رسائل المجموعة

الهجرة إلى فايرفوكس ..


السلامــ.. عليكمــ ..ورحمة الله.. وبركاتهـ..

لا يخفى على معظمنا انه معاد احد يستخدم متصفح انترنت اكسبلورر لسبب بسيط …..الا وهو لدلاختــ هذا المتصفح… 🙂 ..
و الا بالله عليكم فيه احد يحط متصفح ما يحط فيه مدير تحميل
وان معظم الناس (التكنولوجي) حولوا على فايرفوكس والا اوبرا..

ولوجود أسئلة وردتني عن متصفح فايرفوكس وكيفية نقل البيانات كاااااملة (من مفضلة وثيمات واضافات أو (اد اونز) وكوكيز وتاريخ التصفح ) يعني كلشي ….
قررت أشرح طريقة الهجرة الى متصفح فايرفوكس آخر أحدث أو متصفح آخر على جهاز آخر أو أي متصفح فايرفوكس اصدار متنقل (بورتابل)…… بمعنى آخر نقل البروفايل كاااامل.
طبعا هذه الطريقة تصلح أيضا للمزامنة بين جهازين فيهم كلهم فايرفوكس…

رح أوريكم كيفية الطريقة خطوة بخطوة بس ركزوا معي تكفون .. مابي يصير مثل ماصار بالرسالة اللي قبله شوفوا بالله الصورة:

قسم بالله تحطيييييم هالحين جالس اشرح من الصبح وآخر شي تقول اشرح بالعربي ….تدرون عقب هالرد بغيت استقيل من القروب
لكن اشوا تعوذت بالله وقلت نرسل هالموضوع ….

يالله عموما زين اللي جانا رد….على الأقل ازين من اللي يدخلون ويسبونكــ …

المهم نشرح بسم الله :
اول شي تحمل اضافة بسيطة وحلوة جدا جدا … اسمه..
FEBE

· ملف الاضافة بصيغة .. xpi
هنا
 · فك الضغط عن الملف ورح يطلع لك الاضافة….
· ولمعرفة كيفية تركيبها امامك خيارين…
1- اتبع التعليمات التالية:
افتح متصفح فايرفوكس
اضغط على ملف اعلى المتصفح
عند فتح القائمة المنسدلة اضغط على افتح ملفات او اضغط اختصار Ctrl + O
حدد مكان الاضافة المحملة مثلا نفرض انك وضعتها في ملف تحميلات نتجه لتحميلات وسوف نجد الملف بصيغة xpi
نضغط عليه ونضغط على تثبيت لكي يتثبت كإضافة في فايرفوكس.
نعيد تشغيل فاير فوكس .

2- الطريقة الثانية:
تفتح الفايرفوكس وتذهب لرابط الاضافة مباشرة.
هنا

تضغط على إضافة لفايرفوكس أو Add to Firefox
تعيد تشغيل فايرفوكس وتصير هذه الإضافة خلاص مركبة عندك..


كيفية الإستخدام:
قبل كل شي لابد نحدد المكان اللي رح ينحفظ فيه الملف اللي يتصدر اتبع الصورة التالية:

ثم بعد ذلك نحدد المكان عبر لسان Directory يعني بعد مانصدر الاعدادات كاملة رح تجي للمكان اللي نحدده هنا..
أنا اخترت سطح المكتب عشان اسهل لي اخذه لاي مكان انا ابغاه…

ثم بعد ذلك نضبط الإعدادت كما يلي: سو نفس اللي أنا مسويه عشان يسوي نسخة من كل شي..

ثم نضغط موافق ونسكر المتصفح ونفتحه من جديد عشان عملية (الباكب) او اخذ النسخة الاحتياطية لكل شي حتى الاعدادت…
كما في الصورة التالية:

بالأخير رح يطلع لي على سطح المكتب.. ملفات 3 حسب ضبط الإعدادت عندي..
ملاحظة: ( ممكن يطلع لك 2 بس أو واحد مهي مشكلة لان كل واحد له وظيفة معينة ورح اتكلم عن كل ملف )

انظر للصورة:

الملف الأول FEBE : هذا ملف (الاد اون) اللي حنا مركبينه عشان لو ابي استرجع ملف النسخة الاحتياطية لاي برنامج فايرفوكس لازم اركب هذي اول..
الملف الثالث Result : هذا ملف يعرض لك النتيجة هل النسخة عملت بنجاح و الا لا…
الملف الثاني Profile :هذا أهم واحد لازم يطلع وهو اللي رح تسترجع منه النسخة كاملة للمتصفح…


طريقة الإستعادة سهلة جدا :
نفتح المتصفح الجديد اللي رح ننقل له كل ملفاتنا…
نضيف ادو اون FEBE لو ما كانت موجودة بنفس الطريقة المشروحة سابقا…
نطبق كما في الصورة …..

ونحدد الملف اللي خرج لنا بعد ماسوينا الباكب اللي هو رقم 2Profile الموجود عندي مثلا على سطح المكتب زي ما حددت انا من قبل…
وتخليه يسترجع كل شي انتظر قليلا…
وخلاص تعيد تشغيل المتصفح وخلصنا…


هذا والله اعلم….
وصلى الله على نبينا محمد وعلى آله وصحبه أجمعين…
نكرر الرجاء عدم (النسخ واللصق) بالمنتديات …إلا مع ذكر حقوق التأليف والشرح…
وأي استفسار أنا حاضر…

مقالات ذات صلة

‫24 تعليقات

  1. الصراحة موضوع حلو مع انك ماجبت طاري متصفحي الرهيب المرة الجاية تحط له دعاية مجانية:$

  2. من جد الفايرفوكس رهيييب سرعة وسهولة وحتى التحميل فيه يبرد القلب والصفحات ماتطير حتى لو تقفل بالغلط جزاك الله خير على الإضافات أخي سؤال في طريقة تخليني أنقل مفضلتي من الاكسبلور على الفايرفوكس ؟ وإذا حذفت الاكسبلور لا مشكلة ؟ وشكراً

  3. شكراً على الطرح الرائع .. برغم أني سويت كل شي ورفض في النهاية 🙁 .. لكن برضوا شكراً ..

  4. والله ما فهمت شي عن البرنامج فهمني بس بالعربي!! لووووووووووووووووووول امزح .. الله يعطيك العاااافيه ما قصرت .. كفيت ووفيت 🙂

  5. أول شي مشكوووووور كثير خيو.. بس أحب أفيدكم إن في متصفح إسمه Avant Browser رائع رائع وأعتبرهـ الأفضل الآن، تقدر تجربه وتحكم..

  6. أخي ممكن أـفهم شغله وحده ..؟ الان المتصفح عندي واليوم ركبته لكن الملف الي أسمه FEBE أو نقدر نقول هذا بمثابة سكيربت ..! أيــش فــايدتـه بالظــبـط .؟ ما أقصد احطمك او ازعلك لكن انت ماشرحة وظيفة هذا الملف ..! انت كتبت ملاحضات عنه لكن مافهمتها يالغـلآ .! رجاء لا أكثر انك توضح لنا فايدة الملف وشششكـرا

  7. انا حملت الفايروفكس او بالاصح اخويه الكبير حمله بس انحذف برنامج الجافا الشات لو تقدر تساعدني او ماتقدر مشكوووور

  8. :D:D:D:D مشكوووووووور جدا صراحة انا صار لي تقريبا سنة من هاجرت الى فايرفوكس وصرت انصح فيه كل الشباب مشكووور اجين

  9. عبجتني فكرة ( فهمني بس بالعربي ) طيب فهمني كمان بس بالطلياني …. وش الفايدة بالنهاية لما أسوي كل الزحمة اللي قلتها ….. فيه طرق أسهل وأخف وبدون زحمة إضافة حلوة منك حول متصفحي الأول ( فاير فوكس ) شكرا في النهاية

  10. أخوي سامي هذي هي مشكلة الفايرفوكس .. إنه ما يدعم الجافا شات .. ويمكن ما تكون مشكلة ربما فقط لمجرد الحماية والأمان أثناء التصفح ..

  11. وانا بعد اشجع الهجرة للفايرفوكس جونااااااان هالفاير ربي يعطيك الف عافية اخوي فيصل على شرحك الرائع والمميز خلينا نشوف رسائلك دائما ….

  12. معاااااااااااااااك يالأكسبلورر للآآخر الفايرفوكس متصفح غبي .. مع أحترامي لك :~

  13. اذا بتنقل مفضلتك من الاكسبلور الى فايرفوكس عن طريق الفايرفوكس من ملف كلمة استورد بيطلع لك مرشد الاستيراد اضغط التالى ثم اختار اللى تبيى تنقلة من الاكسبلورر الى الفايرفوكس بالنسبة لحذف الاكسبلور عاادي مافية اي مشكلة ابداااا مثلة مثل اي برنامج تحذفة في جهاازك وشااكر لك اخوووي على الموضووووع الرائع واسف على التطفل

  14. بصراحة مجهود رائع منك بس شرحك ما ادري وش يبي واعذر الاخت الي قالت اشرح بالعربي الى الان ما ني عارف ايش فايده البرنامج هذا

  15. عندنا مثل يقول خلك على مجنونك لا يجيك اللي اجن منه تقبل تحياتي ويعطيك العافيه على جهدك

  16. بصراحه شرح ولا أجمل وفادني جداً ومن يجرب الفايرفوكس مستحيل يقدر يتصفح النت بدوووونه مع احترامي لكل من يسب الفايرفوكس اقول لهم ماعندكم سالفه:D

  17. انا استخدم اكسبلور السادس ..ولكن في منتدى وحيداذا دخلته يعلق اكسبلور ويعلق التصفح ؟! B ..سئلت مدير المنتدى المشهور كان رده اني استخدم متصفح Avant Browser اذا دخلت منتدانا وبا لفعل كان متصفح رائع ولا يعلق وهذا المتصفح لايعكس الارقام او يقلبها الى انجليزية ؟! او (يقلب في التصفح ) … الموقع http://www.avantbrowser.com/download.html انت على كيفك اختر اي رابط من واحد من الثلاث وحمل ( معطيك ثلاث روابط تحميل حتى تختار ما يناسبك منهم )

  18. البرنامجين يكملون بعض في اشياء موجوده بإكسبلوريل مهي بفير فوكس والعكس ترى مولازم تتعصب متصفح واحد سوي الي يريحك وخذ الحلو من كل واحد واترك العيوووووب

  19. أناحملت البرنامج ولا فتح..ماادري امكن لأن جهازي نظام فيزتا ولا ماله دخل………والله خساره متحمسه قاعده أشوف الشرح واحفظه في الأخير ماانفتحت عندي… الله يجزاك خير…والله ماشاء شرحك أكثر من رائع ومفهوم

  20. مع تقديري لشخطك الكريم يظل الإكسبلولر هو سيد الساحة والبقية تتبعه تقبل مروري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى