رسائل المجموعة

باريس .. عشقتك قبل ما شوفك .. وشفتك صرت كلي حلم (ج6)

مساااااااااااااء الخير لكل الأحبابــ .. مسااااااااااااء الورد لكل الأصحابــ … مساااااااااااء ما يليق إلا بأحبابي … انت .. وأنتي …
يا هلا …
ومليون غلا …
يا هلا والله بأحبابي
كيفكم … ان شاء الله في اتم صحه وعافيه ياااااااارب …
اليوم يا حلوين … راح نكمل معاكم … سلسلة رحلتي لباريس …
ومثلك عاااااااارف … وش الوضع الحين المفروض تكون عليه انت ….
هالمره جوالك لا تحطه على السايلنت … لالالالالا … هالمره جوالك شل بطاريته

الاناره خافته ..
الببسي يمينك
المفرحات يسارك

هات بالك … عقلك … فكرك … وقبلها قلبك …. وخلينا مع بعض

اليوم راح نزور

ديزني لاند


نبدا ..!! … ما اسمع…. نبدا …. اللي جالسين ورا هناك … ما اسمع …. ايووووه
هيا بنا …

من ضمن المخطط اللي كنت راسمه للرحله .. ان يكون اليوم زياره لديزني لاند …
اول شي خلونا نحشش شوي

تعرف ديزني .. اقصد اسم ديزني من وين ماخذينه ؟ … طبعا ما تعرف ..

تخبر انت ديزني عباره عن ملاهي .. ولعب .. واشياء توسع الصدر … وعشان فيها حركه وكيذا … لازم اللي يحضر ديزني …. يصير بعض الاحتكاكات … والدف .. والامور هذه … عشانها ملاهي … وهذه الاشياء لازم تصير …

طيب … امممممممممم … نشوف الاسم من وين اكتشفوه …

( ديزني )

ديز = يعني دف … ( وهو وضع اليدين على خشة احدهم ودفعه )

ديزن = برضو دف … لكن بالقصيمي … لكن تنطقها البنوته القصيميه .. اللي مسويه تدلع … لا تديزن … قلها …!! .. قلها بس مدها شوي … لا تــديــــــزن …

ديزني = وهو برضو الدف … ولكن الدف برضاء الطرف الاخر … كذا ماسكه تدفه .. وش يقول لك ؟ … ديزني ...
من هنا … اخترعو هالاسم

>>> اقول كمل بلا تحشيش
<<< طيب

بعد ما صحيت الصباح … وخلصت كل الطقوس الصباحيه المعروفه …. قلت بطلع لديزني لاند … نغير جو هناك …
خلونا نتكلم شوي عن ديزني لاند …

اول شي … اعتبر اللي يروح لفرنسا … ولا يروح ديزني لاند .. كأنه ما راح …

ثاني شي … اللي يبي يروح لها يروح وهو مررررروق … عشان ما يتعب حاله ويتعبنا معه <<<< وش دخلك انت

ثالثا … اللي من طقه انا والله كبير … وهذه العاب بزران… وبرستيجي ما يسمح … ومسوي ثقل … وووو … انتم عارفين هالنوعيه … اللي من هالنوعيه … انصحه يخلي ديزني .. ويروح يتسكع على شارع الترززيه … ( قويه يتسكع )

رابعا … خطط … خطط .. خطط … لكل شي قبل ما تروح لديزني … كيف تخطط … يعني قبلها بليله .. ادخل الموقع .. او اطبع أي تقرير .. المهم عشان تكون مخطط كيف تستغل ديزني صح … صدقوني فيه من يروح لها .. واول ما يدخل يفك خشته … ويقول نبدا هنا … لالالالا .. نبدا هنا .. لالالا وش رايكم نبدا هنا … المهم يجلس اربع ساعات .. وهو ما استمتع بديزني ولا 10 % …

خامسا … اذا نويت تروح ان شاء الله .. رح بدري …. لا تسوي نفسك فاهم .. وتقول بروح بعد العصر .. رح بدري بدري .. يعني ع الساعه 11 حلو كثير …

سادسا … بخصص اللبس .. حركات التكشخ .. والحزام فوق البطن.. والشعر كله جل … والا اذا جتك عليها وجه ثلاث ارباعه مكياج …. واللبس كأنها رايحه لزواره ( حفله تقام بعد الزواج ) ….

هنا لالالالا .. البس اخف شي عندك .. او بالاصح … اللبس اللي تحس انك مرتااااااااح فيه .. وتقدر تروح وتجي …

سابعا … اذا كنتم قروب .. تقريبا 7 او 8 … افضل شي التوزيع … يعني كل 3 .. او 4 مع بعض .. عشان يكون اكثر حريه .. ومتعه .. وبينكم الجوال

ثامنا … فيه كتاب عن ديزني .. باللغه العربيه .. مررره حلو .. انصح أي واحد قبل ما يروح ينزله ويطبعه … وحملته لكم على الموقع … وهذا هو الكتاب …

وهذا برضو موقع ديزني … ادخله وتلاقي اشياء حلوه ..هونا …

هذه بعض الملاحظات اللي حبيت اذكرها في بدايه الموضوع ..

موضوع ديزني راح ينقسم الى قسمين …

لأن والله الصور كثيررررره… لي ثلاث ايام جالس اقلصها بأي شكل … حتى استقريت على 167 صوره … اليوم تبي تنزل مجموعه قليله … ومجموعه في الحلقه اللي بعدها
هذا شي …

الشي الاخر .. ديزني .. صراحه انا رحت لها مرتيــــــــن … وبيني وبينكم … اللي يبي يحللها صح صح .. يروح لها مرتين … والا يروح لها يوم كامل …

خلونا الحين … نرقى فوق شوي .. عشان نشوف ديزني من فوق كيف جاي تقسيمها ….

ابد .. ما هنا فرق عن ملاهي الربوه … الا هالخضار

مثل ما انت شايف في الخريطه … ديزني مو بس ألعاب … لالالالا … ديزني تضم قسم الالعاب .. وجنبه استديو ديزني … وجنبهم .. مركز التسوق … وبرضو حولهم فنادق .. اللي يبي يسكن هناك كم يوم … حتى الي يشيل شناطك من عائله آآآآل ديزني

قسم الالعاب والخبال .. هذا اهم شي … وتشوفه في الخريطه مكتوب عليه منتزه ديزني لاند …

استديو ديزني …

هذا امممممم .. هذا يصلح للاطفال اللي اعمارهم 8 سنوات واقل … تقريبا يعني … لأن فيه سينما تعرض افلام ديزني المعروفه …

 

وفيه بعض الاماكن … اللي تشوف فيها كيف يصورون افلامهم …

المكان حلو .. بس لا تخليه من اولوياتك … الا اذا كان مع دقرش … ( أي اطفال صغار )
انا هالمكان ما دخلته صراحه … فكنسلته من جدولي …
اول روحه لي لديزني .. قلت ما راح ادخل المنتزه .. يعني الالعاب .. ما راح ادخلها من اول يوم … بروح ايوم لقسم التسوق .. وألف ألف فيه .. واحلله … واسوي شوبنق … ( على وزن اسوي حيا ) … ومنها برضو .. مثل ما تقولون .. اخذ فكره عامه عن المكان .. عشان اخلي اليوم الثاني للألعاب والرجه ..

اول ما وصلت هناك .. لقيت سوق كبيررررر … مثل القريه صغيره .. تبيع منتجات ديزني … شي خيااااال صراحه … تعيش جو … خلونا نشوفها حبه حبه .. مع الصور .. بص معايا يا باشا …

هنا اول ما دخلت الفيليج … كان الجو خياااااااااالي .. لاهو برد .. ولا هو حر .. تيي شيرت .. وشنطه خفيفه بيدك او ع ظهرك … وعيش جوك

اول ما تدخل .. يقابلك مجمع السينما على يمينك … ابد حط حجاجك الايسر هنااااااااك .. تشوف السينما قبالك

تعرض فيها برضو .. اهم الافلام اللي انتجتها شركة ديزني ….

تمشي شوي … تلاقي جنب السينما .. مطعم بلانيت هوليود

ع طاري هوليود .. مشتهي قشت .. والله لي فوق الاسبوع الحين … بيتشوه الجنين … ههههههههههـ
المهم وانت تمشي في هالقريه … تحس بمتعه … اول شي كان المطر ينزل على خفيف … مثل الرذاذ .. وفيه ميوزك حقت ديزني .. في كل مكاااااااااااان … وغير كيذا .. انواع المحلات على يمينك ويسارك .. شوف معاي …

وش نوع هالمحلات اللي تشوفها …! … المحلات جزء كبير منها يخص ديزني .. منتجات عليها شعار ديزني … والجزء الاخر فيه كوفيات … ومطاعم .. فيه سينما … وبرضو فيه اشياء حلوه كتير كتير ابن عمي
شوف مثلا هذا…

وتلاقي كل مطعم له ستاااايل روووووووعه … يعني شي على شكل الكاوبوي .. او مثلا على شكل غاااااااابه … شوفو مثلا هالمطعم .. تدخله … كأنك داخل غابه .. بوص معايا …

هذا المدخل … حاطين بعض الاشياء يبيعونها في المدخل … بعد ما تدخل شوي … تحصل كل طاولات المطعم .. بالخشب … وعلى شكل غااااااابه .. والاصوات حولك … قوقوقوقو.. يعني حاجه زي كيذا
شوف الجلسات

وانت طالع … تشوف تمسااااااااااااح

طبعا كأنه صدقي … لكن لا تخاف .. تراه كذبي
المهم خلونا نمشي شوي بعد …

ايه ايه … فيه محل راااااااااايق .. محل كاوبوي … تخبرون اول حقين فلم كرتون … اللي يحط مسدس يمينه .. ومسدس يساره … وطح طح … ايه ايه .. وتشوف الجزمه اذا كان مسررررررع .. وبغى يوقف .. يرجع جزمته شوي على ورا … يطلع شرار .. بعدين يقول اووووووع ويوقف .. تذكرته ؟!!… والا اذا بغى يصيد الخيل .. طلع الحبل …وجلس يدور به فوق راسه .. ويدور به ويدور به .. ويرميه على الخيل .. ويمسكه … يامااا سويتها ورميت حباااااال على خواني .. ما قدرت امسك ولا واحد … هااااااا عساك تذكرته ؟؟ … ايوووووووه .. هم هم ….
هذولي لهم محل برضو … يبيع كل منتجاتهم .. خلنا ندخله سوا ..

ولما تدخل تشوف …

اول ما تلبس هالكاب … كيذا يجيك احساس داخلي… ان ودك تطلق على احد بمسدس … مثل اول وحنا صغار .. اذا شفنا حلقه من الكابتن ماجد .. اول ما تخلص الحلقه .. وتجي دقتهم المشهوره .. كيذا تحس بداخلك ودك تشوت وجه احد
وهذه بعض منتجاتهم عارضينها برى …

تقدر تكتب اسمك .. او يعني حركات هدايا …

وانت طالع من هالمحل .. جنبه على طووووول … جدارن بجدار .. تلاقي كوفي تابع لهم .. برضو عندهم حركات الطع طع

وبرضو هناك .. محل تصوير … لو نقصك بعض الاشياء لكاميرتك … شوف معايا المحل …

شوفو الركبه ورديه .. مو زي ركب بعض الناس
<<< بينجلد
اممممممممممم .. ايه .. فيه هذا الكوفي .. برضو حلو ..

وانت تمشي تمشي … تشوف قدامك مثل البالون .. كبيررر .. تقدر تركبه … ويطير بك فووووووق .. وتشوف ديزني من فوق … من جد شي رووووووعه … بوص …

 

 

شعور راااااااائع
لا تفوت شي … كل شي اركبه .. وكل شي جربه … واستمتع …
المهم وانا امشي .. .. التفت يمين .. الا حسيت قلبي يقول .. طربق طربق .. ياهووو وش السالفه … الا رجع قلبي يقول طربق طربق … وش لقيت ؟… لقيت …

 

 


اكوس مطعم في الكره الارضيه …
دخلته .. وطلبت وجبتي المعتاده .. ماك رويال … وقلت صراحه الجو ما ينتفوت .. ما راح اكل الوجبه جوا .. بطلع برى .. والاقي لي مكان فيه ورد .. واجلس فيه

 

 

 

 

ورد .. جلس عند ورد ..

 

 

<<< براااااااا
بعدها طلعت وكملت المشي … وصلت لمحل … هو زبده المحلات كلها..

 

 

 

 

هذا اذا رحتو له .. لا تطلع الا معك 3453562 كيس … لا جد .. فيه اشياء روووعه وما تتفوت …
ونادر ما تلاقي مكان واحد فيه كل هالاشياء .. اول ما تدخله .. يقابلك هالاطخم

 

 

 

 

بالحضن يا باشا .. بالحضن بالحضن
كنه كنه كنه ههههههههههههههههههـ …
خلونا نلف في المحل و نشوف بعض المعروضات …
هذه شنط للبنوتات …. مرره كيوت …. شوف

 

 

وهذه برضو حلوه …

 

 

 

 

وهذه منظره وملمسه يجننننننننن

 


وهذه ملابس للبيبي …


وامشي شوي .. والاقي منظررررررر .. كيذا جا في نفسي .. اني انــــــــط فوقهم … شوف

 

 

عمبيتجننننن….
وهذه شباشب بنوتيه .. كيوت كثير … تصلح داخل البيت .. بوص .. لالالالا وشو بوص.. بوصي ( عشانها للبنات ) ...

 

 

ناااااااااااعمه .. ومريحـــــــــــه

 

 

طبعا المحل كبير .. وفيه اشياء كثيره … مثلا فيه اقلام .. دفاتر .. شناط .. جزم .. تي شيرتات .. هدايا .. اكواب … ميداليات .. نظارات … كتب .. سيديات … كبده .. شكشكوه .. جبن … ( مسكت خط )
كل كل كل كل شي مطبوعه عليه شعار ديزني … وبشخصيات ديزني …
شوف معاي المحل من فوق … طبعا كبير هو تعلقت فوق … و صورت احد زاوياه

 

 

وانت طالع من المحل .. فيه شي لالالالالازم تشتريه.. لازم لازم … شوف …

 

 


.. تشتريه … وتربطه في يدك … عشان اذا ضعت والا شي … ناقز اكثر من مره .. وتطير للفندق على طول … كل ما كثرت بالونات .. كل ما وصلت لغرفتك اسرع
ايوه وين وصلنا …

 

 

المهم بعد ما تقضيت من هالمحل .. طلعت .. والاقي واحد يسوي هدايا .. بس بشكل ثاني … شوف معاي ..

هذا ابو صلعه الله يخليه لأميمته … يضبط بعض الاشياء بالقزاز … ويكتب اسمك .. او أي اسم احد تبي تهديه … شوف كيف جاي شكلها …

رااااااااااااايقهــ

 

الله الله .. مرررررره حلوه …. وسعرها مثل ما انت شايف .. تقريبا 100 يورو .. يعني حول 550 ريال … مو مشكله الدراهم .. انبسط اهم شي

 

 

وهذه صوره ثانيه لنفس المحل … وفيه بعض الحركات اللي ممكن تختار اللي تبيه ..


بعدها كملت جولتي … بعدين قررت انه يكفي الوقت اللي قضيته في شوبينق ديزني .. وقلت بكره اجي بدري برضو .. عشان ادخل قسم الالعاااااااب .. وتبدا المغامرات
طلعت من هناك .. وهذه صوره ختاميه للمكان …

 

 

 

 

اللي ما يعرف يقرا انجليزي … مكتوب شكرا يالمايسترو على الزياره .. ولا تنسانا باتسر

 

 

المهم .. طلعت من هناك .. ورحت محطه القطار … عشان يرجعني لوسط باريس …
اييييييه .. اصبر اصبر .. تذكرت سالفه ….

 

يوم جيت برجع لوسط باريس بالقطار … رحت بقص تذكره الرجعه … المهم قبل ما اقصها … تذكرت ان القطار يتحرك 5 ونص … واللي بعده يتحرك 6 … جلست اطالع في ساعتي .. لقيتها 5:28 دقيقه … واطالع شباك التذاكر والاقي ناس صافه عشان تشتري تذكره القطار للرجعه …

 

 

اممممممممممممم .. وش اسوي .. وش اسوي … ما ابي اجس نص ساعه انتظار …
طبعا حكيت راسي شوي ..

 

 

واطالع البوابات اللي تطلعك للقطار … شوفها تشبه لهذه …

 

 

 

 

شوي .. وتجي عجوز .. تمشي صفر .. وتوقف عند احد هالبوابات … وتفتح شنطتها .. عشان تطلع تذكرتها .. وتطلع التذكره .. اول ما شفت التذكره … جاني الشيطان وقتها … قال لي يالله يالمايسترو .. رح ألصق في هالعجوز .. عشان اول ما ينفتح لها الباب .. على طووووول ادخل وراها …
واروح وراها بسرررررعه .. وتدخل البطاقه وينفتح الباب … وتدخل هي .. وانا وراها على طول .. يوم سكر .. طبعا يالله لحقت .. واروح اركض للقطار .. واركب قبل ما يسكر الباب … حتى العجوز ما ركبت .. جلست في مقاعد الانتظار….

 

 

وطبعا وقتها انا مبسوووووط.. وكشرتي وش عرضها من الفرحه … جلست في مكاني في القطار شوي .. الا تجي حقت التذاكر .. اول ما شفتها من بعيد .. قلت ايووووووووووه .. عز الله رحنا فيها … وتمشي على العالم اللي في القطار .. وتختم هالتذاكر ..
يوم وصلت لي .. وطبعا كشرتي ما زالت…. المهم قالت تذكرتك … قلت وش حشيشه … قلت دقيقه .. واسوي فاهم .. واطلع لها تذكره الروحه اللي قصيتها يوم اجي ديزني .. قالت لالالا مو هذه .. هذه مكتوب عليها من وسط باريس .. لديزني … ابي اللي من ديزني لباريس …
قلت والله يا اوخيتي ما عندي الا هذه .. تبينها والا نزلوني … خربت الاخلاق

 

 

قالت مالك الا تختار حل من ثلاثه … يا انك تعطيني التذكره الصحيحه الان .. والا تدفع الغرامه .. والا اول ما نوصل المحطه الجايه .. مضطره اسلمك للامن اللي هناك وهم يتفاهمون معك ….
قلت ايوووووه .. الدعوه فيها الناصريه .. لالالا .. كم الغرامه ..؟؟ … قالت 40 يورو … تقريبا 220 ريال … قلت قسيمه السرعه على الدائري 150 ريال… وشو 40 يورو.. وتدخل يدها في بنطلونها .. قلت ايوووه ابد … تبي تطلع المسدس … يوم طلعت شروط وقوانين تتعلق في شركه القطار .. وقالت اقرا الفقره هذه . يوم قريتها مكتوب اللي يركب بطريقه غير مشروعه .. يدفع 40 يورو ..

 

 

وقتها طبعا الكشره رااااااحت… قلت طيب ما معي كاش … مسوي انا بحجر لها… قالت مو مشكله .. وتجيب جهاز صغير .. حق السداد الالي .. قالت هات بطاقتك .. والله واعطيها الفيزا … وتسحب المبلغ .. وهي تسحب .. وانا ادعي على العجيز اللي دخلت ..

 

 

بعدها وصلت للفندق .. ودخلت … وتحممت … وريحت جسمي شوي .. واخر الليل طلعت اسهر سهره خفيفه برى..

 

اليوم يا حلوين .. وصلنا لنهايه الجزء الاول .. من حلقه ديزني …
واتمنى من كل قلبي …. انك غيرت جو .. وانبسطت
وقبل ما تروح .. فيه شي حلو .. شي بسيط .. آآآآآآآآآآآآآآد كيذا ….

هالمره كل بيدك صراحه .. مافيني حيل كل مره اجيب لك ملعقه ..
ايه ايه … اليوم نبي نغير المشروب … فيه كابتشينو .. يحبه قلبك


ا س ت م ت ع

في الحلقه القااااااااادمه … راح ندخل للالعاااااب


وبرضو راح نشوف شخصيات ديزيني .. و أولهم …


كووووولو … كووولو … كوووولو … في الحلقه الجايه
كونو معناااااااا …

اشوفكم على خير …
دمتم في أمان الله وحفظه
لكـــ …. انت بس … مو لغيركـ….
المايسترو

Al-Maistro.Com
::

متنفســــ

ابعتذر..
عن كل شئ ..
الا الهوى ..
ماللهوى عندي عذر ..
أبعتذر .. عن كل شئ ..
الا الجراح .. ما للجراح الا الصبر ..
ان ضايقك اني على بابك أمر ..
في ليلة ألم ..
و اني على دربك مشيت عمري و أنا ..
قلبي القدم ..
أبعتذر .. أبعتذر .. كلي ندم ..
أبعتذر ..
عن كل شئ ..
الا الهوى ..

ما للهوى عندي عذر ..

مقالات ذات صلة

‫13 تعليقات

  1. نظل نظل نظل أنظل شي أقوى شي من النظلات بكره ورانا اختبارات وانت منزلنا موضوع بنص الليل .. بتقهرنا والا تقهرنا والا وش السالفه؟؟!! قسمن كرهت الجامعه والدراسه وكل ابو شي بالدراس خلاص بكمل دراستي بديزني مالي دخل طيب ماقلت الله يهديك هل هناك جامعة ديزني مثلا؟؟!! المايسترو كتبت فأبدعت مدري احس اني اخش جو لدرجة اني بديت اسولف معك وانا هنا تقول قولي ديزني وانا اقول دزني ودزن لييين ماقامو اهلي حسو اني فقدت الي براسي من تأثير الدراسه عاد لو تدري اختباري بكره فغونسيه .. مرسي بيكو اوغفيوغ الحلقه الجايه

  2. بصراحه اسلوبك كلامك طريقتك اكثر من رائعه بس عندي سؤال لحظرتك ماشا الله وصفك للشي ووصفه كنك بنت يعني تجيبها صـــــــح,شكلك عايش مع بنات صح؟ والشي الثاني السليبر البينك اللي حطيتهم ضححححححححكت ضحك يعني مره كيوت ينفعو للبيت بصراحه شكيت لوهله انك بنت ؟؟بس بجد حيرتني يالمايسترو ماادري انت هيك ولا انت هيك… يسلموووووو عالرحله

  3. يعطيك العااافية الصراحة خبلت على كل شيء خصوصا الهدايا الزجاجية *_^ مررررة روووعه وااااو استنى الالعااب من جد خلاااص ابغا اروح باااريس يعني ابغااا اروح بااريس

  4. انت بروفسور مش اكبر من مايسترو يعطيك العافيه والصحه وكل شئ طيب عن جد مبدع ان كان في التصوير او في سردك وتعليقاتك الرائعه بس ماقلت كم كلفت التذاكر حقت ديزني علي ما اخبر قبل 9 سنوات كانت ب350 فرانك ايام الشباب عام 1998 بس هلا في عام 2008 صارت بكم يورو ياريت لما تنزل الصور نزل معاها الاسعار علشان نشوف تكلفة السفر مع الملحقات ممكن اقل من السعوديه وما توصلنا له من غلاء وارتفاع الاسعار الواحد يروح باريس الماء والخضره والوجه الحسن ممكن صح ههه نرجع للموضوع احسن الله اليك يابروفسور عن جد يعطيك العافيه وسلمت اناملك ننتظر الجزء 7 من معشوقتنا نشاركك في عشقها باريس ودمت لنا

  5. احلى شي ميكي احبه باسااافر بس عشاااااان ميكي وميكي بيسافر عشااني يعني الدعوووه ميكي في ميكي انتظر الجزء السااااابع ابغى اللللعب

  6. ههههههههههههههههههههههههههه وربي المايسترو عنوان الإبداع والرقي وخفة الدم قسمن كأني انا اللي سافرت وتمشيت مو انت وكله كوم ومفرحاتكـ كوووووووم ثاني 🙁 يلا ننتظر اللي بعدووو أختكـ لنو .

  7. قسما بالله يالمايسترو ان تعليقك روووعه وانا دايم انتظر مواضيع ع الايميل بس بليززززززززززز لا تتأخر فالجزء الجااااااي من جد انت اكبر زاااااااااااحف هههههههه <<<آآآآووت هههههه

  8. مرحبا وسهلا مره أخرى… قعلا اللي مايروح ديزني كأنه ماراح باريس,,,حلوه الصور.. وعساك على القوه.

  9. المايستروووووو … جد جد جد مشكووووووووووووووور عالصور والتقرير الراااااايق … جد عاااالم خيييييييييييييال وعاااالم اخر… يسلمووووووو وننتظر الجزء الثاني .. صح ….>>> حبيت اعلق ع التقرير اللي فات مثل العادة … متمييييييييز جدا ورررااايق … تحياتي …

  10. مراحب وه بس هذا اللي اقوله اول ما شقت موضوعك حق لندن توعدت نفسي ما افتح مواضيعك نهائيا وتهورت هالمرة والمره اللي قبل وفتحتهااا تذوووووووووب كبدي عند هالمناظر والتطور واقول يالله انك بس ما تحرمنا فضلك بالجنة هذا اللي اقوله عندي احساس اني بصكك بعين عشان كذا قلت اكتب تعليق ابراء للذمه تفووووووو ماشاء الله

  11. شي شي خطييييييير ورهيييييب .. احس اني رحت لـ ديزني ورجعت يعطيك العافيه

  12. يالله نفسسسسس تخطيطنا يوم رحنا كنا ثمنيه وانقسما.. ورحنا من صباح الله يااااااي ونفس الجو كانت ترش مطر اهى اهى ابي ارووح اشتهييت .. يالحرامي اجل تركب بدون ما تقصر ما هقيتها منك خخخخخخخخخخ على العموم نشوف الالعاب بالحلقه القادمه هع تصوير برررفكت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى