بس اللي يحب يحط عادي
ثلج ( الكميه اللي تبونها .. انا كثرت عشان كانو توهم جايبن الجح وكان حار )
ملعقة كبيره عصير ليمون ..
,

الطريقة / ..
بالخلاط نحط الثلج والجح ..
وهاتك ياخلط ..
بعدين نضيف السفن اب والليمون ..,
ونقدمه ..

/


 [ Summer Juice ]

هذا سويته لوحده من البنات وتقول طعمه غريب وحلو ..
عاد مدري عنها جاز لها والا تبي ترقع لي /

اصلا حسنا فيها ونقصنا وزدنا لين طلع كذا ..
اخلط الاشياء اللي تعجبني واقول على الله يعجب غيري

/

لحد يتعب نفسه ويقز بالصور .. مافيه شي عاكس .. /
لو تشوفون وش اسوي عشان مايعكس شي تضحكون /
,

المقادير / ..
ملعقة صغيره حليب بودره ..
جح ( مقدار كاس ونص تقريبا .. مخلي من الحبوب ومقطع )
عصير رمان طازج ( نص كاس )
سفن اب ( نص كاس )
ثلج ( الكميه اللي تبونها .. الافضل يكون كثير عشان يسرسح ع القلب // )
,

الطريقه / ..
نحط الثلج مع الجح ..
لين ينخلطون زين
عقبها نحط عصير الرمان ..
والسفن اب والليمون
ونخلطهم
ونقدمه ..,

ملاحظه / ..
عصير الرمان الأفضل يكون طازج ومن نوعية زينه ..
بعض المحلات يكون فيه طعم مر ومو حلو .. وبعضها الحبوب اللي فيه ماتكون مخلوطة زين للأسف ..
في محل بالشرقية عندنا يسويه تمام .. مدري اذا عادي احط اسمه او لا /
,

بالنهايه / ..
مجرد أفكار بسيطة أتمنى تعجبكم ..
المقادير ممكن تزيدون وتنقصون فيها لين توصولون للطعم اللي يعجبكم ..

السكر أحيانا ما احبه كثير أحيانا ودي أكثر ..
على حسب يعني ..
وأتمنى يعجبكم الموضوع


تابع جديد رسائل المجموعة على تويتر

/
twitter.com/AbuNawafNet

مقالات ذات صلة

‫34 تعليقات

  1. يا ذا الجح اللي في كل شئ حاطينه شكلك مدمنة جح بس يبي لي اجرب وحده من الأشياء الحلوة اللي سويتيها خاصة الوردي شكله حلو اشكرك بعنف

  2. رووووووعه يعطيك الف الف عافيه بس اذا سمحتي تكتبي نوع الشكوليت اللي تستخدميه:D

  3. يامجرم 🙁 اشتهيته وربي يسلمو ع االابداع والذوق في الطبخ ‘ عـأد الله الله لاتنسنـآ ارسلنـآ كل جديد صـلأأم ~

  4. مـاشاء الله على هالمـسآت الحـلوة قـولي آمـين عسى الله يرزقـني بمراه مثـلكـ وشـروآكـ >>>اسـرع طريـق لقلب الرجـل (….)8)

  5. والله انك توووحفه و:) وجنان بعد لالالا شكلي بفتح محل عصيرات واخليك شريكتي وشرايك:D

  6. الله يعطيك العافية ما شاء الله يفتح النفس ..مشكورة حبيبتي بجرب 🙂

  7. تسلمين على الإبداع بس الفاكهة الحمراء من 500 ريال إذا جبيتيلي إسمها بسرعةردي علي:D

  8. السلام عليكم ورحمة الله وبركاته , ماشاء الله عليكِ اختي , بصراحة شدني الموضوع كثير ودخلته وماشاء الله شفت انواع الابداع في العصيرات اهنئئك على خلطاتك المميزة والحلوة والفاكهة اللي ماعمري شفتها بحياتي :p استمتعت كثيرا بالمشاهدة , والله يرزقنا باننا نسوي ونستمتع بالطعم اتمنى ماتحرمينا جديدك 🙂

  9. من جد مع الجو ……. بررررررررررردعلى قلبك وبقوووه بعـــــد ان شااء الله …….. راااح اجرب بس وحدهـ منهم … مشكورهـ اختي (بالتوفيق).

  10. وربي أنك خطيرة وتسلم أيديك والله وحفظت موضوعك لأنه من جد خطير .. بس عاد سالفة الجح هذي يبيلها تجربه لووول شكراً لك ولطرحك

  11. ياذا الجح اللي ماتدانونه ..! ابو ابراهيم .. الفاكهه يقولون اسمها فاكهة التنين .. وبالنسبه للشوكلت اللي مستخدمته حاطه صورته من قبل بالموقع حقنا .. اي استفسار حطوه بالموقع وانا ان شاء الله بجاوبكم ..

  12. وربي رووووووووووووووووووووعه تسلم يدك على طول طبيت في المطبخ سويت موكا المارس وه وه وه ياقلبي شييييي مسكت

  13. بصراحة مع هالجو بحاجة لهالعصائر لتعويض فقد السوائل ولخفض درجة حرارة الجسم لمعدل الطبيعي ولتبريد القلب 😀 تسلك ايديك وبالنسبة للميلك شيك الكتابة الصحيحة ( Milk Chek) هذا والله اعلم

  14. ووووووووواااااااااااااااوووووووووووووو والله ياإني خقق عندك .. سعابيلي طاحت تكفيني أو تكفى أبي جوزازه وحده أبي آيس موكا واااااااااااااااااااااااااااااو أبي طريقة التحضير بلييييييييزز

  15. ووواااااااووووووووو مع الجووالااكثر من راائع مع البررد <<لاتصدقوون نجتااج للعصيرات هذي تجنننن

  16. صراااحة العصيرااات مره جونآآآآآآآآآآآآآآآآآآآآآآآآن:):) لكن ابغى اعرف ايش معنى_ جح_:(B 🙁

  17. الأخت كأنه ردت عليكم ووضحت نوع الشوكولاته المستخدمة الله يعطيها العافية .. ولمن أراد المزيد ماعليه الا متابعة الفعالية الخاصة بالعصائر في الموقع وستجدون مايسركم بإذن الله .. أشكر كل من مر وترك تعليقاً هنا .. أشكر كل من أرسل رده على الايميل وأشكر كل من طلب إضافتي .. فمان الله .

  18. Milk shake و ليس milk chek اسم الفاكهه في special juice dragon fruit فاكهة التنين وهو يكثر في المكسيك و دول جنوب امريكا و دول جنوب شرق اسيا مثل التايوان و التايلند و شمال استراليا و ايضا لقد وجدوها في اسرائيل. ويعطيك العافيه على العصيرات المشهيه وبحاول اسويهم اليوم ان شاءالله. تحياتي

  19. اضافه على المعلومه، بعض الدول الي في اسيا تسمي فاكهة التنين Pitaya بيتايا

  20. بس لو سمحتى ايه اسم الفاكهة اللي مكتبتيش اسمها و لا حاخد الصورة معايا اوريها للفكهلني

  21. لو سمحت/سمحتي بس فاكهة الدراجون مو موجودة في السعودية (اعتقد) موجود في ماليزيا و البلدان الأجنبية الأخرى !! ممكن اي مكان الاقيها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى