رسائل المجموعة

باريس .. عشقتك قبل ما شوفك .. وشفتك صرت كلي حلم (الاخيرة)

مساااااااااااااء الخير لكل الأحباب ..
مسااااااااااااء الورد لكل الأصحاب …
مساااااااااااء ما يليق إلا بأحبابي … انت .. وأنتي …
كيفكم يا حلوين .. وش مسوين … ان شاء الله بخير وعااااااافيه …

يا هلا والله ومليون غلا …
يا هلا والله بأحلى متاااااااابعـين …
اليوم حلقتنا خفيفه … مو ذيك الطويلة …
بس على طاري خفيفه
امورك جاهزه على شان نبدأ ….!!!
لالالالالا .. وش تطااااااالع ؟ … ما اتفقنا على كيذا …. لا تقول لي امتحانات ومدري كيف … المفرحات هي أحلى دافع لحسن الآداء في الختبارات … <<<< صدقتك …

جوالك خله يسرح ويمرح في غرفة اخوانك
ريموت التيفي لحقه الجوال اللي راح من شوي …
الببسي خليه يمينك
وشويه مفرحات … خليها يسارك
وتعال هنا …
تعال كلك
بروحكـ …

تعال نشوف حلقتنا الأخيره مع بعض …
نقول بسم الله ..!! ..
هيا بنا …


اليوم هو يعتبر اليوم الأخير لي في باريس …. مثل العادة … صحيت 8 الا سبع دقايق
خلصت طقوسي الصباحية .. بعدها نزلت لستار بكس …
وانا ألبس … جالسن أقلب في شنطتي … المهم … لقيت مظلتي اللي جايبها من الرياض … وأطالعها …. قلت يوووووه وش هالحظ .. ما فتحتها ولا مررررررره … صدق والله .. رحت تقريبا اسبوع في لندن .. ومزعجينا لندن مطر وزحمه … ولا فتحتها … لأنه ما نزل مطر من يوم رحت لهم … بعدين جيت باريس … ومسوي حريص …. كل يوم اطلع بها معي … وأرزها في هالشنطه … لكن ما نزل مطر … قلت عاد آخر يوم في باريس … خذها معك توسع صدرها … خاست في الشنطه

اليوم وش كنت مقرر عليه … اليوم حاط في بالي … أركب الباص المكشوف … وأخليه يلف فيني باااااااريس … حبيت هالاختيار يكون آخر يوم … عشان مثل ما تقولون يسوي لي مراجعه على معظم الاماكن اللي زرتها …
المهم …
دقيقه بصلح جلستي …
ايوه … اقول لكم … المهم طلعت لشارع الشانز … وألاقي هالباصات المكشوفه اللي تمشيك …

طبعا هالباص دورين … فيه الدور اللي تحت .. وفي الدور العلوي المكشوف … طبعا تبي تستمتع … رح فووووووق … اصلا حلاته لما تركب فوق ….
المهم واقص التذكره من نفس اللي يسوق .. وارقى فوق ….
بيني وبينكم … كان الجو عمبيعئد …. عمبيجنن ….
اول شي تحركنا من شارع الشانز … بوص معايا حضرتك …


كان الباص مو مره مليان … وكان يمشي بشويش … وكان الجو كولوه متعه في متعه … طبعا هالباص عنده مثل الخريطه او بالاصح .. عنده مثل المسار يمر عليه … عشان تعرف وينك رايحن له .. مو تركب وتدربي راسك وبس ..
..

… بدينا نمشي .. ونمشي … ونستمتع بهالمناظر يمين ويسار … وصرنا نمر على معالم كثيره من معالم باريس اللي زرتها … وإلا اللي ما قدرت أزورها … خلونا نشوفها على شكل صور ..
هنا .. مرينا على مكان تعرفونه ..

هذه الكنيسه اللي كنت بنجلد فيها .. يوم اطفي شموعهم وانحاش …. الظاهر انها هي … من كثر كنايسهم ما صرنا نعرف …
برضو من الاشياء اللي مرينا عليها ..

هذا سوق لافليت ….
وبرضو…

طبعا كانت الكام بيدي … وكل ما شفت شي … تشك تشك … تشك تشك … يعني اصور … عاد تخبرون الباص عااااااالي … فيوقف مرات عند الاشارات … تشوف السيارات اللي جنبك … تطالعهم من فوق … وناسه من جد … تشوفهم وش يسوون …
وحنا نمشي … شطفنا همر ابيض …

حتا همراتهم غير همراتنا … ماطين همراتهم شوي … والله من الرخى وسعه الصدر
ايوووووووووه … وحنا نمشي … بديت احس بقطرات تنزل على رأسي … وانتظر شوي .. وبرضو قطره ثانيه … قلت ها … شوي … وتبدا تمطر
المهم .. كان مطر على شكل خفيف … الباص ما وقف .. استمر في المشي … لكن وش اللي صار ..!! … اللي صار ان المطر بداااا يضرب … ويضرب .. ويضرب … صار قوي مررررره … قد أكبر أبو شي … وحنا في الدور الثاني في الباص .. والباص مكشوف …
وش صار ..!! … كل اللي فوق .. كلهم نزلو تحت …. جد والله … كلهم نزلو … ما بقى الا انا فوق
طالع


يقولون لي انزل تحت …. انزل ياااااااااهو ….
قلت معصي والله …مسكت اجلس في المطر يعني مسكت … وخر منااااااك بس

ويبدا يقوى الهوااااااا … والمطر …
بس خلااااااااص … مسكت اني اجلس فوق يعني مسكت … الله لا يعوق بشر …



يوووه صار باصي لحالي .. محد معي

طبعا ما قدرت اجلس على الكراسي .. لأنها كلها .. كلها مويه … فصرت واقف نص وقفه
يعني متركي على راس الكرسي وواقف … والمطر يضررررررب … قلت بكيفه .. شور مجاااااااني … الانفلونزا وتعودنا عليها
اللي عجبني … ان سواق الباص ما وقف … قسم بالله فله ولد شيراك … صحيح انه مطر .. وقوي .. لكن يدور بنا …

شوي بدا يخف المطر …

طبعا … ملابسي كلها .. كلها … عمبترطوش .. ( أي مبتلة جدن ) … وقسم بالله كأني كنت تحت شور … الشعر كله مويه … والتي شيرت كله مويه … والجنز وكل شي … وقتها بس .. عرفت ان كاميرة نيكون اصليه … لأنها ما تأثر بالمطر …
المهم بقول شي بس بليز .. لا تضحك … فيك الضحك .. اكتمها عشاني .. وعلى ببسي .. وعلى كل ابو شي …
يوم بدا يخف المطر … جلست انظف عفشي .. المهم .. واضرب في الشنطه اللي معي .. عشان يطلع المويه اللي جواها … يوم حسيت بشي غريب فيها … قلت وش ذاااااا … وافتح الشنطه … وش حصلت ..!!
حصلت مظلتي … جلست اكلمها … بدددددرري … كان ما طلعتي !! … لالالا .. اجلسي بعد .
بس قلت فاتحها فاتحها … عنادن فيتس يالمظله …. اجل ساحبتن علي .. ومخليتني اقوطر في هالمطر
فتحت المظله .. بس ما زلت مصر على اني اجلس فوق .. ولا انزل ..
المهم .. بدو الناس الخواااااااافين … اللي خافو من المطر ونزلو تحت … بدو يرجعون لأماكنهم ..
اول من جا هالشخصين …..


طبعا ما فيه الا انا وياهم .. وجلسو يسوون قدامي حركات … طيب ربي معطيكم بيت .. مسكت تسوونها في الباص .. وقدامي بعد … عشان يعني معي مظلتي … والا عشان معي مظلتي ..
المهم ما عليكم منهم … هذا نفر سوي هركات مافي كويس …
شوي ويجون الباقي .. واقتنعو بالامر الواقع .. ويجلسون يطالعوني … .. خير .. وش تطالعون ..!! … اول مره تشوفون واحد كله مويه ..!! … واحد نظيف ويحب المويه .. وش دخلكم ..!! ..
المهم كل واحد اخذ مكانه في الباص .
بعدها كمل الباص التمشيه … وكان المطر موقف .. بس ينزل رش خفيف ويوقف … بوص معايا …

لا احد يسأل كيف صورت هالصوره …. اللي اعرفه ان فيه شجرة كانت يساري .. كان تبي تخمني .. لكن شسمه
واللي في الباص .. كلن يضحك على خيبته انه نزل تحت
<<< بشويش ي

طبعا وانت تتمشى في هالجو الحلو … تطالع باقي المطر .. والهوا بااااااااارد يرد الروح


وشوف هيدي …

شوي … وحنا نشمي … طلعت الشمس … الله الله .. شوف …



طلع الجو خورااااااافي ..
وبدا ولد شيراك .. اللي هو سواقنا … يمشينا على باقي معالم باريس … مرينا على …

وبرضو على …

وبوص معايا على هذه ….

واستمرينا في المشي … حتى وصلنا لأحلى .. أحلى .. احلى مكااااااااااان
وصلنا لـ …


قلوب من هنا لهونيكـ
اول ما وصلنا عند برج ايفيل … وقف شوي الباص … عشان اللي يبي يصور وكيذا يعني … ولقطت لي كم صوره …


وبرضو هذه …


فز قلبي من مكانه ….
بعدها شغل الباص مره ثانيه .. ولد شيراك … وقال يالله نمشي … قلت ايه امش .. انا خلصت
المهم كمل التمشيه .. ومرينا على كم منظر .. نشوفها مع بعض ..

وهذا الاسد

وهذه برضو …

وهالمنظر …

بعدها رجعنا لنفس المكان اللي انطلقنا منه .. وهو شارع الشانز .. بوص حضرتك …

شف صوره السواق معكوسه في المرايا اللي جنبه
وقفنا الباص .. ونزلت انا وهالمويه اللي فيني … وبعدها رجعت للفندق …
طبعا وانا راجع .. اخابط برجلي … عشان انشف ….
رجعت للفندق .. وبدلت ملابسي … وطلعت بعدها على طول …
اممممممممم .. فيه مكان … اللي يعرف في حي اللاديفانس .. راح يعرف هالنهر .. او بالاصح .. هالمكان ..

هناك كانت لي وقفات كثيررررره …هنا
جلست حتى غابت الشمس
بعدها رحت وشريت لي عشا .. ورجعت للفندق … عشان اجهز اموري .. واوراقي .. وعفشي ..
وشنطتي .. لرحلتي اليوم الثاني … ومغادرة باريس …
<<<< نفس عميق …


إلى هنا يا حلوين …

نكون أنتهينا من الحلقة الثامنة … وهي الحلقة الأخيره من سلسلة حلقات تقرير باريس ….
أتمنى من كل قلبي … أن هالحلقة تكون غيرت عليك شوي .. وانبسطت … واستمتعت

\

عاد اليوم نبي ندلعكم شوي … ما يخالف .. صح ..!!
امممممممممم
وش نعطيك … وش نعطيك … !!
تحب الكوكيز ؟.!!
شفت اذا جاك كوكيز خفيف .. يتفتف جوا فمك … وفوقه شوي شوكولاته سايحه ..!! … تبي ..!!
خذ


حلوه ..!!!
طيب … تحب الفيريرو روشيه ..!!
لا تقول لا … لأني مررررره احبه … صحيح انهم ازعجو راسنا بدعايته في رمضان .. بس ما يخالف ….
طيب شوف اول شي شكله من برى … بعدين اعطيك وحده …



شفت كيف شو محلاه ..!!

برضو هنا لا تاكلها … اجلس تحسسها بشويش .. بطرف لسانك تذوق الشوكولاته … لين انت تدوخ .. بعدين كلهااااااااااا ….

صدقني تحس بمتعه .. غير غير غير .. طبيعيه
طيب … وش رايك اليوم نخربهااااااا … صدق ..!! … اوكي …
طيب وش رايك بكيكه شوكولات .. هالمره هات شوكوتك .. والا ملعقتك … والا غطا علبه زبادي .. عفطه وتعال كل به
خذ



—————— همسة——————

كما جرت عادتي في نهاية كل تقرير رحلة … ان تكون هناك كلمات أختم بها …
ولكن هذه المره … أعذروني .. فيدي استعصت علي …

لا أخفيكم سرا …
أنني كتبت مره … وأخرى .. وثالثه …
وفي كل مره … لا شعوريا .. اقوم بمسحها …
امتزجت امامي شاشتي مع دمعاتي …

امتزجت امامي أحرفي مع كلماتي ..

و امتزجت أمامي شعوري مع احساسي …

فلا أعرف ماذا أكتب … ولا أفهم ماذا أسطر …
ولكن بداخلي حب ..
بداخلي شوق ..

بداخلي كلمه شكر ….

أريد أن اوجهها لك انت … لقلبك .. لشعورك .. لاحساسك … لوقتك .. لكيانك … لكل كلك …
لك … لمتابعتك للتقرير من حلقته الأولى حتى اليوم ..
لك … لكلماتك لي وتشجيعك بأي حرف كتبته …
لك .. لأنك غمرتني بسعادة أنت لا تحس بها .. سعادة اعيشها .. وباقية بين أضلعي …
باقة من الزهور .. مغلفة بطوق من الحب … لكل قلب قرأ هالتقرير
سواء شرفنا بكاتبة رده …
او كان معنا فقط بقلبه وروحه … دون أي كلمه كتبها …
باقة من الزهور ..
لمن اعطاني تلك الفرصه لاتعرف على قلوبكم …
لمن كان له السبب الاساسي لكي تصلكم تلك الحلقات
الى …

مهما تكلمت … لن اوفيهم حقهم والله
دمتم أحبتي ..
دمتم ظلال لروحي ..
دمتم قلوبن تغمرني …
دمتم لكم مكانة بين أضلاعي ..
دمتم متنفسي .. وهوااااااااي …


عشقتك … قبل ما شوفك .. وشفتك .. صرت كلي حلم
أبي رمشك يغطيني … أبيك أقرب … من أنفاااااااااسي



المايسترو

اشوفكم على خير …
دمتم في أمان الله وحفظه
لكـــ …. انت بس … مو لغيركـ….


متنفسـ

كالحلم جئتي …
كـان حـلـمـا وانـتـهـى قـبـل أن أسـتـوعـبـه حتـى ..
جـلـسـت كـثـيـراً .. أفـكـر لـم حـصـل كـل هـذا …

لـم أجـد جـوابـاً مـقـنـعـاً سـوى أن الأقـدار لـم تـشـأ مـواصـلـة الـمـشـوار …
رحل كما الباقون..
كالعادة … لا شيء جديد …
سوى أنني قد حلمت بصدق …
سوى أنني قد أحببت بصدق …
سوى أنني قد تحطمت بصدق …
لا شيء جديد …
سوى أنه كان يفرحني بعمق..
سوى أنه كان يسعدني بعمق …
سوى أنه مزقني بعمق …
لا شيء جديد …
سوى أنني قد ظننته واقع …
سوى أنني قد خلته قدري …
سوى أنني أدركت أنني أقتل أحلامي ببطء …
لا شيء جديد …
سوى أنني قررت أنه لا يوجد متسع لحلم كهذا بعد الآن …
سوى أنني أدركت كم من الوجع يسكنني الآن
ويكفيني كي أتجرعه وقت طويل لأشفى …
سوى أنني قررت أن الحلم لن يتحقق..
ولن أحلم من جديد…!!!
لا شيء جديد …
سوى أنني كفكفت دموعي لوحدي …
سوى أنني تألمت لوحدي …
سوى أنني في
النهاية
بقيت
ولكنـــ …
… لوحدي …

Al-Maistro.Com

مقالات ذات صلة

‫77 تعليقات

  1. ماشاء الله تبارك الله الله يعطيك العافية أسلوب رائع جداً جداً وممتع جداً جداً روح مرحة بالتعليقات تدخل السرور لقارئ الموضوع متابع لك من اول تقرير ان شاء الله دائم وأنت بسعادة تحيتي لك

  2. يعطيك الف عافيه على التقرير الروعه ونحن متابعينك من اوله لاخره .. والصراحه ابداع في الوصف والتصوير .. ياخي اتقول سافرنا معك .. وبنفتقدك في هالفتره

  3. مبدع كلمه مبدع شويه وربي تعيش الواحد بجو فظيع ما اقول غير الله يعيطك الف عافيه على حلقاتك <---لحقت على باريس وبترجع للندن من كثر ماعجبها الاسلوب 🙂 اهم شيء لاحظته كلمه مفرحات اول مره اشوف احد يستخدم هذي الكلمه :] نشوفك على خير

  4. يعطيـك العآفيـه المآيستررو .. تقآرير وصور واسلوب ولآ آروع .. حنآ اللي نشكرك على توسيـع صدورنـآ .. ربي يعطيـك العآفيـه … تـ ح ـيآتي

  5. مايسترو بقلبي يقرقع ست وستين الف ابو كلمة بقولها لك بس ولا وحدة راضية تطلع تجنن تهبل تهوس شين هولة >>على قولتنا يالقصمان<< رحلتك والله ماولع قلبي على السفرات الا انت <<يانت بتستاثم بخلق الله اللي مني وشرواااي...شرواي الطيب<<اختصري قمت اتحرى حلقاتك على احر من الجمر وكنت اطير من الفرحة لاشفت اسمك مزين ايميلي ..وطبعا اول ميل ينقرى ميلك خلاص عودتنا عليك ..حرم تحرمنا من شوفتك سؤال// خلاص ماحنا شايفينك؟ لاااا .. ماتؤلش كدا .. من اقصى صماصيم قلبي اقول لك تكفى لاتقطعنا من طلك البهية

  6. بجد استحي اقولك شكراً انا متأكد لو انا اللي سافرت لباريس ماستمتعت مثل ماستمتع بمواضيعك يعطيك العافيه اخوي واتمنى انك ماتحرمنا من مواضيعك دبر لك سفره منا ولامنا اهم شي لاتحرمناا من طلتك .. تحياتي لك

  7. الله يسعدك يارب دنيا وآخرهـ .. شكرا ً على رقي طرحك يالغالي .. أخوك الباسل ..

  8. الله يبارك لك بس الله الله بحفظ الله نتمشى ونشوفهم يس لازم مانتأثر بعاداتهم ونحفظ ابصارنا حتى الله يحفظ لنا ابصارنا اللي عطانا وانعم علينا نشوف من خلالها الجمال ونتمتع به بس بضوابط ديننا وباذن الله انك على خير اتحفتنا وامتعتنا بارك الله فيك

  9. ما اقول الا بيـّـض الله وجهك … إذا طلع جزء من اجزائك تلقى الخبر بالإستراحه العيآل خآقين معك قـبل كانوا مخططين ع الشرقيه .. اللحين باريس:( ما قصرت تصوّير اكثر من رائع وتعليقات خفيفة دم .. الله يسعدك مثل ما اسعدتنا..

  10. يرحم أمك لا تقول الاخيرة خلك وأتحفنا وإذا نقص عليك فلوس عطني رقم حسابك لووووووووووووووووووووول بنجوااااااااااااااااااار يارب قلبهم والله

  11. يعطيك العافيه صراحه مبدع تقرير جناااااااااان يخليني اعيش جو كأني انا مسافره …ننتظر جديدك

  12. وراك دايم تختصر ردودي؟ ثقيله عليك؟؟ المهم… ودي أشكرك على مشاركتنا رحلاتك الرائعه .. أشهد انك بذلت جهد كبير .. وماعتقد انك بذلت جهد في أسلوبك.. حيث انه يبين انه أسلوبك الأصلي.. ممتع , مضحك , مفهوم , جميل , (عندك وقت؟) ماظن!! المهم.. تمنياتي لك بأن تكون أيامك كلها رائعه وحلوه مثل ماحليت برحلاتك أيامنا.. الى لقاء قريب… انشالله (بس يالله كانك قدها رووووح أفريقيا…(:….)

  13. والله ابداااع بصراحه صور روعه وكأني كنت معك هناك لذلك هالصيف ماراح اروح لباريس نشوف غيرها <<ارفقي ياللي بتسافر بالصيف *^* يعطيك العافيه لاعدمنا طلتك

  14. ماشاء الله عليك امتعتنا بتقاريرك وصورك من يد مانعدمها يارب اهم شي الحلا لاتحرمنه منه ولامن مواضيعك ((تحياتي لك ))

  15. موب بس انت تشيل عفشك حتى انا ارتب شنطتي بعد ,, والله احس اني معاك << قاطه أول مانزل المطر أقول وراة مايطلع المظله لا لا اللحين يطلعها يمكن يبي يهيص بالمطر شوي مادريت انك ناسيها ودي اصفقك << برااا يـا المايسترو كل شي باريس يهوس حبيتها اكثر من لندن ضاق صدري لانها الحلقة الاخيرة والله ضاق

  16. مااااااااايسترو ,, الصدق الصدق يخونني التعبير ,, لا فيك ولا في اسلوبك ولا في رحلتك ولا في متنفساتك ولا في كل شي ,, ماشاء الله توسع الصدر ,, ومنتشر اسمك عند كل أهلي ,, قلت لهم اذا عندكم نية سفر أنا بسافر مع المايسترو << ردة فعل اهلي اكبر فيس مطير كل ابو عيونه الله يحفظك يارب ,, ولا تحرمنا من جديدك

  17. مراحـب يالغـالي … واللـه انـي من متابعـين حلقـاتك مـن الاولى للاخيـرهـ اهنيــك على ذوقـك واسـلوبك الابـداع لاوصيــك ضبطـلنا طلعـه وتكتـكهآ تحيآتي واشواقـي لكـ

  18. ماشاء الله والله ماني مصدق انها اخر حلقة تعودنا عليك اللي يعجبني بمواضيعك انك كل صورة تعلق عليها مع تعليق كوميدي واحساسي الله يسعدك ان شاء الله والله يوفقك بأذن الله

  19. ماشاء الله عليك اخوي ابدآآآآع X ابدآآآآع والله شوقتنا للسفر وشوقتنا لإنتظآآآر مواضيعك الذهبية والله لايحرمنا منك ودمت شمعهـ لاتنطفي تحيآآآآآآآآآتي إلكـ اخوكـ كـآآآآآسـيـآآآآس

  20. انا تابعت كل الحلقات ولكن هااذي اول مررره اعلق وبصرااحه الى الحين ما ادري ايش اكتب لأنك افدتنا بصراااااحه مررررره ومتعتنا ومشكوووور والله يعافيك

  21. ليه كذا ليه آخر حلقه ليه .. 🙁 حرام عليك ’ والله حراام , آجرمت فينا .. 🙁 ماشاء الله مواضيعك كل واحد احلى من الثاني , ما تدري وش تبدي .. ( L ) .. المهم ترا الصيف جاي , لا تخلينا من المواضيع .. ( L ) .. 🙂 بس والله يا أنك حمستني اروح فرنسا .. 🙁 زايرتها زايرتها بـ إذن واحد أحد .. ( L ) .. مشكور , وتسلم يمينك ..

  22. يالمااايستروو ,, قطعت قليبي على هالصور ,, عاد أنا خلقة أعشق باريس جيت أنت وكملتهااا,, والله العظيم يوم جزء ديزني لاند اني يوم نمت حلمت اني رحت لها ,, ان شاء الله ربي يحقق حلمي وارووح هناك واصوور واقهر غيري مثل ماقهرتني ,, ألف ألف شكر عالصوور بكل الاجزاء وك رسائلك ماانحذفت موجودة بايميلي عشان اذا رحت يكون عندي خلفية ,, احم احم

  23. انا مو من النوع اللي يهتم بالردود والتعليقات وما الى ذلك … لكن وربي ما قدرت اسكت عن اللي بداخلي وحسيت فيه .. اول ما فتحت الايمل وشفت اسمك قعدت اصفق D: .. من جددد عشت معااك بكل لحظاات سفرك .. تمنيت اني اطووول بديزني لاند شوي P: بس يلا مو مشكلة المره الجاية .. لما قررت اني ادخل اعلق عالموضوع وقريت تعليقات العااااالم احسهم قاااالوا كل اللي كنت ابي اقوله .. هذا دليل انك فنااان واسلوبك رائع ومتميز .. احم .. :$ بس من جد حتى انا ضاااق صدري .. 🙁 اتمنى لك التوفيق .. (f) وكلنا نتمنى انك تستمررر على اسلووبك الراقي والمتميز ..(f) اختك : دووبـــا ,, (l)

  24. أهنيك من داخل بطين قلبي الأيمن يالمااااايسترو ….على هالحلقات الخرافية من جد….. رحلة ولا أحلى…. صحيح انتهت هالرحلة لكن كلنا شووووق ننتظر أقرب سفرية معك من جد من جد من جد ….منت صاحي خيالك….يبغاله جائزة نوبل للهبال واهم شي الحلى….تراني سمنت من هالحلويات ….. آلاف الشكرياااااات <<على وزن تحيات

  25. وربي تقرير ياخذ العقل حبيتة من جد متابعة لك من البداية وبقوووة.. عليك اسلوووب روووعة عيشتني معك بجوو خطيييير ولافالاحلام بس استنى متى يوصل هالايميل.. اللة يعطيك الف عااافية لاتحرمنا من ايميلاتك >>ادمنت اللة يعينك هههه..

  26. مشكور يالمايسترو من جد صور والا اروع وتعليق مرررررره خيال بس ضاق صدري ليه الاخير تعودنا على هالتقرير ونحتري يوم الاربعاء عشان نقراه بس من جد حلوو التقرير والا حلى تعليقك وشوقتني اروح فرنسا تقبل مروري فرح

  27. 🙁 ليييش!! لا تقول ان هذا اخر شي.. اخترع اي مكان في باريس وورينااا تدري اني سافرت معاك من خلال عرضك ووصفك.. يسلموو ع الرحله << احلفي المهم حمدلله على سلامتك وسافر هالصيف بعد بليييز

  28. أنتظر تقاريرك دوما لك أسلوب خاص يميزك عن غيرك تابعتك بشغف أتمنى لك التوفيق ورحلات سعيده إن شاء الله لصيف 2008 🙂

  29. المبدع المايـستــر صدقني عشت معاك كل اللحظات الجميلة تصدق أحس إني كنت مسافر معاك ،، ما شاء الله على أسلوبك .. جداً راقي. إلى اللقاء قريباً ….

  30. يسعد لي هالمسااااااااااااااااا هلا والله وغلا هلا بكم جميعا ألف شكر للجميع ألف شكر لك اللي كتب تعليق … ألف شكر لكل اللي قرا حرف … التقارير ما راح تنقطع ان شاء الله .. موعدنا الاربعاء القادم …. مع بدايه حلقات سويسراااااااااا دمتم بود دمتم بكل حب …

  31. مشكووور جدا على العرض الرائع… ما ادري هل في عندك صفحه على النت؟؟؟ صراحه انت جدا ذكرتني بزيارتي السابقه لباريس والتي اتمنى اني اكررها قريبا… ياليتك رزت متاحف باريس ام المتاحف وخصوصا متحف اللوفر اللي هو رووعه بكل محتوياته… على العموم خليها ببالك للزياره القادمه تحياتي وتشكراتي

  32. المبدع المايـســتــرو استمتعنا برحلتك اشد الاستمتاع … لقد كنت مبدع بكل ما تحمل الكلمه من معني قد تكون الصور والجولات الرائعه ليست بغريبه علي ولكن مع تعليقاتك الرائعه احسست بأني اول مره اتعرف عليها لقد منحك الله موهبه التعبير والتصوير والابداع .. كلمه شكر قليله في حقك لقد قضينا معك اوقات رائعه وانتظرنا حلقاتك بشوق فلك مني جزيل الشكر … دمت دائما مبدع وفي انتظار روائعك الجديده دمت بالسعاده

  33. ياخي ماشالله أسلوبك آسر حتى الثمالة سواء التعليقات أو الصور أو الختام ما أقول إلا الله لا يحرمنا من جديدك باااااااااااااريس

  34. السلام عليكم ورحمة الله ما شاء الله عليك والله يعطيك الف صحة وعافية وبجد لم اتابع موضوع كموضوعك وكنت انتظر كل حلة بفارغ الصبر لم يسبق لي وان كتبت موضوع ولكن الان لابد من شكر من عرفنا على باريس وكأننا سافرنا معك ولمست ذلك في ردود الزوار فهنيئاً لك حب الناس هذي كلها واتمنى ان تقوم بزيارة لأي مدينة ثانية ولو لم تكن اوروبيه خليجية او عربية او اسلامية او اي شيء دمت بود وعساك عالقوة دوم يارب

  35. المايسترو فيني طبع شين .. اني ماحب الحلقات الاخيرة غصب عني اصيح ماشاء الله تبارك الله .. وربي مبدع الله يحفظك ويارب كل سنة تسافر على شان ماننحرم من هالتقارير سيو

  36. أخوي الرآئع .. المايسترو ,, بصراحه انا من اشد المتابعين لحلقة سفرك لفرنسا وانا عشقت فرنسا من تقريرك وبإذن الله ازورها تصوير وتعليقات ورحلات في منتهى الروعه والجمال ماادري شلون او وش اكتب لكن انت ابدعت بكل ماتعنية الكلمة في تقاريرك الثمانية الله يحفظك ويحرسك لاتحرمنا روعه مواضيعك

  37. هلا والله في المايسترو ترى باقي سويسرا <= فضيحه ههههههههههه بتوحشنا والله سلاآآآآآمو

  38. انا تابعت كل التقارير بس هذي اول مره اعلق امممم آخر تقرير اقراه وكني انا الي راح افارق المكان <<تقرا وعيونها اربع اربع 🙁 المايسترو انت رااائع شكرا لك

  39. السلام عليكم ماايستروو ثاااااااااانكس على هذي المواضيع والتعليقاات فلللله ^_^ انا متابعتك من اول الموضع بصراحه كيوووت ومررررررره عذبتتتتتتتني بالشوكلت الي هنا هههههه بصراحه شوقتني اسافر لباريس احس اني تحمست <<كانت لما تقرا الموضوع تحس نفسها قاطه معاك في السفريه ^_^ يعطيك العااااااافيه ...سي يووو قصدي اورفار بالفرنسي ^_*

  40. مرحبــا لاادري ماذا اقول هنــا بصدق لاادري انا من الناس الذين يعشقون باريس لحد الثماله مع انني لم اقم بزيارتها بعد ولكن زاد عشقي بعد قرات موضوعك ومشاهدت الصور الخرافيه صور اقل مايقال عنها انها مجنونه شاهدت الحلقات من الحلقه الاولى اللا الاخيره .. وكنت انتظر حلقاتك بفارغ الصبر … حتى ارى محبوبتي بااااريس منذو الحلقه الاولى وانا (مقلقه) صاحباتي بباريس وروعتها وكل ماقالوا حاجه او انتقدوا قلت تبون اوريك صور الاماكن 🙂 اكيد الصور اللي انطرحت بموضوع هي اللي اقصدها كلمات الشكر والثناء قليله بحقك لا اقول الا اللـــــه يجزاك خير على الطرح الرااائع والرائع جدا وببذخ ابسطتنا .. وخذتنا لعالم باريس الحالم .. …. لاخلا ولاعدم ياخوي

  41. المــــايسترو يســـــلمكـ ربـــــيـ ع هـا الـــرحــلهـ الاكثـــر مـــن روع ـــــهـ الـــي ع ــن ج ـــد إستمتعت بهـــا وانتــظر كــلـ ج ـــزء بفـارغ الصبــر وح ـــزنت كثيـــراً لانــهـ هـا الـرحلـهـ انتـــهت بــــس اتمنى انـــكـ انـت استمتعت بباريس تح يــــتيـ

  42. رحله ممتعه ومناضر روعه هنيئا لك عجبني التصوير رائع ممكن اعرف اسم الكاميرة شكرا لك

  43. اااااااه ياقو قلبك يالمايسترو… بعد ما اسرتنا بذوقك وطلتك البهية تقول ……(الوداع)…. ودعتك الله ولكن قلي كيف ابسلى وانت صرت جزء من اهتماماتي صدقني…. اني هجرت ايميلي مدة وصرت ما اشيك عليه الا متشوقا لقراءة ابداعاتك لك مني كل الو… اخيرا مايسترو اذا اراد الله وقررت اني اخذ جولتي الوروبية (يارب ذا الصيف) ابغاك تكون انت المنسق لي اذا ماعندك مانع وابعيش جوك حبه حبه … بداية من المفرحات..(واااه من المفرحات))؟؟ الى برج ايفل لك مني كل.. الحبب

  44. روووووعه من جد خياااااااااااااااال يعطييك ربي الف عااافيه بس ليش الاخيره 🙁 خساااااااااااااااااره 🙁 بس كله كووم والمتنفس حقك كوووووم 🙁 صيحتني 🙁 << على جريييف يعطييك العاافيه ولا تقاااطع 🙁

  45. مرحبا يمكن اللي قبلي قالو كلشي بقلبي من اثناء وشكر وتقدير عالموضوع والله حسيت نفسي بباريس وخاصة لما نزل المطر تمنيت اني كون ماشية بالشارع بدون مظلة والخاتمة كانت اكثر من رائعة ما بدي طول بالرد من كل قلبي مشكور

  46. الله يعطيك الف عافيه على الطرح المتميز اخوي ومن جد…. التصوير…. الاسلوب …. العرض …كل شي راقي والاهم من هذا كله …. هو عفويتك وحبك للناس و( المفرحات ) دايم بتكون معي بالتوفيق

  47. وربي تعجبني انت ورحلاتك حتى موضايعك صرت انتظرها لاعادمناك يالغلا وانشالله نشوفلك رحلات ثاني بس لاتنسى تاخذني معك اوكي احترامي الكبير لشخصيتك المريحه اخوك وليد الحربي

  48. ابداع × ابداع × ابداع تقديم ولا اروع وتعبير وتصوير جدا مذهل وجميل جدا جدا ازين شيء انك اضفت لها جو الفكاهه المرح والله مدري وش اقول !! المفروض باريس يعطونك ملايين على هذي الدعايه !! 🙂 الله يوفقك ويسعدك وترجع لاهلك بالسلامه ..,,

  49. ليش الاخيره نبي بعد بصراحه انتابدعت في سردك للموضوع واناناويه اروح باريس بس خلاص شفتها من عندك ومو لازم اروح لها (ايه هين تروحين ) 🙂

  50. mashkoor a5oy 3al emails o al pictures al 7lwah especiallythe chocolate pics with the cookies  allah y36eek al 3afyah

  51. ابدااااااااااااااااااع وربـــــــي ابداااااااااااااااااااااع شفت الفن بعيني .. الله يخليييك لاهلك .. ويعطيك العافيــه ^_^

  52. المايسترو ، تابعت تقريرك لرحلتك لباغي ، باريس التراث و الطبيعة .. قرأت حلقاتك ولم عالّق وتمنيت ان الرحلة طالت أكثر .. بانتظار رحلاتك القادمة وصورك الصادقة .. . . تحيتي

  53. عشقتك قبل ما اشوقك وشفتك صرت كلي حلم .. ياخي فقعت مخخخخي .. من جد .. تختار الاغاني الي انا احبها .. بالله عليك وش برجك .. المهم اخوي المايسترو .. من جد استمتعنا بالرحله وكان حنا معك .. اشكرك جزيل الشكر على الطرح الممتع .. والله بنشتاق لمواضيعك .. مالي دخل دبر نفسك نبي مواضيع ابي ايميلي يكون به مسج من المايسترو <<<<انهبلت البنت شاكرين لك ..

  54. أخي المايسترو رحلة موفقة بإذن الله الله يسعدك ياقلبي والله وأنا أطالع التقرير أقول ليتني معه هههه استفساري أخي وش نوع الكاميرا اللي تصور بها وهل أنت شريتها وصرت تصور فقط أم أنك تعلمت ودرست التصوير الفيتوغرافي ولك جزيل الشكر ك الرجاء عدم مقاطعتنا من رحلاتك الشيقة

  55. الف شكر أخوي وماقصرت وحابه أهنيك على ثقافتك العاليه وارتقاء الاسلوب عندك فعلا نحنا سافرنا معك بعقولنا واستمتعنا معك فى كل لحظه مريت بها وانشائلله المره الجايه نروح لها بالحقيقه والواقع << بالاحلام ههههههه مافيه على الله عسير ألف شكر أخوي وماقصرت وبنتظار رحله جديده الى تركيا بلد الاحلام وشكرا

  56. مادري وش اقولك بالضبط عن الشعور الي بداخلي بجد كانت تقاريرك رائعه وامكن الكل او الاغلب استغرب انك سافرت لوحدك بس انا شفتها هذي المتعه بحد ذاتها وانا الحين اتمنى اني اسافرهناك بس لحالي لاكن مايمنع السفره الي بعدها اخذاحد وياي وفعلا اتعلمت منك الكثيـــــــــــــــــــــر واحلى شي التنظيم وهذا الشي راح يكون انشاء الله اساس وعنوان لكل سفاراتي يعطيك الف عافيه وفعلا عيشتنا في جو ولا اروع بنتظار تقارير وسفرات جديده شكرا لك

  57. جزاك الله خيرعلى الوضوع الحلو ودي اشاورك عن السفراحنا عائله من سبعة اشخاص انا وزوزجي وبنتين كبار وثلاثه اطفال اصغر شي عمره ثمان سنوات مفكرين نروح لندن او باريس

  58. والله أستمتعت كثير من جد تخلي الواحد كأنه معاك في الرحلة كلك ذوق سواء كان في طرح الموضوع أو إختيار الصور حتى إختيار المظلة أتمنى دائما لك التوفيق في جميع رحلاتك وربي يوفقك

  59. الله الله الله ابداع وفن وذوق انا متابعك من اول حلقه الان اخر حلقه وفي الحلقه الاخيرة ابدعت تدري ما ودي انته حلقات باريس ابدي اعجابي في تقاريرك وطريقة اسلوبك حتى في رحلتك كنت رايق انا في انتظار كل ما تكتب في شبكة ابو نواف لك مني كل التقدير والاحترام اخوك مازن

  60. روووووووووعه صرآحه متابعه لك وبقوه بس تحطمت ليش خلصت الحلقات ههههه (: لاتحرمنا تقاريرك المميزه .. سلمت يمنآك أخوي .. لاعدمنـــــــــاك

  61. اولا:مرحباا اخووي المايستروو د ثانيا:بصراااحه من خلال سفرتك لباريس ولندن قسم بالله احس اني هنااك انت دخلتني جوو وصرت مااتاابع لك شي الا و الجواال اشييل بطريااته التلفزيووون ابعد عنه التلفوون افصل فيشه والانووار اصكرها ومافيه الانوور الشاشه والمفرحاات بيبسي على يميني والشوكلت ولييز الكبيرر على يسااري اول كنت اتمنى انى ارووح بااريس بس الحيين عشقتها واحس اني رحت لهاا ومع ذالك ابي ارووح لهاا ثالثاا: تقبل تعليقي

  62. انا من متابعين اجزاءك من الاول الى الاخر اتحفتنا بمعلوماتك عن هالمدينه وراح افقد اجزاءك اللي كل يوم عن يوم انتظرها ..والمفرحات اللي نبدا فيها..! والحلا اللي على اخر اجزاءك.. تـــسلم اناملك يالمايسترو..

  63. لقد أبدعت عزيزي المايسترو في أختيار الدول وفي التصوير وفي عرضها ….لدي سؤال: ماهو أفضل وقت لزيارة باريس شكرا جزيلا

  64. ماشاء الله عليك وعلى اسلوبك الاكثر من الرائع الصراحة امتعتنا واضحكتنا اضحك الله سنك وجعلتنا نحلق فوق سحب باريس بكاميراتك السحرية وسطرت كلمات كتبت بماء الذهب لا اقول الا سلمت اناملُ كتبت هذه الكلمات (الله الله في تقرير سويسرا معزم ان شاء الله عليها في الاجازة)

  65. من جد فرحه من قلب اشوى في حلقات ثانيه وكل رحله احلى من الثانيه ماشاء الله عشان مانحسدك:) سويسر ونااااااااااسه اهم شي نبي صوره تونس وتوصع الصدر اتشرط واجد والله هذا من حبي لتقريرك تقبل مروري فرح

  66. مررررره تجنن تقريراااتك كلهـــا ماشالله عليييييك عيشتني جوّ , حبييييييت التفااصيل حبييت الصوور و حبييييت المفرحااات أكثرر شي 😀 تسلم لنا و يعطيك العافيه و ننتظــر سويســرا بفارغ الصبر (Y) (F)

  67. المايستروا صرااحه الحلقه مررررره اعجبتني مثل ماعودتنا 🙂 يعطيك العاافيه والله استانست لما قلت انو فيه حلقات جديده ولا بعد عن سويسرا ونااسه احنا في انتظارك 🙂 تحياتي

  68. مــاشا الله تبارك الله اخوي ابدعـــــــــت ابدعت ابدعت>>>من قلب طالعه بجد الله يعطيك العافيه ماتتخيل كيف امتعتنا وفدتنا وسليتنا الله لايحرمنا منك بس لحظة الوداع صعبه بجد تعودنا عليك لازم تسافر هالاسبوع وتوافينا بشي جديد ولا تخاف السفره على حسابنا ياقروي ابو نواف:) الف شكرررررررررررررررلك اخوي واتمنى لك من القلب رحلات موفقه وسعيده:)

  69. الشكرك الشكر الجزيل لك الما يسترو اسعدتني الحلاقاتك التى كنت انتظرها بفارغ الصبر ولكن احزنتني الحلقه الاخيرة جدا الانه الاخيره وكن لكل بدايه نهايه كانت احدي امنياتي الذاهاب الى باريس ودزني لاند وانت حققت جزء من امنيتي وانا الان احتفظ بنسخه لي في مجلد الخاص التى تميزت بالتعليقات الرائعه والصور الجميله فلك الشكر الجزيل مع تمنيات لك بدوام الصحة والعافيه

  70. المايسترو مدري وش اقول بس تبي الجد ضاق صدري يوم صارت اخر حلقه حسيت اني عشت معاك لحظه بلحظه حسيتك مسلسل اتابعه زي سنوات الضياع <<<فكينا من التشبيهات هع لاجد ماكان ودي تنتهي رحلتك اسعدتنا وامتعتنا وسفرتنا وحنا جالسين بمكانا الله يوفقك بحياتك وبانتظار سفرياتك واكيد بصير لمواضيعك السياحيه وحشه ياوحش <<ماتعرف تعبر لا جد الله يهنيك ويوفقك

  71. انتا الوحيد اللي المفروض يسافر هههههههه لانك الوحيد اللي تعرف كيف تعيش اللحظه وتسمتع بكل شي..حتى اضائات الغرفه مستمع فيها ههههههههههههههه بس احلى شي الساعه 8 الا سبعه دقايق ههههههه اثرنو في ناس زيي تدقق في كل دقيقه! بس والله تنفع دي الدقيقتين صح! الله والله فله احس اني كني انا المسافره لانك توصف بالوصف الدقيق لكل شي بس رجاء لاتقعد توصف وصف دقيق للحلى اخر شي كمان لا يجيلك شي مايسرك>>جيعانه

  72. أخوي كل الشكر لك رحله أكثر من رائعه وكأن من سافر نحن.. أسلوب رائع تصوير مميز .. أحتفظ بصور باريس من أوخر الثمنينات أوائل التسعينات عنما كانت أسرتي تعيش هنا فمازلت هي باريس مدينة الجمال مع بعض التغيرات والتطورات أنا لم أعش فيها وكنت أتوق لرؤيتها في الوقت الحاضر فأبحرت من خلال رحلتك ولقد أسعدني ذالك كثيراً . أتمنى لك التوفيق.

  73. ابدعت ثم ابدعت التصوير فنان التعليقات جذابه خاتمتك واهـ من خاتمتك كل مااطلعت على تقاريرك احس بحنين غريب

  74. مشكوووور المايسترو تقارير أكثر من رائعه وأسلوب مميز ومشوق ابداع في الطرح ونقل المعلومه ، عشت معك أجواء باريس وشوارعها وأماكنها الجميله تمنيت أزورها >>>> وللعلم حلمي أزور ايطاليا كنت اقرى الحلقه واتشوق للحلقه الثانيه ، وقرأت الحلقه الأخيره بحزن شديد لعلمي أنها الأخيره كنت اقرى سطر سطر وماأبيها تخلص راح نفقدك وااااااااايد ويعطيييك الله ألف ألف ألف عافيه

  75. الله يعطييييييك العافيه والله والله ابداااااااااااااااااااااااااااااع والله الصراحه من جد كل حلقه تقوووول الزيين عندي والتعليقات الروعه كل شي في تقريرك حلوووو..ز وننتظر جديدك بفارغ الصبر … والحمد لله على السلامه ولو انها متاخرررررررررررره ههههههه… شكــــــــــــــــــــــــــــــــــراً من القلب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى