رسائل المجموعة

أجل الشرطه يا سوالف القايله

أجل الشرطه يا سوالف القايله
خلني أقولكم سالفه على الطاير


أيام الثانوي طلعنا من المدرسه وركبت مع
سلام (أحد أعضاء القروب الداجين ) قعدنا ندور على
المدرسه ندور هواوي عشان ناخذه ونروح لبيوتنا … وفجأة طلع سلام على الشارع العام ومشى
لين وصل الإشارة وكان واقف عند الإشارة دوريه كبر قريح وواقف عندها عسكري لابس نظارة
شمسيه يقلد اورنلد … انا كنت أتلفت وأتفرج على هالخضره وهالأجواء اللي ماشاء الله تشرح الصدر
ما نقصنا الا نشوف لنا حل مع رذاذ الجو وعبير الزهور .. المهم أخونا في الله ما وقف عند الإشارة
مشى وسوا ريتيرن (خذ لفه من عند الإشاره دييور ) والا شارة حمراء ودعس عشان يطلع صوت الكفرات
ههههههههههههه   حركتات من أول .. أحلى مافي هالحركه أن راسك يروح يمين همين يعود يسار ويصقع في دريشة السيارة … ألتفت أناظر ورا .. بشوف الشرطه
 .. لقيت العسكري شغل السفتي واللمبات قامت تلعب … وسلام يسألني يقول وشفيك .. وانا أطالع بشوف الشرطه بتلف وتلحقنا والا بتروح لمكان ثاني … وسلام يسألني
يقول وشفيك تطالع ورا ؟ فيه شيئ ؟ انا قلت له هاه ! ! كنت مركز والله بشوف هو بيلحقنا والا لا
يوم كبس لنا بالأنوار قلت سلام الظاهر أن الشرطه يبونك … سلام انصدم وقال وش شرطته
قلت له انت قطعت الاشاره قدام الشرطه …. رفع راسه يطالع المرايه لقى الشرطه ملحمين في سيارته
وبالمكرفون يقولون وقف على جنب ياراعي الكابرس … سلام ألتفت علي (والله ما أنسى وجهه) متنرفز
بيموت من القهر .. يقول وراك ما علمتني من أول
عشان أنحاش   قبل لا يلفون ورانا .. قلت له ما دريت انهم بيمسكونا ياخي … قال انت وخشتك قاعد تناظرهم وهم يركبون السياره وهم يحركون ويلفون
ويدعسون ورانا وأسألك وشفيك ؟ وش تناظر ؟ وتقول لي هاه ..
ويصقع حلف… والله ما يسدد القسيمه الا انت
اذكر اننا تقاطينا انا وياه وهواوي (لأنه هو السبب .. كان في البقاله يشتري ايسكريم ) وسددناها


بسرعه مع الشرطه
قصة سوالف القايله يوم قال طلع ابوسعد ومالقى السيارة عند الباب .. ذكرتني بسيارتي يوم تنسرق العام
رحت ولفيت وتفاجأت بشرطتنا وبرودها وبرود إجراءاتها .. وفي نفس الليله طلعت من صلاة الفجر وناسي
مفتاح البيت وكان مطر .. يوم جيت أنط على بيتنا مسكوني الشرطه وانا فوق الجدار ! !
قلت لهم امس سيارتي مسروقه ما مسكتو الحرامي واليوم مسوين لي فيها أبطال النينجا وانا راعي البيت يالسلق


اخر حدث مع الشرطه
اليوم الأربعاء قمت الصبح متأخر على الدوام … وانا في الطريق بنشر علي الكفر .. ألتفت يمين وألتفت
يسار ما فيه امل احد يوقف لك في الدايري .. فصخت الشماغ والثوب (والسروال  ) وأول ما فتحت شطنة
السيارة عشان اخذ الاستبنه … وقفت الشرطه ! ! تدرون وش قالو ؟؟؟
^
^

وش عندك هنيا
قلت ابد … أبيع جح
اول مره اشوف شرطي يستحي ويفهمها على طول .. قال تبي مساعده تبي خدمه  ..1
قلت له تسلم الله يخليك ما تقصر خلصت ما بقى الا أفك الكفر وأركب الاستبنه وأخلص
قال المهم اذا بغيت شيئ والا اااش حنا بنرجع بعد نص ساعه .. قلت له خير انشاء الله
ما تقصرون والشرطه في خدمة الشعب
النكته يوم اتصلت على الدوام وقلت للبق بوس .. معليش الكفر مبنشر قال هههاي قديمه ألعب غيرها ياولد …
 قلت والله العضيم هالمره صدق


تيكيرووو

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى