الانتخابات البلدية .. رشحني ولا ؟؟

مسيكم الله بالخير قروب أبو نواف جميعا

ما اخفي عليكم صراحة

الأيام الي فاتت للي عايش في الرياض

فهي أيام عصيبة علية والله يعينة و يعينا ويعين عيالنا

والسبب الأنتخابات البلدية

قسم بالله يالربع اننا ما نعاد نقوى نطلع بأهلنا للسوق

عيالنا منول متعودين على دعايات بطاطس وتويز آر اص

وسن توب وبيبسي وكوكا كولا وانت جاي

الحين قسم بالله ما عاد فية الا صور هالشوارب متعديات اللوحات

روعو عيانا قسم بالله

مغير يفزفزون توالي هالليول

من مناظرا يشوفونها في الشوارع

صورن تروع يارب لك الشكر

بس ما يخالف كله فداء للوطن ولتحيا الديمقراطية

ما ودي أطول عليكم أخليكم مع كاريكاتير صغير

على هالموضوع

.

.

الحملات الدعائية للإنتخابات البلدية في الرياض

.

.

.

.

.

.

مع الإعتذار الشديد للمرشح صاحب الصورة

واقوله انت املح واحد بين المرشحين

ولو انك دب

وقسم بالله اني اشوفك أكثر من أهلي

كلش ولا مرشحين دائرة النسيم

قسم بالله اذا دخلت النسيم تقول مهيب اعلانات مرشحين

الا تقول اعلانات عن مجرمين هاربين من العدالة

تحياتي للجميع

والعذر والسموحة

وأخيرا

واتحداكم تدرون كم مرة قلت قسم بالله في الموضوع

الي يعرف يراسلنها على الإس ام إس او بيجر رقم 112345678

أخوكم

ابـــو محمد

سوالف القايلة