رسائل المجموعة

إحساس الضـوء ( 10 )‎

كل عام والجميع بخير
يسعدني العودة من جديد ومع إحساس الضوء
واحب بداية أن اشكرجزيل الشكر كل من ابدى اهتمامه وتعليقه
فكم اعتز برأيكم وملاحظاتكم

..
كل عام وانت حبيبي
..
/
..
أحط قلبي بين يدينك هديه
وأقول لك .. كل عـام وأنت حبيبي
الله لا يغيـر عليك وعليـا
ياجعـل قلبك دوم حظـي ونصيبي
قلبـي خذيته .. لكن إنه شويه
تستـاهل أكثر يادواي وطبيبي
أمـوت فيك وأدري تموت أنت فيـا
محال ضنك في هوانـا يخيبـي
يحفظـك ربي طول الأيـام ليـا
تبقـى حبيبي من عيـوني قريبـي
ليـت السنيـن تكـون مثلك وفيـه
ولا تـاخذك مني وعنـي تغيبـي
شعر .. واحد
..
/
..
شــ خــبــارك
..
/
..
وين انت وشخبارك
يا مغرب عن ديارك
انا كل يوم اكحل ناظري بدارك
اتمشى تحت هالسور اناظر بيتك المهجور
وينك يا فنر هالبيت وينك
بعدك انطفى العالم
ما بقى بالشوارع نور
وين انت

حبيبي .. حبيبي اذكرك بالخير
واشوفك روضي الأخضر واشمك ريحة النوير
ذبل هالورد بعد ما فارق الساقي من يرويه
تعال ارجع اذا بعمري بقى باقي بشوفك فيه
وينك يا فنر هالبيت وينك
بعدك انطفى العالم
ما بقى بالشوارع نور
وين انت

انتهى العام وابتدى العام الجديد
وانت ناسينا اكيد
الله ما كنه في هالدنيا ورق ولا بريد
وانت بعيد تاحش السكه وانا فيها الوحيد
واللي بقى باب الحديد
وينك يا فنر هالبيت وينك
بعدك انطفى العالم
ما بقى بالشوارع نور
وين انت

عبداللطيف البناي
..
/
..
هات حضنك
..
/
..
هات حضنك هات حزنك
هات لي كل ضمة ضيعها حنانك
خذ دموعي خذ ضلوعي
خذ حياتي اللي أداريها عشانك
تشهد اللهفة علية والحنين
ما هدا قلبي ولا نامت لي عيـن

إنت حلمي حلم حلمي
واللي ذلتني الليالي لأجل أطوله
وإنت يومي ويوم يومي
واللي دوخ عمري من لحظة وصوله
من فراغ الدنيا اهرب وأنزل لنارك وأجيك
وأنسى جنة فرحي وأجري للعنا مابين إيديك

هات أول دمعة يبكيها محب
هات أول وردة نامت بالكتب
هات كل شي عاندك وأتعب شعورك
ذكرياتك إنفعالاتك غرورك
هــات حضـنك

د . نشوى الجرار
..
/
..
الفرحة السجينة
..
/
..
ناشدتني ..
ليه عمري ليل
وأيامي حزينة ؟!
وسألتني ..
لى متى الغربة
تسافر بالسفينة ؟!
لى متى ..؟ واقول مدري
تشهق الآهه في صدري
بالحزن ترحل قوافل
كل يوم لي عايش ما غير اجامل
والألم ظلي ..

آه .. آه يالفرحة السجينة
حلمي اللي ضاع وينه !!
آه يا نار المحبة وقدي
والمحب الله يعينه

لو تقولي
يا نجوم الغارقة بالنور
وش ترين بحالة اللي
يالشقا مأسور
لا صباح يبتسم والقاه
وارحل في طريقه
كل ما حولي وهم .. ويلاه
يا ظلم الحقيقة

في مواويل التمني
كل ما عانيت أغني
والوله في داخلي ..

آه .. آه يالفرحة السجينة
حلمي اللي ضاع وينه !!
آه يا نار المحبة وقدي
والمحب الله يعينه

يا قصيدي ..
وش عليك ان كثرت الأحزان ..
الحبر مثل القلم مثل الهوى حرمان ..
الحبيب اللي نبي ..
مشغول عنا في هوانا
كلمتي لمعذبي ..
اقول ليته لو نسانا ..
منه ذقت الضيم واجد
لا يصد ولا يواعد ..
ولا يخليني خلي ..

آه .. آه يالفرحة السجينة
حلمي اللي ضاع وينه !!
آه يا نار المحبة وقدي
والمحب الله يعينه …

أسير الشوق
..
/
..
مثل عصفور
..
/
..
ادور براحة يدينك
وجنحاني يبللهم مطر قربك شقاء وحيرة
وتعرف مجنون وأنا مسجون في يدينك
اطير وموطني عينك
مع اني وانا فيها
اموت من الحزن مقهور

مثل عصفور ..
رضيت أقبل
وانا اللي كنت ما اقبل
تحت ظل الألم أحيا مع مين كان
ولكن ما ادري وش اللي صار
وخلاني اوافق تنسجن روحي وتسكن في جسد ثاني
وليه هالوضع أنا اقبل
وانا كلي الم مكسور

مثل عصفور ..
غريبة حالتي هذي واغرب منها قلبي يحبك
وانت سجاني
عجز ينطق بكلمة آآآه
رغم ان الألم والآآآه دواهم صرخة احزانه
شو اسمي حالتي وأياك
اسميها ما اقدر اسميها
ولكن كل من شافو وش اللي صابيني
خافو وقالو هالولد مسحور ..
مثل عصفور ..

علي عسيري
..
/
..
توكــ تجي
..
/
..
ما جـيـتـني .. الا بالعـين عــبـره
ما قلت لك لي ضاق وقتـك تجيني
جرب عذاب الجرح وشلون صبره
حتى تحس.. بقسوة الجرح فيني
توك عرفت الوقت وشلون غـدره
توك تجـي تشكي وترجي حنيني
عرفت قـدري .. يوم الأيام غـبـره
كابرت .. حتى طحت قدام عيني
ما جاك من سـيل الندم كود قطره
خذيت حقي منك .. و وفيت ديني
أبيك.. لى من طرى تموت حسره
على زمــان فـات .. بينـك وبيني
خطاك واضح.. لو تصنعت عذره
مالك عذر من ضعت اغلى سنيني
ما دام طاح الحب .. وانهز قـدره
خلك مع أوجاعك .. ولا ترتجيني

بنت العطا
..
/
..
إبراهيم التميمي

مقالات ذات صلة

‫16 تعليقات

  1. حلوة كتير بصراحة وحسيت انعا بتخاطب الشعور المكبوت جواتي واخخخخخخخخخخخخخخخخخخخخخخخخخخخخ بجد في ناس مابستاهلو حبنا

  2. انا بكل صدق اتمنى لك التوفيق والاستمرار بهالجهد المبذول مع التميز الدائم في مواضيعك الشيقه اختك شموخ انثى

  3. ادوختني كل ماانسجمت مع موضوع جاء الموضوع الى بعده احلا اشكرك بعنف واتشرف برد عليك

  4. يعطيك العافيه على الذوق الجميل واتمنى لك التوفيق وننتظر جديدك

  5. أهنيك أخوي أبراهيم على إختيارك للكليمات وتناسق الصوره معها .. وإذا دل على شي فهو على ذوقك الراقي .,. دمت مبدع

  6. السلام اخوي ابراهيم ،، بصراحه طرحك هذا قمة الرووعه ،، وانا من المعجبين ب( احساس ضوء) والمتابعين لها ،، الكلماات جدا مؤثره والصور تكمل الباقي ،، شكرا

  7. مرحبا اخوي ماشاء الله عليك مبدع في التصوير بغيت اسالك عن اسم او رقم الكيمره اللي تستخدمها شكرا

  8. يعطيك العافية الصور روعة وحسيتهالمسة شي بداخلي وعطتني شعورانه ودي اجلس معاااااااااااااااااااك اعرف اللي بداخلك مواكثر تسلم على احساسك الراقي وبنتظر مزيدك

  9. اولا كل عام وانتو بالف خير للجميع سنة سعادة وفرح ورضى من رب العباد بإذن الله ثانيااسفة على تأخيري على الرد بس لظروووف ثالثاً اهنيك اخوي ابراهيم من كل قلبي وبجد الله يعطيك العافية ماشاء الله عليك ابدعت وان شاء الله دوووووووووم مو يوووووم ….. وتحيااااااااتي

  10. اخي ابراهيم اهنئك ع هذا الجهد الرااااااااااااائع وابداع فوق ابداع اتمنى لك التوفيق وان تواصل مشوارك بتأليف كتاب يضم كل ذلك الجهود الذي سيشهد لها التاريخ و تخدم الجيل القادم وشكرا ….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى